Skanda Purāṇa (part) 23

सनत्कुमार उवाच भगवान्देवदेवेशः सर्वभूतपतिर्हरः । देवीमुवाच वागीश उमां गिरिवरात्मजाम्

sanatkumāra uvāca bhagavāndevadeveśaḥ sarvabhūtapatirharaḥ / devīmuvāca vāgīśa umāṃ girivarātmajām

Sanskrit only: no published translation is held for this verse.

देवि नन्दीश्वरं देवम् अभिषेक्ष्यामि भूतपम् । गणानावाहयिष्यामि किं वा त्वं मन्यसे ऽव्यये

devi nandīśvaraṃ devam abhiṣekṣyāmi bhūtapam / gaṇānāvāhayiṣyāmi kiṃ vā tvaṃ manyase 'vyaye

Sanskrit only: no published translation is held for this verse.

देव्युवाच सप्तलोकाधिपत्यं च गणेशानां तथैव च । सर्वमर्हति देवेश नन्दी पुत्रो ममाग्रजः

devyuvāca saptalokādhipatyaṃ ca gaṇeśānāṃ tathaiva ca / sarvamarhati deveśa nandī putro mamāgrajaḥ

Sanskrit only: no published translation is held for this verse.

सनत्कुमार उवाच ततः स भगवान्देवः सुरशत्रुनिषूदनः । प्राङ्मुखः स गणेशानाम् आह्वानमकरोत्तदा

sanatkumāra uvāca tataḥ sa bhagavāndevaḥ suraśatruniṣūdanaḥ / prāṅmukhaḥ sa gaṇeśānām āhvānamakarottadā

Sanskrit only: no published translation is held for this verse.

ततः सहस्रशस्तत्र गणाध्यक्षा मुदा युताः । सम्प्राप्ताः सर्वलोकेशास् तच्छृणुष्व महामुने

tataḥ sahasraśastatra gaṇādhyakṣā mudā yutāḥ / samprāptāḥ sarvalokeśās tacchṛṇuṣva mahāmune

Sanskrit only: no published translation is held for this verse.

ततः करालदशनो भृकुटीभूषिताननः । शङ्खहाराम्बुगौरश्च दंष्ट्री स्रग्मी त्रिलोचनः

tataḥ karāladaśano bhṛkuṭībhūṣitānanaḥ / śaṅkhahārāmbugauraśca daṃṣṭrī sragmī trilocanaḥ

Sanskrit only: no published translation is held for this verse.

जटासहस्रोर्ध्वशिरा ज्वालाकेशो महाहनुः । अग्न्यङ्गारकनेत्रश्च भुजगाबद्धमेखलः

jaṭāsahasrordhvaśirā jvālākeśo mahāhanuḥ / agnyaṅgārakanetraśca bhujagābaddhamekhalaḥ

Sanskrit only: no published translation is held for this verse.

विद्युज्जिह्वो महाकायस् तथा चैवोर्ध्वमेहनः । सर्पयज्ञोपवीती च परश्वधधरस्तथा

vidyujjihvo mahākāyas tathā caivordhvamehanaḥ / sarpayajñopavītī ca paraśvadhadharastathā

Sanskrit only: no published translation is held for this verse.

भुजगाबद्धमौञ्जिश्च भुजगैरेव कङ्कणैः । अट्टहासान्सृजानश्च अशनीपातसंनिभान् । दिण्डिरित्येव विख्यातो गणपः समदृश्यत

bhujagābaddhamauñjiśca bhujagaireva kaṅkaṇaiḥ / aṭṭahāsānsṛjānaśca aśanīpātasaṃnibhān / diṇḍirityeva vikhyāto gaṇapaḥ samadṛśyata

Sanskrit only: no published translation is held for this verse.

आत्मनः सदृशानां च कोटीभिर्दशभिर्वृतः । गणपानां सुरेशानां योगिनां दीप्ततेजसाम्

ātmanaḥ sadṛśānāṃ ca koṭībhirdaśabhirvṛtaḥ / gaṇapānāṃ sureśānāṃ yogināṃ dīptatejasām

Sanskrit only: no published translation is held for this verse.

