Skanda Purāṇa (part) 12

सनत्कुमार उवाच ततः स भगवान्देवो ब्रह्मा तामाह सुस्वरम् । देवि येनैव सृष्टासि मनसा यस्त्वया वृतः । स भर्ता तव देवेशो भविता मा तपः कृथाः

sanatkumāra uvāca tataḥ sa bhagavāndevo brahmā tāmāha susvaram / devi yenaiva sṛṣṭāsi manasā yastvayā vṛtaḥ / sa bhartā tava deveśo bhavitā mā tapaḥ kṛthāḥ

Sanskrit only: no published translation is held for this verse.

ततः प्रदक्षिणं कृत्वा ब्रह्मा व्यास गिरेः सुताम् । जगामादर्शनं तस्याः सा चापि विरराम ह

tataḥ pradakṣiṇaṃ kṛtvā brahmā vyāsa gireḥ sutām / jagāmādarśanaṃ tasyāḥ sā cāpi virarāma ha

Sanskrit only: no published translation is held for this verse.

सा देवी युक्तमित्येवम् उक्त्वा स्वस्याश्रमस्य ह । द्वारि जातमशोकं वै समुपाश्रित्य संस्थिता

sā devī yuktamityevam uktvā svasyāśramasya ha / dvāri jātamaśokaṃ vai samupāśritya saṃsthitā

Sanskrit only: no published translation is held for this verse.

अथागाच्चन्द्रतिलकस् त्रिदशार्तिहरो हरः । विकृतं रूपमास्थाय ह्रस्वो बाहुक एव च

athāgāccandratilakas tridaśārtiharo haraḥ / vikṛtaṃ rūpamāsthāya hrasvo bāhuka eva ca

Sanskrit only: no published translation is held for this verse.

विभुग्ननासिको भूत्वा कुब्जः केशान्तपिङ्गलः । उवाच विकृतास्यश्च देवि त्वां वरयाम्यहम्

vibhugnanāsiko bhūtvā kubjaḥ keśāntapiṅgalaḥ / uvāca vikṛtāsyaśca devi tvāṃ varayāmyaham

Sanskrit only: no published translation is held for this verse.

अथोमा योगसंसिद्धा ज्ञात्वा शंकरमागतम् । अन्तर्भावविशुद्धा सा क्रियानुष्ठानलिप्सया

athomā yogasaṃsiddhā jñātvā śaṃkaramāgatam / antarbhāvaviśuddhā sā kriyānuṣṭhānalipsayā

Sanskrit only: no published translation is held for this verse.

तमुवाचार्घ्यमानाय्य मधुपर्केण चैव हि । सम्पूज्य ससुखासीनं ब्राह्मणं ब्राह्मणप्रिया

tamuvācārghyamānāyya madhuparkeṇa caiva hi / sampūjya sasukhāsīnaṃ brāhmaṇaṃ brāhmaṇapriyā

Sanskrit only: no published translation is held for this verse.

देव्युवाच भगवन्नस्वतन्त्रास्मि पिता मे ऽस्त्यरणी तथा । तौ प्रभू मम दाने वै कन्याहं द्विजपुंगव

devyuvāca bhagavannasvatantrāsmi pitā me 'styaraṇī tathā / tau prabhū mama dāne vai kanyāhaṃ dvijapuṃgava

Sanskrit only: no published translation is held for this verse.

गत्वा याचस्व पितरं मम शैलेन्द्रमव्ययम् । स चेद्ददाति मां विप्र तुभ्यं तद्रुचितं मम

gatvā yācasva pitaraṃ mama śailendramavyayam / sa ceddadāti māṃ vipra tubhyaṃ tadrucitaṃ mama

Sanskrit only: no published translation is held for this verse.

सनत्कुमार उवाच ततः स भगवान्देवस् तथैव विकृतः प्रभुः । उवाच शैलराजं तम् उमां मे यच्छ शैलराट्

sanatkumāra uvāca tataḥ sa bhagavāndevas tathaiva vikṛtaḥ prabhuḥ / uvāca śailarājaṃ tam umāṃ me yaccha śailarāṭ

Sanskrit only: no published translation is held for this verse.

