Skanda Purāṇa (part) 24

सनत्कुमार उवाच ते गणेशा महासत्त्वाः सर्वे देवेश्वरेश्वराः । प्रणम्य देवं देवीं च इदं वचनमब्रुवन्

sanatkumāra uvāca te gaṇeśā mahāsattvāḥ sarve deveśvareśvarāḥ / praṇamya devaṃ devīṃ ca idaṃ vacanamabruvan

Sanskrit only: no published translation is held for this verse.

भगवन्देवतारिघ्न देवदेवाम्बिकापते । किमर्थं वयमाहूता आज्ञापय कृतं हि तत्

bhagavandevatārighna devadevāmbikāpate / kimarthaṃ vayamāhūtā ājñāpaya kṛtaṃ hi tat

Sanskrit only: no published translation is held for this verse.

किं सागराञ्छोषयामो यमं वा सह किंकरैः । हन्मो मृत्युमुतामृत्युर् न भवत्वद्य पद्मजः

kiṃ sāgarāñchoṣayāmo yamaṃ vā saha kiṃkaraiḥ / hanmo mṛtyumutāmṛtyur na bhavatvadya padmajaḥ

Sanskrit only: no published translation is held for this verse.

बद्ध्वेन्द्रं सह देवैश्च सविष्णुं सह वायुना । आनयामः सुसंक्रुद्धा दैत्यान्वा सह दानवैः

baddhvendraṃ saha devaiśca saviṣṇuṃ saha vāyunā / ānayāmaḥ susaṃkruddhā daityānvā saha dānavaiḥ

Sanskrit only: no published translation is held for this verse.

कस्याद्य व्यसनं घोरं करिष्यामस्तवाज्ञया । कस्य वाद्योत्सवं देव सर्वकामसमृद्धिमत्

kasyādya vyasanaṃ ghoraṃ kariṣyāmastavājñayā / kasya vādyotsavaṃ deva sarvakāmasamṛddhimat

Sanskrit only: no published translation is held for this verse.

तांस्तथावादिनः सर्वान् नमतो भक्तवत्सलः । उवाच देवः सम्पूज्य गणान्गणपतिर्भवः

tāṃstathāvādinaḥ sarvān namato bhaktavatsalaḥ / uvāca devaḥ sampūjya gaṇāngaṇapatirbhavaḥ

Sanskrit only: no published translation is held for this verse.

देव उवाच शृणुध्वं यत्कृते यूयम् इहाहूता जगद्धिताः । श्रुत्वा च प्रयतात्मानः कुरुध्वं तदशङ्किताः

deva uvāca śṛṇudhvaṃ yatkṛte yūyam ihāhūtā jagaddhitāḥ / śrutvā ca prayatātmānaḥ kurudhvaṃ tadaśaṅkitāḥ

Sanskrit only: no published translation is held for this verse.

नन्दीश्वरो ऽयं पुत्रो नः सर्वेषामीश्वरेश्वरः । प्रियो ऽग्रनायकश्चैव सेनानीर्वः समाहितः

nandīśvaro 'yaṃ putro naḥ sarveṣāmīśvareśvaraḥ / priyo 'granāyakaścaiva senānīrvaḥ samāhitaḥ

Sanskrit only: no published translation is held for this verse.

तमिमं मम संदेशाद् यूयं सर्वे ऽभिसंमताः । सेनान्यमभिषिञ्चध्वं महायोगपतिं पतिम्

tamimaṃ mama saṃdeśād yūyaṃ sarve 'bhisaṃmatāḥ / senānyamabhiṣiñcadhvaṃ mahāyogapatiṃ patim

Sanskrit only: no published translation is held for this verse.

अद्यप्रभृति युष्माकम् अयं नन्दीश्वरः शुभः । प्रियो गौरवयुक्तश्च सेनानीरमरः प्रभुः

adyaprabhṛti yuṣmākam ayaṃ nandīśvaraḥ śubhaḥ / priyo gauravayuktaśca senānīramaraḥ prabhuḥ

Sanskrit only: no published translation is held for this verse.

सनत्कुमार उवाच एवमुक्ते भगवता गणपाः सर्व एव ते । एवमस्त्विति संमन्त्र्य सम्भारानाहरंस्ततः

sanatkumāra uvāca evamukte bhagavatā gaṇapāḥ sarva eva te / evamastviti saṃmantrya sambhārānāharaṃstataḥ

Sanskrit only: no published translation is held for this verse.

