Skanda Purāṇa (part) 27

इति स्कन्दपुराणे षड्विंशो ऽध्यायः सनत्कुमार उवाच अथ तस्मिन्सुखासीनौ शैलजावृषभध्वजौ । आसने काञ्चने दिव्ये नानारत्नोपशोभिते

iti skandapurāṇe ṣaḍviṃśo 'dhyāyaḥ sanatkumāra uvāca atha tasminsukhāsīnau śailajāvṛṣabhadhvajau / āsane kāñcane divye nānāratnopaśobhite

Sanskrit only: no published translation is held for this verse.

अथाचलसुता देवी सुखासीना विभावरी । सर्वलोकपतिं प्राह गिरीन्द्रतनया पतिम्

athācalasutā devī sukhāsīnā vibhāvarī / sarvalokapatiṃ prāha girīndratanayā patim

Sanskrit only: no published translation is held for this verse.

भगवन्देवतारिघ्न चन्द्रावयवभूषण । कथयैतन्मम विभो यत्त्वां पृच्छामि मानद

bhagavandevatārighna candrāvayavabhūṣaṇa / kathayaitanmama vibho yattvāṃ pṛcchāmi mānada

Sanskrit only: no published translation is held for this verse.

किं फलं तव देवेश लभन्ते भक्तवत्सल । भक्ता ये फलमुद्दिश्य कुर्वते तव किंचन

kiṃ phalaṃ tava deveśa labhante bhaktavatsala / bhaktā ye phalamuddiśya kurvate tava kiṃcana

Sanskrit only: no published translation is held for this verse.

सनत्कुमार उवाच स एवमुमया प्रोक्तः शूलपाणिर्वृषध्वजः । अवोचत्सर्वमव्यग्रो देवदेवः शुभाशुभम्

sanatkumāra uvāca sa evamumayā proktaḥ śūlapāṇirvṛṣadhvajaḥ / avocatsarvamavyagro devadevaḥ śubhāśubham

Sanskrit only: no published translation is held for this verse.

व्यास उवाच किं तत्स भगवान्देवः प्रीयमाणो महातपाः । प्रणयात्स तदा देव्या पृष्टो ऽकथयदव्ययः

vyāsa uvāca kiṃ tatsa bhagavāndevaḥ prīyamāṇo mahātapāḥ / praṇayātsa tadā devyā pṛṣṭo 'kathayadavyayaḥ

Sanskrit only: no published translation is held for this verse.

सनत्कुमार उवाच मयाप्येतत्पुरा व्यास पृष्टो नन्दीश्वरः प्रभुः । यथोक्तवान्मयि ब्रह्मंस् तथा तत्कथयामि ते

sanatkumāra uvāca mayāpyetatpurā vyāsa pṛṣṭo nandīśvaraḥ prabhuḥ / yathoktavānmayi brahmaṃs tathā tatkathayāmi te

Sanskrit only: no published translation is held for this verse.

गणेशानं महाभागं सूर्यायुतसमप्रभम् । अपृच्छमहमव्यग्रो नन्दीश्वरं महाद्युतिम्

gaṇeśānaṃ mahābhāgaṃ sūryāyutasamaprabham / apṛcchamahamavyagro nandīśvaraṃ mahādyutim

Sanskrit only: no published translation is held for this verse.

ईशेन यत्पुरा देव्याः कथितं गणसत्तम । तन्मे ब्रूहि यथातत्त्वं परं कौतूहलं हि मे

īśena yatpurā devyāḥ kathitaṃ gaṇasattama / tanme brūhi yathātattvaṃ paraṃ kautūhalaṃ hi me

Sanskrit only: no published translation is held for this verse.

नन्दीश्वर उवाच श्रूयतामभिधास्यामि पृच्छतस्ते महामुने । देवदेवेन पार्वत्या यत्पुरा कथितं हितम्

nandīśvara uvāca śrūyatāmabhidhāsyāmi pṛcchataste mahāmune / devadevena pārvatyā yatpurā kathitaṃ hitam

Sanskrit only: no published translation is held for this verse.

देव उवाच श्रूयतामभिधास्यामि यन्मां पृच्छसि सुव्रते । हिताय देवि भक्तानां पृष्टस्ते कथयामि ते

deva uvāca śrūyatāmabhidhāsyāmi yanmāṃ pṛcchasi suvrate / hitāya devi bhaktānāṃ pṛṣṭaste kathayāmi te

Sanskrit only: no published translation is held for this verse.

