Library·Skanda Purāṇa (part)·29
जैगीषव्य उवाच भगवन्देवदेवेश यच्छ यन्मे मनोगतम् । अतो ऽहं नान्यदिच्छामि योगाक्षय्यात्परं हितम्
jaigīṣavya uvāca bhagavandevadeveśa yaccha yanme manogatam / ato 'haṃ nānyadicchāmi yogākṣayyātparaṃ hitam
Sanskrit only: no published translation is held for this verse.
त्वयि भक्तिश्च नित्यं स्यात् सोमे सगणपेश्वरे । अनुत्सेकं तथा क्षान्तिं शमं दममथापि च
tvayi bhaktiśca nityaṃ syāt some sagaṇapeśvare / anutsekaṃ tathā kṣāntiṃ śamaṃ damamathāpi ca
Sanskrit only: no published translation is held for this verse.
न चाप्यभिभवं कुर्यान् न च तेजोवमाननाम् । एतान्वरानहं देव सदेच्छामि महाद्युते
na cāpyabhibhavaṃ kuryān na ca tejovamānanām / etānvarānahaṃ deva sadecchāmi mahādyute
Sanskrit only: no published translation is held for this verse.
देव उवाच एते तव भविष्यन्ति अजय्यत्वं च योगिभिः । इच्छतो दर्शनं चैव भविष्यति च ते मम
deva uvāca ete tava bhaviṣyanti ajayyatvaṃ ca yogibhiḥ / icchato darśanaṃ caiva bhaviṣyati ca te mama
Sanskrit only: no published translation is held for this verse.
सनत्कुमार उवाच ततः स भगवान्देवः पाराशर्योमया सह । सनन्दी सगणश्चैव भक्तानुग्रहलिप्सया
sanatkumāra uvāca tataḥ sa bhagavāndevaḥ pārāśaryomayā saha / sanandī sagaṇaścaiva bhaktānugrahalipsayā
Sanskrit only: no published translation is held for this verse.
तप्यतो यक्षराजस्य कृत्वा हृदि महेश्वरम् । वरदानाय देवेशो जगाम पुरतस्तदा
tapyato yakṣarājasya kṛtvā hṛdi maheśvaram / varadānāya deveśo jagāma puratastadā
Sanskrit only: no published translation is held for this verse.
अथ दृष्ट्वा त्रिपादं च ह्रस्वबाहूरुपादकम् । तप्यमानं तपो घोरं सुतं विश्रवसस्तदा
atha dṛṣṭvā tripādaṃ ca hrasvabāhūrupādakam / tapyamānaṃ tapo ghoraṃ sutaṃ viśravasastadā
Sanskrit only: no published translation is held for this verse.
दृष्ट्वोवाच ततो देवः कुबेरं दीप्ततेजसम् । तपसा भावितं व्यास त्वगस्थिपरिसंस्थितम्
dṛṣṭvovāca tato devaḥ kuberaṃ dīptatejasam / tapasā bhāvitaṃ vyāsa tvagasthiparisaṃsthitam
Sanskrit only: no published translation is held for this verse.
देव उवाच भो भो विश्रवसः पुत्र चक्षुर्दिव्यं ददानि ते । सोमं पश्य महासत्त्व मां त्वं दिव्येन चक्षुषा
deva uvāca bho bho viśravasaḥ putra cakṣurdivyaṃ dadāni te / somaṃ paśya mahāsattva māṃ tvaṃ divyena cakṣuṣā
Sanskrit only: no published translation is held for this verse.
ततः स दृष्ट्वा देवेशं साम्बं नन्दिपुरःसरम् । प्रणम्य कर्षितः सम्यग् उत्थातुं न शशाक ह
tataḥ sa dṛṣṭvā deveśaṃ sāmbaṃ nandipuraḥsaram / praṇamya karṣitaḥ samyag utthātuṃ na śaśāka ha
Sanskrit only: no published translation is held for this verse.
अबलं तं समालक्ष्य उत्थाने ऽशक्तमीश्वरः । उवाचोत्तिष्ठ भद्रं ते बलं पौराणमस्तु ते
abalaṃ taṃ samālakṣya utthāne 'śaktamīśvaraḥ / uvācottiṣṭha bhadraṃ te balaṃ paurāṇamastu te
Sanskrit only: no published translation is held for this verse.
तत उत्थाय जानुभ्यां कुबेरो ह्यवतिष्ठत । पार्श्वगां चैव नेत्रेण देवीमालोकयन्स्थितः
tata utthāya jānubhyāṃ kubero hyavatiṣṭhata / pārśvagāṃ caiva netreṇa devīmālokayansthitaḥ
Sanskrit only: no published translation is held for this verse.
इयं सा पर्वतसुता सर्वलोकनमस्कृता । माता लोकत्रयस्यास्य महायोगबलान्विता
iyaṃ sā parvatasutā sarvalokanamaskṛtā / mātā lokatrayasyāsya mahāyogabalānvitā
Sanskrit only: no published translation is held for this verse.
अहो ऽस्यास्तपसो वीर्यम् अहो दीप्तिरहो बलम् । या प्रभोः सर्वलोकस्य पत्नीत्वं प्रजगाम ह
aho 'syāstapaso vīryam aho dīptiraho balam / yā prabhoḥ sarvalokasya patnītvaṃ prajagāma ha
Sanskrit only: no published translation is held for this verse.
सनत्कुमार उवाच तमेवंभूतमनसम् ईक्षमाणं च पार्वतीम् । बुबोध देवी बुद्ध्वा च चुकोप परमेश्वरी
sanatkumāra uvāca tamevaṃbhūtamanasam īkṣamāṇaṃ ca pārvatīm / bubodha devī buddhvā ca cukopa parameśvarī
Sanskrit only: no published translation is held for this verse.