तस्य रूपाश्रयं दिव्यं जाम्बूनदमयं शुभम् । आसनं मेरुसंकाशं मनोरममथाहरन्

tasya rūpāśrayaṃ divyaṃ jāmbūnadamayaṃ śubham / āsanaṃ merusaṃkāśaṃ manoramamathāharan

Sanskrit only: no published translation is held for this verse.

शातकुम्भमयं चापि चारुचामीकरप्रभम् । मुक्तादामावलम्बं च मणिरत्नावभासितम्

śātakumbhamayaṃ cāpi cārucāmīkaraprabham / muktādāmāvalambaṃ ca maṇiratnāvabhāsitam

Sanskrit only: no published translation is held for this verse.

स्तम्भैश्च वैडूर्यमयैः किङ्किणीजालसंवृतम् । चारुरत्नकसंयुक्तं मण्डपं विश्वतोमुखम् । कृत्वा चक्रुश्च तन्मध्ये तदासनवरं शुभम्

stambhaiśca vaiḍūryamayaiḥ kiṅkiṇījālasaṃvṛtam / cāruratnakasaṃyuktaṃ maṇḍapaṃ viśvatomukham / kṛtvā cakruśca tanmadhye tadāsanavaraṃ śubham

Sanskrit only: no published translation is held for this verse.

तस्याग्रतः पादपीठं नीलं वज्रावभासितम् । चक्रुः पादप्रतिष्ठार्थं कलशौ चास्य पार्श्वगौ । सम्पूर्णौ परमाम्भोभिर् अरविन्दावृताननौ

tasyāgrataḥ pādapīṭhaṃ nīlaṃ vajrāvabhāsitam / cakruḥ pādapratiṣṭhārthaṃ kalaśau cāsya pārśvagau / sampūrṇau paramāmbhobhir aravindāvṛtānanau

Sanskrit only: no published translation is held for this verse.

अग्रतो ऽग्निं समाधाय वृषभं चापि पार्श्वतः । सवत्सां सुरभिं चापि तस्य पार्श्वे ऽथ दक्षिणे

agrato 'gniṃ samādhāya vṛṣabhaṃ cāpi pārśvataḥ / savatsāṃ surabhiṃ cāpi tasya pārśve 'tha dakṣiṇe

Sanskrit only: no published translation is held for this verse.

छत्त्रं शतशलाकं च जाम्बूनदमयं शुभम् । शङ्खहाराम्बुगौरेण पृष्ठेनाभिविराजितम्

chattraṃ śataśalākaṃ ca jāmbūnadamayaṃ śubham / śaṅkhahārāmbugaureṇa pṛṣṭhenābhivirājitam

Sanskrit only: no published translation is held for this verse.

व्यजनं चन्द्रशुभ्रं च हेमदण्डं सुचारुमत् । मालां कुशेशयानां च भ्रमरावलिसेविताम्

vyajanaṃ candraśubhraṃ ca hemadaṇḍaṃ sucārumat / mālāṃ kuśeśayānāṃ ca bhramarāvalisevitām

Sanskrit only: no published translation is held for this verse.

आनिन्युस्तत्र गणपा नन्द्यावर्तांश्च काञ्चनान् । पुनर्वसुं च पुष्यं च द्वौ मत्स्यौ वरुणालयौ

āninyustatra gaṇapā nandyāvartāṃśca kāñcanān / punarvasuṃ ca puṣyaṃ ca dvau matsyau varuṇālayau

Sanskrit only: no published translation is held for this verse.

स्वस्तिकं वर्धमानं च श्रीवत्सं चैव काञ्चनम् । कीचका वेणवश्चैव कन्या चैवाभिपूजिता

svastikaṃ vardhamānaṃ ca śrīvatsaṃ caiva kāñcanam / kīcakā veṇavaścaiva kanyā caivābhipūjitā

Sanskrit only: no published translation is held for this verse.

ऐरावतं सुप्रतीकं गजावेतौ च पूजितौ । ध्वजं च पूजितं दिव्यं शङ्खं चैवेन्दुवर्चसम्

airāvataṃ supratīkaṃ gajāvetau ca pūjitau / dhvajaṃ ca pūjitaṃ divyaṃ śaṅkhaṃ caivenduvarcasam

Sanskrit only: no published translation is held for this verse.

