Skanda Purāṇa (part) 5

सनत्कुमार उवाच तन्नैमिशं समासाद्य ऋषयो दीप्ततेजसः । दिव्यं सत्त्रं समासन्त महद्वर्षसहस्रिकम्

sanatkumāra uvāca tannaimiśaṃ samāsādya ṛṣayo dīptatejasaḥ / divyaṃ sattraṃ samāsanta mahadvarṣasahasrikam

Sanskrit only: no published translation is held for this verse.

एकाग्रमनसः सर्वे निर्ममा ह्यनहंकृताः । ध्यायन्तो नित्यमीशेशं सदारतनयाग्नयः

ekāgramanasaḥ sarve nirmamā hyanahaṃkṛtāḥ / dhyāyanto nityamīśeśaṃ sadāratanayāgnayaḥ

Sanskrit only: no published translation is held for this verse.

तन्निष्ठास्तत्पराः सर्वे तद्युक्तास्तदपाश्रयाः । सर्वक्रियाः प्रकुर्वाणास् तमेव मनसा गताः

tanniṣṭhāstatparāḥ sarve tadyuktāstadapāśrayāḥ / sarvakriyāḥ prakurvāṇās tameva manasā gatāḥ

Sanskrit only: no published translation is held for this verse.

तेषां तं भावमालक्ष्य मातरिश्वा महातपाः । सर्वप्राणिचरः श्रीमान् सर्वभूतप्रवर्तकः । ददौ स रूपी भगवान् दर्शनं सत्त्रिणां शुभः

teṣāṃ taṃ bhāvamālakṣya mātariśvā mahātapāḥ / sarvaprāṇicaraḥ śrīmān sarvabhūtapravartakaḥ / dadau sa rūpī bhagavān darśanaṃ sattriṇāṃ śubhaḥ

Sanskrit only: no published translation is held for this verse.

तं ते दृष्ट्वार्चयित्वा च मातरिश्वानमव्ययम् । आसीनमासने पुण्ये ऋषयः संशितव्रताः । पप्रच्छुरुद्भवं कृत्स्नं जगतः प्रलयं तथा

taṃ te dṛṣṭvārcayitvā ca mātariśvānamavyayam / āsīnamāsane puṇye ṛṣayaḥ saṃśitavratāḥ / papracchurudbhavaṃ kṛtsnaṃ jagataḥ pralayaṃ tathā

Sanskrit only: no published translation is held for this verse.

स्थितिं च कृत्स्नां वंशांश्च युगमन्वन्तराणि च । वंशानुचरितं कृत्स्नं दिव्यमानं तथैव च

sthitiṃ ca kṛtsnāṃ vaṃśāṃśca yugamanvantarāṇi ca / vaṃśānucaritaṃ kṛtsnaṃ divyamānaṃ tathaiva ca

Sanskrit only: no published translation is held for this verse.

अष्टानां देवयोनीनाम् उत्पत्तिं प्रलयं तथा । पितृसर्गं तथाशेषं ब्रह्मणो मानमेव च

aṣṭānāṃ devayonīnām utpattiṃ pralayaṃ tathā / pitṛsargaṃ tathāśeṣaṃ brahmaṇo mānameva ca

Sanskrit only: no published translation is held for this verse.

चन्द्रादित्यगतिं सर्वां ताराग्रहगतिं तथा । स्थितिं सर्वेश्वराणां च द्वीपधर्ममशेषतः । वर्णाश्रमव्यवस्थानं यज्ञानां च प्रवर्तनम्

candrādityagatiṃ sarvāṃ tārāgrahagatiṃ tathā / sthitiṃ sarveśvarāṇāṃ ca dvīpadharmamaśeṣataḥ / varṇāśramavyavasthānaṃ yajñānāṃ ca pravartanam

Sanskrit only: no published translation is held for this verse.

एतत्सर्वमशेषेण कथयामास स प्रभुः । दिव्यं वर्षसहस्रं च तेषां तदभियात्तथा

etatsarvamaśeṣeṇa kathayāmāsa sa prabhuḥ / divyaṃ varṣasahasraṃ ca teṣāṃ tadabhiyāttathā

Sanskrit only: no published translation is held for this verse.