ततो ऽपरो महाकेशो महाकायोर्ध्वमेहनः । त्र्यक्षो ऽनलशतप्रख्यः अशनीपातनर्दनः

tato 'paro mahākeśo mahākāyordhvamehanaḥ / tryakṣo 'nalaśataprakhyaḥ aśanīpātanardanaḥ

Sanskrit only: no published translation is held for this verse.

नृत्यन्गायंश्च चित्राणि कुर्वन्नाट्यान्यनेकशः । ज्वलदंष्ट्रो महाहासो बृहत्स्कन्धः पिनाकधृक्

nṛtyangāyaṃśca citrāṇi kurvannāṭyānyanekaśaḥ / jvaladaṃṣṭro mahāhāso bṛhatskandhaḥ pinākadhṛk

Sanskrit only: no published translation is held for this verse.

कोटीभिर्दशभिः सार्धं द्विगुणाभिर्महात्मनाम् । गणानां चित्ररूपाणां युगपत्सम्प्रदृश्यत

koṭībhirdaśabhiḥ sārdhaṃ dviguṇābhirmahātmanām / gaṇānāṃ citrarūpāṇāṃ yugapatsampradṛśyata

Sanskrit only: no published translation is held for this verse.

सिंहास्यगजकोकास्यैर् द्वीपिशार्दूलकाननैः । सो ऽषाढिर्नाम गणपो व्यास तत्र समागतः

siṃhāsyagajakokāsyair dvīpiśārdūlakānanaiḥ / so 'ṣāḍhirnāma gaṇapo vyāsa tatra samāgataḥ

Sanskrit only: no published translation is held for this verse.

सनत्कुमार उवाच अथान्यो व्यास सम्प्राप्तो युगान्तादित्यसप्रभः । शतयोजनबाहुश्च दिग्वासाश्चोर्ध्वमेहनः

sanatkumāra uvāca athānyo vyāsa samprāpto yugāntādityasaprabhaḥ / śatayojanabāhuśca digvāsāścordhvamehanaḥ

Sanskrit only: no published translation is held for this verse.

अतिदीर्घो ऽतिमेढ्रश्च लम्बभ्रूः स्थूलनासिकः । वृत्तास्यश्च महाक्षश्च भृकुटीसंहताननः

atidīrgho 'timeḍhraśca lambabhrūḥ sthūlanāsikaḥ / vṛttāsyaśca mahākṣaśca bhṛkuṭīsaṃhatānanaḥ

Sanskrit only: no published translation is held for this verse.

पञ्चयोजनविस्तीर्णो दीर्घो वै तावदेव च । दंष्ट्राश्चतस्रो वक्त्रेण बिभ्रच्छङ्खेन्दुपाण्डराः

pañcayojanavistīrṇo dīrgho vai tāvadeva ca / daṃṣṭrāścatasro vaktreṇa bibhracchaṅkhendupāṇḍarāḥ

Sanskrit only: no published translation is held for this verse.

पञ्चजिह्वोर्ध्वकर्णश्च पाशहस्तो मनोजवः । वृतः कोटीशतेनैव सदृशानामदृश्यत

pañcajihvordhvakarṇaśca pāśahasto manojavaḥ / vṛtaḥ koṭīśatenaiva sadṛśānāmadṛśyata

Sanskrit only: no published translation is held for this verse.

भारभूतीति विख्यातो महायोगबलान्वितः । गणपो देवदेवस्य समीपं सो ऽभ्यगच्छत

bhārabhūtīti vikhyāto mahāyogabalānvitaḥ / gaṇapo devadevasya samīpaṃ so 'bhyagacchata

Sanskrit only: no published translation is held for this verse.