स तं विकृतरूपेण ज्ञात्वा रुद्रमथाव्ययम् । भीतः शापाच्च विमना इदं वचनमब्रवीत्

sa taṃ vikṛtarūpeṇa jñātvā rudramathāvyayam / bhītaḥ śāpācca vimanā idaṃ vacanamabravīt

Sanskrit only: no published translation is held for this verse.

भगवन्नावमन्यामि ब्राह्मणान्भूमिदैवतान् । मनीषितं तु यत्पूर्वं तच्छृणुष्व महातपः

bhagavannāvamanyāmi brāhmaṇānbhūmidaivatān / manīṣitaṃ tu yatpūrvaṃ tacchṛṇuṣva mahātapaḥ

Sanskrit only: no published translation is held for this verse.

स्वयंवरो मे दुहितुर् भविता विप्रपूजितः । वरयेद्यं स्वयं तत्र स भर्तास्या भवेदिति

svayaṃvaro me duhitur bhavitā viprapūjitaḥ / varayedyaṃ svayaṃ tatra sa bhartāsyā bhavediti

Sanskrit only: no published translation is held for this verse.

सनत्कुमार उवाच तच्छ्रुत्वा शैलवचनं भगवान्गोवृषध्वजः । देव्याः समीपमागत्य इदमाह महामनाः

sanatkumāra uvāca tacchrutvā śailavacanaṃ bhagavāngovṛṣadhvajaḥ / devyāḥ samīpamāgatya idamāha mahāmanāḥ

Sanskrit only: no published translation is held for this verse.

देवि पित्रा तवाज्ञप्तः स्वयंवर इति श्रुतम् । तत्र त्वं वरयित्री यं स ते भर्ता किलानघे

devi pitrā tavājñaptaḥ svayaṃvara iti śrutam / tatra tvaṃ varayitrī yaṃ sa te bhartā kilānaghe

Sanskrit only: no published translation is held for this verse.

तदापृच्छे गमिष्यामि दुर्लभा त्वं वरानने । रूपवन्तं समुत्सृज्य वृणीथा मादृशं कथम्

tadāpṛcche gamiṣyāmi durlabhā tvaṃ varānane / rūpavantaṃ samutsṛjya vṛṇīthā mādṛśaṃ katham

Sanskrit only: no published translation is held for this verse.

सनत्कुमार उवाच तेनोक्ता सा तदा तत्र भावयन्ती तदीरितम् । भावं च रुद्रनिहितं प्रसादं मनसस्तथा

sanatkumāra uvāca tenoktā sā tadā tatra bhāvayantī tadīritam / bhāvaṃ ca rudranihitaṃ prasādaṃ manasastathā

Sanskrit only: no published translation is held for this verse.

सम्प्राप्योवाच देवेशं मा ते भूद्बुद्धिरन्यथा । अहं त्वां वरयिष्यामि नान्यद्भूतं कथंचन

samprāpyovāca deveśaṃ mā te bhūdbuddhiranyathā / ahaṃ tvāṃ varayiṣyāmi nānyadbhūtaṃ kathaṃcana

Sanskrit only: no published translation is held for this verse.

अथ वा ते ऽस्ति संदेहो मयि विप्र कथंचन । इहैव त्वां महाभाग वरयामि मनोरथम्

atha vā te 'sti saṃdeho mayi vipra kathaṃcana / ihaiva tvāṃ mahābhāga varayāmi manoratham

Sanskrit only: no published translation is held for this verse.

सनत्कुमार उवाच गृहीत्वा स्तबकं सा तु हस्ताभ्यां तत्र संस्थितम् । स्कन्धे शम्भोः समादाय देवी प्राह वृतो ऽसि मे

sanatkumāra uvāca gṛhītvā stabakaṃ sā tu hastābhyāṃ tatra saṃsthitam / skandhe śambhoḥ samādāya devī prāha vṛto 'si me

Sanskrit only: no published translation is held for this verse.

ततः स भगवान्देवस् तथा देव्या वृतस्तदा । उवाच तमशोकं वै वाचा संजीवयन्निव

tataḥ sa bhagavāndevas tathā devyā vṛtastadā / uvāca tamaśokaṃ vai vācā saṃjīvayanniva

Sanskrit only: no published translation is held for this verse.

यस्मात्तव सुपुष्पेण स्तबकेन वृतो ह्यहम् । तस्मात्त्वं जरया त्यक्तः अमरः सम्भविष्यसि

yasmāttava supuṣpeṇa stabakena vṛto hyaham / tasmāttvaṃ jarayā tyaktaḥ amaraḥ sambhaviṣyasi

Sanskrit only: no published translation is held for this verse.

