Skanda Purāṇa (part) 2

सनत्कुमार उवाच प्रपद्ये देवमीशानं सर्वज्ञमपराजितम् । महादेवं महात्मानं विश्वस्य जगतः पतिम्

sanatkumāra uvāca prapadye devamīśānaṃ sarvajñamaparājitam / mahādevaṃ mahātmānaṃ viśvasya jagataḥ patim

Sanskrit only: no published translation is held for this verse.

शक्तिरप्रतिघा यस्य ऐश्वर्यं चैव सर्वशः । स्वामित्वं च विभुत्वं च स्वकृतानि प्रचक्षते

śaktirapratighā yasya aiśvaryaṃ caiva sarvaśaḥ / svāmitvaṃ ca vibhutvaṃ ca svakṛtāni pracakṣate

Sanskrit only: no published translation is held for this verse.

तस्मै देवाय सोमाय प्रणम्य प्रयतः शुचिः । पुराणाख्यानजिज्ञासोर् वक्ष्ये स्कन्दोद्भवं शुभम्

tasmai devāya somāya praṇamya prayataḥ śuciḥ / purāṇākhyānajijñāsor vakṣye skandodbhavaṃ śubham

Sanskrit only: no published translation is held for this verse.

देहावतारो देवस्य रुद्रस्य परमात्मनः । प्राजापत्याभिषेकश्च हरणं शिरसस्तथा

dehāvatāro devasya rudrasya paramātmanaḥ / prājāpatyābhiṣekaśca haraṇaṃ śirasastathā

Sanskrit only: no published translation is held for this verse.

दर्शनं षट्कुलीयानां चक्रस्य च विसर्जनम् । नैमिशस्योद्भवश्चैव सत्त्रस्य च समापनम्

darśanaṃ ṣaṭkulīyānāṃ cakrasya ca visarjanam / naimiśasyodbhavaścaiva sattrasya ca samāpanam

Sanskrit only: no published translation is held for this verse.

ब्रह्मणश्चागमस्तत्र तपसश्चरणं तथा । शर्वस्य दर्शनं चैव देव्याश्चैव समुद्भवः

brahmaṇaścāgamastatra tapasaścaraṇaṃ tathā / śarvasya darśanaṃ caiva devyāścaiva samudbhavaḥ

Sanskrit only: no published translation is held for this verse.

सत्या विवादश्च तथा दक्षशापस्तथैव च । मेनायां च यथोत्पत्तिर् यथा देव्याः स्वयंवरम्

satyā vivādaśca tathā dakṣaśāpastathaiva ca / menāyāṃ ca yathotpattir yathā devyāḥ svayaṃvaram

Sanskrit only: no published translation is held for this verse.

देवानां वरदानं च वसिष्ठस्य च धीमतः । पराशरस्य चोत्पत्तिर् व्यासस्य च महात्मनः

devānāṃ varadānaṃ ca vasiṣṭhasya ca dhīmataḥ / parāśarasya cotpattir vyāsasya ca mahātmanaḥ

Sanskrit only: no published translation is held for this verse.

वसिष्ठकौशिकाभ्यां च वैरोद्भवसमापनम् । वाराणस्याश्च शून्यत्वं क्षेत्रमाहात्म्यवर्णनम्

vasiṣṭhakauśikābhyāṃ ca vairodbhavasamāpanam / vārāṇasyāśca śūnyatvaṃ kṣetramāhātmyavarṇanam

Sanskrit only: no published translation is held for this verse.

रुद्रस्य चात्र सांनिध्यं नन्दिनश्चाप्यनुग्रहः । गणानां दर्शनं चैव कथनं चाप्यशेषतः

rudrasya cātra sāṃnidhyaṃ nandinaścāpyanugrahaḥ / gaṇānāṃ darśanaṃ caiva kathanaṃ cāpyaśeṣataḥ

Sanskrit only: no published translation is held for this verse.

कालीव्याहरणं चैव तपश्चरणमेव च । सोमनन्दिसमाख्यानं वरदानं तथैव च

kālīvyāharaṇaṃ caiva tapaścaraṇameva ca / somanandisamākhyānaṃ varadānaṃ tathaiva ca

Sanskrit only: no published translation is held for this verse.

गौरीत्वं पुत्रलम्भश्च देव्या उत्पत्तिरेव च । कौशिक्या भूतमातृत्वं सिंहाश्च रथिनस्तथा

gaurītvaṃ putralambhaśca devyā utpattireva ca / kauśikyā bhūtamātṛtvaṃ siṃhāśca rathinastathā

Sanskrit only: no published translation is held for this verse.

गौर्याश्च निलयो विन्ध्ये विन्ध्यसूर्यसमागमः । अगस्त्यस्य च माहात्म्यं वधः सुन्दनिसुन्दयोः

gauryāśca nilayo vindhye vindhyasūryasamāgamaḥ / agastyasya ca māhātmyaṃ vadhaḥ sundanisundayoḥ

Sanskrit only: no published translation is held for this verse.

निसुम्भसुम्भनिर्याणं महिषस्य वधस्तथा । अभिषेकश्च कौशिक्या वरदानमथापि च

nisumbhasumbhaniryāṇaṃ mahiṣasya vadhastathā / abhiṣekaśca kauśikyā varadānamathāpi ca

Sanskrit only: no published translation is held for this verse.

