Skanda Purāṇa (part) 9

सनत्कुमार उवाच ते दृष्ट्वा देवदेवेशं सर्वे सब्रह्मकाः सुराः । अस्तुवन्वाग्भिरिष्टाभिः प्रणम्य वृषवाहनम्

sanatkumāra uvāca te dṛṣṭvā devadeveśaṃ sarve sabrahmakāḥ surāḥ / astuvanvāgbhiriṣṭābhiḥ praṇamya vṛṣavāhanam

Sanskrit only: no published translation is held for this verse.

पितामह उवाच नमः शिवाय सोमाय भक्तानां भयहारिणे । नमः शूलाग्रहस्ताय कमण्डलुधराय च

pitāmaha uvāca namaḥ śivāya somāya bhaktānāṃ bhayahāriṇe / namaḥ śūlāgrahastāya kamaṇḍaludharāya ca

Sanskrit only: no published translation is held for this verse.

दण्डिने नीलकण्ठाय करालदशनाय च । त्रेताग्निदीप्तनेत्राय त्रिनेत्राय हराय च

daṇḍine nīlakaṇṭhāya karāladaśanāya ca / tretāgnidīptanetrāya trinetrāya harāya ca

Sanskrit only: no published translation is held for this verse.

नमः पिनाकिने चैव नमो ऽस्त्वशनिधारिणे । व्यालयज्ञोपवीताय कुण्डलाभरणाय च

namaḥ pinākine caiva namo 'stvaśanidhāriṇe / vyālayajñopavītāya kuṇḍalābharaṇāya ca

Sanskrit only: no published translation is held for this verse.

नमश्चक्रधरायैव व्याघ्रचर्मधराय च । कृष्णाजिनोत्तरीयाय सर्पमेखलिने तथा

namaścakradharāyaiva vyāghracarmadharāya ca / kṛṣṇājinottarīyāya sarpamekhaline tathā

Sanskrit only: no published translation is held for this verse.

वरदात्रे च रुद्राय सरस्वतीसृजे तथा । सोमसूर्यर्क्षमालाय अक्षसूत्रकराय च

varadātre ca rudrāya sarasvatīsṛje tathā / somasūryarkṣamālāya akṣasūtrakarāya ca

Sanskrit only: no published translation is held for this verse.

ज्वालामालासहस्राय ऊर्ध्वलिङ्गाय वै नमः । नमः पर्वतवासाय शिरोहर्त्रे च मे पुरा

jvālāmālāsahasrāya ūrdhvaliṅgāya vai namaḥ / namaḥ parvatavāsāya śirohartre ca me purā

Sanskrit only: no published translation is held for this verse.

हालाहलविनाशाय कपालवरधारिणे । विमानवरवाहाय जनकाय ममैव च । वरदाय वरिष्ठाय श्मशानरतये नमः

hālāhalavināśāya kapālavaradhāriṇe / vimānavaravāhāya janakāya mamaiva ca / varadāya variṣṭhāya śmaśānarataye namaḥ

Sanskrit only: no published translation is held for this verse.

नमो नरस्य कर्त्रे च स्थितिकर्त्रे नमः सदा । उत्पत्तिप्रलयानां च कर्त्रे सर्वसहाय च

namo narasya kartre ca sthitikartre namaḥ sadā / utpattipralayānāṃ ca kartre sarvasahāya ca

Sanskrit only: no published translation is held for this verse.

ऋषिदैवतनाथाय सर्वभूताधिपाय च । शिवः सौम्यश्च देवेश भव नो भक्तवत्सल

ṛṣidaivatanāthāya sarvabhūtādhipāya ca / śivaḥ saumyaśca deveśa bhava no bhaktavatsala

Sanskrit only: no published translation is held for this verse.

सनत्कुमार उवाच ब्रह्मण्यथैवं स्तुवति देवदेवः स लोकपः । उवाच तुष्टस्तान्देवान् ऋषींश्च तपसैधितान्

sanatkumāra uvāca brahmaṇyathaivaṃ stuvati devadevaḥ sa lokapaḥ / uvāca tuṣṭastāndevān ṛṣīṃśca tapasaidhitān

Sanskrit only: no published translation is held for this verse.

तुष्टो ऽस्म्यनेन वः सम्यक् तपसा ऋषिदेवताः । वरं ब्रूत प्रदास्यामि सुनिश्चिन्त्य स उच्यताम्

tuṣṭo 'smyanena vaḥ samyak tapasā ṛṣidevatāḥ / varaṃ brūta pradāsyāmi suniścintya sa ucyatām

Sanskrit only: no published translation is held for this verse.

