Skanda Purāṇa (part) 19

सनत्कुमार उवाच एवं तव पिता व्यास रक्षःसत्त्रं समाहरत् । समापयित्वा च पुनस् तपस्तेपे च भास्वरम्

sanatkumāra uvāca evaṃ tava pitā vyāsa rakṣaḥsattraṃ samāharat / samāpayitvā ca punas tapastepe ca bhāsvaram

Sanskrit only: no published translation is held for this verse.

तमागत्य वसिष्ठस्तु तपसा भास्करद्युतिम् । उवाच प्रीतिसम्पन्नम् इदमर्थवदव्ययः

tamāgatya vasiṣṭhastu tapasā bhāskaradyutim / uvāca prītisampannam idamarthavadavyayaḥ

Sanskrit only: no published translation is held for this verse.

वसिष्ठ उवाच पितरः पुत्रकामा वै तपः कृत्वातिदुश्चरम् । पुत्रमुत्पादयन्ति स्म तपोज्ञानसमन्वितम्

vasiṣṭha uvāca pitaraḥ putrakāmā vai tapaḥ kṛtvātiduścaram / putramutpādayanti sma tapojñānasamanvitam

Sanskrit only: no published translation is held for this verse.

अयं नः संततिं चैव ज्ञानवांस्तपसान्वितः । करिष्यति गतिं चैव इति वेदविदो विदुः

ayaṃ naḥ saṃtatiṃ caiva jñānavāṃstapasānvitaḥ / kariṣyati gatiṃ caiva iti vedavido viduḥ

Sanskrit only: no published translation is held for this verse.

स त्वं तपोन्वितश्चैव ज्ञानवान्यशसान्वितः । पुत्रः पुत्रवतां श्रेष्ठो विहीनः प्रजया विभो

sa tvaṃ taponvitaścaiva jñānavānyaśasānvitaḥ / putraḥ putravatāṃ śreṣṭho vihīnaḥ prajayā vibho

Sanskrit only: no published translation is held for this verse.

तस्मात्पितॄणामानृण्यं गच्छ व्रतवतां वर । सुतमुत्पादय क्षिप्रम् अधिकं सममेव वा

tasmātpitṝṇāmānṛṇyaṃ gaccha vratavatāṃ vara / sutamutpādaya kṣipram adhikaṃ samameva vā

Sanskrit only: no published translation is held for this verse.

सनत्कुमार उवाच स एवमुक्तस्तेजस्वी वसिष्ठेनामितात्मना । मैनाकं पर्वतं प्राप्य तपस्तेपे सुदुश्चरम्

sanatkumāra uvāca sa evamuktastejasvī vasiṣṭhenāmitātmanā / mainākaṃ parvataṃ prāpya tapastepe suduścaram

Sanskrit only: no published translation is held for this verse.

तस्य कालेन महता तपसा भावितस्य तु । उमापतिर्वरं प्रादात् स च वव्रे सुतं शुभम्

tasya kālena mahatā tapasā bhāvitasya tu / umāpatirvaraṃ prādāt sa ca vavre sutaṃ śubham

Sanskrit only: no published translation is held for this verse.

स लब्धवर आगम्य ययाचे पुत्रकारणात् । क्षेत्रं सुपरिशुद्धं च स्वपुत्रो यत्र सम्भवेत्

sa labdhavara āgamya yayāce putrakāraṇāt / kṣetraṃ supariśuddhaṃ ca svaputro yatra sambhavet

Sanskrit only: no published translation is held for this verse.

सम्भ्रमन्दाशराजस्य दुहितृत्वमुपागताम् । पितृकन्यां ततः कालीम् अपश्यद्दिव्यरूपिणीम्

sambhramandāśarājasya duhitṛtvamupāgatām / pitṛkanyāṃ tataḥ kālīm apaśyaddivyarūpiṇīm

Sanskrit only: no published translation is held for this verse.

मत्सीगर्भसमुत्पन्नां वसोर्बीजाशनात्पुरा । अद्रिकामप्सरःश्रेष्ठां ब्रह्मतेजोमयीं शुभाम्

matsīgarbhasamutpannāṃ vasorbījāśanātpurā / adrikāmapsaraḥśreṣṭhāṃ brahmatejomayīṃ śubhām

Sanskrit only: no published translation is held for this verse.

तस्यां स जनयामास वरं दत्त्वा महातपाः । भवन्तं तपसां योनिं श्रौतस्मार्तप्रवर्तकम्

tasyāṃ sa janayāmāsa varaṃ dattvā mahātapāḥ / bhavantaṃ tapasāṃ yoniṃ śrautasmārtapravartakam

Sanskrit only: no published translation is held for this verse.

तव पुत्रो ऽभवच्चापि शुको योगविदां वरः । तस्य पुत्राश्च चत्वारः कन्या चैका सुमध्यमा

tava putro 'bhavaccāpi śuko yogavidāṃ varaḥ / tasya putrāśca catvāraḥ kanyā caikā sumadhyamā

Sanskrit only: no published translation is held for this verse.

व्यास उवाच कथं वैरं समभवद् विश्वामित्रवसिष्ठयोः । कथं चापगतं भूय एतदिच्छामि वेदितुम्

vyāsa uvāca kathaṃ vairaṃ samabhavad viśvāmitravasiṣṭhayoḥ / kathaṃ cāpagataṃ bhūya etadicchāmi veditum

Sanskrit only: no published translation is held for this verse.

सनत्कुमार उवाच पराशरे तु गर्भस्थे विप्रत्वं गाधिजे गते । सरस्वत्यां कुरुक्षेत्रे द्वयोरप्याश्रमौ तयोः

sanatkumāra uvāca parāśare tu garbhasthe vipratvaṃ gādhije gate / sarasvatyāṃ kurukṣetre dvayorapyāśramau tayoḥ

Sanskrit only: no published translation is held for this verse.

