Skanda Purāṇa (part) 22

सनत्कुमार उवाच ततस्तु देवदेवेशो भक्त्या परमया युतम् । अश्रुपूर्णेक्षणं दीनं पादयोः शिरसा नतम्

sanatkumāra uvāca tatastu devadeveśo bhaktyā paramayā yutam / aśrupūrṇekṣaṇaṃ dīnaṃ pādayoḥ śirasā natam

Sanskrit only: no published translation is held for this verse.

कराभ्यां सुसुखाभ्यां तु संगृह्य परमार्तिहा । उत्थाप्य नयने सोमः अश्रुपूर्णे ममार्ज ह

karābhyāṃ susukhābhyāṃ tu saṃgṛhya paramārtihā / utthāpya nayane somaḥ aśrupūrṇe mamārja ha

Sanskrit only: no published translation is held for this verse.

उवाच चैनं तुष्टात्मा वचसाप्याययन्निव । निरीक्ष्य गणपान्सर्वान् देव्या सह तदा प्रभुः

uvāca cainaṃ tuṣṭātmā vacasāpyāyayanniva / nirīkṣya gaṇapānsarvān devyā saha tadā prabhuḥ

Sanskrit only: no published translation is held for this verse.

देव उवाच जाने भक्तिं तव मयि जाने चार्तिं तवानघ । तस्य सर्वस्य शैलादे उदर्कं संनिशामय

deva uvāca jāne bhaktiṃ tava mayi jāne cārtiṃ tavānagha / tasya sarvasya śailāde udarkaṃ saṃniśāmaya

Sanskrit only: no published translation is held for this verse.

अमरो जरया त्यक्तो नित्यं दुःखविवर्जितः । अक्षयश्चाव्ययश्चैव सपिता ससुहृज्जनः

amaro jarayā tyakto nityaṃ duḥkhavivarjitaḥ / akṣayaścāvyayaścaiva sapitā sasuhṛjjanaḥ

Sanskrit only: no published translation is held for this verse.

ममेष्टो गणपश्चैव मद्वीर्यो मत्पराक्रमः । इष्टो मम सदा चैव मम पार्श्वगतः सदा । मद्रूपश्चैव भविता महायोगबलान्वितः

mameṣṭo gaṇapaścaiva madvīryo matparākramaḥ / iṣṭo mama sadā caiva mama pārśvagataḥ sadā / madrūpaścaiva bhavitā mahāyogabalānvitaḥ

Sanskrit only: no published translation is held for this verse.

ऋद्धिमच्चैव ते द्वीपं क्षीरोदममृताकरम् । संवासं सम्प्रयच्छामि तत्र रंस्यसि सर्वदा

ṛddhimaccaiva te dvīpaṃ kṣīrodamamṛtākaram / saṃvāsaṃ samprayacchāmi tatra raṃsyasi sarvadā

Sanskrit only: no published translation is held for this verse.

कुशेशयमयीं मालाम् अवमुच्यात्मनस्ततः । आबबन्ध महातेजा नन्दिने दिव्यरूपिणीम्

kuśeśayamayīṃ mālām avamucyātmanastataḥ / ābabandha mahātejā nandine divyarūpiṇīm

Sanskrit only: no published translation is held for this verse.

स तया मालया नन्दी बभौ कण्ठावसक्तया । त्र्यक्षो दशभुजः श्रीमान् द्वितीय इव शंकरः

sa tayā mālayā nandī babhau kaṇṭhāvasaktayā / tryakṣo daśabhujaḥ śrīmān dvitīya iva śaṃkaraḥ

Sanskrit only: no published translation is held for this verse.

ततस्तं वै समादाय हस्तेन भगवान्हरः । उवाच ब्रूहि किं ते ऽद्य ददानि वरमुत्तमम्

tatastaṃ vai samādāya hastena bhagavānharaḥ / uvāca brūhi kiṃ te 'dya dadāni varamuttamam

Sanskrit only: no published translation is held for this verse.

आश्रमश्चायमत्यर्थं तपसा तव भावितः । जप्येश्वर इति ख्यातो मम गुह्यो भविष्यति

āśramaścāyamatyarthaṃ tapasā tava bhāvitaḥ / japyeśvara iti khyāto mama guhyo bhaviṣyati

Sanskrit only: no published translation is held for this verse.

समन्ताद्योजनं क्षेत्रं दिव्यं देवगणैर्वृतम् । सिद्धचारणसंकीर्णम् अप्सरोगणसेवितम् । सिद्धिक्षेत्रं परं गुह्यं भविष्यति न संशयः

samantādyojanaṃ kṣetraṃ divyaṃ devagaṇairvṛtam / siddhacāraṇasaṃkīrṇam apsarogaṇasevitam / siddhikṣetraṃ paraṃ guhyaṃ bhaviṣyati na saṃśayaḥ

Sanskrit only: no published translation is held for this verse.