सा क्रुद्धा तु कुबेरस्य वाममक्षि सुदीप्तिमत् । विशुष्कं कक्षमादीप्ता ददाहाग्नेः शिखा यथा
sā kruddhā tu kuberasya vāmamakṣi sudīptimat / viśuṣkaṃ kakṣamādīptā dadāhāgneḥ śikhā yathā
Sanskrit only: no published translation is held for this verse.
पुनश्चास्य विनाशाय कुबेरस्य शुभानना । मतिं दध्रे तपोयोनिर् अथैनामवदद्धरः
punaścāsya vināśāya kuberasya śubhānanā / matiṃ dadhre tapoyonir athaināmavadaddharaḥ
Sanskrit only: no published translation is held for this verse.
मा क्रुधो देवि यक्षस्य भक्तस्यास्य तपस्विनः । यशस्वी धार्मिकश्चायं भक्तस्त्वां च विशेषतः
mā krudho devi yakṣasya bhaktasyāsya tapasvinaḥ / yaśasvī dhārmikaścāyaṃ bhaktastvāṃ ca viśeṣataḥ
Sanskrit only: no published translation is held for this verse.
कुतूहलतया ह्येष त्वां निरीक्षितवाञ्छुभे । प्रसादं कुरु बालस्य धनदस्य महेश्वरि
kutūhalatayā hyeṣa tvāṃ nirīkṣitavāñchubhe / prasādaṃ kuru bālasya dhanadasya maheśvari
Sanskrit only: no published translation is held for this verse.
देव्युवाच एषो ऽसकृन्मां देवेश वीक्षते ऽविनयात्प्रभो । मिनोति न गुणान्देव कस्मान्मम पुरः स्थितः
devyuvāca eṣo 'sakṛnmāṃ deveśa vīkṣate 'vinayātprabho / minoti na guṇāndeva kasmānmama puraḥ sthitaḥ
Sanskrit only: no published translation is held for this verse.
तेजसां यो ऽप्रमेयानां कुर्यान्मोहेन लङ्घनम् । सो ऽल्पवीर्यो विनश्येत पतङ्गो ऽग्निमिवागतः
tejasāṃ yo 'prameyānāṃ kuryānmohena laṅghanam / so 'lpavīryo vinaśyeta pataṅgo 'gnimivāgataḥ
Sanskrit only: no published translation is held for this verse.
सनत्कुमार उवाच तामेवं क्रोधताम्राक्षीं क्रुद्धां सम्प्रेक्ष्य शंकरः । उवाच मधुरं श्लक्ष्णं गिरीन्द्रतनयां वचः
sanatkumāra uvāca tāmevaṃ krodhatāmrākṣīṃ kruddhāṃ samprekṣya śaṃkaraḥ / uvāca madhuraṃ ślakṣṇaṃ girīndratanayāṃ vacaḥ
Sanskrit only: no published translation is held for this verse.
ब्रवीमि त्वां महाभागे मा क्रुधो जगतो ऽरणि । त्वया सृष्टं जगत्सर्वं प्रकृतिस्त्वं सुरेश्वरि । पुत्रस्ते ऽयं यतो देवि तस्मान्न क्रोद्धुमर्हसि
bravīmi tvāṃ mahābhāge mā krudho jagato 'raṇi / tvayā sṛṣṭaṃ jagatsarvaṃ prakṛtistvaṃ sureśvari / putraste 'yaṃ yato devi tasmānna kroddhumarhasi
Sanskrit only: no published translation is held for this verse.
मातरं चैव पुत्रस्य वीक्षमाणस्य शोभने । न दोषो ऽस्ति न चैवास्य त्वयि चेतो विमोहितम्
mātaraṃ caiva putrasya vīkṣamāṇasya śobhane / na doṣo 'sti na caivāsya tvayi ceto vimohitam
Sanskrit only: no published translation is held for this verse.
तस्मात्त्वमेव देव्यस्य प्रसन्नस्य नतस्य च । प्रसादं कुरु देवेशे कुबेरस्य यथेप्सितम्
tasmāttvameva devyasya prasannasya natasya ca / prasādaṃ kuru deveśe kuberasya yathepsitam
Sanskrit only: no published translation is held for this verse.
सनत्कुमार उवाच सा तथा देवदेवेन प्रोक्ता गिरिवरात्मजा । प्रसादमकरोत्तस्य प्रसन्ना चेदमब्रवीत्
sanatkumāra uvāca sā tathā devadevena proktā girivarātmajā / prasādamakarottasya prasannā cedamabravīt
Sanskrit only: no published translation is held for this verse.
देव्युवाच कुबेर यत्ते दुरितं क्षान्तं तत्ते मयानघ । तुष्टास्मि मा कृथाश्चैव पुनस्तेजस्विलङ्घनम्
devyuvāca kubera yatte duritaṃ kṣāntaṃ tatte mayānagha / tuṣṭāsmi mā kṛthāścaiva punastejasvilaṅghanam
Sanskrit only: no published translation is held for this verse.
यत्त्विदं ते मया दग्धम् ईक्षमाणस्य लोचनम् । वामं तथैव भवतु पिङ्गलं दीप्तिमच्च ह
yattvidaṃ te mayā dagdham īkṣamāṇasya locanam / vāmaṃ tathaiva bhavatu piṅgalaṃ dīptimacca ha
Sanskrit only: no published translation is held for this verse.
अनेन चाङ्कितो लोके भविष्यसि न संशयः । एकाक्षिपिङ्गलो नाम्ना ख्यातः सर्वत्र पूजितः
anena cāṅkito loke bhaviṣyasi na saṃśayaḥ / ekākṣipiṅgalo nāmnā khyātaḥ sarvatra pūjitaḥ
Sanskrit only: no published translation is held for this verse.
चरितं यत्तपश्चेदम् अक्षयं तच्च ते ऽव्ययम् । सौभाग्यमुत्तमं चैव मत्प्रसादाद्भविष्यति
caritaṃ yattapaścedam akṣayaṃ tacca te 'vyayam / saubhāgyamuttamaṃ caiva matprasādādbhaviṣyati
Sanskrit only: no published translation is held for this verse.