कामरूपः कामपुष्पः कामगो दयितो मम । सर्वाभरणपुष्पाढ्यः सर्ववृक्षफलोपगः

kāmarūpaḥ kāmapuṣpaḥ kāmago dayito mama / sarvābharaṇapuṣpāḍhyaḥ sarvavṛkṣaphalopagaḥ

Sanskrit only: no published translation is held for this verse.

सर्वान्नभक्षदश्चैव अमृतस्रव एव च । सर्वगन्धश्च देव्यास्त्वं भविष्यसि दृढं प्रियः । निर्भयः सर्वलोकेषु चरिष्यसि सुनिर्वृतः

sarvānnabhakṣadaścaiva amṛtasrava eva ca / sarvagandhaśca devyāstvaṃ bhaviṣyasi dṛḍhaṃ priyaḥ / nirbhayaḥ sarvalokeṣu cariṣyasi sunirvṛtaḥ

Sanskrit only: no published translation is held for this verse.

आश्रमं चैवमत्यर्थं चित्रकूटेति विश्रुतम् । यो ऽभियास्यति पुण्यार्थी सो ऽश्वमेधमवाप्स्यति । यत्र तत्र मृतश्चापि ब्रह्मलोकं गमिष्यति

āśramaṃ caivamatyarthaṃ citrakūṭeti viśrutam / yo 'bhiyāsyati puṇyārthī so 'śvamedhamavāpsyati / yatra tatra mṛtaścāpi brahmalokaṃ gamiṣyati

Sanskrit only: no published translation is held for this verse.

यश्चात्र नियमैर्युक्तः प्राणान्सम्यक्परित्यजेत् । स देव्यास्तपसा युक्तो महागणपतिर्भवेत्

yaścātra niyamairyuktaḥ prāṇānsamyakparityajet / sa devyāstapasā yukto mahāgaṇapatirbhavet

Sanskrit only: no published translation is held for this verse.

सनत्कुमार उवाच एवमुक्त्वा तदा देव आपृच्छ्य हिमवत्सुताम् । अन्तर्दधे जगत्स्रष्टा सर्वभूतप ईश्वरः

sanatkumāra uvāca evamuktvā tadā deva āpṛcchya himavatsutām / antardadhe jagatsraṣṭā sarvabhūtapa īśvaraḥ

Sanskrit only: no published translation is held for this verse.

सापि देवी गते तस्मिन् भगवत्यमितात्मनि । तत एवोन्मुखी स्थित्वा शिलायां संविवेश ह

sāpi devī gate tasmin bhagavatyamitātmani / tata evonmukhī sthitvā śilāyāṃ saṃviveśa ha

Sanskrit only: no published translation is held for this verse.

उन्मुखी सा गते तस्मिन् महेष्वासे प्रजापतौ । निशेव चन्द्ररहिता सा बभौ विमनास्तदा

unmukhī sā gate tasmin maheṣvāse prajāpatau / niśeva candrarahitā sā babhau vimanāstadā

Sanskrit only: no published translation is held for this verse.

अथ शुश्राव सा शब्दं बालस्यार्तस्य शैलजा । सरस्युदकसम्पूर्णे समीपे चाश्रमस्य ह

atha śuśrāva sā śabdaṃ bālasyārtasya śailajā / sarasyudakasampūrṇe samīpe cāśramasya ha

Sanskrit only: no published translation is held for this verse.

स कृत्वा बालरूपं तु देवदेवः स्वयं शिवः । क्रीडाहेतोः सरोमध्ये ग्राहग्रस्तो ऽभवत्तदा

sa kṛtvā bālarūpaṃ tu devadevaḥ svayaṃ śivaḥ / krīḍāhetoḥ saromadhye grāhagrasto 'bhavattadā

Sanskrit only: no published translation is held for this verse.

योगमायामथास्थाय प्रपञ्चोद्भवकारणम् । तद्रूपं सरसो मध्ये कृत्वेदं समभाषत । त्रातु मां कश्चिदेत्येह ग्राहेण हृतचेतसम्

yogamāyāmathāsthāya prapañcodbhavakāraṇam / tadrūpaṃ saraso madhye kṛtvedaṃ samabhāṣata / trātu māṃ kaścidetyeha grāheṇa hṛtacetasam

Sanskrit only: no published translation is held for this verse.

