Skanda Purāṇa (part) 28

इति स्कन्दपुराणे सप्तविंशतितमो ऽध्यायः सनत्कुमार उवाच ततो व्यास पुनर्देवी पतिं व्रतपतिं शुभा । अपृच्छद्व्रतसम्बद्धं फलं फलशतार्चिता

iti skandapurāṇe saptaviṃśatitamo 'dhyāyaḥ sanatkumāra uvāca tato vyāsa punardevī patiṃ vratapatiṃ śubhā / apṛcchadvratasambaddhaṃ phalaṃ phalaśatārcitā

Sanskrit only: no published translation is held for this verse.

व्रतानां फलमल्पं वा महद्वा यत्त्रिलोकप । व्रतं भवति यादृग्वा तत्प्रब्रूहि महेश्वर

vratānāṃ phalamalpaṃ vā mahadvā yattrilokapa / vrataṃ bhavati yādṛgvā tatprabrūhi maheśvara

Sanskrit only: no published translation is held for this verse.

देव उवाच महाफलं यद्भवति यच्चाप्यल्पफलं शुभे । व्रतं यादृक्च यत्प्रोक्तं तच्छृणुष्व-म्-अनिन्दिते

deva uvāca mahāphalaṃ yadbhavati yaccāpyalpaphalaṃ śubhe / vrataṃ yādṛkca yatproktaṃ tacchṛṇuṣva-m-anindite

Sanskrit only: no published translation is held for this verse.

चतुर्दश्यां तथाष्टम्याम् उभयोः पक्षयोः शुचिः । संवत्सरमभुञ्जानः शान्तो दान्तो जितेन्द्रियः

caturdaśyāṃ tathāṣṭamyām ubhayoḥ pakṣayoḥ śuciḥ / saṃvatsaramabhuñjānaḥ śānto dānto jitendriyaḥ

Sanskrit only: no published translation is held for this verse.

सत्त्रयाजिफलं यच्च सत्यवागृतुगामिनाम् । तच्चैव फलमाप्नोति यमं चैव न पश्यति

sattrayājiphalaṃ yacca satyavāgṛtugāminām / taccaiva phalamāpnoti yamaṃ caiva na paśyati

Sanskrit only: no published translation is held for this verse.

शय्यासनस्थः स्त्रीमध्ये रतिरक्तः सुखे रतः । स तप्यत्या नखाग्रेभ्यो नित्यं यो मां समाश्रितः

śayyāsanasthaḥ strīmadhye ratiraktaḥ sukhe rataḥ / sa tapyatyā nakhāgrebhyo nityaṃ yo māṃ samāśritaḥ

Sanskrit only: no published translation is held for this verse.

मद्भक्तस्तपसा युक्तो मामेव प्रतिपद्यते । लोकास्तस्याक्षया देवि यद्यपि स्यात्सुपापकृत्

madbhaktastapasā yukto māmeva pratipadyate / lokāstasyākṣayā devi yadyapi syātsupāpakṛt

Sanskrit only: no published translation is held for this verse.

पृथिवीभाजने भुङ्क्ते नित्यं पर्वसु यो नरः । स त्रिरात्रफलं देवि अहोरात्रेण विन्दति

pṛthivībhājane bhuṅkte nityaṃ parvasu yo naraḥ / sa trirātraphalaṃ devi ahorātreṇa vindati

Sanskrit only: no published translation is held for this verse.

संवत्सरं तु यो भुङ्क्ते नित्यमेव ह्यतन्द्रितः । निवेद्य पितृदेवेभ्यः पृथिव्यामेकराड्भवेत्

saṃvatsaraṃ tu yo bhuṅkte nityameva hyatandritaḥ / nivedya pitṛdevebhyaḥ pṛthivyāmekarāḍbhavet

Sanskrit only: no published translation is held for this verse.

नवमी अष्टमी चैव पौर्णमासी त्रयोदशी । यो भुङ्क्ते देवि नैतेषु संयतस्तु नरः समाम्

navamī aṣṭamī caiva paurṇamāsī trayodaśī / yo bhuṅkte devi naiteṣu saṃyatastu naraḥ samām

Sanskrit only: no published translation is held for this verse.