प्रासादं यस्तु मे देवि शुभ्रं कुर्यादनिन्दिते । विदधाम्यर्जुनं तस्य गृहं शिवपुरे ऽक्षयम्

prāsādaṃ yastu me devi śubhraṃ kuryādanindite / vidadhāmyarjunaṃ tasya gṛhaṃ śivapure 'kṣayam

Sanskrit only: no published translation is held for this verse.

विधानेन यथोक्तेन लिङ्गं मे स्थापयेच्च यः । चरते स मया सार्धं नित्यमष्टगुणान्वितः

vidhānena yathoktena liṅgaṃ me sthāpayecca yaḥ / carate sa mayā sārdhaṃ nityamaṣṭaguṇānvitaḥ

Sanskrit only: no published translation is held for this verse.

काञ्चनं तुटिमात्रं वा यो दद्याद्बहु वा मम । तस्य हैमवते शृङ्गे ददानि गृहमुत्तमम्

kāñcanaṃ tuṭimātraṃ vā yo dadyādbahu vā mama / tasya haimavate śṛṅge dadāni gṛhamuttamam

Sanskrit only: no published translation is held for this verse.

यो मे गास्तु हिरण्यं वा दद्यादविमनाः प्रिये । लोकान्ददान्यहं तस्मै सर्वकामसमन्वितान्

yo me gāstu hiraṇyaṃ vā dadyādavimanāḥ priye / lokāndadānyahaṃ tasmai sarvakāmasamanvitān

Sanskrit only: no published translation is held for this verse.

वृषभं यः प्रयच्छेत श्वेतं नीलमथापि वा । स कुलानामुभयतस् तारयेदेकविंशतिम्

vṛṣabhaṃ yaḥ prayaccheta śvetaṃ nīlamathāpi vā / sa kulānāmubhayatas tārayedekaviṃśatim

Sanskrit only: no published translation is held for this verse.

गोचर्मद्वयसां वापि यो मे दद्याद्वसुन्धराम् । स मे पुरं समासाद्य गणेशैः सह मोदते

gocarmadvayasāṃ vāpi yo me dadyādvasundharām / sa me puraṃ samāsādya gaṇeśaiḥ saha modate

Sanskrit only: no published translation is held for this verse.

यो मे पुण्यफलं दद्याद् आत्मना पूर्वमार्जितम् । सो ऽनन्तफलमाप्नोति मोदते च त्रिविष्टपे

yo me puṇyaphalaṃ dadyād ātmanā pūrvamārjitam / so 'nantaphalamāpnoti modate ca triviṣṭape

Sanskrit only: no published translation is held for this verse.

यो ऽनुयानं चतुर्दश्यां कृष्णस्य कुरुते मम । रथेन वृषयुक्तेन मम लोके स मोदते

yo 'nuyānaṃ caturdaśyāṃ kṛṣṇasya kurute mama / rathena vṛṣayuktena mama loke sa modate

Sanskrit only: no published translation is held for this verse.

महिमानोपचारैश्च यो मां जप्यैश्च पूजयेत् । ददानि ब्रह्मणो लोके वासं तस्य सुपूजितम्

mahimānopacāraiśca yo māṃ japyaiśca pūjayet / dadāni brahmaṇo loke vāsaṃ tasya supūjitam

Sanskrit only: no published translation is held for this verse.

मनसा चिन्तयेद्यश्च पूजयेयमहं हरम् । अशक्तो नास्ति च द्रव्यं यस्य नित्यं सुमध्यमे

manasā cintayedyaśca pūjayeyamahaṃ haram / aśakto nāsti ca dravyaṃ yasya nityaṃ sumadhyame

Sanskrit only: no published translation is held for this verse.

स तया श्रद्धया पूतो विमुक्तः सर्वपातकैः । मम लोकमवाप्नोति भिन्ने देहे न संशयः

sa tayā śraddhayā pūto vimuktaḥ sarvapātakaiḥ / mama lokamavāpnoti bhinne dehe na saṃśayaḥ

Sanskrit only: no published translation is held for this verse.

स्नात्वा यः पूर्वसंध्यायां सदा मामुपगच्छति । स मित्रं यक्षराजस्य यक्षो भवति वीर्यवान्

snātvā yaḥ pūrvasaṃdhyāyāṃ sadā māmupagacchati / sa mitraṃ yakṣarājasya yakṣo bhavati vīryavān

Sanskrit only: no published translation is held for this verse.

संमार्जनं पञ्चशतं सहस्रमुपलेपनम् । गन्धाश्च दशसाहस्रा आनन्त्यं चार्चनं स्मृतम्

saṃmārjanaṃ pañcaśataṃ sahasramupalepanam / gandhāśca daśasāhasrā ānantyaṃ cārcanaṃ smṛtam

Sanskrit only: no published translation is held for this verse.