अथ दिव्येन रूपेण सामवाग्दिङ्निरीक्षणा । यजुर्घ्राणाथर्वशिराः शब्दजिह्वा शुभा सती

atha divyena rūpeṇa sāmavāgdiṅnirīkṣaṇā / yajurghrāṇātharvaśirāḥ śabdajihvā śubhā satī

Sanskrit only: no published translation is held for this verse.

न्यायश्रोत्रा निरुक्तत्व- गृक्पादपदगामिनी । कालबाहूर्वर्षकरा दिवसाङ्गुलिधारिणी

nyāyaśrotrā niruktatva- gṛkpādapadagāminī / kālabāhūrvarṣakarā divasāṅgulidhāriṇī

Sanskrit only: no published translation is held for this verse.

कलादिभिः पर्वभिश्च मासैः कररुहैस्तथा । कल्पसाधारणा दिव्या शिक्षाविद्योन्नतस्तनी

kalādibhiḥ parvabhiśca māsaiḥ kararuhaistathā / kalpasādhāraṇā divyā śikṣāvidyonnatastanī

Sanskrit only: no published translation is held for this verse.

छन्दोविचितिमध्या च मीमांसानाभिरेव च । पुराणविस्तीर्णकटिर् धर्मशास्त्रमनोरथा

chandovicitimadhyā ca mīmāṃsānābhireva ca / purāṇavistīrṇakaṭir dharmaśāstramanorathā

Sanskrit only: no published translation is held for this verse.

आश्रमोरूर्वर्णजानुर् यज्ञगुल्फा फलाङ्गुलिः । लोकवेदशरीरा च रोमभिश्छान्दसैः शुभैः

āśramorūrvarṇajānur yajñagulphā phalāṅguliḥ / lokavedaśarīrā ca romabhiśchāndasaiḥ śubhaiḥ

Sanskrit only: no published translation is held for this verse.

श्रद्धाशुभाचारवस्त्रा योगधर्माभिभाषिणी । वेदीमध्याद्विनिःसृत्य प्रवृत्ता परमाम्भसा

śraddhāśubhācāravastrā yogadharmābhibhāṣiṇī / vedīmadhyādviniḥsṛtya pravṛttā paramāmbhasā

Sanskrit only: no published translation is held for this verse.

तस्यान्ते ऽवभृथे प्लुत्य वायुना सह संगताः । तामपृच्छन्त का न्वेषा वायुं देवं महाधियम्

tasyānte 'vabhṛthe plutya vāyunā saha saṃgatāḥ / tāmapṛcchanta kā nveṣā vāyuṃ devaṃ mahādhiyam

Sanskrit only: no published translation is held for this verse.

उवाच स महातेजा ऋषीन्धर्मानुभावितान् । शुद्धाः स्थ तपसा सर्वे महान्धर्मश्च वः कृतः

uvāca sa mahātejā ṛṣīndharmānubhāvitān / śuddhāḥ stha tapasā sarve mahāndharmaśca vaḥ kṛtaḥ

Sanskrit only: no published translation is held for this verse.

यस्मादियं नदी पुण्या ब्रह्मलोकादिहागता । इयं सरस्वती नाम ब्रह्मलोकविभूषणा

yasmādiyaṃ nadī puṇyā brahmalokādihāgatā / iyaṃ sarasvatī nāma brahmalokavibhūṣaṇā

Sanskrit only: no published translation is held for this verse.

प्रथमं मर्त्यलोके ऽस्मिन् युष्मत्सिद्ध्यर्थमागता । नास्याः पुण्यतमा काचित् त्रिषु लोकेषु विद्यते

prathamaṃ martyaloke 'smin yuṣmatsiddhyarthamāgatā / nāsyāḥ puṇyatamā kācit triṣu lokeṣu vidyate

Sanskrit only: no published translation is held for this verse.

ऋषय ऊचुः कथमेषा महापुण्या प्रवृत्ता ब्रह्मलोकगा । कारणं किं च तत्रासीद् एतदिच्छाम वेदितुम्

ṛṣaya ūcuḥ kathameṣā mahāpuṇyā pravṛttā brahmalokagā / kāraṇaṃ kiṃ ca tatrāsīd etadicchāma veditum

Sanskrit only: no published translation is held for this verse.