सनत्कुमार उवाच एवमुक्त्वा ततो देवी विरराम शुभानना । भगवान्वरदो ऽस्मीति कुबेरमवदत्ततः
sanatkumāra uvāca evamuktvā tato devī virarāma śubhānanā / bhagavānvarado 'smīti kuberamavadattataḥ
Sanskrit only: no published translation is held for this verse.
अथैवमुक्तो देवेन कुबेरो हृष्टमानसः । तुष्टाव देवं देवीं च शिरसा प्राञ्जलिर्नतः
athaivamukto devena kubero hṛṣṭamānasaḥ / tuṣṭāva devaṃ devīṃ ca śirasā prāñjalirnataḥ
Sanskrit only: no published translation is held for this verse.
कुबेर उवाच नमः पट्टिसहस्ताय किरीटवरधारिणे । नमो वलयधारिण्यै धारिण्यै दर्पणस्य च
kubera uvāca namaḥ paṭṭisahastāya kirīṭavaradhāriṇe / namo valayadhāriṇyai dhāriṇyai darpaṇasya ca
Sanskrit only: no published translation is held for this verse.
नमः सर्वाङ्गकेशाय दीर्घकेश्यै नमो नमः । नमो मेखलधारिण्यै नमो मौञ्जीधराय च
namaḥ sarvāṅgakeśāya dīrghakeśyai namo namaḥ / namo mekhaladhāriṇyai namo mauñjīdharāya ca
Sanskrit only: no published translation is held for this verse.
नमो नीलशिखण्डिन्यै नमः पिङ्गजटाभृते । नमो ज्ञानाय तनवे भूताधिपतये नमः
namo nīlaśikhaṇḍinyai namaḥ piṅgajaṭābhṛte / namo jñānāya tanave bhūtādhipataye namaḥ
Sanskrit only: no published translation is held for this verse.
नमस्ताराभिधारिण्यै सिंहोरस्काय वै नमः । नमो रत्नाग्र्यधारिण्यै नमश्चन्द्रार्धमौलये
namastārābhidhāriṇyai siṃhoraskāya vai namaḥ / namo ratnāgryadhāriṇyai namaścandrārdhamaulaye
Sanskrit only: no published translation is held for this verse.
नमः प्रकृतये चैव नमो ऽस्तु पुरुषाय च । नमो ऽस्तु बुद्धये चैव अहंकाराय वै नमः
namaḥ prakṛtaye caiva namo 'stu puruṣāya ca / namo 'stu buddhaye caiva ahaṃkārāya vai namaḥ
Sanskrit only: no published translation is held for this verse.
नमो ऽस्तु रतये चैव सुखाय च नमो नमः । नमः कीर्त्यै कर्मणे च आरम्भाय समाप्तये
namo 'stu rataye caiva sukhāya ca namo namaḥ / namaḥ kīrtyai karmaṇe ca ārambhāya samāptaye
Sanskrit only: no published translation is held for this verse.
नमो यज्ञाय मन्त्राय दक्षिणायै ऋचे नमः । नमः साम्ने ऽथ यजुषे छन्दसे चेष्टये नमः
namo yajñāya mantrāya dakṣiṇāyai ṛce namaḥ / namaḥ sāmne 'tha yajuṣe chandase ceṣṭaye namaḥ
Sanskrit only: no published translation is held for this verse.
नमो ऽग्नये च वेद्यै च स्वाहायै हविषे नमः । नमो लक्ष्म्यै श्रियै चैव नमो धर्माय वेधसे
namo 'gnaye ca vedyai ca svāhāyai haviṣe namaḥ / namo lakṣmyai śriyai caiva namo dharmāya vedhase
Sanskrit only: no published translation is held for this verse.
इच्छायै रतये चैव नमः सम्पद्विरागिणे । नमः सिद्ध्यै तथा पुष्ट्यै तुष्ट्यै क्षान्त्यै नमो नमः
icchāyai rataye caiva namaḥ sampadvirāgiṇe / namaḥ siddhyai tathā puṣṭyai tuṣṭyai kṣāntyai namo namaḥ
Sanskrit only: no published translation is held for this verse.
नमः स्वधायै कव्याय हव्याय च नमो नमः । नमो वेद्याय विद्यायै नमः शर्वाय भक्तये
namaḥ svadhāyai kavyāya havyāya ca namo namaḥ / namo vedyāya vidyāyai namaḥ śarvāya bhaktaye
Sanskrit only: no published translation is held for this verse.
प्रलयोत्पत्तये चैव स्थित्यै संसारणाय च । मोक्षाय मुक्तये चैव नमः कालाय मृत्यवे
pralayotpattaye caiva sthityai saṃsāraṇāya ca / mokṣāya muktaye caiva namaḥ kālāya mṛtyave
Sanskrit only: no published translation is held for this verse.
नमस्ते भगवन्देव सह देव्या जगत्पते । दिश नो भूतभव्येश यन्मे मनसि संस्थितम्
namaste bhagavandeva saha devyā jagatpate / diśa no bhūtabhavyeśa yanme manasi saṃsthitam
Sanskrit only: no published translation is held for this verse.
सनत्कुमार उवाच य इमं पठते नित्यं स्तवं प्रातः समुत्थितः । जपंश्च विप्रो वैश्यो वा शूद्रः क्षत्रिय एव वा
sanatkumāra uvāca ya imaṃ paṭhate nityaṃ stavaṃ prātaḥ samutthitaḥ / japaṃśca vipro vaiśyo vā śūdraḥ kṣatriya eva vā
Sanskrit only: no published translation is held for this verse.
तस्य तुष्टो धनेशस्तु प्रयच्छति महद्धनम् । सोमश्च भगवांस्तुष्टो गतिमिष्टां प्रयच्छति
tasya tuṣṭo dhaneśastu prayacchati mahaddhanam / somaśca bhagavāṃstuṣṭo gatimiṣṭāṃ prayacchati
Sanskrit only: no published translation is held for this verse.