अभ्यङ्गो ऽष्टशतं चैव स्नपनं त्रिशतं भवेत् । गन्धोदकं पञ्चशतं पञ्चगव्यं तथैव च

abhyaṅgo 'ṣṭaśataṃ caiva snapanaṃ triśataṃ bhavet / gandhodakaṃ pañcaśataṃ pañcagavyaṃ tathaiva ca

Sanskrit only: no published translation is held for this verse.

क्षीरं पञ्चगुणं देवि तस्माद्भूयश्च कापिलम् । तस्माच्च सर्पिषा स्नानं भूयः पञ्चगुणं तथा

kṣīraṃ pañcaguṇaṃ devi tasmādbhūyaśca kāpilam / tasmācca sarpiṣā snānaṃ bhūyaḥ pañcaguṇaṃ tathā

Sanskrit only: no published translation is held for this verse.

क्षमामि देवि चास्येह अपराधान्बहूनपि । भस्माभिषेकमानन्त्यं गुह्यं चैतन्ममेप्सितम्

kṣamāmi devi cāsyeha aparādhānbahūnapi / bhasmābhiṣekamānantyaṃ guhyaṃ caitanmamepsitam

Sanskrit only: no published translation is held for this verse.

अगरुं दशसाहस्रं षट्सहस्रं तु चन्दनम् । चतुर्दशसहस्राणि धूपः कालागरुः स्मृतः

agaruṃ daśasāhasraṃ ṣaṭsahasraṃ tu candanam / caturdaśasahasrāṇi dhūpaḥ kālāgaruḥ smṛtaḥ

Sanskrit only: no published translation is held for this verse.

अक्षतास्तण्डुलयवाः शालयो द्विशताः स्मृताः । आनन्त्यो गुग्गुलुश्चैव सहाज्येन सुधूपितः

akṣatāstaṇḍulayavāḥ śālayo dviśatāḥ smṛtāḥ / ānantyo gugguluścaiva sahājyena sudhūpitaḥ

Sanskrit only: no published translation is held for this verse.

द्वे सहस्रे पलानां तु महिषाक्षस्य यो दहेत् । देवि संवत्सरं पूर्णं स मे नन्दिसमो भवेत्

dve sahasre palānāṃ tu mahiṣākṣasya yo dahet / devi saṃvatsaraṃ pūrṇaṃ sa me nandisamo bhavet

Sanskrit only: no published translation is held for this verse.

दक्षिणायां तु यो मूर्तौ पायसं सघृतं शुभे । निवेदयेद्वर्षमेकं स च नन्दिसमो भवेत्

dakṣiṇāyāṃ tu yo mūrtau pāyasaṃ saghṛtaṃ śubhe / nivedayedvarṣamekaṃ sa ca nandisamo bhavet

Sanskrit only: no published translation is held for this verse.

चरवो दशसाहस्रा यावकश्च चतुर्गुणः । शेषाश्च चरवः सर्वे यावकार्धेन संमिताः

caravo daśasāhasrā yāvakaśca caturguṇaḥ / śeṣāśca caravaḥ sarve yāvakārdhena saṃmitāḥ

Sanskrit only: no published translation is held for this verse.

घृतपात्रमसंख्येयम् इह प्रेत्य च शाश्वतम् । प्रीणाति च पितॄन्सर्वान् विमाने चैव मोदते । छत्त्रं दद्याच्च यः सो ऽपि दीप्यते तेजसा दिवि

ghṛtapātramasaṃkhyeyam iha pretya ca śāśvatam / prīṇāti ca pitṝnsarvān vimāne caiva modate / chattraṃ dadyācca yaḥ so 'pi dīpyate tejasā divi

Sanskrit only: no published translation is held for this verse.

उभे पक्षे त्रयोदश्याम् अष्टम्यां चोपवासिकः । उपतिष्ठेत मां भक्त्या सोपहारमनिन्दिते । ददान्यस्य स्वकं लोकं तुष्टो ऽहं देवि शाश्वतम्

ubhe pakṣe trayodaśyām aṣṭamyāṃ copavāsikaḥ / upatiṣṭheta māṃ bhaktyā sopahāramanindite / dadānyasya svakaṃ lokaṃ tuṣṭo 'haṃ devi śāśvatam

Sanskrit only: no published translation is held for this verse.

रक्तपीतकवासोभिः पुष्पैश्च विविधैरपि । पूजितो ऽहं सदा भक्त्या पुत्रत्वे कल्पयामि तम्

raktapītakavāsobhiḥ puṣpaiśca vividhairapi / pūjito 'haṃ sadā bhaktyā putratve kalpayāmi tam

Sanskrit only: no published translation is held for this verse.