वायुरुवाच अत्र वो वर्तयिष्यामि इतिहासं पुरातनम् । ब्रह्मणश्चैव संवादं पुरा यज्ञस्य चैव ह

vāyuruvāca atra vo vartayiṣyāmi itihāsaṃ purātanam / brahmaṇaścaiva saṃvādaṃ purā yajñasya caiva ha

Sanskrit only: no published translation is held for this verse.

यज्ञैरिष्ट्वा पुरा देवो ब्रह्मा दीप्तेन तेजसा । असृजत्सर्वभूतानि स्थावराणि चराणि च

yajñairiṣṭvā purā devo brahmā dīptena tejasā / asṛjatsarvabhūtāni sthāvarāṇi carāṇi ca

Sanskrit only: no published translation is held for this verse.

स दृष्ट्वा दीप्तिमान्देवो दीप्त्या परमया युतः । अवेक्षमाणः स्वांल् लोकांश् चतुर्भिर्मुखपङ्कजैः

sa dṛṣṭvā dīptimāndevo dīptyā paramayā yutaḥ / avekṣamāṇaḥ svāṃl lokāṃś caturbhirmukhapaṅkajaiḥ

Sanskrit only: no published translation is held for this verse.

देवादीन्मनुष्यादींश्च दृष्ट्वा दृष्ट्वा महामनाः । अमन्यत न मे ऽन्यो ऽस्ति समो लोके न चाधिकः

devādīnmanuṣyādīṃśca dṛṣṭvā dṛṣṭvā mahāmanāḥ / amanyata na me 'nyo 'sti samo loke na cādhikaḥ

Sanskrit only: no published translation is held for this verse.

यो ऽहमेताः प्रजाः सर्वाः सप्तलोकप्रतिष्ठिताः । देवमानुषतिर्यक्षु ग्रसामि विसृजामि च

yo 'hametāḥ prajāḥ sarvāḥ saptalokapratiṣṭhitāḥ / devamānuṣatiryakṣu grasāmi visṛjāmi ca

Sanskrit only: no published translation is held for this verse.

अहं स्रष्टा हि भूतानां नान्यः कश्चन विद्यते । नियन्ता लोककर्ता च न मयास्ति समः क्वचित्

ahaṃ sraṣṭā hi bhūtānāṃ nānyaḥ kaścana vidyate / niyantā lokakartā ca na mayāsti samaḥ kvacit

Sanskrit only: no published translation is held for this verse.

तस्यैवं मन्यमानस्य यज्ञ आगान्महामनाः । उवाच चैनं दीप्तात्मा मैवं मंस्था महामते । अयं हि तव संमोहो विनाशाय भविष्यति

tasyaivaṃ manyamānasya yajña āgānmahāmanāḥ / uvāca cainaṃ dīptātmā maivaṃ maṃsthā mahāmate / ayaṃ hi tava saṃmoho vināśāya bhaviṣyati

Sanskrit only: no published translation is held for this verse.

न युक्तमीदृशं ते ऽद्य सत्त्वस्थस्यात्मयोनिनः । स्रष्टा त्वं चैव नान्यो ऽस्ति तथापि न यशस्करम्

na yuktamīdṛśaṃ te 'dya sattvasthasyātmayoninaḥ / sraṣṭā tvaṃ caiva nānyo 'sti tathāpi na yaśaskaram

Sanskrit only: no published translation is held for this verse.

अहं कर्ता हि भूतानां भुवनस्य तथैव च । करोमि न च संमोहं यथा त्वं देव कत्थसे

ahaṃ kartā hi bhūtānāṃ bhuvanasya tathaiva ca / karomi na ca saṃmohaṃ yathā tvaṃ deva katthase

Sanskrit only: no published translation is held for this verse.

तमुवाच तदा ब्रह्मा न त्वं धारयिता विभो । अहमेव हि भूतानां धर्ता भर्ता तथैव च । मया सृष्टानि भूतानि त्वमेवात्र विमुह्यसे

tamuvāca tadā brahmā na tvaṃ dhārayitā vibho / ahameva hi bhūtānāṃ dhartā bhartā tathaiva ca / mayā sṛṣṭāni bhūtāni tvamevātra vimuhyase

Sanskrit only: no published translation is held for this verse.