सनत्कुमार उवाच एवं स संस्तुतस्तेन कुबेरेण जगत्पतिः । उवाच वरदो ऽस्मीति ब्रूहि विश्रवसः सुत
sanatkumāra uvāca evaṃ sa saṃstutastena kubereṇa jagatpatiḥ / uvāca varado 'smīti brūhi viśravasaḥ suta
Sanskrit only: no published translation is held for this verse.
कुबेर उवाच त्वत्तः प्रसादः सततं भक्तिश्च त्वयि शाश्वती । भगवंस्त्वां च पश्येयं वर एषो ऽस्तु मे विभो
kubera uvāca tvattaḥ prasādaḥ satataṃ bhaktiśca tvayi śāśvatī / bhagavaṃstvāṃ ca paśyeyaṃ vara eṣo 'stu me vibho
Sanskrit only: no published translation is held for this verse.
एवमस्त्विति तत्सर्वं प्रदाय भगवाञ्छिवः । आत्मना सह सख्यं च ददावात्यन्तिकं तदा
evamastviti tatsarvaṃ pradāya bhagavāñchivaḥ / ātmanā saha sakhyaṃ ca dadāvātyantikaṃ tadā
Sanskrit only: no published translation is held for this verse.
देव उवाच गृहाण चेमां शिबिकां नरयुक्तामसङ्गिनीम् । लोकान्यथेष्टं लोकेश यामारुह्य चरिष्यसि
deva uvāca gṛhāṇa cemāṃ śibikāṃ narayuktāmasaṅginīm / lokānyatheṣṭaṃ lokeśa yāmāruhya cariṣyasi
Sanskrit only: no published translation is held for this verse.
इमां चैवाशनिं दिव्याम् अप्रतीघातलक्षणाम् । गृहाणायुधमेतत्ते भविष्यत्यरिदुःसहम्
imāṃ caivāśaniṃ divyām apratīghātalakṣaṇām / gṛhāṇāyudhametatte bhaviṣyatyariduḥsaham
Sanskrit only: no published translation is held for this verse.
अस्त्रं च ते प्रयच्छामि तव नाम्ना भविष्यति । कौबेरमिति विख्यातं मोहनं सर्वदेहिनाम्
astraṃ ca te prayacchāmi tava nāmnā bhaviṣyati / kauberamiti vikhyātaṃ mohanaṃ sarvadehinām
Sanskrit only: no published translation is held for this verse.
सनत्कुमार उवाच ततः स देवस्तुष्टात्मा मालां स्वयमनिन्दिताम् । आबबद्धास्य शिरसि भास्कराकारवर्चसम्
sanatkumāra uvāca tataḥ sa devastuṣṭātmā mālāṃ svayamaninditām / ābabaddhāsya śirasi bhāskarākāravarcasam
Sanskrit only: no published translation is held for this verse.
कुशेशयानां फुल्लानां स्रग्दामं च मनोरमम् । आबबद्धास्य कण्ठे वै प्रीयमाण उमापतिः
kuśeśayānāṃ phullānāṃ sragdāmaṃ ca manoramam / ābabaddhāsya kaṇṭhe vai prīyamāṇa umāpatiḥ
Sanskrit only: no published translation is held for this verse.
प्रकामं दर्शनं चास्य दत्त्वा चैव धनेशताम् । जगाम भगवान्सोमस् ततो ऽन्यं देशमीप्सितम्
prakāmaṃ darśanaṃ cāsya dattvā caiva dhaneśatām / jagāma bhagavānsomas tato 'nyaṃ deśamīpsitam
Sanskrit only: no published translation is held for this verse.
सनत्कुमार उवाच य इमं तु कुबेरस्य वरदानमशेषतः । शृणुयाच्छ्रावयेद्वापि नित्यं विप्रान्समाहितः
sanatkumāra uvāca ya imaṃ tu kuberasya varadānamaśeṣataḥ / śṛṇuyācchrāvayedvāpi nityaṃ viprānsamāhitaḥ
Sanskrit only: no published translation is held for this verse.
धनवान्रूपसम्पन्नः पुत्रपौत्रसमन्वितः । कुलज्ञानबलोपेतो जायते स मृतो नरः
dhanavānrūpasampannaḥ putrapautrasamanvitaḥ / kulajñānabalopeto jāyate sa mṛto naraḥ
Sanskrit only: no published translation is held for this verse.
अथ देवी महाभागा सहिता शम्भुना तदा । संचिन्त्य पञ्चचूडास्तु तपन्त्यो ऽप्सरसः शुभाः
atha devī mahābhāgā sahitā śambhunā tadā / saṃcintya pañcacūḍāstu tapantyo 'psarasaḥ śubhāḥ
Sanskrit only: no published translation is held for this verse.
कृशाङ्ग्यो भक्तिमत्यश्च तपसा दग्धकिल्बिषाः । कारुण्याहृतचेतस्का देवं वचनमब्रवीत्
kṛśāṅgyo bhaktimatyaśca tapasā dagdhakilbiṣāḥ / kāruṇyāhṛtacetaskā devaṃ vacanamabravīt
Sanskrit only: no published translation is held for this verse.
एतासां तप्यमानानां योषितां वरमुत्तमम् । ददानीप्सितमीशान तन्मे ऽनुज्ञातुमर्हसि । तस्या विज्ञप्तिमाकर्ण्य भगवानिदमब्रवीत्
etāsāṃ tapyamānānāṃ yoṣitāṃ varamuttamam / dadānīpsitamīśāna tanme 'nujñātumarhasi / tasyā vijñaptimākarṇya bhagavānidamabravīt
Sanskrit only: no published translation is held for this verse.