कलशानां सहस्रं च काञ्चनानां सुवर्चसाम् । राजतानां सहस्रं च पार्थिवानां तथैव च

kalaśānāṃ sahasraṃ ca kāñcanānāṃ suvarcasām / rājatānāṃ sahasraṃ ca pārthivānāṃ tathaiva ca

Sanskrit only: no published translation is held for this verse.

ताम्राणामथ दिव्यानां सहस्रमनलत्विषाम् । वासोयुगं वृक्षजं च विरजः सूक्ष्ममेव च

tāmrāṇāmatha divyānāṃ sahasramanalatviṣām / vāsoyugaṃ vṛkṣajaṃ ca virajaḥ sūkṣmameva ca

Sanskrit only: no published translation is held for this verse.

मुकुटं काञ्चनं चैव सुकृतं विश्वकर्मणा । कुण्डले चामले दिव्ये वज्रं चैव वरायुधम्

mukuṭaṃ kāñcanaṃ caiva sukṛtaṃ viśvakarmaṇā / kuṇḍale cāmale divye vajraṃ caiva varāyudham

Sanskrit only: no published translation is held for this verse.

पट्टिसं च महद्दिव्यं शूलं चाशनिमेव च । जाम्बूनदमयं सूत्रं केयूरद्वयमेव च

paṭṭisaṃ ca mahaddivyaṃ śūlaṃ cāśanimeva ca / jāmbūnadamayaṃ sūtraṃ keyūradvayameva ca

Sanskrit only: no published translation is held for this verse.

हारं च मणिचित्राङ्गं रोचनारुचकं तथा । नलभां पारियात्रं च वर्षं कङ्कणिमेव च

hāraṃ ca maṇicitrāṅgaṃ rocanārucakaṃ tathā / nalabhāṃ pāriyātraṃ ca varṣaṃ kaṅkaṇimeva ca

Sanskrit only: no published translation is held for this verse.

दर्भांश्च दिव्यां समिधम् आज्यं धूपमथापि च । समन्तान्निन्युरव्यग्रा गणपा देवसंमताः

darbhāṃśca divyāṃ samidham ājyaṃ dhūpamathāpi ca / samantānninyuravyagrā gaṇapā devasaṃmatāḥ

Sanskrit only: no published translation is held for this verse.

ततो दिशः समुद्राश्च वरुणः सधनेश्वरः । यमो ऽग्निर्वसवश्चैव चन्द्रादित्यौ ग्रहैः सह

tato diśaḥ samudrāśca varuṇaḥ sadhaneśvaraḥ / yamo 'gnirvasavaścaiva candrādityau grahaiḥ saha

Sanskrit only: no published translation is held for this verse.

तारारूपाणि सर्वाणि नक्षत्राणि ध्रुवस्तथा । रुद्रा रक्षांसि यक्षाश्च अश्विनौ दैत्यदानवाः

tārārūpāṇi sarvāṇi nakṣatrāṇi dhruvastathā / rudrā rakṣāṃsi yakṣāśca aśvinau daityadānavāḥ

Sanskrit only: no published translation is held for this verse.

गन्धर्वाप्सरसश्चैव नारदः पर्वतस्तथा । पृथिवी च समुद्राश्च वर्षाणि गिरयस्तथा

gandharvāpsarasaścaiva nāradaḥ parvatastathā / pṛthivī ca samudrāśca varṣāṇi girayastathā

Sanskrit only: no published translation is held for this verse.

वृक्षाश्च वीरुधश्चैव ओषध्यश्च महाबलाः । नद्यः सर्वाः समाजग्मुः पशवश्चैव सर्वशः

vṛkṣāśca vīrudhaścaiva oṣadhyaśca mahābalāḥ / nadyaḥ sarvāḥ samājagmuḥ paśavaścaiva sarvaśaḥ

Sanskrit only: no published translation is held for this verse.

लोकस्य मातरश्चैव पृथिवी स्वर्ग एव च । भूतानि प्रकृतिश्चैव इन्द्रियाणि च सर्वशः

lokasya mātaraścaiva pṛthivī svarga eva ca / bhūtāni prakṛtiścaiva indriyāṇi ca sarvaśaḥ

Sanskrit only: no published translation is held for this verse.