ततः कुन्देन्दुशङ्खाभं हिमराश्यम्बुसंनिभम् । मृणालस्फटिकाभं च भस्मकक्षावलम्बनम्

tataḥ kundenduśaṅkhābhaṃ himarāśyambusaṃnibham / mṛṇālasphaṭikābhaṃ ca bhasmakakṣāvalambanam

Sanskrit only: no published translation is held for this verse.

गृहीत्वा चाशनीहासं त्रिपादं चीरवाससम् । शतोदरं त्रिशिरसं त्रिनेत्रं चोर्ध्वमूर्धजम्

gṛhītvā cāśanīhāsaṃ tripādaṃ cīravāsasam / śatodaraṃ triśirasaṃ trinetraṃ cordhvamūrdhajam

Sanskrit only: no published translation is held for this verse.

ज्वालामालाग्रकेशं च व्याघ्रचर्माजिनाम्बरम् । वायुवेगं महाहासं भुजगाबद्धमेखलम्

jvālāmālāgrakeśaṃ ca vyāghracarmājināmbaram / vāyuvegaṃ mahāhāsaṃ bhujagābaddhamekhalam

Sanskrit only: no published translation is held for this verse.

महोरगकृतापीडं शङ्कुकर्णोर्ध्वमेहनम् । भस्मप्रहरणं चैव महादंष्ट्रं महाहनुम्

mahoragakṛtāpīḍaṃ śaṅkukarṇordhvamehanam / bhasmapraharaṇaṃ caiva mahādaṃṣṭraṃ mahāhanum

Sanskrit only: no published translation is held for this verse.

महागणपतिं वीरं ज्वर इत्येव विश्रुतम् । कोटीशतवृतं तं च गणपं सो ऽन्वपश्यत

mahāgaṇapatiṃ vīraṃ jvara ityeva viśrutam / koṭīśatavṛtaṃ taṃ ca gaṇapaṃ so 'nvapaśyata

Sanskrit only: no published translation is held for this verse.

ततो ऽपरः सौम्यरूपो भस्मदिग्धाङ्ग एव च । त्रिशूलपाणिर्दिग्वासा महायोगबलान्वितः

tato 'paraḥ saumyarūpo bhasmadigdhāṅga eva ca / triśūlapāṇirdigvāsā mahāyogabalānvitaḥ

Sanskrit only: no published translation is held for this verse.

बहुवेषधरश्चैव ध्यानयोगपरायणः । सोमवर्ण इति ख्यातः कोटीशतवृतः प्रभुः । तादृशानां गणाध्यक्षो देवेनाहूत आगतः

bahuveṣadharaścaiva dhyānayogaparāyaṇaḥ / somavarṇa iti khyātaḥ koṭīśatavṛtaḥ prabhuḥ / tādṛśānāṃ gaṇādhyakṣo devenāhūta āgataḥ

Sanskrit only: no published translation is held for this verse.

अथापरो महाकायः शूलपाणिर्महाबलः । युगान्तानलसंकाशः स्थिरः स्थिरयशोबलः

athāparo mahākāyaḥ śūlapāṇirmahābalaḥ / yugāntānalasaṃkāśaḥ sthiraḥ sthirayaśobalaḥ

Sanskrit only: no published translation is held for this verse.

चन्द्रमौलिर्महाकेशश् चतुर्बाहुर्विलोहितः । एकपादैर्महाकायैस् त्र्यक्षैस्तैः शूलपाणिभिः

candramaulirmahākeśaś caturbāhurvilohitaḥ / ekapādairmahākāyais tryakṣaistaiḥ śūlapāṇibhiḥ

Sanskrit only: no published translation is held for this verse.

वृतः कोटीशतेनैव स्थाणुस्तत्राभ्यवर्तत । समहापार्षदो रुद्रः सर्वासुरनिबर्हणः

vṛtaḥ koṭīśatenaiva sthāṇustatrābhyavartata / samahāpārṣado rudraḥ sarvāsuranibarhaṇaḥ

Sanskrit only: no published translation is held for this verse.