एवं कुरु महाभागे भक्तानुग्रहमीप्सितम् । वैदिक्यो ऽप्सरसो ह्येताः पञ्चचूडा इति स्मृताः । त्वां कृत्वा हृदि तप्यन्ते वर आभ्यः प्रदीयताम्
evaṃ kuru mahābhāge bhaktānugrahamīpsitam / vaidikyo 'psaraso hyetāḥ pañcacūḍā iti smṛtāḥ / tvāṃ kṛtvā hṛdi tapyante vara ābhyaḥ pradīyatām
Sanskrit only: no published translation is held for this verse.
ततः सा देवदेवेन तथा समनुचोदिता । पञ्चचूडाः समागम्य वच एतदुवाच ह
tataḥ sā devadevena tathā samanucoditā / pañcacūḍāḥ samāgamya vaca etaduvāca ha
Sanskrit only: no published translation is held for this verse.
तुष्टास्म्यप्सरसः साक्षात् पश्यध्वं मां शुचिस्मिताः । ददानि वो वरानिष्टान्य् एवो हृदयसंस्थिताः
tuṣṭāsmyapsarasaḥ sākṣāt paśyadhvaṃ māṃ śucismitāḥ / dadāni vo varāniṣṭāny evo hṛdayasaṃsthitāḥ
Sanskrit only: no published translation is held for this verse.
सनत्कुमार उवाच ता एवमुक्ताः पार्वत्या वैदिक्यो ऽप्सरसः शुभाः । देवीं दृष्ट्वा प्रणम्यैव शिरसा पादयोर्नताः
sanatkumāra uvāca tā evamuktāḥ pārvatyā vaidikyo 'psarasaḥ śubhāḥ / devīṃ dṛṣṭvā praṇamyaiva śirasā pādayornatāḥ
Sanskrit only: no published translation is held for this verse.
अश्रुपूर्णेक्षणा दीनाः संस्तभ्यात्मानमात्मना । शिरस्यञ्जलिमाधाय तुष्टुवुः सहिताः समम्
aśrupūrṇekṣaṇā dīnāḥ saṃstabhyātmānamātmanā / śirasyañjalimādhāya tuṣṭuvuḥ sahitāḥ samam
Sanskrit only: no published translation is held for this verse.
नमः सिद्ध्यै नमस्तुष्ट्यै क्रियायै बुद्धये नमः । नमः कीर्त्यै नमः सत्यै उल्कजायै तथेष्टये
namaḥ siddhyai namastuṣṭyai kriyāyai buddhaye namaḥ / namaḥ kīrtyai namaḥ satyai ulkajāyai tatheṣṭaye
Sanskrit only: no published translation is held for this verse.
नमः पृथिव्यै कल्याण्यै श्रियै लक्ष्म्यै नमो नमः । नमः सुधायै स्वाहायै स्वधायै दितये नमः
namaḥ pṛthivyai kalyāṇyai śriyai lakṣmyai namo namaḥ / namaḥ sudhāyai svāhāyai svadhāyai ditaye namaḥ
Sanskrit only: no published translation is held for this verse.
नमो ऽस्तु तडिते चैव सौदामन्यै नमो नमः । सावित्र्यै चाथ गायत्र्यै वेदमात्रे नमो नमः
namo 'stu taḍite caiva saudāmanyai namo namaḥ / sāvitryai cātha gāyatryai vedamātre namo namaḥ
Sanskrit only: no published translation is held for this verse.
नमः पर्वतकन्यायै मतये स्मृतये नमः । नमः पर्वतवासिन्यै रुद्राण्यै च नमो नमः
namaḥ parvatakanyāyai mataye smṛtaye namaḥ / namaḥ parvatavāsinyai rudrāṇyai ca namo namaḥ
Sanskrit only: no published translation is held for this verse.
नमः प्रकृतये चैव ज्योत्स्नायै ऋद्धये नमः । शोभायै दीप्तये चैव भास्करग्रहरश्मये
namaḥ prakṛtaye caiva jyotsnāyai ṛddhaye namaḥ / śobhāyai dīptaye caiva bhāskaragraharaśmaye
Sanskrit only: no published translation is held for this verse.
गत्यायै गतये चैव इन्द्राण्यै मुक्तये नमः । नियत्यै सरिते चैव गङ्गायै सूतये नमः
gatyāyai gataye caiva indrāṇyai muktaye namaḥ / niyatyai sarite caiva gaṅgāyai sūtaye namaḥ
Sanskrit only: no published translation is held for this verse.
हेतये प्रीतये चैव नमः करणवृत्तये । नमः संनतये चैव इरायै वृत्तये नमः
hetaye prītaye caiva namaḥ karaṇavṛttaye / namaḥ saṃnataye caiva irāyai vṛttaye namaḥ
Sanskrit only: no published translation is held for this verse.
वारुण्यै च शरण्यायै गौर्यै काल्यै नमो नमः । कौशिक्यै च नमस्ते ऽस्तु कात्यायन्यै नमो नमः
vāruṇyai ca śaraṇyāyai gauryai kālyai namo namaḥ / kauśikyai ca namaste 'stu kātyāyanyai namo namaḥ
Sanskrit only: no published translation is held for this verse.
नमः संनतये चैव महिम्ने च नमो नमः । अणिमायै नमस्ते ऽस्तु लघिमायै नमो नमः
namaḥ saṃnataye caiva mahimne ca namo namaḥ / aṇimāyai namaste 'stu laghimāyai namo namaḥ
Sanskrit only: no published translation is held for this verse.
पूजायै ते नमस्ते ऽस्तु शितिबाह्वे च सृप्तये । संज्ञायै च नमस्ते ऽस्तु गिरे ऽथ स्मृतये नमः
pūjāyai te namaste 'stu śitibāhve ca sṛptaye / saṃjñāyai ca namaste 'stu gire 'tha smṛtaye namaḥ
Sanskrit only: no published translation is held for this verse.
नमस्ते ऽस्तु सरस्वत्यै जिह्वायै दृष्टये नमः । नमो महिषघातिन्यै तथा सुम्भनिसुम्भयोः
namaste 'stu sarasvatyai jihvāyai dṛṣṭaye namaḥ / namo mahiṣaghātinyai tathā sumbhanisumbhayoḥ
Sanskrit only: no published translation is held for this verse.