तत्र वैरमनुस्मृत्य विश्वामित्रेण धीमता । मिषतस्तु वसिष्ठस्य हतं पुत्रशतं रुषा

tatra vairamanusmṛtya viśvāmitreṇa dhīmatā / miṣatastu vasiṣṭhasya hataṃ putraśataṃ ruṣā

Sanskrit only: no published translation is held for this verse.

मुनिरप्याह तत्रासौ विश्वामित्रः प्रतापवान् । सरस्वतीमथैकान्ते वसिष्ठं मे महापगे । स्रोतसा महताक्षिप्य स्नायमानमिहानय

munirapyāha tatrāsau viśvāmitraḥ pratāpavān / sarasvatīmathaikānte vasiṣṭhaṃ me mahāpage / srotasā mahatākṣipya snāyamānamihānaya

Sanskrit only: no published translation is held for this verse.

सैवमुक्ता तु तं गत्वा वसिष्ठं प्राह दुःखिता । यदुक्तवांस्तु गाधेयः स चोवाच महानदीम्

saivamuktā tu taṃ gatvā vasiṣṭhaṃ prāha duḥkhitā / yaduktavāṃstu gādheyaḥ sa covāca mahānadīm

Sanskrit only: no published translation is held for this verse.

एवं कुरु महाभागे मां नयस्व यथेप्सितम् । मा ते क्रूरः स गाधेयः शापं दद्यात्सुदुस्तरम्

evaṃ kuru mahābhāge māṃ nayasva yathepsitam / mā te krūraḥ sa gādheyaḥ śāpaṃ dadyātsudustaram

Sanskrit only: no published translation is held for this verse.

सनत्कुमार उवाच गाधेयस्य ततः सा तु जुह्वतो ऽग्निं दिवाकरे । मध्यं प्राप्ते ऽनयद्वेगाद् वसिष्ठं स्रोतसा शुभा

sanatkumāra uvāca gādheyasya tataḥ sā tu juhvato 'gniṃ divākare / madhyaṃ prāpte 'nayadvegād vasiṣṭhaṃ srotasā śubhā

Sanskrit only: no published translation is held for this verse.

तं दृष्ट्वापहृतं व्यास स्रोतसा मुनिसत्तमम् । उवाच च्छद्मना यस्माद् वेगेनापहृतस्त्वया । तस्मात्त्वं कर्मणानेन सासृक्तोया भविष्यसि

taṃ dṛṣṭvāpahṛtaṃ vyāsa srotasā munisattamam / uvāca cchadmanā yasmād vegenāpahṛtastvayā / tasmāttvaṃ karmaṇānena sāsṛktoyā bhaviṣyasi

Sanskrit only: no published translation is held for this verse.

विश्वामित्रेण सा शप्ता नदी लोकसुखप्रदा । अवहद्रुधिरं चैव मांसमेदस्तथैव च

viśvāmitreṇa sā śaptā nadī lokasukhapradā / avahadrudhiraṃ caiva māṃsamedastathaiva ca

Sanskrit only: no published translation is held for this verse.

अथ तीर्थप्रसङ्गेन मुनिभिः समुपागतैः । अनुग्रहः कृतस्तस्या येन स्वच्छजलाभवत्

atha tīrthaprasaṅgena munibhiḥ samupāgataiḥ / anugrahaḥ kṛtastasyā yena svacchajalābhavat

Sanskrit only: no published translation is held for this verse.

महतस्तपसः शक्त्या कालेन महता तदा । वसिष्ठस्य च तां क्षान्तिं ज्ञात्वा स ऋषिपुंगवः

mahatastapasaḥ śaktyā kālena mahatā tadā / vasiṣṭhasya ca tāṃ kṣāntiṃ jñātvā sa ṛṣipuṃgavaḥ

Sanskrit only: no published translation is held for this verse.

विश्वामित्रो महातेजा वसिष्ठे वैरमत्यजत् । एवं तौ वैरमन्योन्यं जहतुर्मुनिसत्तमौ

viśvāmitro mahātejā vasiṣṭhe vairamatyajat / evaṃ tau vairamanyonyaṃ jahaturmunisattamau

Sanskrit only: no published translation is held for this verse.

सनत्कुमार उवाच य इमं शृणुयान्नित्यं ब्राह्मणाञ्छ्रावयीत वा । स दुस्तराणि दुर्गाणि तरत्यश्रान्तपौरुषः

sanatkumāra uvāca ya imaṃ śṛṇuyānnityaṃ brāhmaṇāñchrāvayīta vā / sa dustarāṇi durgāṇi taratyaśrāntapauruṣaḥ

Sanskrit only: no published translation is held for this verse.

ह्रीपौरुषौदार्यविहारसत्त्वैः समन्वितः सोज्ज्वलचारुवेषः । भवेच्च सर्वामरराजतुल्यस् त्रिपिष्टपे क्रीडति चेच्छया स्वयम्

hrīpauruṣaudāryavihārasattvaiḥ samanvitaḥ sojjvalacāruveṣaḥ / bhavecca sarvāmararājatulyas tripiṣṭape krīḍati cecchayā svayam

Sanskrit only: no published translation is held for this verse.

एवं तदभवद्व्यास विश्वामित्रवसिष्ठयोः । वैरं समाप्तं लोकानां हितार्थं पुनरेव च

evaṃ tadabhavadvyāsa viśvāmitravasiṣṭhayoḥ / vairaṃ samāptaṃ lokānāṃ hitārthaṃ punareva ca

Sanskrit only: no published translation is held for this verse.