कर्मणा मनसा वाचा यत्किंचित्कुरुते नरः । शुभं वाप्यशुभं वात्र सर्वं भवितृ तच्छुभम्

karmaṇā manasā vācā yatkiṃcitkurute naraḥ / śubhaṃ vāpyaśubhaṃ vātra sarvaṃ bhavitṛ tacchubham

Sanskrit only: no published translation is held for this verse.

जाप्यं मानसं तुल्यं वै रुद्राणां तद्भविष्यति । यत्र तत्र मृता मर्त्या यास्यन्ति तव लोकताम्

jāpyaṃ mānasaṃ tulyaṃ vai rudrāṇāṃ tadbhaviṣyati / yatra tatra mṛtā martyā yāsyanti tava lokatām

Sanskrit only: no published translation is held for this verse.

ततो जटास्रुतं वारि गृहीत्वा हारनिर्मलम् । उक्त्वा नदी भवस्वेति विससर्ज महातपाः

tato jaṭāsrutaṃ vāri gṛhītvā hāranirmalam / uktvā nadī bhavasveti visasarja mahātapāḥ

Sanskrit only: no published translation is held for this verse.

सा ततो दिव्यतोया च पुण्या मणिजला शुभा । हंसकारण्डवाकीर्णा चक्रवाकोपशोभिता । पद्मोत्पलवनोपेता प्रावर्तत महानदी

sā tato divyatoyā ca puṇyā maṇijalā śubhā / haṃsakāraṇḍavākīrṇā cakravākopaśobhitā / padmotpalavanopetā prāvartata mahānadī

Sanskrit only: no published translation is held for this verse.

स्त्रीरूपधारिणी चैव प्राञ्जलिः शिरसा नता । पद्मोत्पलदलाभाक्षी महादेवमुपस्थिता

strīrūpadhāriṇī caiva prāñjaliḥ śirasā natā / padmotpaladalābhākṣī mahādevamupasthitā

Sanskrit only: no published translation is held for this verse.

तामुवाच ततो देवो नदीं स्वयमुपस्थिताम् । यस्माज्जटोदकाद्देवि प्रवृत्ता त्वं शुभानने । तस्माज्जटोदा नाम्ना त्वं भविष्यसि सरिद्वरा

tāmuvāca tato devo nadīṃ svayamupasthitām / yasmājjaṭodakāddevi pravṛttā tvaṃ śubhānane / tasmājjaṭodā nāmnā tvaṃ bhaviṣyasi saridvarā

Sanskrit only: no published translation is held for this verse.

त्वयि स्नानं तु यः कुर्याच् छुचिः प्रयतमानसः । सो ऽश्वमेधफलं प्राप्य रुद्रलोके महीयते

tvayi snānaṃ tu yaḥ kuryāc chuciḥ prayatamānasaḥ / so 'śvamedhaphalaṃ prāpya rudraloke mahīyate

Sanskrit only: no published translation is held for this verse.

सनत्कुमार उवाच ततो देव्या महादेवो नन्दीश्वरमतिप्रभम् । पुत्रस्ते ऽयमिति प्रोच्य पादयोस्तं व्यनामयत्

sanatkumāra uvāca tato devyā mahādevo nandīśvaramatiprabham / putraste 'yamiti procya pādayostaṃ vyanāmayat

Sanskrit only: no published translation is held for this verse.

सा तमाघ्राय शिरसि पाणिभ्यां परिमार्जती । पुत्रप्रेम्णाभ्यषिञ्चत्तं स्रोतोभिः स्तनजैस्त्रिभिः । पयसा शङ्खगौरेण देवी देवं निरीक्षती

sā tamāghrāya śirasi pāṇibhyāṃ parimārjatī / putrapremṇābhyaṣiñcattaṃ srotobhiḥ stanajaistribhiḥ / payasā śaṅkhagaureṇa devī devaṃ nirīkṣatī

Sanskrit only: no published translation is held for this verse.

तानि स्रोतांसि त्रीण्यस्याः स्रुतान्योघवती नदी । नदीं त्रिस्रोतसीं पुण्यां ततस्तामवदद्धरः

tāni srotāṃsi trīṇyasyāḥ srutānyoghavatī nadī / nadīṃ trisrotasīṃ puṇyāṃ tatastāmavadaddharaḥ

Sanskrit only: no published translation is held for this verse.