अथागात्तत्र संविग्नो वेदः परमदीप्तिमान् । उवाच चैव तौ वेदो नैतदेवमिति प्रभुः

athāgāttatra saṃvigno vedaḥ paramadīptimān / uvāca caiva tau vedo naitadevamiti prabhuḥ

Sanskrit only: no published translation is held for this verse.

अहं श्रेष्ठो महाभागौ न वदाम्यनृतं क्वचित् । शृणुध्वं मम यः कर्ता भूतानां युवयोश्च ह

ahaṃ śreṣṭho mahābhāgau na vadāmyanṛtaṃ kvacit / śṛṇudhvaṃ mama yaḥ kartā bhūtānāṃ yuvayośca ha

Sanskrit only: no published translation is held for this verse.

परमेशो महादेवो रुद्रः सर्वगतः प्रभुः । येनाहं तव दत्तश्च कृतस्त्वं च प्रजापतिः

parameśo mahādevo rudraḥ sarvagataḥ prabhuḥ / yenāhaṃ tava dattaśca kṛtastvaṃ ca prajāpatiḥ

Sanskrit only: no published translation is held for this verse.

यज्ञो ऽयं यत्प्रसूतिश्च अण्डं यत्रास्ति संस्थितम् । सर्वं तस्मात्प्रसूतं वै नान्यः कर्तास्ति नः क्वचित्

yajño 'yaṃ yatprasūtiśca aṇḍaṃ yatrāsti saṃsthitam / sarvaṃ tasmātprasūtaṃ vai nānyaḥ kartāsti naḥ kvacit

Sanskrit only: no published translation is held for this verse.

तमेवंवादिनं देवो ब्रह्मा वेदमभाषत । अहं श्रुतीनां सर्वासां नेता स्रष्टा तथैव च

tamevaṃvādinaṃ devo brahmā vedamabhāṣata / ahaṃ śrutīnāṃ sarvāsāṃ netā sraṣṭā tathaiva ca

Sanskrit only: no published translation is held for this verse.

मत्प्रसादाद्धि वेदस्त्वं यज्ञश्चायं न संशयः । मूढौ युवामधर्मो वा भवद्भ्यामन्यथा कृतः । प्रायश्चित्तं चरध्वं वः किल्बिषान्मोक्ष्यथस्ततः

matprasādāddhi vedastvaṃ yajñaścāyaṃ na saṃśayaḥ / mūḍhau yuvāmadharmo vā bhavadbhyāmanyathā kṛtaḥ / prāyaścittaṃ caradhvaṃ vaḥ kilbiṣānmokṣyathastataḥ

Sanskrit only: no published translation is held for this verse.

एवमुक्ते तदा तेन महाञ्छब्दो बभूव ह । आदित्यमण्डलाकारम् अदृश्यत च मण्डलम् । महच्छब्देन महता उपरिष्टाद्वियत्स्थितम्

evamukte tadā tena mahāñchabdo babhūva ha / ādityamaṇḍalākāram adṛśyata ca maṇḍalam / mahacchabdena mahatā upariṣṭādviyatsthitam

Sanskrit only: no published translation is held for this verse.

स चापि तस्माद्विभ्रष्टो भूतलं समुपाश्रितः । हिमवत्कुञ्जमासाद्य नानाविहगनादितम् । व्योमगश्च चिरं भूत्वा भूमिगः सम्बभूव ह

sa cāpi tasmādvibhraṣṭo bhūtalaṃ samupāśritaḥ / himavatkuñjamāsādya nānāvihaganāditam / vyomagaśca ciraṃ bhūtvā bhūmigaḥ sambabhūva ha

Sanskrit only: no published translation is held for this verse.

ततो ब्रह्मा दिशः सर्वा निरीक्ष्य मुखपङ्कजैः । चतुर्भिर्न वियत्स्थं तम् अपश्यत्स पितामहः

tato brahmā diśaḥ sarvā nirīkṣya mukhapaṅkajaiḥ / caturbhirna viyatsthaṃ tam apaśyatsa pitāmahaḥ

Sanskrit only: no published translation is held for this verse.