ततो ऽपरः पट्टिसेन ह्रस्वपादोदरः शुचिः । सहस्रबाहुचरणः सहस्राक्षः प्रतापवान्

tato 'paraḥ paṭṭisena hrasvapādodaraḥ śuciḥ / sahasrabāhucaraṇaḥ sahasrākṣaḥ pratāpavān

Sanskrit only: no published translation is held for this verse.

करालदशनश्चैव कृष्णसर्पाम्बरच्छदः । त्र्यक्षश्चन्द्रकृतापीडः कण्ठमालाविभूषितः

karāladaśanaścaiva kṛṣṇasarpāmbaracchadaḥ / tryakṣaścandrakṛtāpīḍaḥ kaṇṭhamālāvibhūṣitaḥ

Sanskrit only: no published translation is held for this verse.

उग्रसेन इति ख्यातः कोटीशतवृतः स च । आगात्समीपं देवस्य आहूतः स्वयमीश्वरः

ugrasena iti khyātaḥ koṭīśatavṛtaḥ sa ca / āgātsamīpaṃ devasya āhūtaḥ svayamīśvaraḥ

Sanskrit only: no published translation is held for this verse.

ततो ऽपरः समापेदे देवं चन्द्रार्धधारिणम् । चतुर्वक्त्रो महातेजाश् चतुर्विंशेक्षणः प्रभुः

tato 'paraḥ samāpede devaṃ candrārdhadhāriṇam / caturvaktro mahātejāś caturviṃśekṣaṇaḥ prabhuḥ

Sanskrit only: no published translation is held for this verse.

सहस्रबाहुर्ज्वालास्यो महानेत्रोर्ध्वमेहनः । करालदशनश्चैव शङ्कुकर्णो महानखः

sahasrabāhurjvālāsyo mahānetrordhvamehanaḥ / karāladaśanaścaiva śaṅkukarṇo mahānakhaḥ

Sanskrit only: no published translation is held for this verse.

असिपाणिर्महातेजाः शतपादः शतोदरः । विद्युत्केशो ऽतिहासश्च तथैवोभयतोगतिः

asipāṇirmahātejāḥ śatapādaḥ śatodaraḥ / vidyutkeśo 'tihāsaśca tathaivobhayatogatiḥ

Sanskrit only: no published translation is held for this verse.

अजैकपादिति ख्यातो वृतः कोटीशतेन सः । काञ्चनोपलवृक्षाढ्यः समेघ इव पर्वतः

ajaikapāditi khyāto vṛtaḥ koṭīśatena saḥ / kāñcanopalavṛkṣāḍhyaḥ samegha iva parvataḥ

Sanskrit only: no published translation is held for this verse.

सनत्कुमार उवाच आगात्ततो ऽपरो व्यास गणपः सुमहाबलः । सर्वतोवदनः श्रीमान् सर्वतःपाणिपादधृक्

sanatkumāra uvāca āgāttato 'paro vyāsa gaṇapaḥ sumahābalaḥ / sarvatovadanaḥ śrīmān sarvataḥpāṇipādadhṛk

Sanskrit only: no published translation is held for this verse.

ह्रस्वबाहूरुपादश्च अशनिं धारयञ्छुभम् । शतैर्वृतश्च कोटीनाम् अष्टाभिस्त्वात्मनः समैः । निकुम्भ इति विख्यातः शतपादोदराननः

hrasvabāhūrupādaśca aśaniṃ dhārayañchubham / śatairvṛtaśca koṭīnām aṣṭābhistvātmanaḥ samaiḥ / nikumbha iti vikhyātaḥ śatapādodarānanaḥ

Sanskrit only: no published translation is held for this verse.

आगात्ततो ऽपरश्चापि विद्युत्केशो महाबलः । चन्द्रमालाधरो घोरः प्रहसन्प्रविचालयन्

āgāttato 'paraścāpi vidyutkeśo mahābalaḥ / candramālādharo ghoraḥ prahasanpravicālayan

Sanskrit only: no published translation is held for this verse.

