Skanda Purāṇa (part) 14

सनत्कुमार उवाच अथ वृत्ते विवाहे तु भवस्यामिततेजसः । प्रहर्षमतुलं गत्वा देवाः सहपितामहाः । तुष्टुवुर्वाग्भिरिष्टाभिः प्रणमन्तो महेश्वरम्

sanatkumāra uvāca atha vṛtte vivāhe tu bhavasyāmitatejasaḥ / praharṣamatulaṃ gatvā devāḥ sahapitāmahāḥ / tuṣṭuvurvāgbhiriṣṭābhiḥ praṇamanto maheśvaram

Sanskrit only: no published translation is held for this verse.

नमः पर्वतलिङ्गाय पर्वतेशाय वै नमः । नमः पवनवेगाय विरूपायाजिताय च

namaḥ parvataliṅgāya parvateśāya vai namaḥ / namaḥ pavanavegāya virūpāyājitāya ca

Sanskrit only: no published translation is held for this verse.

नमः क्लेशविनाशाय दात्रे च शुभसम्पदाम् । नमो नीलशिखण्डाय अम्बिकापतये नमः

namaḥ kleśavināśāya dātre ca śubhasampadām / namo nīlaśikhaṇḍāya ambikāpataye namaḥ

Sanskrit only: no published translation is held for this verse.

नमः पवनरूपाय शतरूपाय वै नमः । नमो भैरवरूपाय विरूपनयनाय च

namaḥ pavanarūpāya śatarūpāya vai namaḥ / namo bhairavarūpāya virūpanayanāya ca

Sanskrit only: no published translation is held for this verse.

नमः सहस्रनेत्राय सहस्रचरणाय च । नमो वेदरहस्याय वेदाङ्गाय नमो नमः

namaḥ sahasranetrāya sahasracaraṇāya ca / namo vedarahasyāya vedāṅgāya namo namaḥ

Sanskrit only: no published translation is held for this verse.

विष्टम्भनाय शक्रस्य बाहोर्वेदाङ्कुराय च । चराचराधिपतये शमनाय नमो नमः

viṣṭambhanāya śakrasya bāhorvedāṅkurāya ca / carācarādhipataye śamanāya namo namaḥ

Sanskrit only: no published translation is held for this verse.

सलिलेशयलिङ्गाय युगान्तायतलिङ्गिने । नमः कपालमालाय कपालस्रग्मिणे नमः

salileśayaliṅgāya yugāntāyataliṅgine / namaḥ kapālamālāya kapālasragmiṇe namaḥ

Sanskrit only: no published translation is held for this verse.

नमः कपालहस्ताय दंष्ट्रिणे गदिने नमः । नमस्त्रैलोक्यवाहाय सप्तलोकरथाय च

namaḥ kapālahastāya daṃṣṭriṇe gadine namaḥ / namastrailokyavāhāya saptalokarathāya ca

Sanskrit only: no published translation is held for this verse.

नमः खट्वाङ्गहस्ताय प्रमथार्तिहराय च । नमो यज्ञशिरोहर्त्रे कृष्णकेशापहारिणे

namaḥ khaṭvāṅgahastāya pramathārtiharāya ca / namo yajñaśirohartre kṛṣṇakeśāpahāriṇe

Sanskrit only: no published translation is held for this verse.

भगनेत्रनिपाताय पूष्णो दन्तहराय च । नमः पिनाकशूलासि- खड्गमुद्गरधारिणे

bhaganetranipātāya pūṣṇo dantaharāya ca / namaḥ pinākaśūlāsi- khaḍgamudgaradhāriṇe

Sanskrit only: no published translation is held for this verse.

नमो ऽस्तु कालकालाय तृतीयनयनाय च । अन्तकान्तकृते चैव नमः पर्वतवासिने

namo 'stu kālakālāya tṛtīyanayanāya ca / antakāntakṛte caiva namaḥ parvatavāsine

Sanskrit only: no published translation is held for this verse.

सुवर्णरेतसे चैव सर्पकुण्डलधारिणे । वाड्वलेर्योगनाशाय योगिनां गुरवे नमः

suvarṇaretase caiva sarpakuṇḍaladhāriṇe / vāḍvaleryoganāśāya yogināṃ gurave namaḥ

Sanskrit only: no published translation is held for this verse.

शशाङ्कादित्यनेत्राय ललाटनयनाय च । नमः श्मशानरतये श्मशानवरदाय च

śaśāṅkādityanetrāya lalāṭanayanāya ca / namaḥ śmaśānarataye śmaśānavaradāya ca

Sanskrit only: no published translation is held for this verse.

नमो दैवतनाथाय त्र्यम्बकाय नमो नमः । अशनीशतहासाय ब्रह्मण्यायाजिताय च

namo daivatanāthāya tryambakāya namo namaḥ / aśanīśatahāsāya brahmaṇyāyājitāya ca

Sanskrit only: no published translation is held for this verse.

गृहस्थसाधवे नित्यं जटिने ब्रह्मचारिणे । नमो मुण्डार्धमुण्डाय पशूनां पतये नमः

gṛhasthasādhave nityaṃ jaṭine brahmacāriṇe / namo muṇḍārdhamuṇḍāya paśūnāṃ pataye namaḥ

Sanskrit only: no published translation is held for this verse.

सलिले तप्यमानाय योगैश्वर्यप्रदाय च । नमः शान्ताय दान्ताय प्रलयोत्पत्तिकारिणे

salile tapyamānāya yogaiśvaryapradāya ca / namaḥ śāntāya dāntāya pralayotpattikāriṇe

Sanskrit only: no published translation is held for this verse.