नमः सिंहरथिन्यै च शूलिन्यै च नमो नमः । नमो मुद्गरधारिण्यै कवचिन्यै नमो नमः
namaḥ siṃharathinyai ca śūlinyai ca namo namaḥ / namo mudgaradhāriṇyai kavacinyai namo namaḥ
Sanskrit only: no published translation is held for this verse.
नमस्तूणीरधारिण्यै धारिण्यै जगतो नमः । नमो धनुर्धरायै च खड्गिन्यै च नमो नमः
namastūṇīradhāriṇyai dhāriṇyai jagato namaḥ / namo dhanurdharāyai ca khaḍginyai ca namo namaḥ
Sanskrit only: no published translation is held for this verse.
नमः पिञ्च्छध्वजिन्यै च धारिण्यै पट्टिसस्य च । नमो ऽस्तु भूतमात्रे च स्कन्दस्य च नमो नमः
namaḥ piñcchadhvajinyai ca dhāriṇyai paṭṭisasya ca / namo 'stu bhūtamātre ca skandasya ca namo namaḥ
Sanskrit only: no published translation is held for this verse.
विशाखशाखयोश्चैव नैगमेषस्य चैव हि । जात्यै सर्वरसानां च देवतायै वनस्य च
viśākhaśākhayoścaiva naigameṣasya caiva hi / jātyai sarvarasānāṃ ca devatāyai vanasya ca
Sanskrit only: no published translation is held for this verse.
आर्यायै च नमो नित्यं शिखण्डिन्यै नमो नमः । नमो नीलशिखण्डिन्यै दीर्घवेण्यै नमो नमः
āryāyai ca namo nityaṃ śikhaṇḍinyai namo namaḥ / namo nīlaśikhaṇḍinyai dīrghaveṇyai namo namaḥ
Sanskrit only: no published translation is held for this verse.
नमो ऽस्तु तनुमध्यायै देवतायै धनस्य च । नमो धृत्यै नमश्चित्यै कीर्तये च नमो नमः
namo 'stu tanumadhyāyai devatāyai dhanasya ca / namo dhṛtyai namaścityai kīrtaye ca namo namaḥ
Sanskrit only: no published translation is held for this verse.
स्त्रीणां सौभाग्यदायिन्यै धारिण्यै च नमो नमः । राकानुमतये चैव सिनीवाल्यै नमो नमः
strīṇāṃ saubhāgyadāyinyai dhāriṇyai ca namo namaḥ / rākānumataye caiva sinīvālyai namo namaḥ
Sanskrit only: no published translation is held for this verse.
नमः क्रियायै श्रद्धायै मेधायै च नमो नमः । नमो ऽस्तु धारणायै च ऊहायै च नमो नमः
namaḥ kriyāyai śraddhāyai medhāyai ca namo namaḥ / namo 'stu dhāraṇāyai ca ūhāyai ca namo namaḥ
Sanskrit only: no published translation is held for this verse.
अपोहायै नमस्ते ऽस्तु वषट्प्रकृतये नमः । नमः समाधये चैव स्पृहायै वित्तये नमः
apohāyai namaste 'stu vaṣaṭprakṛtaye namaḥ / namaḥ samādhaye caiva spṛhāyai vittaye namaḥ
Sanskrit only: no published translation is held for this verse.
वेदनायै नमस्ते ऽस्तु बृहदुक्ष्यै नमो नमः । नमः प्रभायै शुद्धायै शुद्धये शुचये नमः
vedanāyai namaste 'stu bṛhadukṣyai namo namaḥ / namaḥ prabhāyai śuddhāyai śuddhaye śucaye namaḥ
Sanskrit only: no published translation is held for this verse.
नमस्त्र्यम्बकभार्यायै विद्यायै च नमो नमः । दीक्षायै दक्षिणायै च ज्वालायै च नमो नमः
namastryambakabhāryāyai vidyāyai ca namo namaḥ / dīkṣāyai dakṣiṇāyai ca jvālāyai ca namo namaḥ
Sanskrit only: no published translation is held for this verse.
इन्द्रियाणां प्रवृत्त्यै च निवृत्त्यै चैव कर्मणाम् । श्रुतये सर्ववेदानां भवान्यै च नमो नमः
indriyāṇāṃ pravṛttyai ca nivṛttyai caiva karmaṇām / śrutaye sarvavedānāṃ bhavānyai ca namo namaḥ
Sanskrit only: no published translation is held for this verse.
दुर्गायै दुर्गतारिण्यै धारिण्यै सर्वदेहिनाम् । नमस्ते सर्वदेवत्यै नमस्ते लोकभावनि
durgāyai durgatāriṇyai dhāriṇyai sarvadehinām / namaste sarvadevatyai namaste lokabhāvani
Sanskrit only: no published translation is held for this verse.
नमः शान्त्यै नमः कान्त्यै नमः पत्न्यै हरस्य च । नमो ऽस्त्वदित्यै दानव्यै विनतायै नमो नमः
namaḥ śāntyai namaḥ kāntyai namaḥ patnyai harasya ca / namo 'stvadityai dānavyai vinatāyai namo namaḥ
Sanskrit only: no published translation is held for this verse.
नमः शिवायै कर्त्र्यै च प्रभावायै नमो नमः । मृकण्ड्वै मार्दबाह्वै च तथा सुरतये नमः
namaḥ śivāyai kartryai ca prabhāvāyai namo namaḥ / mṛkaṇḍvai mārdabāhvai ca tathā surataye namaḥ
Sanskrit only: no published translation is held for this verse.
विनतायै तथा लक्ष्म्यै सुरसायै नमो नमः । नमस्ते शितिकण्ठिन्यै नमस्ते सर्वतः सदा । दिश नः सुमनाः सर्वं यत्किंचिद्धृदये स्थितम्
vinatāyai tathā lakṣmyai surasāyai namo namaḥ / namaste śitikaṇṭhinyai namaste sarvataḥ sadā / diśa naḥ sumanāḥ sarvaṃ yatkiṃciddhṛdaye sthitam
Sanskrit only: no published translation is held for this verse.