तीर्थानि चैव सर्वाणि दानानि विविधानि च । ऋचो यजूंषि सामानि अथर्वाङ्गिरसावपि

tīrthāni caiva sarvāṇi dānāni vividhāni ca / ṛco yajūṃṣi sāmāni atharvāṅgirasāvapi

Sanskrit only: no published translation is held for this verse.

यज्ञाश्च क्रतवश्चैव इष्टयो नियमास्तथा । छन्दांसि चैव सर्वाणि पिशाचा देवयोनयः । ब्रह्मा च ऋषयश्चैव विष्णुः सानुचरस्तथा

yajñāśca kratavaścaiva iṣṭayo niyamāstathā / chandāṃsi caiva sarvāṇi piśācā devayonayaḥ / brahmā ca ṛṣayaścaiva viṣṇuḥ sānucarastathā

Sanskrit only: no published translation is held for this verse.

तेष्वागतेषु सर्वेषु भगवान्गोवृषध्वजः । सर्वकार्यविधिं कर्तुम् आदिदेश पितामहम्

teṣvāgateṣu sarveṣu bhagavāngovṛṣadhvajaḥ / sarvakāryavidhiṃ kartum ādideśa pitāmaham

Sanskrit only: no published translation is held for this verse.

एकैकं कलशं तत्र सर्वौषधिसमन्वितम् । कृत्वाद्भिः पूरयित्वा च कुशेशयमुखावृतम्

ekaikaṃ kalaśaṃ tatra sarvauṣadhisamanvitam / kṛtvādbhiḥ pūrayitvā ca kuśeśayamukhāvṛtam

Sanskrit only: no published translation is held for this verse.

जयां च विजयां चैव सिंहीं व्याघ्रीं तथैव च । सुवर्चलां शङ्खपुष्पीं विष्णुक्रान्तां पुनर्नवाम्

jayāṃ ca vijayāṃ caiva siṃhīṃ vyāghrīṃ tathaiva ca / suvarcalāṃ śaṅkhapuṣpīṃ viṣṇukrāntāṃ punarnavām

Sanskrit only: no published translation is held for this verse.

कुमारीं चन्द्रकान्तां च मृतसंजीवनीमपि । आदित्यवर्चसं चैव अमृतां श्रीनिकेतनाम्

kumārīṃ candrakāntāṃ ca mṛtasaṃjīvanīmapi / ādityavarcasaṃ caiva amṛtāṃ śrīniketanām

Sanskrit only: no published translation is held for this verse.

तथा कुमुद्वतीं चैव प्राक्षिपंस्तेष्वथौषधीः । पार्थिवेषु तदा व्यास सर्वेष्वेव गणेश्वराः

tathā kumudvatīṃ caiva prākṣipaṃsteṣvathauṣadhīḥ / pārthiveṣu tadā vyāsa sarveṣveva gaṇeśvarāḥ

Sanskrit only: no published translation is held for this verse.

सौवर्णेषु तु सर्वेषु तीर्थानि विविधानि च । दानानि चैव सर्वाणि भगवान्संन्यवेशयत्

sauvarṇeṣu tu sarveṣu tīrthāni vividhāni ca / dānāni caiva sarvāṇi bhagavānsaṃnyaveśayat

Sanskrit only: no published translation is held for this verse.

राजतेषु च कुम्भेषु मन्त्रांश्छन्दांसि चैव ह । क्रतूनन्यांश्च विविधा इष्टीः काम्यांस्तथेतरान्

rājateṣu ca kumbheṣu mantrāṃśchandāṃsi caiva ha / kratūnanyāṃśca vividhā iṣṭīḥ kāmyāṃstathetarān

Sanskrit only: no published translation is held for this verse.

औदुम्बरेषु सर्वेषु सरितः सागरांस्तथा । तपांसि नियमांश्चैव भगवानभ्यविन्यसत्

audumbareṣu sarveṣu saritaḥ sāgarāṃstathā / tapāṃsi niyamāṃścaiva bhagavānabhyavinyasat

Sanskrit only: no published translation is held for this verse.

एकैकं कलशं तत्र अभिपूर्याभिमन्त्र्य च । वेष्टयित्वा च सूत्रेण देवेभ्यः प्रददौ विभुः

ekaikaṃ kalaśaṃ tatra abhipūryābhimantrya ca / veṣṭayitvā ca sūtreṇa devebhyaḥ pradadau vibhuḥ

Sanskrit only: no published translation is held for this verse.

