Skanda Purāṇa (part) 1

नमः परमदेवाय त्रैगुण्याविजितात्मने । सर्वतो योगरूपाय संसाराभावहेतवे

namaḥ paramadevāya traiguṇyāvijitātmane / sarvato yogarūpāya saṃsārābhāvahetave

Sanskrit only: no published translation is held for this verse.

स्थितिसंरोधसर्गाणां हेतवे ऽन्तःप्रसारिणे । षड्विंशाय प्रधानाय महादेवाय धीमते

sthitisaṃrodhasargāṇāṃ hetave 'ntaḥprasāriṇe / ṣaḍviṃśāya pradhānāya mahādevāya dhīmate

Sanskrit only: no published translation is held for this verse.

प्रजापतेर्महाक्षेत्रे गङ्गाकालिन्दिसंगमे । प्रयागे परमे पुण्ये ब्रह्मणो लोकवर्त्मनि

prajāpatermahākṣetre gaṅgākālindisaṃgame / prayāge parame puṇye brahmaṇo lokavartmani

Sanskrit only: no published translation is held for this verse.

मुनयः संशितात्मानस् तपसा क्षीणकल्मषाः । तीर्थसंप्लवनार्थाय पौर्णमास्यां कृताह्निकाः

munayaḥ saṃśitātmānas tapasā kṣīṇakalmaṣāḥ / tīrthasaṃplavanārthāya paurṇamāsyāṃ kṛtāhnikāḥ

Sanskrit only: no published translation is held for this verse.

पौराणिकमपश्यन्त सूतं सत्यपरायणम् । स्नात्वा तस्मिन्महातीर्थे प्रणामार्थमुपागतम्

paurāṇikamapaśyanta sūtaṃ satyaparāyaṇam / snātvā tasminmahātīrthe praṇāmārthamupāgatam

Sanskrit only: no published translation is held for this verse.

दृष्ट्वा ते सूतमायान्तम् ऋषयो हृष्टमानसाः । आशास्यासनसंवेशं तद्योग्यं समकल्पयन्

dṛṣṭvā te sūtamāyāntam ṛṣayo hṛṣṭamānasāḥ / āśāsyāsanasaṃveśaṃ tadyogyaṃ samakalpayan

Sanskrit only: no published translation is held for this verse.

स प्रणम्य च तान्सर्वान् सूतस्तान्मुनिपुंगवान् । प्रदत्तमासनं भेजे सर्वधर्मसमन्वितः

sa praṇamya ca tānsarvān sūtastānmunipuṃgavān / pradattamāsanaṃ bheje sarvadharmasamanvitaḥ

Sanskrit only: no published translation is held for this verse.

तमासीनमपृच्छन्त मुनयस्तपसैधिताः । ब्रह्मसत्त्रे पुरा साधो नैमिशारण्यवासिनाम्

tamāsīnamapṛcchanta munayastapasaidhitāḥ / brahmasattre purā sādho naimiśāraṇyavāsinām

Sanskrit only: no published translation is held for this verse.

कथितं भारताख्यानं पुराणं च परं त्वया । तेन नः प्रतिभासि त्वं साक्षात्सत्यवतीसुतः

kathitaṃ bhāratākhyānaṃ purāṇaṃ ca paraṃ tvayā / tena naḥ pratibhāsi tvaṃ sākṣātsatyavatīsutaḥ

Sanskrit only: no published translation is held for this verse.

सर्वागमपरार्थज्ञः सत्यधर्मपरायणः । द्विजपूजारतो नित्यं तेन पृच्छां त्वमर्हसि

sarvāgamaparārthajñaḥ satyadharmaparāyaṇaḥ / dvijapūjārato nityaṃ tena pṛcchāṃ tvamarhasi

Sanskrit only: no published translation is held for this verse.

भारताख्यानसदृशं पुराणाद्यद्विशिष्यते । तत्त्वा पृच्छाम वै जन्म कार्त्तिकेयस्य धीमतः

bhāratākhyānasadṛśaṃ purāṇādyadviśiṣyate / tattvā pṛcchāma vai janma kārttikeyasya dhīmataḥ

Sanskrit only: no published translation is held for this verse.

इमे हि मुनयः सर्वे त्वदुपास्तिपरायणाः । स्कन्दसंभवशुश्रूषा- संजातौत्सुक्यमानसाः

ime hi munayaḥ sarve tvadupāstiparāyaṇāḥ / skandasaṃbhavaśuśrūṣā- saṃjātautsukyamānasāḥ

Sanskrit only: no published translation is held for this verse.

एवमुक्तस्तदा सूतः संसिद्धैर्मुनिपुंगवैः । प्रोवाचेदं मुनीन्सर्वान् वचो भूतार्थवाचकम्

evamuktastadā sūtaḥ saṃsiddhairmunipuṃgavaiḥ / provācedaṃ munīnsarvān vaco bhūtārthavācakam

Sanskrit only: no published translation is held for this verse.

शृणुध्वं मुनयः सर्वे कार्त्तिकेयस्य सम्भवम् । ब्रह्मण्यत्वं समाहात्म्यं वीर्यं च त्रिदशाधिकम्

śṛṇudhvaṃ munayaḥ sarve kārttikeyasya sambhavam / brahmaṇyatvaṃ samāhātmyaṃ vīryaṃ ca tridaśādhikam

Sanskrit only: no published translation is held for this verse.