नमो ऽनुग्रहकर्त्रे च स्थितिकर्त्रे नमो नमः । नमो रुद्राय वसवे आदित्यायाश्विने नमः

namo 'nugrahakartre ca sthitikartre namo namaḥ / namo rudrāya vasave ādityāyāśvine namaḥ

Sanskrit only: no published translation is held for this verse.

नमः पित्रे ऽथ साध्याय विश्वेदेवाय वै नमः । नमः शर्वाय सर्वाय उग्राय वरदाय च

namaḥ pitre 'tha sādhyāya viśvedevāya vai namaḥ / namaḥ śarvāya sarvāya ugrāya varadāya ca

Sanskrit only: no published translation is held for this verse.

नमो भीमाय सेनान्ये पशूनां पतये नमः । शुचये रेरिहाणाय सद्योजाताय वै नमः

namo bhīmāya senānye paśūnāṃ pataye namaḥ / śucaye rerihāṇāya sadyojātāya vai namaḥ

Sanskrit only: no published translation is held for this verse.

महादेवाय चित्राय नमश्चित्ररथाय च । प्रधानाय प्रमेयाय कार्याय करणाय च

mahādevāya citrāya namaścitrarathāya ca / pradhānāya prameyāya kāryāya karaṇāya ca

Sanskrit only: no published translation is held for this verse.

पुरुषाय नमस्ते ऽस्तु पुरुषेच्छाकराय च । नमः पुरुषसंयोग- प्रधानगुणकारिणे

puruṣāya namaste 'stu puruṣecchākarāya ca / namaḥ puruṣasaṃyoga- pradhānaguṇakāriṇe

Sanskrit only: no published translation is held for this verse.

प्रवर्तकाय प्रकृतेः पुरुषस्य च सर्वशः । कृताकृतस्य संवेत्त्रे फलसंयोगदाय च

pravartakāya prakṛteḥ puruṣasya ca sarvaśaḥ / kṛtākṛtasya saṃvettre phalasaṃyogadāya ca

Sanskrit only: no published translation is held for this verse.

कालज्ञाय च सर्वत्र नमो नियमकारिणे । नमो वैषम्यकर्त्रे च गुणानां वृत्तिदाय च

kālajñāya ca sarvatra namo niyamakāriṇe / namo vaiṣamyakartre ca guṇānāṃ vṛttidāya ca

Sanskrit only: no published translation is held for this verse.

नमस्ते देवदेवेश नमस्ते भूतभावन । शिवः सौम्यः सुखो द्रष्टुं भव सोमो हि नः प्रभो

namaste devadeveśa namaste bhūtabhāvana / śivaḥ saumyaḥ sukho draṣṭuṃ bhava somo hi naḥ prabho

Sanskrit only: no published translation is held for this verse.

सनत्कुमार उवाच एवं स भगवान्देवो जगत्पतिरुमापतिः । स्तूयमानः सुरैः सर्वैर् अमरानिदमब्रवीत्

sanatkumāra uvāca evaṃ sa bhagavāndevo jagatpatirumāpatiḥ / stūyamānaḥ suraiḥ sarvair amarānidamabravīt

Sanskrit only: no published translation is held for this verse.

द्रष्टुं सुखश्च सौम्यश्च देवानामस्मि भो सुराः । वरं ब्रूत यथेष्टं च दातास्मि वदतानघाः

draṣṭuṃ sukhaśca saumyaśca devānāmasmi bho surāḥ / varaṃ brūta yatheṣṭaṃ ca dātāsmi vadatānaghāḥ

Sanskrit only: no published translation is held for this verse.

ततस्ते प्रणताः सर्वे ऊचुः सब्रह्मकाः सुराः । तवैव भगवन्हस्ते वर एषो ऽवतिष्ठताम् । यदा कार्यं तदा नस्त्वं दास्यसे वरमीप्सितम्

tataste praṇatāḥ sarve ūcuḥ sabrahmakāḥ surāḥ / tavaiva bhagavanhaste vara eṣo 'vatiṣṭhatām / yadā kāryaṃ tadā nastvaṃ dāsyase varamīpsitam

Sanskrit only: no published translation is held for this verse.

एवमस्त्विति तानुक्त्वा विसृज्य च सुरान्हरः । लोकांश्च प्रमथैः सार्धं विवेश भवनं ततः

evamastviti tānuktvā visṛjya ca surānharaḥ / lokāṃśca pramathaiḥ sārdhaṃ viveśa bhavanaṃ tataḥ

Sanskrit only: no published translation is held for this verse.

यस्तु हरोत्सवमद्भुतमेतं गायति दैवतविप्रसमक्षम् । सो ऽप्रतिरूपगणेशसमानो देहविपर्ययमेत्य सुखी स्यात्

yastu harotsavamadbhutametaṃ gāyati daivataviprasamakṣam / so 'pratirūpagaṇeśasamāno dehaviparyayametya sukhī syāt

Sanskrit only: no published translation is held for this verse.

सनत्कुमार उवाच पाराशर्य स्तवं हीदं शृणुयाद्यः पठेत वा । स स्वर्गलोकगो देवैः पूज्यते ऽमरराडिव

sanatkumāra uvāca pārāśarya stavaṃ hīdaṃ śṛṇuyādyaḥ paṭheta vā / sa svargalokago devaiḥ pūjyate 'mararāḍiva

Sanskrit only: no published translation is held for this verse.