गाणपत्यं स लभते निःसपत्नमनिन्दिते । भूतानां दयितश्चैव दिव्यं रूपं बिभर्ति च

gāṇapatyaṃ sa labhate niḥsapatnamanindite / bhūtānāṃ dayitaścaiva divyaṃ rūpaṃ bibharti ca

Sanskrit only: no published translation is held for this verse.

श्रीवत्सं यश्च पिष्टेन दद्याद्धेमफलं शुभम् । किरेत्कृष्णतिलांश्चात्र तण्डुलाक्षतमेव च । फलैश्च विविधाकारैर् यथालब्धै रसान्वितैः

śrīvatsaṃ yaśca piṣṭena dadyāddhemaphalaṃ śubham / kiretkṛṣṇatilāṃścātra taṇḍulākṣatameva ca / phalaiśca vividhākārair yathālabdhai rasānvitaiḥ

Sanskrit only: no published translation is held for this verse.

स वै वर्षसहस्राणि द्विषष्टिं दिवि मोदते । दिव्यरूपधरः श्रीमान् देवतैः सह नित्यशः

sa vai varṣasahasrāṇi dviṣaṣṭiṃ divi modate / divyarūpadharaḥ śrīmān devataiḥ saha nityaśaḥ

Sanskrit only: no published translation is held for this verse.

हरिबेरमयीं यो मे दद्यात्प्रतिकृतिं स्वकाम् । सर्वगन्धरसैर्युक्तां निर्यासैश्च सुसंस्कृताम्

hariberamayīṃ yo me dadyātpratikṛtiṃ svakām / sarvagandharasairyuktāṃ niryāsaiśca susaṃskṛtām

Sanskrit only: no published translation is held for this verse.

भक्ष्यभोज्यैश्च विविधैः कृष्णपक्षे चतुर्दशीम् । पूर्वदक्षिणयोश्चात्र पश्चिमोत्तरयोस्तथा

bhakṣyabhojyaiśca vividhaiḥ kṛṣṇapakṣe caturdaśīm / pūrvadakṣiṇayoścātra paścimottarayostathā

Sanskrit only: no published translation is held for this verse.

पार्श्वेषु हरितालं च कृष्णागरुमनःशिलाम् । चन्दनं चैव दद्याद्वै यथासंख्येन पूजितम्

pārśveṣu haritālaṃ ca kṛṣṇāgarumanaḥśilām / candanaṃ caiva dadyādvai yathāsaṃkhyena pūjitam

Sanskrit only: no published translation is held for this verse.

तस्य पुण्यफलं देवि शृणु यन्मत्तकाशिनि । सर्वव्याधिविनिर्मुक्तस् तथा निष्कल्मषश्च ह

tasya puṇyaphalaṃ devi śṛṇu yanmattakāśini / sarvavyādhivinirmuktas tathā niṣkalmaṣaśca ha

Sanskrit only: no published translation is held for this verse.

वर्षकोटिशतान्यष्टौ दिवि भुक्त्वा महत्सुखम् । इह लोके सुखी जातो मामेव प्रतिपद्यते

varṣakoṭiśatānyaṣṭau divi bhuktvā mahatsukham / iha loke sukhī jāto māmeva pratipadyate

Sanskrit only: no published translation is held for this verse.

रत्नावलिं तु यो दद्याद् ब्राह्मणः क्षत्रियो ऽथ विट् । शूद्रः स्त्री वा स मे लोके मत्सौख्यं प्राप्नुते परम्

ratnāvaliṃ tu yo dadyād brāhmaṇaḥ kṣatriyo 'tha viṭ / śūdraḥ strī vā sa me loke matsaukhyaṃ prāpnute param

Sanskrit only: no published translation is held for this verse.

सिद्धार्थकैरथार्घार्थे दैवे पित्र्ये ऽथवा पुनः । त्रिंशद्वर्षसहस्राणि तर्पयेत्स पितॄनपि

siddhārthakairathārghārthe daive pitrye 'thavā punaḥ / triṃśadvarṣasahasrāṇi tarpayetsa pitṝnapi

Sanskrit only: no published translation is held for this verse.

ऋषींश्च सर्वदेवांश्च रूपं चाप्नोति पुष्कलम् । मन्वन्तरं च गोलोके गोकन्याभिः स पूज्यते

ṛṣīṃśca sarvadevāṃśca rūpaṃ cāpnoti puṣkalam / manvantaraṃ ca goloke gokanyābhiḥ sa pūjyate

Sanskrit only: no published translation is held for this verse.