दण्डधारी महावक्त्रः शङ्खकुन्देन्दुसप्रभः । गणकोटीशतवृतः परमं परतापनः

daṇḍadhārī mahāvaktraḥ śaṅkhakundendusaprabhaḥ / gaṇakoṭīśatavṛtaḥ paramaṃ paratāpanaḥ

Sanskrit only: no published translation is held for this verse.

ततो ऽपरः सहस्रेण कोटीनां गणपो वृतः । सूर्यमालास्रजं बिभ्रद् आजगाम महातपाः

tato 'paraḥ sahasreṇa koṭīnāṃ gaṇapo vṛtaḥ / sūryamālāsrajaṃ bibhrad ājagāma mahātapāḥ

Sanskrit only: no published translation is held for this verse.

स सूर्याप्यायनो नाम देवस्य परमप्रियः । धनुष्पाणिर्महातेजा विश्रुतः समहाद्युतिः

sa sūryāpyāyano nāma devasya paramapriyaḥ / dhanuṣpāṇirmahātejā viśrutaḥ samahādyutiḥ

Sanskrit only: no published translation is held for this verse.

तथान्यः सर्पमालश्च चक्राभरण एव च । चक्रायुधो महातेजा ह्रस्वपादकटीकरः

tathānyaḥ sarpamālaśca cakrābharaṇa eva ca / cakrāyudho mahātejā hrasvapādakaṭīkaraḥ

Sanskrit only: no published translation is held for this verse.

स नाम्ना विश्रुतो लोके ग्रहाप्यायन इत्युत । गणकोटिशतैः षड्भिर् वृतः समनुधावत

sa nāmnā viśruto loke grahāpyāyana ityuta / gaṇakoṭiśataiḥ ṣaḍbhir vṛtaḥ samanudhāvata

Sanskrit only: no published translation is held for this verse.

शङ्कुकर्णो ऽभ्ययाच्चैव गणकोट्या महाबलः । नन्दिकश्चापि दशभिः पिङ्गाक्षो ऽष्टाभिरेव च । विनायकश्चतुःषष्ट्या कुष्माण्डो नाम विश्रुतः

śaṅkukarṇo 'bhyayāccaiva gaṇakoṭyā mahābalaḥ / nandikaścāpi daśabhiḥ piṅgākṣo 'ṣṭābhireva ca / vināyakaścatuḥṣaṣṭyā kuṣmāṇḍo nāma viśrutaḥ

Sanskrit only: no published translation is held for this verse.

हिरण्यवर्णः षड्भिश्च एकपादस्तथैव च । धूम्रकेशो द्वादशभिः पताकी दशभिस्तथा

hiraṇyavarṇaḥ ṣaḍbhiśca ekapādastathaiva ca / dhūmrakeśo dvādaśabhiḥ patākī daśabhistathā

Sanskrit only: no published translation is held for this verse.

सहस्रघण्टो ऽष्टादशभिस् तपः पञ्चभिरेव च । सहस्रशीर्षः षड्भिश्च भवः कोटिशतावृतः

sahasraghaṇṭo 'ṣṭādaśabhis tapaḥ pañcabhireva ca / sahasraśīrṣaḥ ṣaḍbhiśca bhavaḥ koṭiśatāvṛtaḥ

Sanskrit only: no published translation is held for this verse.

वरो दशभिरभ्यागात् कुम्भकर्णस्तथाष्टभिः । विष्वक्सेनः सहस्रेण अन्नदस्तु शतेन वै

varo daśabhirabhyāgāt kumbhakarṇastathāṣṭabhiḥ / viṣvaksenaḥ sahasreṇa annadastu śatena vai

Sanskrit only: no published translation is held for this verse.

आवेशनी तथाष्टाभिः सप्तभिश्च प्रवर्तनः । महारवः सहस्रेण कोटीनां गणपो वृतः

āveśanī tathāṣṭābhiḥ saptabhiśca pravartanaḥ / mahāravaḥ sahasreṇa koṭīnāṃ gaṇapo vṛtaḥ

Sanskrit only: no published translation is held for this verse.