सनत्कुमार उवाच य इदं पठते नित्यं नरः स्त्री वा समाहितः । स रात्रिषु कृतं पापं त्यजेत्सर्वमशेषतः
sanatkumāra uvāca ya idaṃ paṭhate nityaṃ naraḥ strī vā samāhitaḥ / sa rātriṣu kṛtaṃ pāpaṃ tyajetsarvamaśeṣataḥ
Sanskrit only: no published translation is held for this verse.
शयानो जपते यश्च प्रयतो व्यास नित्यशः । दिवाकृतं स जह्यात्तु मृतश्च सुगतिं व्रजेत्
śayāno japate yaśca prayato vyāsa nityaśaḥ / divākṛtaṃ sa jahyāttu mṛtaśca sugatiṃ vrajet
Sanskrit only: no published translation is held for this verse.
यश्चैतच्छृणुयान्नित्यं द्विजान्वा श्रावयेत्सदा । स देहभेदमासाद्य पञ्चचूडाप्रियो भवेत्
yaścaitacchṛṇuyānnityaṃ dvijānvā śrāvayetsadā / sa dehabhedamāsādya pañcacūḍāpriyo bhavet
Sanskrit only: no published translation is held for this verse.
यश्चैनं प्रजहन्प्राणाञ् जपेन्मर्त्यः सुदुस्त्यजान् । विमाने सूर्यसंकाशे अप्सरोगणसेविते । सर्वपापविनिर्मुक्तो रमेद्वर्षायुतं समम्
yaścainaṃ prajahanprāṇāñ japenmartyaḥ sudustyajān / vimāne sūryasaṃkāśe apsarogaṇasevite / sarvapāpavinirmukto ramedvarṣāyutaṃ samam
Sanskrit only: no published translation is held for this verse.
यश्च भक्त्या परमया तिथौ नियमवान्नरः । देवीमभ्यर्च्य जपते सर्वपापैः प्रमुच्यते
yaśca bhaktyā paramayā tithau niyamavānnaraḥ / devīmabhyarcya japate sarvapāpaiḥ pramucyate
Sanskrit only: no published translation is held for this verse.
जपनाद्देहतपनाद् देहे भिन्ने च भक्तिमान् । स भूत्वानुचरो देव्याः पुण्ये लोके महीयते
japanāddehatapanād dehe bhinne ca bhaktimān / sa bhūtvānucaro devyāḥ puṇye loke mahīyate
Sanskrit only: no published translation is held for this verse.
सनत्कुमार उवाच ताभिरेवं स्तुता देवी स्थिता देवस्य संनिधौ । उवाच हर्षमाणास्या पञ्चचूडास्तदा वचः
sanatkumāra uvāca tābhirevaṃ stutā devī sthitā devasya saṃnidhau / uvāca harṣamāṇāsyā pañcacūḍāstadā vacaḥ
Sanskrit only: no published translation is held for this verse.
शृणुताप्सरसः सर्वास् तपसो ऽस्य महत्फलम् । यच्चापि परया भक्त्या मां प्रपन्नाः स्थ शोभनाः
śṛṇutāpsarasaḥ sarvās tapaso 'sya mahatphalam / yaccāpi parayā bhaktyā māṃ prapannāḥ stha śobhanāḥ
Sanskrit only: no published translation is held for this verse.
अजराश्च विशोकाश्च नित्यं मुदितमानसाः । प्रियाश्च सर्वलोकस्य भविष्यथ ममाज्ञया
ajarāśca viśokāśca nityaṃ muditamānasāḥ / priyāśca sarvalokasya bhaviṣyatha mamājñayā
Sanskrit only: no published translation is held for this verse.
ब्रूत यच्चापि किंचिद्वो हृदि स्थितमशङ्किताः । सर्वं दास्यामि तद्वो ऽहं मा चिराय तदुच्यताम्
brūta yaccāpi kiṃcidvo hṛdi sthitamaśaṅkitāḥ / sarvaṃ dāsyāmi tadvo 'haṃ mā cirāya taducyatām
Sanskrit only: no published translation is held for this verse.
पञ्चचूडा ऊचुः देवि पुंसां स्त्रियः सर्वाः कार्यार्थं विदितं च ते । अर्थिनस्ते च नस्तावद् यावत्कार्यं समाप्यते । समाप्ते चैव तत्कार्ये परा इव भवन्ति नः
pañcacūḍā ūcuḥ devi puṃsāṃ striyaḥ sarvāḥ kāryārthaṃ viditaṃ ca te / arthinaste ca nastāvad yāvatkāryaṃ samāpyate / samāpte caiva tatkārye parā iva bhavanti naḥ
Sanskrit only: no published translation is held for this verse.
तद्देवि यदि तुष्टासि यदि देयो वरश्च नः । सर्वस्त्रीणां महादेवि भवन्तु पुरुषा वशाः
taddevi yadi tuṣṭāsi yadi deyo varaśca naḥ / sarvastrīṇāṃ mahādevi bhavantu puruṣā vaśāḥ
Sanskrit only: no published translation is held for this verse.
देव्युवाच अद्यप्रभृति लोकेषु सर्वस्त्रीणां नराः सदा । सर्वे वश्या भविष्यन्ति सर्वकार्यकराश्च ह
devyuvāca adyaprabhṛti lokeṣu sarvastrīṇāṃ narāḥ sadā / sarve vaśyā bhaviṣyanti sarvakāryakarāśca ha
Sanskrit only: no published translation is held for this verse.
आदौ पश्चाच्च सर्वाभ्यो हिरण्यं पशवः स्त्रियः । सर्वभोगांश्च दास्यन्तु वशगाः सर्वथापि च
ādau paścācca sarvābhyo hiraṇyaṃ paśavaḥ striyaḥ / sarvabhogāṃśca dāsyantu vaśagāḥ sarvathāpi ca
Sanskrit only: no published translation is held for this verse.