त्रिस्रोतसं नदीं दृष्ट्वा वृषः परमहर्षितः । ननर्द नादात्तस्माच्च सरिदन्या ततो ऽभवत्

trisrotasaṃ nadīṃ dṛṣṭvā vṛṣaḥ paramaharṣitaḥ / nanarda nādāttasmācca saridanyā tato 'bhavat

Sanskrit only: no published translation is held for this verse.

यस्माद्वृषभनादेन प्रवृत्ता सा महानदी । तस्माड्ढित्किरिकां तां वै उवाच वृषभध्वजः

yasmādvṛṣabhanādena pravṛttā sā mahānadī / tasmāḍḍhitkirikāṃ tāṃ vai uvāca vṛṣabhadhvajaḥ

Sanskrit only: no published translation is held for this verse.

जाम्बूनदमयं चित्रं स्वं देवः परमाद्भुतम् । मुकुटं चाबबन्धास्मै कुण्डले चामृतोद्भवे

jāmbūnadamayaṃ citraṃ svaṃ devaḥ paramādbhutam / mukuṭaṃ cābabandhāsmai kuṇḍale cāmṛtodbhave

Sanskrit only: no published translation is held for this verse.

तं तथाभ्यर्चितं व्योम्नि दृष्ट्वा मेघः प्रभाकरः । देवोपवाह्यः सिषिचे सनादः सतडिद्गुणः

taṃ tathābhyarcitaṃ vyomni dṛṣṭvā meghaḥ prabhākaraḥ / devopavāhyaḥ siṣice sanādaḥ sataḍidguṇaḥ

Sanskrit only: no published translation is held for this verse.

तस्याभिषिक्तस्य तदा प्रवृत्ते स्रोतसी भृशम् । यस्मात्सुवर्णान्निःसृत्य नद्येका सम्प्रवर्तत । स्वर्णोदकेति नाम्ना तां महादेवो ऽभ्यभाषत

tasyābhiṣiktasya tadā pravṛtte srotasī bhṛśam / yasmātsuvarṇānniḥsṛtya nadyekā sampravartata / svarṇodaketi nāmnā tāṃ mahādevo 'bhyabhāṣata

Sanskrit only: no published translation is held for this verse.

जाम्बूनदमयाद्यस्माद् द्वितीया मुकुटाच्छुभात् । प्रावर्तत नदी पुण्या ऊचुर्जम्बूनदीति ताम्

jāmbūnadamayādyasmād dvitīyā mukuṭācchubhāt / prāvartata nadī puṇyā ūcurjambūnadīti tām

Sanskrit only: no published translation is held for this verse.

एतत्पञ्चनदं नाम जप्येश्वरसमीपगम् । व्याख्यातं फलमेतासां जटोदायां महात्मना

etatpañcanadaṃ nāma japyeśvarasamīpagam / vyākhyātaṃ phalametāsāṃ jaṭodāyāṃ mahātmanā

Sanskrit only: no published translation is held for this verse.

तच्च पञ्चनदं दिव्यं देवं जप्येश्वरं च तम् । त्रिरात्रोपोषितो गत्वा स्नात्वाभ्यर्च्य च शूलिनम्

tacca pañcanadaṃ divyaṃ devaṃ japyeśvaraṃ ca tam / trirātropoṣito gatvā snātvābhyarcya ca śūlinam

Sanskrit only: no published translation is held for this verse.

नन्दीश्वरस्यानुचरः क्षीरोदनिलयो भवेत्

nandīśvarasyānucaraḥ kṣīrodanilayo bhavet

Sanskrit only: no published translation is held for this verse.

यस्तु जप्येश्वरे प्राणान् परित्यजति दुस्त्यजान् । नियमेनान्यथा वापि स मे गणपतिर्भवेत्

yastu japyeśvare prāṇān parityajati dustyajān / niyamenānyathā vāpi sa me gaṇapatirbhavet

Sanskrit only: no published translation is held for this verse.

नन्दीश्वरसमो नित्यः शाश्वतः अक्षयो ऽव्ययः । मम पार्श्वादनपगः प्रियः संमत एव च

nandīśvarasamo nityaḥ śāśvataḥ akṣayo 'vyayaḥ / mama pārśvādanapagaḥ priyaḥ saṃmata eva ca

Sanskrit only: no published translation is held for this verse.

जप्येश्वरं पञ्चनदं च तद्वै यो मानवो ऽभ्येत्य जहाति देहम् । स मे सदा स्याद्गणपो वरिष्ठस् त्वया समः कान्तिवपुश्च नित्यम्

japyeśvaraṃ pañcanadaṃ ca tadvai yo mānavo 'bhyetya jahāti deham / sa me sadā syādgaṇapo variṣṭhas tvayā samaḥ kāntivapuśca nityam

Sanskrit only: no published translation is held for this verse.