सर्वे देवास्तथा विष्णुर् ब्रह्मा ऋषय एव च । कुर्वन्त्यर्घे हि सांनिध्यं तेभ्यस्तद्विद्धि निःसृतम्

sarve devāstathā viṣṇur brahmā ṛṣaya eva ca / kurvantyarghe hi sāṃnidhyaṃ tebhyastadviddhi niḥsṛtam

Sanskrit only: no published translation is held for this verse.

गुह्यमेतत्परं देवि यो वेत्ति स महातपाः । तस्य प्रभावाज्जायेत धनवान्प्रियदर्शनः । प्रज्ञारूपगुणैर्युक्तः संवत्सरशतायुतम्

guhyametatparaṃ devi yo vetti sa mahātapāḥ / tasya prabhāvājjāyeta dhanavānpriyadarśanaḥ / prajñārūpaguṇairyuktaḥ saṃvatsaraśatāyutam

Sanskrit only: no published translation is held for this verse.

क्षीरेण यो मां सततं स्नापयेत त्रिरुद्यतः । अपराधसहस्रं तु क्षमे तस्याहमन्तशः

kṣīreṇa yo māṃ satataṃ snāpayeta trirudyataḥ / aparādhasahasraṃ tu kṣame tasyāhamantaśaḥ

Sanskrit only: no published translation is held for this verse.

यश्च तत्स्नपनं पश्येत् सर्वपापैः प्रमुच्यते । मानसस्य च जाप्यस्य सहस्रस्य फलं लभेत्

yaśca tatsnapanaṃ paśyet sarvapāpaiḥ pramucyate / mānasasya ca jāpyasya sahasrasya phalaṃ labhet

Sanskrit only: no published translation is held for this verse.

संवत्सरं तु यः कुर्यात् क्षीरेण स्नपनं शुचिः । गाणपत्यं स लभते वल्लभत्वं च नित्यशः

saṃvatsaraṃ tu yaḥ kuryāt kṣīreṇa snapanaṃ śuciḥ / gāṇapatyaṃ sa labhate vallabhatvaṃ ca nityaśaḥ

Sanskrit only: no published translation is held for this verse.

सर्पिषा यो ममाभ्यङ्गं करोत्यविमना नरः । द्विसाहस्रस्य जाप्यस्य मानसस्य फलं लभेत्

sarpiṣā yo mamābhyaṅgaṃ karotyavimanā naraḥ / dvisāhasrasya jāpyasya mānasasya phalaṃ labhet

Sanskrit only: no published translation is held for this verse.

अभिगम्यश्च देवानां स भवेत नरोत्तमः । निष्काणां च सुवर्णस्य सहस्रस्य फलं लभेत्

abhigamyaśca devānāṃ sa bhaveta narottamaḥ / niṣkāṇāṃ ca suvarṇasya sahasrasya phalaṃ labhet

Sanskrit only: no published translation is held for this verse.

संमार्जनं च यः कुर्यात् संवत्सरमनुव्रतः । वितरामि शुभं लोकं नित्यं तस्य ध्रुवं शिवम् । सर्वलोकक्षये तस्य न क्षयो भवतीश्वरि

saṃmārjanaṃ ca yaḥ kuryāt saṃvatsaramanuvrataḥ / vitarāmi śubhaṃ lokaṃ nityaṃ tasya dhruvaṃ śivam / sarvalokakṣaye tasya na kṣayo bhavatīśvari

Sanskrit only: no published translation is held for this verse.

लिङ्गपूजां तु यः कुर्यान् मम देवि दृढव्रतः । शतं वर्षसहस्राणि दिव्यानि दिवि मोदते

liṅgapūjāṃ tu yaḥ kuryān mama devi dṛḍhavrataḥ / śataṃ varṣasahasrāṇi divyāni divi modate

Sanskrit only: no published translation is held for this verse.

चतुर्णां पुष्पजातीनां गन्धमाघ्राति शंकरः । अर्कस्य करवीरस्य बिल्वस्य च बुकस्य च । सुवर्णनिष्कं पुष्पे तु सर्वस्मिन्नेव कथ्यते

caturṇāṃ puṣpajātīnāṃ gandhamāghrāti śaṃkaraḥ / arkasya karavīrasya bilvasya ca bukasya ca / suvarṇaniṣkaṃ puṣpe tu sarvasminneva kathyate

Sanskrit only: no published translation is held for this verse.