व्यलीकान्यपि कुर्वन्त्यो बहूनि विविधानि च । प्रिया एव भविष्यन्ति पापं न च भवेत्सदा
vyalīkānyapi kurvantyo bahūni vividhāni ca / priyā eva bhaviṣyanti pāpaṃ na ca bhavetsadā
Sanskrit only: no published translation is held for this verse.
मातरं पितरं भ्रातॄन् सुहृदो ऽथ सुतानपि । अकार्याणि करिष्यन्तु स्त्रीणां वश्यत्वमागताः
mātaraṃ pitaraṃ bhrātṝn suhṛdo 'tha sutānapi / akāryāṇi kariṣyantu strīṇāṃ vaśyatvamāgatāḥ
Sanskrit only: no published translation is held for this verse.
पश्यन्तो ऽपि व्यलीकानि दोषान्वैकृत्यमेव च । नैव द्रक्ष्यन्ति ते पुंसो मद्वरान्मोहितेन्द्रियाः
paśyanto 'pi vyalīkāni doṣānvaikṛtyameva ca / naiva drakṣyanti te puṃso madvarānmohitendriyāḥ
Sanskrit only: no published translation is held for this verse.
सनत्कुमार उवाच ततः सा देवदेवस्य पत्नी हिमवतः सुता । माल्यदामं गृहीत्वा तु भ्रामयन्ती शुभानना । भव नार्य इति प्राह हसन्ती प्रियमव्यया
sanatkumāra uvāca tataḥ sā devadevasya patnī himavataḥ sutā / mālyadāmaṃ gṛhītvā tu bhrāmayantī śubhānanā / bhava nārya iti prāha hasantī priyamavyayā
Sanskrit only: no published translation is held for this verse.
भ्राम्यतस्तस्य दाम्नस्तु यान्यशीर्यन्त भूतले । कुसुमान्यभवंस्तानि नार्यः कमललोचनाः
bhrāmyatastasya dāmnastu yānyaśīryanta bhūtale / kusumānyabhavaṃstāni nāryaḥ kamalalocanāḥ
Sanskrit only: no published translation is held for this verse.
ता उवाचामरा यूयं जराक्षयविवर्जिताः । जगन्मोहकरा यूयं पुंसां हृदयबन्धनाः
tā uvācāmarā yūyaṃ jarākṣayavivarjitāḥ / jaganmohakarā yūyaṃ puṃsāṃ hṛdayabandhanāḥ
Sanskrit only: no published translation is held for this verse.
दृष्टिस्पर्शविलासेषु आविश्य जगति स्त्रियः । संमोहयिष्यथ नरान् स्त्रीवशांश्च करिष्यथ । नराः सर्वे च युष्मासु भविष्यन्ति सदा रताः
dṛṣṭisparśavilāseṣu āviśya jagati striyaḥ / saṃmohayiṣyatha narān strīvaśāṃśca kariṣyatha / narāḥ sarve ca yuṣmāsu bhaviṣyanti sadā ratāḥ
Sanskrit only: no published translation is held for this verse.
वृत्तिः शुभा भवित्री च सर्वासां मम तेजसा । पुंसां स्त्रीभोगसिद्ध्यर्थं स्त्रीणां रत्यर्थमेव च
vṛttiḥ śubhā bhavitrī ca sarvāsāṃ mama tejasā / puṃsāṃ strībhogasiddhyarthaṃ strīṇāṃ ratyarthameva ca
Sanskrit only: no published translation is held for this verse.
क्रियाः शुभाङ्गसंस्कारा दिव्या ये मानुषाश्च ह । बहुरूपाश्च ता भूत्वा विविशुः सर्वदाङ्गनाः
kriyāḥ śubhāṅgasaṃskārā divyā ye mānuṣāśca ha / bahurūpāśca tā bhūtvā viviśuḥ sarvadāṅganāḥ
Sanskrit only: no published translation is held for this verse.
सनत्कुमार उवाच एवं देवी तदा व्यास सृष्ट्वा ता वै विसृज्य च । उवाचाप्सरसो ब्रूत किं वो भूयः करोम्यहम्
sanatkumāra uvāca evaṃ devī tadā vyāsa sṛṣṭvā tā vai visṛjya ca / uvācāpsaraso brūta kiṃ vo bhūyaḥ karomyaham
Sanskrit only: no published translation is held for this verse.
तास्तुष्टमनसश्चापि ऊचुर्व्यास भवेमहि । देवानां मानुषाणां च अवध्याश्चैव रक्षसाम् । ता उवाच ततो देवी एवं लोके भविष्यतु
tāstuṣṭamanasaścāpi ūcurvyāsa bhavemahi / devānāṃ mānuṣāṇāṃ ca avadhyāścaiva rakṣasām / tā uvāca tato devī evaṃ loke bhaviṣyatu
Sanskrit only: no published translation is held for this verse.
ततः स सहितो देव्या सनन्दी परमेश्वरः । गणैः सर्वैश्च सहितो गृहान्स्वानाविशत्प्रभुः
tataḥ sa sahito devyā sanandī parameśvaraḥ / gaṇaiḥ sarvaiśca sahito gṛhānsvānāviśatprabhuḥ
Sanskrit only: no published translation is held for this verse.
भगनयननिपाती दैत्यदर्पापहारी पुरकमलहिमौघः कामयज्ञेन्धनाग्निः । जलदवृषभयायी सर्वदुःखान्तकारी समरवृषभकेतुश्चन्द्रमौलिर्जगाम
bhaganayananipātī daityadarpāpahārī purakamalahimaughaḥ kāmayajñendhanāgniḥ / jaladavṛṣabhayāyī sarvaduḥkhāntakārī samaravṛṣabhaketuścandramaulirjagāma
Sanskrit only: no published translation is held for this verse.