चतुर्मुखो द्वादशभिस् तथा बाहूपहारकः । महाकालः शतेनैव तथाग्निशिखरो गणः

caturmukho dvādaśabhis tathā bāhūpahārakaḥ / mahākālaḥ śatenaiva tathāgniśikharo gaṇaḥ

Sanskrit only: no published translation is held for this verse.

आदित्यमूर्धा कोट्या च तथा चैव धनावहः । संनामश्च शतेनैव कुक्कुटो ऽष्टाभिरेव च

ādityamūrdhā koṭyā ca tathā caiva dhanāvahaḥ / saṃnāmaśca śatenaiva kukkuṭo 'ṣṭābhireva ca

Sanskrit only: no published translation is held for this verse.

कुन्दश्च पञ्चदशभिस् तथा संकोटको ऽपरः । अमोघभूतिः कोट्या च तथा द्वौ मेघभूतिकौ

kundaśca pañcadaśabhis tathā saṃkoṭako 'paraḥ / amoghabhūtiḥ koṭyā ca tathā dvau meghabhūtikau

Sanskrit only: no published translation is held for this verse.

एकपादो ऽपरः षष्ट्या तथा सप्तशिरा गणः । महाबलश्च नवभिर् अपस्मारश्च विश्रुतः

ekapādo 'paraḥ ṣaṣṭyā tathā saptaśirā gaṇaḥ / mahābalaśca navabhir apasmāraśca viśrutaḥ

Sanskrit only: no published translation is held for this verse.

नीलो नवत्या देवेशः पूर्णभद्रस्तथैव च । निरृतिश्चैव सप्तत्या कोटीनामभ्यगात्सह

nīlo navatyā deveśaḥ pūrṇabhadrastathaiva ca / nirṛtiścaiva saptatyā koṭīnāmabhyagātsaha

Sanskrit only: no published translation is held for this verse.

कोटीकोटीसहस्राणां शतैर्विंशतिभिर्वृताः । ईतयस्तत्र चाजग्मुर् महायोगबलान्विताः

koṭīkoṭīsahasrāṇāṃ śatairviṃśatibhirvṛtāḥ / ītayastatra cājagmur mahāyogabalānvitāḥ

Sanskrit only: no published translation is held for this verse.

भूताः कोटिसहस्रेण प्रमथाः कोटिभिस्त्रिभिः । वीरभद्रश्चतुःषष्ट्या वृषभश्च महाबलः

bhūtāḥ koṭisahasreṇa pramathāḥ koṭibhistribhiḥ / vīrabhadraścatuḥṣaṣṭyā vṛṣabhaśca mahābalaḥ

Sanskrit only: no published translation is held for this verse.

मेघः सौदामनीमालो नवत्या संवृतो ऽभ्यगात् । प्रभाकरश्च विंशत्या विट्पतिश्च महाबलः

meghaḥ saudāmanīmālo navatyā saṃvṛto 'bhyagāt / prabhākaraśca viṃśatyā viṭpatiśca mahābalaḥ

Sanskrit only: no published translation is held for this verse.

गिरिको मेघनादश्च उदरो मणिरेव च । काष्ठकर्णश्च दिव्यात्मा बिल्वरूपश्च विश्रुतः

giriko meghanādaśca udaro maṇireva ca / kāṣṭhakarṇaśca divyātmā bilvarūpaśca viśrutaḥ

Sanskrit only: no published translation is held for this verse.

शतमन्युस्तथा चैव पञ्चाक्षश्चैव वीर्यवान् । तालकेतुश्च षण्डश्च कापाली गजनाशनः

śatamanyustathā caiva pañcākṣaścaiva vīryavān / tālaketuśca ṣaṇḍaśca kāpālī gajanāśanaḥ

Sanskrit only: no published translation is held for this verse.