सहस्रे त्वर्कपुष्पाणां दत्ते यत्कथ्यते फलम् । एकस्मिन्करवीरस्य दत्ते पुष्पे हि तत्फलम्

sahasre tvarkapuṣpāṇāṃ datte yatkathyate phalam / ekasminkaravīrasya datte puṣpe hi tatphalam

Sanskrit only: no published translation is held for this verse.

करवीरसहस्रस्य भवेद्दत्तस्य यत्फलम् । तदेकस्य तु पद्मस्य दत्तस्य फलमुच्यते

karavīrasahasrasya bhaveddattasya yatphalam / tadekasya tu padmasya dattasya phalamucyate

Sanskrit only: no published translation is held for this verse.

पद्मानां तु सहस्रस्य मम दत्तस्य यत्फलम् । तत्फलं लभते पत्त्रे दत्ते बिल्वस्य शोभने

padmānāṃ tu sahasrasya mama dattasya yatphalam / tatphalaṃ labhate pattre datte bilvasya śobhane

Sanskrit only: no published translation is held for this verse.

बिल्वपत्त्रसहस्रे तु दत्ते मे यत्फलं स्मृतम् । बुकपुष्पे तदेकस्मिन् मम दत्ते लभेत्फलम्

bilvapattrasahasre tu datte me yatphalaṃ smṛtam / bukapuṣpe tadekasmin mama datte labhetphalam

Sanskrit only: no published translation is held for this verse.

बुकपुष्पसहस्रस्य मम दत्तस्य यत्फलम् । पुष्पे दत्ते तदेकस्मिंल् लभेद्धुत्तूरकस्य तु

bukapuṣpasahasrasya mama dattasya yatphalam / puṣpe datte tadekasmiṃl labheddhuttūrakasya tu

Sanskrit only: no published translation is held for this verse.

निर्माल्यं यो हि मे नित्यं शिरसा धारयिष्यति । अशुचिर्भिन्नमर्यादो नरः पापसमन्वितः

nirmālyaṃ yo hi me nityaṃ śirasā dhārayiṣyati / aśucirbhinnamaryādo naraḥ pāpasamanvitaḥ

Sanskrit only: no published translation is held for this verse.

स्वैरी चैव तथायुक्तो नियमैश्च बहिष्कृतः । नरके स पतेद्घोरे तिर्यग्योनौ च सम्भवेत्

svairī caiva tathāyukto niyamaiśca bahiṣkṛtaḥ / narake sa patedghore tiryagyonau ca sambhavet

Sanskrit only: no published translation is held for this verse.

ब्रह्मचारी शुचिर्भूत्वा निर्माल्यं यस्तु धारयेत् । तस्य पापमहं शीघ्रं नाशयामि महाव्रते

brahmacārī śucirbhūtvā nirmālyaṃ yastu dhārayet / tasya pāpamahaṃ śīghraṃ nāśayāmi mahāvrate

Sanskrit only: no published translation is held for this verse.

दीपमालां तु यः कुर्यात् कार्त्तिके मासि वै मम । अवसाने च दीपानां ब्राह्मणांस्तर्पयेच्छुचिः । गाणपत्यं स लभते दीप्यते च रविर्यथा

dīpamālāṃ tu yaḥ kuryāt kārttike māsi vai mama / avasāne ca dīpānāṃ brāhmaṇāṃstarpayecchuciḥ / gāṇapatyaṃ sa labhate dīpyate ca raviryathā

Sanskrit only: no published translation is held for this verse.

दद्यात्कृष्णतिलांश्चैव सह सिद्धार्थकांश्च ह । यो मे देवि सदा मूर्ध्नि स मे नन्दिसमो भवेत्

dadyātkṛṣṇatilāṃścaiva saha siddhārthakāṃśca ha / yo me devi sadā mūrdhni sa me nandisamo bhavet

Sanskrit only: no published translation is held for this verse.

ये हि सिद्धार्थकाः प्रोक्तास् तथा कृष्णतिलाश्च ये । सर्वे ते त्वन्मया देवि गुह्यमेतन्मयेरितम्

ye hi siddhārthakāḥ proktās tathā kṛṣṇatilāśca ye / sarve te tvanmayā devi guhyametanmayeritam

Sanskrit only: no published translation is held for this verse.