धिक्कष्टं बाल एवाहम् अप्राप्तार्थमनोरथः । यास्यामि निधनं वक्त्रे ग्राहस्यास्य दुरात्मनः

dhikkaṣṭaṃ bāla evāham aprāptārthamanorathaḥ / yāsyāmi nidhanaṃ vaktre grāhasyāsya durātmanaḥ

Sanskrit only: no published translation is held for this verse.

शोचामि न स्वकं देहं ग्राहग्रस्तो ऽपि दुःखितः । यथा शोचामि पितरं मातरं च तपस्विनीम्

śocāmi na svakaṃ dehaṃ grāhagrasto 'pi duḥkhitaḥ / yathā śocāmi pitaraṃ mātaraṃ ca tapasvinīm

Sanskrit only: no published translation is held for this verse.

मां श्रुत्वा ग्राहवदने प्राप्तं निधनमुत्सुकौ । प्रियपुत्रावेकपुत्रौ प्राणान्नूनं विहास्यतः

māṃ śrutvā grāhavadane prāptaṃ nidhanamutsukau / priyaputrāvekaputrau prāṇānnūnaṃ vihāsyataḥ

Sanskrit only: no published translation is held for this verse.

सनत्कुमार उवाच श्रुत्वा तु देवी तं नादं विप्रस्यार्तस्य शोभना । उत्थाय प्रद्रुता तत्र यत्र तिष्ठत्यसौ द्विजः

sanatkumāra uvāca śrutvā tu devī taṃ nādaṃ viprasyārtasya śobhanā / utthāya pradrutā tatra yatra tiṣṭhatyasau dvijaḥ

Sanskrit only: no published translation is held for this verse.

सापश्यदिन्दुवदना बालकं चारुरूपिणम् । ग्राहेण ग्रस्यमानं तं वेपमानमवस्थितम्

sāpaśyadinduvadanā bālakaṃ cārurūpiṇam / grāheṇa grasyamānaṃ taṃ vepamānamavasthitam

Sanskrit only: no published translation is held for this verse.

सो ऽपि ग्राहवरः श्रीमान् दृष्ट्वा देवीमुपागताम् । तं गृहीत्वा द्रुतं यातो मध्यं सरस एव ह

so 'pi grāhavaraḥ śrīmān dṛṣṭvā devīmupāgatām / taṃ gṛhītvā drutaṃ yāto madhyaṃ sarasa eva ha

Sanskrit only: no published translation is held for this verse.

स कृष्यमाणस्तेजस्वी नादमार्तं तदाकरोत् । अथाह देवी दुःखार्ता बालं दृष्ट्वा महाव्रता

sa kṛṣyamāṇastejasvī nādamārtaṃ tadākarot / athāha devī duḥkhārtā bālaṃ dṛṣṭvā mahāvratā

Sanskrit only: no published translation is held for this verse.

ग्राहराज महासत्त्व बालकं ह्येकपुत्रकम् । विसृजैनं महादंष्ट्र क्षिप्रं भीमपराक्रम

grāharāja mahāsattva bālakaṃ hyekaputrakam / visṛjainaṃ mahādaṃṣṭra kṣipraṃ bhīmaparākrama

Sanskrit only: no published translation is held for this verse.

ग्राह उवाच यो देवि दिवसे षष्ठे प्रथमं समुपैति माम् । स आहारो मम पुरा विहितो लोककर्तृभिः

grāha uvāca yo devi divase ṣaṣṭhe prathamaṃ samupaiti mām / sa āhāro mama purā vihito lokakartṛbhiḥ

Sanskrit only: no published translation is held for this verse.

सो ऽयं मम महाभागे षष्ठे ऽहनि गिरीन्द्रजे । ब्रह्मणा विहितो नूनं नैनं मोक्ष्ये कथंचन

so 'yaṃ mama mahābhāge ṣaṣṭhe 'hani girīndraje / brahmaṇā vihito nūnaṃ nainaṃ mokṣye kathaṃcana

Sanskrit only: no published translation is held for this verse.