एकरात्रं च यो मर्त्यो दीपं धारयति स्थितः । सर्वयज्ञफलं तस्य ददानि श्रियमेव च

ekarātraṃ ca yo martyo dīpaṃ dhārayati sthitaḥ / sarvayajñaphalaṃ tasya dadāni śriyameva ca

Sanskrit only: no published translation is held for this verse.

मयैव मोहिताः सर्वे लोकाः सजडपण्डिताः । न मां पश्यन्ति रागान्धास् तमसा बहुलीकृताः

mayaiva mohitāḥ sarve lokāḥ sajaḍapaṇḍitāḥ / na māṃ paśyanti rāgāndhās tamasā bahulīkṛtāḥ

Sanskrit only: no published translation is held for this verse.

ध्यानिनो नित्ययुक्ता ये सत्यधर्मपरायणाः । एकाग्रमनसो दान्तास् ते मां पश्यन्ति नित्यदा

dhyānino nityayuktā ye satyadharmaparāyaṇāḥ / ekāgramanaso dāntās te māṃ paśyanti nityadā

Sanskrit only: no published translation is held for this verse.

ये मे भक्ताः सदा चैव सांख्ययोगविशारदाः । सर्वं पश्यन्ति च मयि मां च सर्वत्र योगतः

ye me bhaktāḥ sadā caiva sāṃkhyayogaviśāradāḥ / sarvaṃ paśyanti ca mayi māṃ ca sarvatra yogataḥ

Sanskrit only: no published translation is held for this verse.

त्रींल्लोकान्समतिक्रम्य ब्रह्मलोकं तथैव च । गच्छन्ति मम ते लोकं तमो भित्त्वा सुदुर्भिदम्

trīṃllokānsamatikramya brahmalokaṃ tathaiva ca / gacchanti mama te lokaṃ tamo bhittvā sudurbhidam

Sanskrit only: no published translation is held for this verse.

न शक्यो ऽस्मि तपोयुक्तैर् द्रष्टुं मुनिगणैरपि । ध्यानिनो नित्ययुक्ताश्च देवि पश्यन्ति मां बुधाः

na śakyo 'smi tapoyuktair draṣṭuṃ munigaṇairapi / dhyānino nityayuktāśca devi paśyanti māṃ budhāḥ

Sanskrit only: no published translation is held for this verse.

यानि लोकेषु तीर्थानि देवतायतनानि च । पादयोस्तानि सुश्रोणि सदा संनिहितानि मे

yāni lokeṣu tīrthāni devatāyatanāni ca / pādayostāni suśroṇi sadā saṃnihitāni me

Sanskrit only: no published translation is held for this verse.

मय्यर्पितमना नित्यं तथा मद्भावभावितः । ममैव स प्रभावेन सर्वपापैः प्रमुच्यते

mayyarpitamanā nityaṃ tathā madbhāvabhāvitaḥ / mamaiva sa prabhāvena sarvapāpaiḥ pramucyate

Sanskrit only: no published translation is held for this verse.

सर्वथा वर्तमानो ऽपि देवि यो मां सदा स्मरेत् । कल्मषेण न युज्येत नरः कर्ता कदाचन

sarvathā vartamāno 'pi devi yo māṃ sadā smaret / kalmaṣeṇa na yujyeta naraḥ kartā kadācana

Sanskrit only: no published translation is held for this verse.

सर्वावस्थो ऽपि पापात्मा ज्ञाननिष्ठेन चेतसा । यो ऽभ्यर्चयति मां नित्यं स ममात्मसमो भवेत्

sarvāvastho 'pi pāpātmā jñānaniṣṭhena cetasā / yo 'bhyarcayati māṃ nityaṃ sa mamātmasamo bhavet

Sanskrit only: no published translation is held for this verse.

षडङ्गेन च योगेन यो मामर्चयते सदा । प्रविशेत स मां क्षिप्रम् अत्र नास्ति विचारणा

ṣaḍaṅgena ca yogena yo māmarcayate sadā / praviśeta sa māṃ kṣipram atra nāsti vicāraṇā

Sanskrit only: no published translation is held for this verse.

यो ऽप्यसज्जनरतो वियोनिजः पातकैरपि समन्वितः सदा । सो ऽपि मद्गतमना मदर्पणो याति देवि गतिमप्रतर्किताम्

yo 'pyasajjanarato viyonijaḥ pātakairapi samanvitaḥ sadā / so 'pi madgatamanā madarpaṇo yāti devi gatimapratarkitām

Sanskrit only: no published translation is held for this verse.