स जग्राह तदा ब्रह्मा एकं कलशमात्मना । विष्णवे च ददावेकम् एकमिन्द्राय धीमते । गणपेभ्यस्तथा चान्यान् ऋषिभ्यश्च पितामहः

sa jagrāha tadā brahmā ekaṃ kalaśamātmanā / viṣṇave ca dadāvekam ekamindrāya dhīmate / gaṇapebhyastathā cānyān ṛṣibhyaśca pitāmahaḥ

Sanskrit only: no published translation is held for this verse.

ततस्तमासने तस्मिन्न् उपवेश्य महामनाः । अर्चयित्वा ततो ब्रह्मा स्वयमेवाभ्यषिञ्चत

tatastamāsane tasminn upaveśya mahāmanāḥ / arcayitvā tato brahmā svayamevābhyaṣiñcata

Sanskrit only: no published translation is held for this verse.

ततो विष्णुस्ततः शक्रो ऋषयश्च सहामरैः । गणाधिपाश्च सर्वे ते अभ्यषिञ्चन्त नन्दिनम्

tato viṣṇustataḥ śakro ṛṣayaśca sahāmaraiḥ / gaṇādhipāśca sarve te abhyaṣiñcanta nandinam

Sanskrit only: no published translation is held for this verse.

वासोयुगं च तद्दिव्यं गन्धान्दिव्यांस्तथैव च । केयूरे कुण्डले चैव मुकुटं हारमेव च । पट्टिसं शूलवज्रे च अशनीं च ददौ स्वयम्

vāsoyugaṃ ca taddivyaṃ gandhāndivyāṃstathaiva ca / keyūre kuṇḍale caiva mukuṭaṃ hārameva ca / paṭṭisaṃ śūlavajre ca aśanīṃ ca dadau svayam

Sanskrit only: no published translation is held for this verse.

छत्त्रं जग्राह देवेन्द्रो वायुर्व्यजनमेव च । ऋषयस्तुष्टुवुश्चैव पितामहपुरोगमाः

chattraṃ jagrāha devendro vāyurvyajanameva ca / ṛṣayastuṣṭuvuścaiva pitāmahapurogamāḥ

Sanskrit only: no published translation is held for this verse.

विष्णुरुवाच नमः कुष्माण्डराजाय वज्रोद्यतकराय च । शालङ्कायनपौत्राय हलमार्गोत्थिताय च

viṣṇuruvāca namaḥ kuṣmāṇḍarājāya vajrodyatakarāya ca / śālaṅkāyanapautrāya halamārgotthitāya ca

Sanskrit only: no published translation is held for this verse.

शिलादस्य च पुत्राय रुद्रजप्यकराय च । रुद्रभक्ताय देवाय नमो ऽन्तर्जलशायिने

śilādasya ca putrāya rudrajapyakarāya ca / rudrabhaktāya devāya namo 'ntarjalaśāyine

Sanskrit only: no published translation is held for this verse.

गणानां पतये चैव भूतानां पतये नमः । उमापुत्राय देवाय पट्टिसायुधधारिणे

gaṇānāṃ pataye caiva bhūtānāṃ pataye namaḥ / umāputrāya devāya paṭṭisāyudhadhāriṇe

Sanskrit only: no published translation is held for this verse.

नमो दंष्ट्राकरालाय ललाटनयनाय च । प्रमथाय वरेण्याय ईशानायार्पिताय च

namo daṃṣṭrākarālāya lalāṭanayanāya ca / pramathāya vareṇyāya īśānāyārpitāya ca

Sanskrit only: no published translation is held for this verse.

द्वाराध्यक्षाय शूराय सुयशापतये नमः । नमः प्रवरमालाय क्षीरोदनिलयाय च

dvārādhyakṣāya śūrāya suyaśāpataye namaḥ / namaḥ pravaramālāya kṣīrodanilayāya ca

Sanskrit only: no published translation is held for this verse.

महागणाधिपतये महायोगेश्वराय च । दिण्डिमुण्डाय चण्डाय एकाक्षररताय च

mahāgaṇādhipataye mahāyogeśvarāya ca / diṇḍimuṇḍāya caṇḍāya ekākṣararatāya ca

Sanskrit only: no published translation is held for this verse.