देव्युवाच यन्मया हिमवच्छृङ्गे चरितं तप उत्तमम् । तेन बालमिमं मुञ्च ग्राहराज नमो ऽस्तु ते

devyuvāca yanmayā himavacchṛṅge caritaṃ tapa uttamam / tena bālamimaṃ muñca grāharāja namo 'stu te

Sanskrit only: no published translation is held for this verse.

ग्राह उवाच मा व्ययं तपसो देवि कार्षीः शैलेन्द्रनन्दने । नैनं मोचयितुं शक्तो देवराजो ऽपि स स्वयम्

grāha uvāca mā vyayaṃ tapaso devi kārṣīḥ śailendranandane / nainaṃ mocayituṃ śakto devarājo 'pi sa svayam

Sanskrit only: no published translation is held for this verse.

मह्यमीशेन तुष्टेन शर्वेणोग्रेण शूलिना । अमरत्वमवध्यत्वम् अक्षयं बलमेव च

mahyamīśena tuṣṭena śarveṇogreṇa śūlinā / amaratvamavadhyatvam akṣayaṃ balameva ca

Sanskrit only: no published translation is held for this verse.

स्वयंग्रहणमोक्षश्च ज्ञानं चैवाव्ययं पुनः । दत्तं ततो ब्रवीमि त्वां नायं मोक्षमवाप्स्यति

svayaṃgrahaṇamokṣaśca jñānaṃ caivāvyayaṃ punaḥ / dattaṃ tato bravīmi tvāṃ nāyaṃ mokṣamavāpsyati

Sanskrit only: no published translation is held for this verse.

अथ वा ते कृपा देवि भृशं बाले शुभानने । ब्रवीमि यत्कुरु तथा ततो मोक्षमवाप्स्यति

atha vā te kṛpā devi bhṛśaṃ bāle śubhānane / bravīmi yatkuru tathā tato mokṣamavāpsyati

Sanskrit only: no published translation is held for this verse.

देव्युवाच ग्राहाधिप वदस्वाशु यत्सतामविगर्हितम् । तत्कृतं नात्र संदेहो मान्या मे ब्राह्मणा दृढम्

devyuvāca grāhādhipa vadasvāśu yatsatāmavigarhitam / tatkṛtaṃ nātra saṃdeho mānyā me brāhmaṇā dṛḍham

Sanskrit only: no published translation is held for this verse.

ग्राह उवाच यत्कृतं वै तपः किंचिद् भवत्या स्वल्पमन्तशः । तत्सर्वं मे प्रयच्छस्व ततो मोक्षमवाप्स्यति

grāha uvāca yatkṛtaṃ vai tapaḥ kiṃcid bhavatyā svalpamantaśaḥ / tatsarvaṃ me prayacchasva tato mokṣamavāpsyati

Sanskrit only: no published translation is held for this verse.

देव्युवाच जन्मप्रभृति यत्पुण्यं महाग्राह कृतं मया । तत्ते सर्वं मया दत्तं बालं मुञ्च ममाग्रतः

devyuvāca janmaprabhṛti yatpuṇyaṃ mahāgrāha kṛtaṃ mayā / tatte sarvaṃ mayā dattaṃ bālaṃ muñca mamāgrataḥ

Sanskrit only: no published translation is held for this verse.

सनत्कुमार उवाच प्रजज्वाल ततो ग्राहस् तपसा तेन बृंहितः । आदित्य इव मध्याह्ने दुर्निरीक्ष्यस्तदाभवत्

sanatkumāra uvāca prajajvāla tato grāhas tapasā tena bṛṃhitaḥ / āditya iva madhyāhne durnirīkṣyastadābhavat

Sanskrit only: no published translation is held for this verse.

उवाच चेदं तुष्टात्मा देवीं लोकस्य धारिणीम् । देवि किं कृतमेतत्ते अनिश्चित्य महाव्रते । तपसो ह्यर्जनं दुःखं तस्य त्यागो न शस्यते

uvāca cedaṃ tuṣṭātmā devīṃ lokasya dhāriṇīm / devi kiṃ kṛtametatte aniścitya mahāvrate / tapaso hyarjanaṃ duḥkhaṃ tasya tyāgo na śasyate

Sanskrit only: no published translation is held for this verse.