सनत्कुमार उवाच अथ सर्वानभिप्रेक्ष्य संतुष्टांस्तपसैधितान् । दर्शनेनैव विप्रेन्द्र ब्रह्मा वचनमब्रवीत्

sanatkumāra uvāca atha sarvānabhiprekṣya saṃtuṣṭāṃstapasaidhitān / darśanenaiva viprendra brahmā vacanamabravīt

Sanskrit only: no published translation is held for this verse.

ब्रह्मोवाच यदि तुष्टो ऽसि देवेश यदि देयो वरश्च नः । तस्माच्छिवश्च सौम्यश्च दृश्यश्चैव भवस्व नः

brahmovāca yadi tuṣṭo 'si deveśa yadi deyo varaśca naḥ / tasmācchivaśca saumyaśca dṛśyaścaiva bhavasva naḥ

Sanskrit only: no published translation is held for this verse.

सुखसंव्यवहार्यश्च नित्यं तुष्टमनास्तथा । सर्वकार्येषु च सदा हितः पथ्यश्च शंकरः

sukhasaṃvyavahāryaśca nityaṃ tuṣṭamanāstathā / sarvakāryeṣu ca sadā hitaḥ pathyaśca śaṃkaraḥ

Sanskrit only: no published translation is held for this verse.

सह देव्या ससूनुश्च सह देवगणैरपि । एष नो दीयतां देव वरो वरसहस्रद

saha devyā sasūnuśca saha devagaṇairapi / eṣa no dīyatāṃ deva varo varasahasrada

Sanskrit only: no published translation is held for this verse.

सनत्कुमार उवाच एवमुक्तः स भगवान् ब्रह्मणा देवसत्तमः । स्वकं तेजो महद्दिव्यं व्यसृजत्सर्वयोगवित्

sanatkumāra uvāca evamuktaḥ sa bhagavān brahmaṇā devasattamaḥ / svakaṃ tejo mahaddivyaṃ vyasṛjatsarvayogavit

Sanskrit only: no published translation is held for this verse.

अर्धेन तेजसः स्वस्य मुखादुल्कां ससर्ज ह । तामाह भव नारीति भगवान्विश्वरूपधृक्

ardhena tejasaḥ svasya mukhādulkāṃ sasarja ha / tāmāha bhava nārīti bhagavānviśvarūpadhṛk

Sanskrit only: no published translation is held for this verse.

साकाशं द्यां च भूमिं च महिम्ना व्याप्य विष्ठिता । उपतस्थे च देवेशं दीप्यमाना यथा तडित्

sākāśaṃ dyāṃ ca bhūmiṃ ca mahimnā vyāpya viṣṭhitā / upatasthe ca deveśaṃ dīpyamānā yathā taḍit

Sanskrit only: no published translation is held for this verse.

तामाह प्रहसन्देवो देवीं कमललोचनाम् । ब्रह्माणं देवि वरदम् आराधय शुचिस्मिते

tāmāha prahasandevo devīṃ kamalalocanām / brahmāṇaṃ devi varadam ārādhaya śucismite

Sanskrit only: no published translation is held for this verse.

सा तथेति प्रतिज्ञाय तपस्तप्तुं प्रचक्रमे । रुद्रश्च तानृषीनाह शृणुध्वं मम तोषणे । फलं फलवतां श्रेष्ठा यद्ब्रवीमि तपोधनाः

sā tatheti pratijñāya tapastaptuṃ pracakrame / rudraśca tānṛṣīnāha śṛṇudhvaṃ mama toṣaṇe / phalaṃ phalavatāṃ śreṣṭhā yadbravīmi tapodhanāḥ

Sanskrit only: no published translation is held for this verse.

अमरा जरया त्यक्ता अरोगा जन्मवर्जिताः । मद्भक्तास्तपसा युक्ता इहैव च निवत्स्यथ

amarā jarayā tyaktā arogā janmavarjitāḥ / madbhaktāstapasā yuktā ihaiva ca nivatsyatha

Sanskrit only: no published translation is held for this verse.

अयं चैवाश्रमः श्रेष्ठः स्वर्णशृङ्गो ऽचलोत्तमः । पुण्यं पवित्रं स्थानं वै भविष्यति न संशयः

ayaṃ caivāśramaḥ śreṣṭhaḥ svarṇaśṛṅgo 'calottamaḥ / puṇyaṃ pavitraṃ sthānaṃ vai bhaviṣyati na saṃśayaḥ

Sanskrit only: no published translation is held for this verse.

मैनाके पर्वते श्रेष्ठे स्वर्णो ऽहमभवं यतः । स्वर्णाक्षीं चासृजं देवीं स्वर्णाक्षं तेन तत्स्मृतम्

maināke parvate śreṣṭhe svarṇo 'hamabhavaṃ yataḥ / svarṇākṣīṃ cāsṛjaṃ devīṃ svarṇākṣaṃ tena tatsmṛtam

Sanskrit only: no published translation is held for this verse.