संवर्तकस्तथा चैत्रस् त्रैलोक्यदहनस्तथा । लोकान्तकश्च दीप्तात्मा हेमकुण्डल एव च

saṃvartakastathā caitras trailokyadahanastathā / lokāntakaśca dīptātmā hemakuṇḍala eva ca

Sanskrit only: no published translation is held for this verse.

मृत्युश्चैव यमश्चैव कालो विषहरस्तथा । शतमायो महामायः सर्वत्राशरणस्तथा । एकशृङ्गी च विख्यातस् तथा भृङ्गिरिटिश्च यः

mṛtyuścaiva yamaścaiva kālo viṣaharastathā / śatamāyo mahāmāyaḥ sarvatrāśaraṇastathā / ekaśṛṅgī ca vikhyātas tathā bhṛṅgiriṭiśca yaḥ

Sanskrit only: no published translation is held for this verse.

एते चान्ये च गणपा गुह्या ये च महाबलाः । तत्राजग्मुर्मुदा युक्ताः सर्वे चित्रास्त्रयोधिनः

ete cānye ca gaṇapā guhyā ye ca mahābalāḥ / tatrājagmurmudā yuktāḥ sarve citrāstrayodhinaḥ

Sanskrit only: no published translation is held for this verse.

गायन्तश्च द्रवन्तश्च नृत्यन्तश्च महाबलाः । मुखाडम्बरवाद्यानि नादयन्तस्तथैव च

gāyantaśca dravantaśca nṛtyantaśca mahābalāḥ / mukhāḍambaravādyāni nādayantastathaiva ca

Sanskrit only: no published translation is held for this verse.

रथैर्नागैर्हयैश्चैव वायुमर्कटवाहनाः । व्याघ्रसिंहबिडालैश्च सर्पैः पक्षिभिरेव च

rathairnāgairhayaiścaiva vāyumarkaṭavāhanāḥ / vyāghrasiṃhabiḍālaiśca sarpaiḥ pakṣibhireva ca

Sanskrit only: no published translation is held for this verse.

श्वापदैश्च तथानेकैर् अन्यैश्च विविधैः शुभैः । विमानेषु तथारूढा मनुष्येषु तथापरे

śvāpadaiśca tathānekair anyaiśca vividhaiḥ śubhaiḥ / vimāneṣu tathārūḍhā manuṣyeṣu tathāpare

Sanskrit only: no published translation is held for this verse.

भेरीशङ्खमृदङ्गैश्च पणवानकगोमुखैः । वादित्रैर्विविधैश्चैव पटहैरेकपुष्करैः

bherīśaṅkhamṛdaṅgaiśca paṇavānakagomukhaiḥ / vāditrairvividhaiścaiva paṭahairekapuṣkaraiḥ

Sanskrit only: no published translation is held for this verse.

भेरीझर्झरसंनादैर् आडम्बरकडिण्डिमैः । मड्डुकैर्वेणुवीणाभिर् विवृषैस्तुणवैरपि

bherījharjharasaṃnādair āḍambarakaḍiṇḍimaiḥ / maḍḍukairveṇuvīṇābhir vivṛṣaistuṇavairapi

Sanskrit only: no published translation is held for this verse.

दर्दुरैस्तालघातैश्च कच्छपैः पणवैरपि । वाद्यमानैर्महायोगा आजग्मुर्देवसंसदम्

darduraistālaghātaiśca kacchapaiḥ paṇavairapi / vādyamānairmahāyogā ājagmurdevasaṃsadam

Sanskrit only: no published translation is held for this verse.

ते विश्वकर्माणममित्रसाहा विश्वेशमेकाक्षरमव्ययं च । सहस्रनेत्रप्रतिमातिभास्वराः प्रणेमुरुच्चैरपि चाभिनेदुः

te viśvakarmāṇamamitrasāhā viśveśamekākṣaramavyayaṃ ca / sahasranetrapratimātibhāsvarāḥ praṇemuruccairapi cābhineduḥ

Sanskrit only: no published translation is held for this verse.