स मुखं पञ्चमं दीप्तम् असृजन्मूर्ध्नि संस्थितम् । तेनापश्यद्वियत्स्थं तं सूर्यायुतसमप्रभम् । आदित्यमण्डलाकारं शब्दवद्घोरदर्शनम्

sa mukhaṃ pañcamaṃ dīptam asṛjanmūrdhni saṃsthitam / tenāpaśyadviyatsthaṃ taṃ sūryāyutasamaprabham / ādityamaṇḍalākāraṃ śabdavadghoradarśanam

Sanskrit only: no published translation is held for this verse.

तं दृष्ट्वा पञ्चमं तस्य शिरो वै क्रोधजं महत् । संवर्तकाग्निसदृशं ग्रसिष्यत्तमवर्धत

taṃ dṛṣṭvā pañcamaṃ tasya śiro vai krodhajaṃ mahat / saṃvartakāgnisadṛśaṃ grasiṣyattamavardhata

Sanskrit only: no published translation is held for this verse.

वर्धमानं तदा तत्तु वडवामुखसंनिभम् । दीप्तिमच्छब्दवच्चैव देवो ऽसौ दीप्तमण्डलः

vardhamānaṃ tadā tattu vaḍavāmukhasaṃnibham / dīptimacchabdavaccaiva devo 'sau dīptamaṇḍalaḥ

Sanskrit only: no published translation is held for this verse.

हस्ताङ्गुष्ठनखेनाशु वामेनावज्ञयैव हि । चकर्त तन्महद्घोरं ब्रह्मणः पञ्चमं शिरः

hastāṅguṣṭhanakhenāśu vāmenāvajñayaiva hi / cakarta tanmahadghoraṃ brahmaṇaḥ pañcamaṃ śiraḥ

Sanskrit only: no published translation is held for this verse.

दीप्तिकृत्तशिराः सो ऽथ दुःखेनोस्रेण चार्दितः । पपात मूढचेता वै योगधर्मविवर्जितः

dīptikṛttaśirāḥ so 'tha duḥkhenosreṇa cārditaḥ / papāta mūḍhacetā vai yogadharmavivarjitaḥ

Sanskrit only: no published translation is held for this verse.

ततः सुप्तोत्थित इव संज्ञां लब्ध्वा महातपाः । मण्डलस्थं महादेवम् अस्तौषीद्दीनया गिरा

tataḥ suptotthita iva saṃjñāṃ labdhvā mahātapāḥ / maṇḍalasthaṃ mahādevam astauṣīddīnayā girā

Sanskrit only: no published translation is held for this verse.

ब्रह्मोवाच नमः सहस्रनेत्राय शतनेत्राय वै नमः । नमो विवृतवक्त्राय शतवक्त्राय वै नमः

brahmovāca namaḥ sahasranetrāya śatanetrāya vai namaḥ / namo vivṛtavaktrāya śatavaktrāya vai namaḥ

Sanskrit only: no published translation is held for this verse.

नमः सहस्रवक्त्राय सर्ववक्त्राय वै नमः । नमः सहस्रपादाय सर्वपादाय वै नमः

namaḥ sahasravaktrāya sarvavaktrāya vai namaḥ / namaḥ sahasrapādāya sarvapādāya vai namaḥ

Sanskrit only: no published translation is held for this verse.

सहस्रपाणये चैव सर्वतःपाणये नमः । नमः सर्वस्य स्रष्ट्रे च द्रष्ट्रे सर्वस्य ते नमः

sahasrapāṇaye caiva sarvataḥpāṇaye namaḥ / namaḥ sarvasya sraṣṭre ca draṣṭre sarvasya te namaḥ

Sanskrit only: no published translation is held for this verse.

आदित्यवर्णाय नमः शिरसश्छेदनाय च । सृष्टिप्रलयकर्त्रे च स्थितिकर्त्रे तथा नमः

ādityavarṇāya namaḥ śirasaśchedanāya ca / sṛṣṭipralayakartre ca sthitikartre tathā namaḥ

Sanskrit only: no published translation is held for this verse.

