Skanda Purāṇa (part) 31

इति स्कन्दपुराणे त्रिंशत्तमो ऽध्यायः सनत्कुमार उवाच एतस्मिन्नन्तरे देवो देवीं प्राह गिरीन्द्रजाम् । प्रयाम दातुं यक्षाय वरं भक्ताय भाविनि

iti skandapurāṇe triṃśattamo 'dhyāyaḥ sanatkumāra uvāca etasminnantare devo devīṃ prāha girīndrajām / prayāma dātuṃ yakṣāya varaṃ bhaktāya bhāvini

Sanskrit only: no published translation is held for this verse.

भक्तो मम वरारोहे तपसा हतकिल्बिषः । अर्हो वरमसौ लब्धम् अस्मत्तो भुवनेश्वरि

bhakto mama varārohe tapasā hatakilbiṣaḥ / arho varamasau labdham asmatto bhuvaneśvari

Sanskrit only: no published translation is held for this verse.

एवमुक्त्वा ततो देवः सह देव्या जगत्पतिः । जगाम यक्षो यत्रास्ते कृशो धमनिसंततः

evamuktvā tato devaḥ saha devyā jagatpatiḥ / jagāma yakṣo yatrāste kṛśo dhamanisaṃtataḥ

Sanskrit only: no published translation is held for this verse.

तं दृष्ट्वा प्रणतं भक्त्या हरिकेशं वृषध्वजः । दिव्यं चक्षुरदात्तस्मै येनापश्यत्स शंकरम्

taṃ dṛṣṭvā praṇataṃ bhaktyā harikeśaṃ vṛṣadhvajaḥ / divyaṃ cakṣuradāttasmai yenāpaśyatsa śaṃkaram

Sanskrit only: no published translation is held for this verse.

सनत्कुमार उवाच अथ यक्षस्तदा व्यास शनैरुन्मील्य लोचने । अपश्यत्सगणं देवं वृषं चैव-म्-उपाश्रितम्

sanatkumāra uvāca atha yakṣastadā vyāsa śanairunmīlya locane / apaśyatsagaṇaṃ devaṃ vṛṣaṃ caiva-m-upāśritam

Sanskrit only: no published translation is held for this verse.

देव उवाच बलं ददानि ते पूर्वं त्रैकाल्यं दर्शनं तथा । सावर्ण्यं च शरीरस्य पश्य मां विगतज्वरः

deva uvāca balaṃ dadāni te pūrvaṃ traikālyaṃ darśanaṃ tathā / sāvarṇyaṃ ca śarīrasya paśya māṃ vigatajvaraḥ

Sanskrit only: no published translation is held for this verse.

सनत्कुमार उवाच ततः स लब्ध्वा तु वरं शरीरेणाक्षतेन च । पादयोः प्रणतस्तस्थौ कृत्वा शिरसि चाञ्जलिम्

sanatkumāra uvāca tataḥ sa labdhvā tu varaṃ śarīreṇākṣatena ca / pādayoḥ praṇatastasthau kṛtvā śirasi cāñjalim

Sanskrit only: no published translation is held for this verse.

उवाच स तदा यक्षो वरदो ऽस्मीति चोदितः । भगवन्भक्तिमग्र्यां तु त्वय्यनन्यां विधत्स्व मे

uvāca sa tadā yakṣo varado 'smīti coditaḥ / bhagavanbhaktimagryāṃ tu tvayyananyāṃ vidhatsva me

Sanskrit only: no published translation is held for this verse.

अन्नदत्वं च लोकानां गाणपत्यं तथाक्षयम् । अविमुक्ते च ते स्थाने पश्येयं सर्वदा यथा । एतदिच्छामि देवेश दत्तं वरमनुत्तमम्

annadatvaṃ ca lokānāṃ gāṇapatyaṃ tathākṣayam / avimukte ca te sthāne paśyeyaṃ sarvadā yathā / etadicchāmi deveśa dattaṃ varamanuttamam

Sanskrit only: no published translation is held for this verse.

देव उवाच जरामरणसंत्यक्तः सर्वशोकविवर्जितः । भविष्यसि गणाध्यक्षो वरदः सर्वपूजितः

deva uvāca jarāmaraṇasaṃtyaktaḥ sarvaśokavivarjitaḥ / bhaviṣyasi gaṇādhyakṣo varadaḥ sarvapūjitaḥ

Sanskrit only: no published translation is held for this verse.

अजय्यश्चापि सर्वेषां योगैश्वर्यसमन्वितः । अन्नदश्चापि लोकेभ्यः क्षेत्रपालो भविष्यसि

ajayyaścāpi sarveṣāṃ yogaiśvaryasamanvitaḥ / annadaścāpi lokebhyaḥ kṣetrapālo bhaviṣyasi

Sanskrit only: no published translation is held for this verse.

महाबलो महासत्त्वो ब्रह्मण्यो ऽथ मम प्रियः । त्र्यक्षश्च दण्डपाणिश्च महायोगी तथैव च

mahābalo mahāsattvo brahmaṇyo 'tha mama priyaḥ / tryakṣaśca daṇḍapāṇiśca mahāyogī tathaiva ca

Sanskrit only: no published translation is held for this verse.

उद्भ्रमः सम्भ्रमश्चैव गणौ ते परिचारकौ । तवाज्ञया करिष्येते लोकस्योद्भ्रमसम्भ्रमौ

udbhramaḥ sambhramaścaiva gaṇau te paricārakau / tavājñayā kariṣyete lokasyodbhramasambhramau

Sanskrit only: no published translation is held for this verse.

सनत्कुमार उवाच एवं स भगवान्व्यास यक्षं कृत्वा गणेश्वरम् । जगाम धाम देवेशः सह तेन सुरेश्वरः

sanatkumāra uvāca evaṃ sa bhagavānvyāsa yakṣaṃ kṛtvā gaṇeśvaram / jagāma dhāma deveśaḥ saha tena sureśvaraḥ

Sanskrit only: no published translation is held for this verse.