चित्रो नाम गणो मह्यं तेन सार्धं स मोदते । सर्वसम्प्रलये चैव प्राप्ते त्रैलोक्यसंक्षये । त्यक्त्वा सर्वाणि दुःखानि मामेव प्रतिपद्यते

citro nāma gaṇo mahyaṃ tena sārdhaṃ sa modate / sarvasampralaye caiva prāpte trailokyasaṃkṣaye / tyaktvā sarvāṇi duḥkhāni māmeva pratipadyate

Sanskrit only: no published translation is held for this verse.

न तुष्याम्यर्चितो ऽर्चायां तथा देवि नगात्मजे । लिङ्गे ऽर्चिते यथात्यर्थं परितुष्यामि पार्वति

na tuṣyāmyarcito 'rcāyāṃ tathā devi nagātmaje / liṅge 'rcite yathātyarthaṃ parituṣyāmi pārvati

Sanskrit only: no published translation is held for this verse.

सर्वेन्द्रियप्रसक्तो वा युक्तो वा सर्वपातकैः । स प्रयाति दिवं देवि लिङ्गं यो ऽर्चयतीह मे

sarvendriyaprasakto vā yukto vā sarvapātakaiḥ / sa prayāti divaṃ devi liṅgaṃ yo 'rcayatīha me

Sanskrit only: no published translation is held for this verse.

त्यक्त्वा सर्वाणि पापानि निर्द्वन्द्वो दग्धकिल्बिषः । मदाशीर्मन्नमस्कारो मामेव प्रतिपद्यते

tyaktvā sarvāṇi pāpāni nirdvandvo dagdhakilbiṣaḥ / madāśīrmannamaskāro māmeva pratipadyate

Sanskrit only: no published translation is held for this verse.

सनत्कुमार उवाच ततो भगवती भूयः पतिं सर्वजगत्पतिम् । अपृच्छत्पुष्प्यमाणास्या केन त्वं देव तुष्यसि

sanatkumāra uvāca tato bhagavatī bhūyaḥ patiṃ sarvajagatpatim / apṛcchatpuṣpyamāṇāsyā kena tvaṃ deva tuṣyasi

Sanskrit only: no published translation is held for this verse.

ततः प्रहसमानास्यः सर्वलोकेश्वरेश्वरः । वचः प्रोवाच भगवांल् लोकानां हितकाम्यया

tataḥ prahasamānāsyaḥ sarvalokeśvareśvaraḥ / vacaḥ provāca bhagavāṃl lokānāṃ hitakāmyayā

Sanskrit only: no published translation is held for this verse.

देव उवाच शृणु देवि यथातत्त्वं येन यान्ति शुभां गतिम् । त्रैलोक्ये जन्तवः सर्वे मद्भक्ता ये शुभानने

deva uvāca śṛṇu devi yathātattvaṃ yena yānti śubhāṃ gatim / trailokye jantavaḥ sarve madbhaktā ye śubhānane

Sanskrit only: no published translation is held for this verse.

यत्तत्परतरं गुह्यं तत्सर्वं त्वयि तिष्ठति । यो हि तत्त्वेन तद्वेद संसाराद्विप्रमुच्यते

yattatparataraṃ guhyaṃ tatsarvaṃ tvayi tiṣṭhati / yo hi tattvena tadveda saṃsārādvipramucyate

Sanskrit only: no published translation is held for this verse.

न च प्रकाशयेद्गुह्यं नाम ते कीर्तयेन्नरः । सदा सर्वसहेत्येवं प्रातः प्राञ्जलिरुत्थितः

na ca prakāśayedguhyaṃ nāma te kīrtayennaraḥ / sadā sarvasahetyevaṃ prātaḥ prāñjalirutthitaḥ

Sanskrit only: no published translation is held for this verse.

तस्माच्च कीर्तनात्पापं सर्वमेव विनिर्दहेत् । यशः कीर्तिं च सम्प्राप्य रुद्रलोके महीयते

tasmācca kīrtanātpāpaṃ sarvameva vinirdahet / yaśaḥ kīrtiṃ ca samprāpya rudraloke mahīyate

Sanskrit only: no published translation is held for this verse.