मुमुक्षया परं स्थानं याते शुकमहात्मनि । सुतशोकाभिसंतप्तो व्यासस्त्र्यम्बकमैक्षत

mumukṣayā paraṃ sthānaṃ yāte śukamahātmani / sutaśokābhisaṃtapto vyāsastryambakamaikṣata

Sanskrit only: no published translation is held for this verse.

दृष्ट्वैव स महेशानं व्यासो ऽभूद्विगतव्यथः । विचरन्स तदा लोकान् मुनिः सत्यवतीसुतः

dṛṣṭvaiva sa maheśānaṃ vyāso 'bhūdvigatavyathaḥ / vicaransa tadā lokān muniḥ satyavatīsutaḥ

Sanskrit only: no published translation is held for this verse.

मेरुशृङ्गे ऽथ ददृशे ब्रह्मणः सुतमग्रजम् । सनत्कुमारं वरदं योगैश्वर्यसमन्वितम्

meruśṛṅge 'tha dadṛśe brahmaṇaḥ sutamagrajam / sanatkumāraṃ varadaṃ yogaiśvaryasamanvitam

Sanskrit only: no published translation is held for this verse.

विमाने रविसंकाशे तिष्ठन्तमनलप्रभम् । मुनिभिर्योगसंसिद्धैस् तपोयुक्तैर्महात्मभिः

vimāne ravisaṃkāśe tiṣṭhantamanalaprabham / munibhiryogasaṃsiddhais tapoyuktairmahātmabhiḥ

Sanskrit only: no published translation is held for this verse.

वेदवेदाङ्गतत्त्वज्ञैः सर्वधर्मागमान्वितैः । सकलावाप्तविद्यैस्तु चतुर्वक्त्रमिवावृतम्

vedavedāṅgatattvajñaiḥ sarvadharmāgamānvitaiḥ / sakalāvāptavidyaistu caturvaktramivāvṛtam

Sanskrit only: no published translation is held for this verse.

दृष्ट्वा तं सुमहात्मानं व्यासो मुनिमथास्थितम् । ववन्दे परया भक्त्या साक्षादिव पितामहम्

dṛṣṭvā taṃ sumahātmānaṃ vyāso munimathāsthitam / vavande parayā bhaktyā sākṣādiva pitāmaham

Sanskrit only: no published translation is held for this verse.

ब्रह्मसूनुरथ व्यासं समायातं महौजसम् । परिष्वज्य परं प्रेम्णा प्रोवाच वचनं शुभम्

brahmasūnuratha vyāsaṃ samāyātaṃ mahaujasam / pariṣvajya paraṃ premṇā provāca vacanaṃ śubham

Sanskrit only: no published translation is held for this verse.

दिष्ट्या त्वमसि धर्मज्ञ प्रसादात्पारमेश्वरात् । अपेतशोकः सम्प्राप्तः पृच्छस्व प्रवदाम्यहम्

diṣṭyā tvamasi dharmajña prasādātpārameśvarāt / apetaśokaḥ samprāptaḥ pṛcchasva pravadāmyaham

Sanskrit only: no published translation is held for this verse.

श्रुत्वाथ वचनं सूनोर् ब्रह्मणो मुनिपुंगवः । इदमाह वचो विप्राश् चिरं यद्धृदये स्थितम्

śrutvātha vacanaṃ sūnor brahmaṇo munipuṃgavaḥ / idamāha vaco viprāś ciraṃ yaddhṛdaye sthitam

Sanskrit only: no published translation is held for this verse.

कुमारस्य कथं जन्म कार्त्तिकेयस्य धीमतः । किंनिमित्तं कुतो वास्य इच्छाम्येतद्धि वेदितुम्

kumārasya kathaṃ janma kārttikeyasya dhīmataḥ / kiṃnimittaṃ kuto vāsya icchāmyetaddhi veditum

Sanskrit only: no published translation is held for this verse.

कथं रुद्रसुतश्चासौ वह्निगङ्गासुतः कथम् । उमायास्तनयश्चैव स्वाहायाश्च कथं पुनः । सुपर्ण्याश्चाथ मातॄणां कृत्तिकानां कथं च सः

kathaṃ rudrasutaścāsau vahnigaṅgāsutaḥ katham / umāyāstanayaścaiva svāhāyāśca kathaṃ punaḥ / suparṇyāścātha mātṝṇāṃ kṛttikānāṃ kathaṃ ca saḥ

Sanskrit only: no published translation is held for this verse.

कश्चासौ पूर्वमुत्पन्नः किंतपाः कश्च विक्रमः । भूतसंमोहनं ह्येतत् कथयस्व यथातथम्

kaścāsau pūrvamutpannaḥ kiṃtapāḥ kaśca vikramaḥ / bhūtasaṃmohanaṃ hyetat kathayasva yathātatham

Sanskrit only: no published translation is held for this verse.

सूत उवाच एवं स पृष्टस्तेजस्वी ब्रह्मणः पुत्रसत्तमः । उवाच सर्वं सर्वज्ञो व्यासायाक्लिष्टकारिणे । तच्छृणुध्वं यथातत्त्वं कीर्त्यमानं मयानघाः

sūta uvāca evaṃ sa pṛṣṭastejasvī brahmaṇaḥ putrasattamaḥ / uvāca sarvaṃ sarvajño vyāsāyākliṣṭakāriṇe / tacchṛṇudhvaṃ yathātattvaṃ kīrtyamānaṃ mayānaghāḥ

Sanskrit only: no published translation is held for this verse.