नमः सहस्रलिङ्गाय सहस्रचरणाय च । संहारलिङ्गिने चैव जललिङ्गाय वै नमः

namaḥ sahasraliṅgāya sahasracaraṇāya ca / saṃhāraliṅgine caiva jalaliṅgāya vai namaḥ

Sanskrit only: no published translation is held for this verse.

अन्तश्चराय सर्वाय प्रकृतेः प्रेरणाय च । व्यापिने सर्वसत्त्वानां पुरुषप्रेरकाय च

antaścarāya sarvāya prakṛteḥ preraṇāya ca / vyāpine sarvasattvānāṃ puruṣaprerakāya ca

Sanskrit only: no published translation is held for this verse.

इन्द्रियार्थविशेषाय तथा नियमकारिणे । भूतभव्याय शर्वाय नित्यं सत्त्ववदाय च

indriyārthaviśeṣāya tathā niyamakāriṇe / bhūtabhavyāya śarvāya nityaṃ sattvavadāya ca

Sanskrit only: no published translation is held for this verse.

त्वमेव स्रष्टा लोकानां मन्ता दाता तथा विभो । शरणागताय दान्ताय प्रसादं कर्तुमर्हसि

tvameva sraṣṭā lokānāṃ mantā dātā tathā vibho / śaraṇāgatāya dāntāya prasādaṃ kartumarhasi

Sanskrit only: no published translation is held for this verse.

तस्यैवं स्तुवतः सम्यग् भावेन परमेण ह । स तस्मै देवदेवेशो दिव्यं चक्षुरदात्तदा

tasyaivaṃ stuvataḥ samyag bhāvena parameṇa ha / sa tasmai devadeveśo divyaṃ cakṣuradāttadā

Sanskrit only: no published translation is held for this verse.

चक्षुषा तेन स तदा ब्रह्मा लोकपितामहः । विमाने सूर्यसंकाशे तेजोराशिमपश्यत

cakṣuṣā tena sa tadā brahmā lokapitāmahaḥ / vimāne sūryasaṃkāśe tejorāśimapaśyata

Sanskrit only: no published translation is held for this verse.

तस्य मध्यात्ततो वाचं महतीं समशृण्वत । गम्भीरां मधुरां युक्ताम् अथ सम्पन्नलक्षणाम् । विशदां पुत्र पुत्रेति पूर्वं देवेन चोदिताम्

tasya madhyāttato vācaṃ mahatīṃ samaśṛṇvata / gambhīrāṃ madhurāṃ yuktām atha sampannalakṣaṇām / viśadāṃ putra putreti pūrvaṃ devena coditām

Sanskrit only: no published translation is held for this verse.

संस्वेदात्पुत्र उत्पन्नो यत्तुभ्यं नीललोहितः । यच्च पूर्वं मया प्रोक्तस् त्वं तदा सुतमार्गणे

saṃsvedātputra utpanno yattubhyaṃ nīlalohitaḥ / yacca pūrvaṃ mayā proktas tvaṃ tadā sutamārgaṇe

Sanskrit only: no published translation is held for this verse.

मदीयो गणपो यस्ते मन्मूर्तिश्च भविष्यति । स प्राप्य परमं ज्ञानं मूढ त्वा विनयिष्यति

madīyo gaṇapo yaste manmūrtiśca bhaviṣyati / sa prāpya paramaṃ jñānaṃ mūḍha tvā vinayiṣyati

Sanskrit only: no published translation is held for this verse.

तस्येयं फलनिष्पत्तिः शिरसश्छेदनं तव । मयैव कारिता तेन निर्वृतश्चाधुना भव

tasyeyaṃ phalaniṣpattiḥ śirasaśchedanaṃ tava / mayaiva kāritā tena nirvṛtaścādhunā bhava

Sanskrit only: no published translation is held for this verse.

तस्य चैवोत्पथस्थस्य यज्ञस्य तु महामते । शिरश्छेत्स्यत्यसावेव कस्मिंश्चित्कारणान्तरे । स्तवेनानेन तुष्टो ऽस्मि किं ददानि च ते ऽनघ

tasya caivotpathasthasya yajñasya tu mahāmate / śiraśchetsyatyasāveva kasmiṃścitkāraṇāntare / stavenānena tuṣṭo 'smi kiṃ dadāni ca te 'nagha

Sanskrit only: no published translation is held for this verse.

