Skanda Purāṇa (part) 6

सनत्कुमार उवाच ततः स भगवान्देवः कपर्दी नीललोहितः । आज्ञया परमेशस्य जग्राह ब्रह्मणः शिरः

sanatkumāra uvāca tataḥ sa bhagavāndevaḥ kapardī nīlalohitaḥ / ājñayā parameśasya jagrāha brahmaṇaḥ śiraḥ

Sanskrit only: no published translation is held for this verse.

तद्गृहीत्वा शिरो दीप्तं रूपं विकृतमास्थितः । योगक्रीडां समास्थाय भैक्षाय प्रचचार ह

tadgṛhītvā śiro dīptaṃ rūpaṃ vikṛtamāsthitaḥ / yogakrīḍāṃ samāsthāya bhaikṣāya pracacāra ha

Sanskrit only: no published translation is held for this verse.

स देववेश्मनि तदा भिक्षार्थमगमद्द्विजाः । न चास्य कश्चित्तां भिक्षाम् अनुरूपामदाद्विभोः

sa devaveśmani tadā bhikṣārthamagamaddvijāḥ / na cāsya kaścittāṃ bhikṣām anurūpāmadādvibhoḥ

Sanskrit only: no published translation is held for this verse.

अभ्यगात्संक्रमेणैव वेश्म विष्णोर्महात्मनः । तस्यातिष्ठत स द्वारि भिक्षामुच्चारयञ्छुभाम्

abhyagātsaṃkrameṇaiva veśma viṣṇormahātmanaḥ / tasyātiṣṭhata sa dvāri bhikṣāmuccārayañchubhām

Sanskrit only: no published translation is held for this verse.

स दृष्ट्वा तदुपस्थं तु विष्णुर्वै योगचक्षुषा । शिरां ललाटात्सम्भिद्य रक्तधारामपातयत् । पपात सा च विस्तीर्णा योजनार्धशतं तदा

sa dṛṣṭvā tadupasthaṃ tu viṣṇurvai yogacakṣuṣā / śirāṃ lalāṭātsambhidya raktadhārāmapātayat / papāta sā ca vistīrṇā yojanārdhaśataṃ tadā

Sanskrit only: no published translation is held for this verse.

तया पतन्त्या विप्रेन्द्रा बहून्यब्दानि धारया । पितामहकपालस्य नार्धमप्यभिपूरितम् । तमुवाच ततो देवः प्रहस्य वचनं शुभम्

tayā patantyā viprendrā bahūnyabdāni dhārayā / pitāmahakapālasya nārdhamapyabhipūritam / tamuvāca tato devaḥ prahasya vacanaṃ śubham

Sanskrit only: no published translation is held for this verse.

सकृत्कन्याः प्रदीयन्ते सकृदग्निश्च जायते । सकृद्राजानो ब्रुवते सकृद्भिक्षा प्रदीयते

sakṛtkanyāḥ pradīyante sakṛdagniśca jāyate / sakṛdrājāno bruvate sakṛdbhikṣā pradīyate

Sanskrit only: no published translation is held for this verse.

तुष्टो ऽस्मि तव दानेन युक्तेनानेन मानद । वरं वरय भद्रं ते वरदो ऽस्मि तवाद्य वै

tuṣṭo 'smi tava dānena yuktenānena mānada / varaṃ varaya bhadraṃ te varado 'smi tavādya vai

Sanskrit only: no published translation is held for this verse.

विष्णुरुवाच एष एव वरः श्लाघ्यो यदहं देवताधिपम् । पश्यामि शंकरं देवम् उग्रं शर्वं कपर्दिनम्

viṣṇuruvāca eṣa eva varaḥ ślāghyo yadahaṃ devatādhipam / paśyāmi śaṃkaraṃ devam ugraṃ śarvaṃ kapardinam

Sanskrit only: no published translation is held for this verse.

देवश्छायां ततो वीक्ष्य कपालस्थे तदा रसे । ससर्ज पुरुषं दीप्तं विष्णोः सदृशमूर्जितम्

devaśchāyāṃ tato vīkṣya kapālasthe tadā rase / sasarja puruṣaṃ dīptaṃ viṣṇoḥ sadṛśamūrjitam

Sanskrit only: no published translation is held for this verse.

तमाहाथाक्षयश्चासि अजरामर एव च । युद्धेषु चाप्रतिद्वन्द्वी सखा विष्णोरनुत्तमः । देवकार्यकरः श्रीमान् सहानेन चरस्व च

tamāhāthākṣayaścāsi ajarāmara eva ca / yuddheṣu cāpratidvandvī sakhā viṣṇoranuttamaḥ / devakāryakaraḥ śrīmān sahānena carasva ca

Sanskrit only: no published translation is held for this verse.

नारासु जन्म यस्मात्ते विष्णुदेहोद्भवासु च । नरस्तस्माद्धि नाम्ना त्वं प्रियश्चास्य भविष्यसि

nārāsu janma yasmātte viṣṇudehodbhavāsu ca / narastasmāddhi nāmnā tvaṃ priyaścāsya bhaviṣyasi

Sanskrit only: no published translation is held for this verse.

वायुरुवाच तं तदाश्वास्य निक्षिप्य नरं विष्णोः स्वयं प्रभुः । अगमद्ब्रह्मसदनं तौ चाविविशतुर्गृहम्

vāyuruvāca taṃ tadāśvāsya nikṣipya naraṃ viṣṇoḥ svayaṃ prabhuḥ / agamadbrahmasadanaṃ tau cāviviśaturgṛham

Sanskrit only: no published translation is held for this verse.

य इदं नरजन्मेह शृणुयाद्वा पठेत वा । स कीर्त्या परया युक्तो विष्णुलोके महीयते

ya idaṃ narajanmeha śṛṇuyādvā paṭheta vā / sa kīrtyā parayā yukto viṣṇuloke mahīyate

Sanskrit only: no published translation is held for this verse.