गृहाण तप एतच्च बालं चेमं शुचिस्मिते । तुष्टो ऽस्मि ते विप्रभक्त्या वरं तस्माद्ददामि ते

gṛhāṇa tapa etacca bālaṃ cemaṃ śucismite / tuṣṭo 'smi te viprabhaktyā varaṃ tasmāddadāmi te

Sanskrit only: no published translation is held for this verse.

सा त्वेवमुक्ता ग्राहेण उवाचेदं महाव्रता । सुनिश्चित्य महाग्राह कृतं बालस्य मोक्षणम् । न विप्रेभ्यस्तपः श्रेष्ठं श्रेष्ठा मे ब्राह्मणा मताः

sā tvevamuktā grāheṇa uvācedaṃ mahāvratā / suniścitya mahāgrāha kṛtaṃ bālasya mokṣaṇam / na viprebhyastapaḥ śreṣṭhaṃ śreṣṭhā me brāhmaṇā matāḥ

Sanskrit only: no published translation is held for this verse.

दत्त्वा चाहं न गृह्णामि ग्राहेन्द्र विदितं हि ते । न हि कश्चिन्नरो ग्राह प्रदत्तं पुनराहरेत्

dattvā cāhaṃ na gṛhṇāmi grāhendra viditaṃ hi te / na hi kaścinnaro grāha pradattaṃ punarāharet

Sanskrit only: no published translation is held for this verse.

दत्तमेतन्मया तुभ्यं नाददानि हि तत्पुनः । त्वय्येव रमतामेतद् बालश्चायं विमुच्यताम्

dattametanmayā tubhyaṃ nādadāni hi tatpunaḥ / tvayyeva ramatāmetad bālaścāyaṃ vimucyatām

Sanskrit only: no published translation is held for this verse.

तथोक्तस्तां प्रशस्याथ मुक्त्वा बालं नमस्य च । देवीमादित्यसद्भासं तत्रैवान्तरधीयत

tathoktastāṃ praśasyātha muktvā bālaṃ namasya ca / devīmādityasadbhāsaṃ tatraivāntaradhīyata

Sanskrit only: no published translation is held for this verse.

बालो ऽपि सरसस्तीरे मुक्तो ग्राहेण वै तदा । स्वप्नलब्ध इवार्थौघस् तत्रैवान्तरधीयत

bālo 'pi sarasastīre mukto grāheṇa vai tadā / svapnalabdha ivārthaughas tatraivāntaradhīyata

Sanskrit only: no published translation is held for this verse.

तपसो ऽथ व्ययं मत्वा देवी हिमगिरीन्द्रजा । भूय एव तपः कर्तुम् आरेभे यत्नमास्थिता

tapaso 'tha vyayaṃ matvā devī himagirīndrajā / bhūya eva tapaḥ kartum ārebhe yatnamāsthitā

Sanskrit only: no published translation is held for this verse.

कर्तुकामां तपो भूयो ज्ञात्वा तां शंकरः स्वयम् । प्रोवाच वचनं व्यास मा कृथास्तप इत्युत

kartukāmāṃ tapo bhūyo jñātvā tāṃ śaṃkaraḥ svayam / provāca vacanaṃ vyāsa mā kṛthāstapa ityuta

Sanskrit only: no published translation is held for this verse.

मह्यमेतत्तपो देवि त्वया दत्तं महाव्रते । तेनैवमक्षयं तुभ्यं भविष्यति सहस्रधा

mahyametattapo devi tvayā dattaṃ mahāvrate / tenaivamakṣayaṃ tubhyaṃ bhaviṣyati sahasradhā

Sanskrit only: no published translation is held for this verse.

इति लब्ध्वा वरं देवी तपसो ऽक्षय्यमुत्तमम् । स्वयंवरमुदीक्षन्ती तस्थौ प्रीतिमुदायुता

iti labdhvā varaṃ devī tapaso 'kṣayyamuttamam / svayaṃvaramudīkṣantī tasthau prītimudāyutā

Sanskrit only: no published translation is held for this verse.

इदं पठेद्यो हि नरः सदैव बालानुभावाचरणं हि शम्भोः । स देहभेदं समवाप्य पूतो भवेद्गणस्तस्य कुमारतुल्यः

idaṃ paṭhedyo hi naraḥ sadaiva bālānubhāvācaraṇaṃ hi śambhoḥ / sa dehabhedaṃ samavāpya pūto bhavedgaṇastasya kumāratulyaḥ

Sanskrit only: no published translation is held for this verse.