सर्वमाल्यानि यो दद्यात् सर्वमूर्तिषु नित्यशः । मन्त्रेण विधिवच्चैव तस्य पुण्यफलं महत्

sarvamālyāni yo dadyāt sarvamūrtiṣu nityaśaḥ / mantreṇa vidhivaccaiva tasya puṇyaphalaṃ mahat

Sanskrit only: no published translation is held for this verse.

मन्त्रः सर्वगाय सुरेशाय सर्वदेवमयाय च । नमो भगवते चैव गुह्यागुह्याय वै सदा

mantraḥ sarvagāya sureśāya sarvadevamayāya ca / namo bhagavate caiva guhyāguhyāya vai sadā

Sanskrit only: no published translation is held for this verse.

सोमाय भूतनाथाय भावनाय भवाय च । सर्वगुह्याय वै स्वाहा देवगुह्यमयाय च

somāya bhūtanāthāya bhāvanāya bhavāya ca / sarvaguhyāya vai svāhā devaguhyamayāya ca

Sanskrit only: no published translation is held for this verse.

सर्वगुह्यमयो मन्त्रः स्वाहा सोमाय चैव ह । कटंकटाय वै स्वाहा स्वाहा देवाय शुष्मिणे

sarvaguhyamayo mantraḥ svāhā somāya caiva ha / kaṭaṃkaṭāya vai svāhā svāhā devāya śuṣmiṇe

Sanskrit only: no published translation is held for this verse.

पुष्पाण्येतेन मन्त्रेण यो मे नित्यं निवेदयेत् । सहस्रं तेन जाप्यस्य मानसस्य कृतं भवेत्

puṣpāṇyetena mantreṇa yo me nityaṃ nivedayet / sahasraṃ tena jāpyasya mānasasya kṛtaṃ bhavet

Sanskrit only: no published translation is held for this verse.

अथाञ्जलिममावास्यां सुसम्पूर्णां समाहितः । तिलानां चैव कृष्णानां सर्षपाणां च पार्वति । अर्चयित्वा यथान्यायं यथालाभं प्रयच्छति

athāñjalimamāvāsyāṃ susampūrṇāṃ samāhitaḥ / tilānāṃ caiva kṛṣṇānāṃ sarṣapāṇāṃ ca pārvati / arcayitvā yathānyāyaṃ yathālābhaṃ prayacchati

Sanskrit only: no published translation is held for this verse.

इदं च वचनं ब्रूयात् सूर्येति च ममेति च । सर्वपापविनिर्मुक्तः स्वर्गलोकं व्रजेन्नरः

idaṃ ca vacanaṃ brūyāt sūryeti ca mameti ca / sarvapāpavinirmuktaḥ svargalokaṃ vrajennaraḥ

Sanskrit only: no published translation is held for this verse.

अर्चयित्वा च मां देवि यो मे नामानि कीर्तयेत् । चतुर्दश्यामथाष्टम्यां पक्षयोरुभयोरपि । सो ऽपि देवि प्रपश्येन्मां वियोनिं न स गच्छति

arcayitvā ca māṃ devi yo me nāmāni kīrtayet / caturdaśyāmathāṣṭamyāṃ pakṣayorubhayorapi / so 'pi devi prapaśyenmāṃ viyoniṃ na sa gacchati

Sanskrit only: no published translation is held for this verse.

वामदेव सुदेवेति हर गुप्तेति वा पुनः । उमापते नीलकण्ठ शान्त श्रीकण्ठ गोपते

vāmadeva sudeveti hara gupteti vā punaḥ / umāpate nīlakaṇṭha śānta śrīkaṇṭha gopate

Sanskrit only: no published translation is held for this verse.

शर्व भीम पशुपते शंकरोग्र भवेति च । महादेवेति चाप्यन्यन् नाम गुह्यं प्रकीर्तयेत् । सर्वपापैः प्रमुच्येत दिवि देवैश्च पूज्यते

śarva bhīma paśupate śaṃkarogra bhaveti ca / mahādeveti cāpyanyan nāma guhyaṃ prakīrtayet / sarvapāpaiḥ pramucyeta divi devaiśca pūjyate

Sanskrit only: no published translation is held for this verse.

