Skanda Purāṇa (part) 16

व्यास उवाच वरान्स लब्ध्वा भगवान् वसिष्ठो ऽस्मत्पितामहः । कं पुत्रं जनयामास आत्मनः सदृशद्युतिम्

vyāsa uvāca varānsa labdhvā bhagavān vasiṣṭho 'smatpitāmahaḥ / kaṃ putraṃ janayāmāsa ātmanaḥ sadṛśadyutim

Sanskrit only: no published translation is held for this verse.

सनत्कुमार उवाच तेनासौ वरदानेन देवदेवस्य शूलिनः । अरुन्धत्यामजनयत् तपोयोगबलान्वितम् । ब्रह्मिष्ठं शक्तिनामानं पुत्रं पुत्रशताग्रजम्

sanatkumāra uvāca tenāsau varadānena devadevasya śūlinaḥ / arundhatyāmajanayat tapoyogabalānvitam / brahmiṣṭhaṃ śaktināmānaṃ putraṃ putraśatāgrajam

Sanskrit only: no published translation is held for this verse.

तस्य बाल्यात्प्रभृत्येव वासिष्ठस्य महात्मनः । परेण चेतसा भक्तिर् अभवद्गोवृषध्वजे

tasya bālyātprabhṛtyeva vāsiṣṭhasya mahātmanaḥ / pareṇa cetasā bhaktir abhavadgovṛṣadhvaje

Sanskrit only: no published translation is held for this verse.

स कदाचिदपत्यार्थम् आराधयदुमापतिम् । तस्य तुष्टो महादेवो वरदो ऽस्मीत्यभाषत

sa kadācidapatyārtham ārādhayadumāpatim / tasya tuṣṭo mahādevo varado 'smītyabhāṣata

Sanskrit only: no published translation is held for this verse.

अथ दृष्ट्वा तमीशानम् इदमाहानताननः । केन स्तोष्यामि ते देव यस्त्वं सर्वजगत्पतिः । सर्वान्धारयसे लोकान् आत्मना समयाद्विभो

atha dṛṣṭvā tamīśānam idamāhānatānanaḥ / kena stoṣyāmi te deva yastvaṃ sarvajagatpatiḥ / sarvāndhārayase lokān ātmanā samayādvibho

Sanskrit only: no published translation is held for this verse.

त्वमेव भोक्ता भोज्यं च कर्ता कार्यं तथा क्रिया । उत्पादकस्तथोत्पाद्य उत्पत्तिश्चैव सर्वशः

tvameva bhoktā bhojyaṃ ca kartā kāryaṃ tathā kriyā / utpādakastathotpādya utpattiścaiva sarvaśaḥ

Sanskrit only: no published translation is held for this verse.

आत्मानं पुत्रनामानं मम तुल्यं गुणैर्विभो । इच्छामि दत्तं देवेश एष मे दीयतां वरः

ātmānaṃ putranāmānaṃ mama tulyaṃ guṇairvibho / icchāmi dattaṃ deveśa eṣa me dīyatāṃ varaḥ

Sanskrit only: no published translation is held for this verse.

सनत्कुमार उवाच तमेवंवादिनं देवः प्रहस्य वदतां वरः । उवाच वचसा व्यास दिशः सर्वा विनादयन्

sanatkumāra uvāca tamevaṃvādinaṃ devaḥ prahasya vadatāṃ varaḥ / uvāca vacasā vyāsa diśaḥ sarvā vinādayan

Sanskrit only: no published translation is held for this verse.

त्वयाहं याचितः शक्ते स च ते संभविष्यति । त्वत्समः सर्ववेदज्ञस् त्वदीयो मुनिपुंगव

tvayāhaṃ yācitaḥ śakte sa ca te saṃbhaviṣyati / tvatsamaḥ sarvavedajñas tvadīyo munipuṃgava

Sanskrit only: no published translation is held for this verse.

बीजात्मा च तथोद्भूतः स्वयमेवाङ्कुरात्मना । बीजात्मना न भवति परिणामान्तरं गतः

bījātmā ca tathodbhūtaḥ svayamevāṅkurātmanā / bījātmanā na bhavati pariṇāmāntaraṃ gataḥ

Sanskrit only: no published translation is held for this verse.

एवं स आत्मनात्मा वः संभूतो ऽपत्यसंज्ञितः । स्वेनात्मना न भविता परिणामान्तरं गतः

evaṃ sa ātmanātmā vaḥ saṃbhūto 'patyasaṃjñitaḥ / svenātmanā na bhavitā pariṇāmāntaraṃ gataḥ

Sanskrit only: no published translation is held for this verse.

सनत्कुमार उवाच एवमुक्त्वा तु तं देवः प्रहस्य च निरीक्ष्य च । जगाम सहसा योगी अदृश्यत्वमतिद्युतिः

sanatkumāra uvāca evamuktvā tu taṃ devaḥ prahasya ca nirīkṣya ca / jagāma sahasā yogī adṛśyatvamatidyutiḥ

Sanskrit only: no published translation is held for this verse.

तस्मिन्गते महादेवे शक्तिस्तव पितामहः । वचस्तत्परिनिश्चिन्त्य एवमेवेत्यमन्यत

tasmingate mahādeve śaktistava pitāmahaḥ / vacastatpariniścintya evamevetyamanyata

Sanskrit only: no published translation is held for this verse.

अथ काले ऽतिमहति समतीते शुभव्रते । तपसा भावितश्चापि महताग्निसमप्रभः । अदृश्यन्त्यां महाप्रज्ञ आदधे गर्भमुत्तमम्

atha kāle 'timahati samatīte śubhavrate / tapasā bhāvitaścāpi mahatāgnisamaprabhaḥ / adṛśyantyāṃ mahāprajña ādadhe garbhamuttamam

Sanskrit only: no published translation is held for this verse.

तस्यामापन्नसत्त्वायां राजा कल्माषपादृषिम् । भक्षयामास संरब्धो रक्षसा हृतचेतनः

tasyāmāpannasattvāyāṃ rājā kalmāṣapādṛṣim / bhakṣayāmāsa saṃrabdho rakṣasā hṛtacetanaḥ

Sanskrit only: no published translation is held for this verse.