अक्षयायामृतायैव अजरायामराय च । पशूनां पतये चैव जेत्रे मृत्योस्तथैव च

akṣayāyāmṛtāyaiva ajarāyāmarāya ca / paśūnāṃ pataye caiva jetre mṛtyostathaiva ca

Sanskrit only: no published translation is held for this verse.

नमः पवनवेगाय सर्वज्ञायाजिताय च । अनेकशिरसे चैव अनेकचरणाय च

namaḥ pavanavegāya sarvajñāyājitāya ca / anekaśirase caiva anekacaraṇāya ca

Sanskrit only: no published translation is held for this verse.

किरीटिने कुण्डलिने महापरिघबाहवे । सर्वान्देवान्गणांश्चैव पाहि देव नमो ऽस्तु ते

kirīṭine kuṇḍaline mahāparighabāhave / sarvāndevāngaṇāṃścaiva pāhi deva namo 'stu te

Sanskrit only: no published translation is held for this verse.

सनत्कुमार उवाच एवं स्तुत्वा ततो देवस् तस्मै व्यास महात्मने । प्राञ्जलिः प्रयतो भूत्वा जयशब्दं चकार ह

sanatkumāra uvāca evaṃ stutvā tato devas tasmai vyāsa mahātmane / prāñjaliḥ prayato bhūtvā jayaśabdaṃ cakāra ha

Sanskrit only: no published translation is held for this verse.

ततो गणा जयेत्यूचुस् ततो देवास्ततो ऽसुराः । ततः सर्वाणि भूतानि ब्रह्मा शक्रस्तथैव च

tato gaṇā jayetyūcus tato devāstato 'surāḥ / tataḥ sarvāṇi bhūtāni brahmā śakrastathaiva ca

Sanskrit only: no published translation is held for this verse.

ततः शङ्खांश्च भेरींश्च पटहाडम्बरांस्तथा । वंशांश्च पणवांश्चैव कृकवान्गोविषाणिकान्

tataḥ śaṅkhāṃśca bherīṃśca paṭahāḍambarāṃstathā / vaṃśāṃśca paṇavāṃścaiva kṛkavāngoviṣāṇikān

Sanskrit only: no published translation is held for this verse.

दिण्डिमान्वेणुकांश्चैव मर्दलांश्चैव सर्वशः । अवादयन्त गणपा हर्षयन्तो मुदा युताः

diṇḍimānveṇukāṃścaiva mardalāṃścaiva sarvaśaḥ / avādayanta gaṇapā harṣayanto mudā yutāḥ

Sanskrit only: no published translation is held for this verse.

सनत्कुमार उवाच नन्दीश्वरस्य य इमं स्तवं देवाभिनिर्मितम् । पठेत सततं मर्त्यः स गच्छेन्मम लोकताम्

sanatkumāra uvāca nandīśvarasya ya imaṃ stavaṃ devābhinirmitam / paṭheta satataṃ martyaḥ sa gacchenmama lokatām

Sanskrit only: no published translation is held for this verse.

नमो नन्दीश्वरायेति कृत्वा यः स्वप्नमाचरेत् । तस्य कुष्माण्डराजेभ्यो न भयं विद्यते क्वचित्

namo nandīśvarāyeti kṛtvā yaḥ svapnamācaret / tasya kuṣmāṇḍarājebhyo na bhayaṃ vidyate kvacit

Sanskrit only: no published translation is held for this verse.

यत्रायं स्थाप्यते नित्यं स्तवः परमपूजितः । न भयं तत्र भवति ग्रहेभ्यो व्यास सर्वदा

yatrāyaṃ sthāpyate nityaṃ stavaḥ paramapūjitaḥ / na bhayaṃ tatra bhavati grahebhyo vyāsa sarvadā

Sanskrit only: no published translation is held for this verse.

नन्दीश्वरं ये प्रणमन्ति मर्त्या नित्यं प्रसन्नेन्द्रियशुद्धसत्त्वाः । ते देवदेवस्य सहाद्रिपुत्र्या इष्टा वरिष्ठाश्च गणा भवन्ति

nandīśvaraṃ ye praṇamanti martyā nityaṃ prasannendriyaśuddhasattvāḥ / te devadevasya sahādriputryā iṣṭā variṣṭhāśca gaṇā bhavanti

Sanskrit only: no published translation is held for this verse.