स्वर्णाक्षे ऋषयो यूयं षट्कुलीयास्तपोधनाः । निवत्स्यथ मयाज्ञप्ताः स्वर्णाक्षं वै ततश्च ह । समन्ताद्योजनं क्षेत्रं पवित्रं तन्न संशयः

svarṇākṣe ṛṣayo yūyaṃ ṣaṭkulīyāstapodhanāḥ / nivatsyatha mayājñaptāḥ svarṇākṣaṃ vai tataśca ha / samantādyojanaṃ kṣetraṃ pavitraṃ tanna saṃśayaḥ

Sanskrit only: no published translation is held for this verse.

देवगन्धर्वचरितम् अप्सरोगणसेवितम् । सिंहेभशरभाकीर्णं शार्दूलर्क्षमृगाकुलम् । अनेकविहगाकीर्णं लतावृक्षक्षुपाकुलम्

devagandharvacaritam apsarogaṇasevitam / siṃhebhaśarabhākīrṇaṃ śārdūlarkṣamṛgākulam / anekavihagākīrṇaṃ latāvṛkṣakṣupākulam

Sanskrit only: no published translation is held for this verse.

ब्रह्मचारी नियमवाञ् जितक्रोधो जितेन्द्रियः । उपोष्य त्रिगुणां रात्रिं चरुं कृत्वा निवेद्य च । यत्र तत्र मृतः सो ऽपि ब्रह्मलोके निवत्स्यति

brahmacārī niyamavāñ jitakrodho jitendriyaḥ / upoṣya triguṇāṃ rātriṃ caruṃ kṛtvā nivedya ca / yatra tatra mṛtaḥ so 'pi brahmaloke nivatsyati

Sanskrit only: no published translation is held for this verse.

यो ऽप्येवमेव कामात्मा पश्येत्तत्र वृषध्वजम् । गोसहस्रफलं सो ऽपि मत्प्रसादादवाप्स्यति । नियमेन मृतश्चात्र मया सह चरिष्यति

yo 'pyevameva kāmātmā paśyettatra vṛṣadhvajam / gosahasraphalaṃ so 'pi matprasādādavāpsyati / niyamena mṛtaścātra mayā saha cariṣyati

Sanskrit only: no published translation is held for this verse.

यावत्स्थास्यन्ति लोकाश्च मैनाकश्चाप्ययं गिरिः । तावत्सह मया देवा मत्प्रसादाच्चरिष्यथ

yāvatsthāsyanti lokāśca mainākaścāpyayaṃ giriḥ / tāvatsaha mayā devā matprasādāccariṣyatha

Sanskrit only: no published translation is held for this verse.

एवं स तानृषीनुक्त्वा दृष्ट्वा सौम्येन चक्षुषा । पश्यतामेव सर्वेषां तत्रैवान्तरधीयत

evaṃ sa tānṛṣīnuktvā dṛṣṭvā saumyena cakṣuṣā / paśyatāmeva sarveṣāṃ tatraivāntaradhīyata

Sanskrit only: no published translation is held for this verse.

सनत्कुमार उवाच य इमं शृणुयान्मर्त्यो द्विजातीञ्छ्रावयेत वा । सो ऽपि तत्फलमासाद्य चरेन्मृत्युविवर्जितः

sanatkumāra uvāca ya imaṃ śṛṇuyānmartyo dvijātīñchrāvayeta vā / so 'pi tatphalamāsādya carenmṛtyuvivarjitaḥ

Sanskrit only: no published translation is held for this verse.

जयति जलदवाहः सर्वभूतान्तकालः शमदमनियतानां क्लेशहर्ता यतीनाम् । जननमरणहर्ता चेष्टतां धार्मिकाणां विविधकरणयुक्तः खेचरः पादचारी

jayati jaladavāhaḥ sarvabhūtāntakālaḥ śamadamaniyatānāṃ kleśahartā yatīnām / jananamaraṇahartā ceṣṭatāṃ dhārmikāṇāṃ vividhakaraṇayuktaḥ khecaraḥ pādacārī

Sanskrit only: no published translation is held for this verse.

मदनपुरविदारी नेत्रदन्तावपाती विगतभयविषादः सर्वभूतप्रचेताः । सततमभिदधानश्चेकितानात्मचित्तः करचरणललामः सर्वदृग्देवदेवः

madanapuravidārī netradantāvapātī vigatabhayaviṣādaḥ sarvabhūtapracetāḥ / satatamabhidadhānaścekitānātmacittaḥ karacaraṇalalāmaḥ sarvadṛgdevadevaḥ

Sanskrit only: no published translation is held for this verse.