एतेषामेकमपि यः कथयेद्वा पठेत वा । स देहपद्धतिं भित्त्वा मामेव प्रतिपद्यते । एवं सर्वप्रणामेन यन्मया परिकीर्तितम्

eteṣāmekamapi yaḥ kathayedvā paṭheta vā / sa dehapaddhatiṃ bhittvā māmeva pratipadyate / evaṃ sarvapraṇāmena yanmayā parikīrtitam

Sanskrit only: no published translation is held for this verse.

अमावास्यां तु यो नित्यं सघृतं गुग्गुलुं दहेत् । क्षीरेण चैव संमिश्रं गुह्यमेतन्मम प्रिये । सो ऽच्युतं स्थानमाप्नोति मत्प्रसादान्न संशयः

amāvāsyāṃ tu yo nityaṃ saghṛtaṃ gugguluṃ dahet / kṣīreṇa caiva saṃmiśraṃ guhyametanmama priye / so 'cyutaṃ sthānamāpnoti matprasādānna saṃśayaḥ

Sanskrit only: no published translation is held for this verse.

इदं च परमं गुह्यं यो मे देवि निवेदयेत् । अर्कपर्णपुटं पूर्णं घृतस्य मधुना सह । निवेद्य विधिवद्भक्त्या सर्वपापैः प्रमुच्यते

idaṃ ca paramaṃ guhyaṃ yo me devi nivedayet / arkaparṇapuṭaṃ pūrṇaṃ ghṛtasya madhunā saha / nivedya vidhivadbhaktyā sarvapāpaiḥ pramucyate

Sanskrit only: no published translation is held for this verse.

इमानि च महाभागे यो मे नामानि कीर्तयेत् । श्मशाननिलयो नग्नो भस्मशायी यतव्रतः

imāni ca mahābhāge yo me nāmāni kīrtayet / śmaśānanilayo nagno bhasmaśāyī yatavrataḥ

Sanskrit only: no published translation is held for this verse.

वामदेवः प्रशान्तश्च स्तब्धशेफस्त्रिलोचनः । अवसव्यप्रियः सव्यो बहुरूपो ऽन्तकान्तकृत्

vāmadevaḥ praśāntaśca stabdhaśephastrilocanaḥ / avasavyapriyaḥ savyo bahurūpo 'ntakāntakṛt

Sanskrit only: no published translation is held for this verse.

पुराणः पुरुहूतश्च मृत्योर्मृत्युर्जितेन्द्रियः । अनिन्द्रियो ऽतीन्द्रियश्च सर्वभूतहृदि स्थितः

purāṇaḥ puruhūtaśca mṛtyormṛtyurjitendriyaḥ / anindriyo 'tīndriyaśca sarvabhūtahṛdi sthitaḥ

Sanskrit only: no published translation is held for this verse.

संसारचक्री योगात्मा कापाली दिण्डिरेव च । महादेवो महादेवो महादेवेति चैव हि

saṃsāracakrī yogātmā kāpālī diṇḍireva ca / mahādevo mahādevo mahādeveti caiva hi

Sanskrit only: no published translation is held for this verse.

जपेदेतन्नियमवान् शृणुयाद्वापि नित्यशः । स देहभेदमासाद्य योगात्मा गणपो भवेत्

japedetanniyamavān śṛṇuyādvāpi nityaśaḥ / sa dehabhedamāsādya yogātmā gaṇapo bhavet

Sanskrit only: no published translation is held for this verse.

सनत्कुमार उवाच नाशुभाय न पापाय नानृताय कदाचन । श्रावयेद्भक्तिमान्पुण्यं नाव्रताय कदाचन

sanatkumāra uvāca nāśubhāya na pāpāya nānṛtāya kadācana / śrāvayedbhaktimānpuṇyaṃ nāvratāya kadācana

Sanskrit only: no published translation is held for this verse.

धन्यं यशस्यमायुष्यं शान्तिवृद्धिकरं शुभम् । पूतं पवित्रं परमं मङ्गलानां च मङ्गलम् । श्रोतव्यं न च सर्वेण तथा देयं न कस्यचित्

dhanyaṃ yaśasyamāyuṣyaṃ śāntivṛddhikaraṃ śubham / pūtaṃ pavitraṃ paramaṃ maṅgalānāṃ ca maṅgalam / śrotavyaṃ na ca sarveṇa tathā deyaṃ na kasyacit

Sanskrit only: no published translation is held for this verse.