वायुरुवाच ततः स भगवान्हृष्टः प्रणम्य शुभया गिरा । उवाच प्राञ्जलिर्भूत्वा लक्ष्यालक्ष्यं तमीश्वरम्

vāyuruvāca tataḥ sa bhagavānhṛṣṭaḥ praṇamya śubhayā girā / uvāca prāñjalirbhūtvā lakṣyālakṣyaṃ tamīśvaram

Sanskrit only: no published translation is held for this verse.

भगवन्नैव मे दुःखं दर्शनात्ते प्रबाधते । इच्छामि शिरसो ह्यस्य धारणं सर्वदा त्वया । ननु स्मरेयमेतच्च शिरसश्छेदनं विभो

bhagavannaiva me duḥkhaṃ darśanātte prabādhate / icchāmi śiraso hyasya dhāraṇaṃ sarvadā tvayā / nanu smareyametacca śirasaśchedanaṃ vibho

Sanskrit only: no published translation is held for this verse.

भूयश्चाधर्मकार्येभ्यस् त्वयैवेच्छे निवारणम् । तथा च कृत्यमुद्दिश्य पश्येयं त्वा यथासुखम्

bhūyaścādharmakāryebhyas tvayaivecche nivāraṇam / tathā ca kṛtyamuddiśya paśyeyaṃ tvā yathāsukham

Sanskrit only: no published translation is held for this verse.

विज्ञप्तिं ब्रह्मणः श्रुत्वा प्रोवाच भुवनेश्वरः । स एव सुतसंज्ञस्ते मन्मूर्तिर्नीललोहितः । शिरश्छेत्स्यति यज्ञस्य बिभर्त्स्यति शिरश्च ते

vijñaptiṃ brahmaṇaḥ śrutvā provāca bhuvaneśvaraḥ / sa eva sutasaṃjñaste manmūrtirnīlalohitaḥ / śiraśchetsyati yajñasya bibhartsyati śiraśca te

Sanskrit only: no published translation is held for this verse.

इत्युक्त्वा देवदेवेशस् तत्रैवान्तरधीयत । गते तस्मिन्महादेवे ब्रह्मा लोकपितामहः । सयज्ञः सहवेदश्च स्वं लोकं प्रत्यपद्यत

ityuktvā devadeveśas tatraivāntaradhīyata / gate tasminmahādeve brahmā lokapitāmahaḥ / sayajñaḥ sahavedaśca svaṃ lokaṃ pratyapadyata

Sanskrit only: no published translation is held for this verse.

वायुरुवाच य इमं शृणुयान्मर्त्यो गुह्यं वेदार्थसंमितम् । स देहभेदमासाद्य सायुज्यं ब्रह्मणो व्रजेत्

vāyuruvāca ya imaṃ śṛṇuyānmartyo guhyaṃ vedārthasaṃmitam / sa dehabhedamāsādya sāyujyaṃ brahmaṇo vrajet

Sanskrit only: no published translation is held for this verse.

यश्चेमं पठते नित्यं ब्राह्मणानां समीपतः । स सर्वपापनिर्मुक्तो रुद्रलोके महीयते

yaścemaṃ paṭhate nityaṃ brāhmaṇānāṃ samīpataḥ / sa sarvapāpanirmukto rudraloke mahīyate

Sanskrit only: no published translation is held for this verse.

नापुत्रशिष्ययोगिभ्य इदमाख्यानमैश्वरम् । आख्येयं नापि चाज्ञाय न शठाय न मानिने

nāputraśiṣyayogibhya idamākhyānamaiśvaram / ākhyeyaṃ nāpi cājñāya na śaṭhāya na mānine

Sanskrit only: no published translation is held for this verse.

इदं महद्दिव्यमधर्मशासनं पठेत्सदा ब्राह्मणवैद्यसंसदि । कृतावकाशो भवतीह मानवः शरीरभेदे प्रविशेत्पितामहम्

idaṃ mahaddivyamadharmaśāsanaṃ paṭhetsadā brāhmaṇavaidyasaṃsadi / kṛtāvakāśo bhavatīha mānavaḥ śarīrabhede praviśetpitāmaham

Sanskrit only: no published translation is held for this verse.