अन्धकस्य तथोत्पत्तिः पृथिव्याश्चैव बन्धनम् । हिरण्याक्षवधश्चैव हिरण्यकशिपोस्तथा

andhakasya tathotpattiḥ pṛthivyāścaiva bandhanam / hiraṇyākṣavadhaścaiva hiraṇyakaśipostathā

Sanskrit only: no published translation is held for this verse.

बलिसंयमनं चैव देव्याः समय एव च । देवानां गमनं चैव अग्नेर्दूतत्वमेव च

balisaṃyamanaṃ caiva devyāḥ samaya eva ca / devānāṃ gamanaṃ caiva agnerdūtatvameva ca

Sanskrit only: no published translation is held for this verse.

देवानां वरदानं च शुक्रस्य च विसर्जनम् । सुतस्य च तथोत्पत्तिर् देव्याश्चान्धकदर्शनम्

devānāṃ varadānaṃ ca śukrasya ca visarjanam / sutasya ca tathotpattir devyāścāndhakadarśanam

Sanskrit only: no published translation is held for this verse.

शैलादिदैत्यसंमर्दो देव्याश्च शतरूपता । आर्यावरप्रदानं च शैलादिस्तव एव च

śailādidaityasaṃmardo devyāśca śatarūpatā / āryāvarapradānaṃ ca śailādistava eva ca

Sanskrit only: no published translation is held for this verse.

देवस्यागमनं चैव वृत्तस्य कथनं तथा । पतिव्रतायाश्चाख्यानं गुरुशुश्रूषणस्य च

devasyāgamanaṃ caiva vṛttasya kathanaṃ tathā / pativratāyāścākhyānaṃ guruśuśrūṣaṇasya ca

Sanskrit only: no published translation is held for this verse.

आख्यानं पञ्चचूडायास् तेजसश्चाप्यधृष्यता । दूतस्यागमनं चैव संवादो ऽथ विसर्जनम्

ākhyānaṃ pañcacūḍāyās tejasaścāpyadhṛṣyatā / dūtasyāgamanaṃ caiva saṃvādo 'tha visarjanam

Sanskrit only: no published translation is held for this verse.

अन्धकासुरसंवादो मन्दरागमनं तथा । गणानामागमश्चैव संख्यानश्रवणं तथा

andhakāsurasaṃvādo mandarāgamanaṃ tathā / gaṇānāmāgamaścaiva saṃkhyānaśravaṇaṃ tathā

Sanskrit only: no published translation is held for this verse.

निग्रहश्चान्धकस्याथ युद्धेन महता तथा । शरीरार्धप्रदानं च अशोकसुतसंग्रहः

nigrahaścāndhakasyātha yuddhena mahatā tathā / śarīrārdhapradānaṃ ca aśokasutasaṃgrahaḥ

Sanskrit only: no published translation is held for this verse.

भस्मसोमोद्भवश्चैव श्मशानवसतिस्तथा । रुद्रस्य नीलकण्ठत्वं तथायतनवर्णनम्

bhasmasomodbhavaścaiva śmaśānavasatistathā / rudrasya nīlakaṇṭhatvaṃ tathāyatanavarṇanam

Sanskrit only: no published translation is held for this verse.

उत्पत्तिर्यक्षराजस्य कुबेरस्य च धीमतः । निग्रहो भुजगेन्द्राणां शिखरस्य च पातनम्

utpattiryakṣarājasya kuberasya ca dhīmataḥ / nigraho bhujagendrāṇāṃ śikharasya ca pātanam

Sanskrit only: no published translation is held for this verse.

त्रैलोक्यस्य सशक्रस्य वशीकरणमेव च । देवसेनाप्रदानं च सेनापत्याभिषेचनम्

trailokyasya saśakrasya vaśīkaraṇameva ca / devasenāpradānaṃ ca senāpatyābhiṣecanam

Sanskrit only: no published translation is held for this verse.

नारदस्यागमश्चैव तारकप्रेषितस्य ह । वधश्च तारकस्योग्रो यात्रा भद्रवटस्य च

nāradasyāgamaścaiva tārakapreṣitasya ha / vadhaśca tārakasyogro yātrā bhadravaṭasya ca

Sanskrit only: no published translation is held for this verse.

महिषस्य वधश्चैव क्रौञ्चस्य च निबर्हणम् । शक्तेरुद्धरणं चैव तारकस्य वधः शुभः

mahiṣasya vadhaścaiva krauñcasya ca nibarhaṇam / śakteruddharaṇaṃ caiva tārakasya vadhaḥ śubhaḥ

Sanskrit only: no published translation is held for this verse.

देवासुरभयोत्पत्तिस् त्रैपुरं युद्धमेव च । प्रह्लादविग्रहश्चैव कृतघ्नाख्यानमेव च । महाभाग्यं ब्राह्मणानां विस्तरेण प्रकीर्त्यते

devāsurabhayotpattis traipuraṃ yuddhameva ca / prahlādavigrahaścaiva kṛtaghnākhyānameva ca / mahābhāgyaṃ brāhmaṇānāṃ vistareṇa prakīrtyate

Sanskrit only: no published translation is held for this verse.

एतज्ज्ञात्वा यथावद्धि कुमारानुचरो भवेत् । बलवान्मतिसम्पन्नः पुत्रं चाप्नोति संमतम्

etajjñātvā yathāvaddhi kumārānucaro bhavet / balavānmatisampannaḥ putraṃ cāpnoti saṃmatam

Sanskrit only: no published translation is held for this verse.