Library·Somadeva: Kathasaritsagara·12·12.1
प्रथमस् तरङ्गः । अव्याद्वो विघ्नविध्वंसकीर्तिस्तम्भमिवोत्क्षिपन् । करं गणपतिः क्रीडालीनभृङ्गाक्षरावलिम्
prathamas taraṅgaḥ / avyādvo vighnavidhvaṃsakīrtistambhamivotkṣipan / karaṃ gaṇapatiḥ krīḍālīnabhṛṅgākṣarāvalim
Sanskrit only: no published translation is held for this verse.
अरागम् अपिरागाढ्यरचनाचतुरं परम् । हरं नवनवाश्चर्यसर्गचित्रकरं नुमः
arāgam apirāgāḍhyaracanācaturaṃ param / haraṃ navanavāścaryasargacitrakaraṃ numaḥ
Sanskrit only: no published translation is held for this verse.
जितं स्मरशरैर् येषु पौष्पेष्व् अपि पतत्स्विह । वज्रादीन्य् अपि जायन्ते कुण्ठितान्येव तद्भृताम्
jitaṃ smaraśarair yeṣu pauṣpeṣv api patatsviha / vajrādīny api jāyante kuṇṭhitānyeva tadbhṛtām
Sanskrit only: no published translation is held for this verse.
एवं वत्सेश्वरसुतस्तां तां भार्यामवाप्य सः । नरवाहनदत्तो ऽत्र कौशाम्ब्यामथ तस्थिवान्
evaṃ vatseśvarasutastāṃ tāṃ bhāryāmavāpya saḥ / naravāhanadatto 'tra kauśāmbyāmatha tasthivān
Sanskrit only: no published translation is held for this verse.
बहुभार्यो ऽपि तामाद्यां दैवीं मदनमञ्चुकाम् । प्राणेभ्यो ऽप्य् अधिकां मेने रुक्मिणीम् इव माधवः
bahubhāryo 'pi tāmādyāṃ daivīṃ madanamañcukām / prāṇebhyo 'py adhikāṃ mene rukmiṇīm iva mādhavaḥ
Sanskrit only: no published translation is held for this verse.
एकदा च निशि स्वप्ने नभसागत्य दिव्यया । कयापि कन्ययात्मानं ह्रियमाणं ददर्श सः
ekadā ca niśi svapne nabhasāgatya divyayā / kayāpi kanyayātmānaṃ hriyamāṇaṃ dadarśa saḥ
Sanskrit only: no published translation is held for this verse.
प्रबुद्धश् च महाशैलसानौ सच्छायपादपे । अपश्यत्स्थितमात्मानं तार्क्ष्यरत्नशिलातले
prabuddhaś ca mahāśailasānau sacchāyapādape / apaśyatsthitamātmānaṃ tārkṣyaratnaśilātale
Sanskrit only: no published translation is held for this verse.
तां च कन्यां स्वपार्श्वस्था निशि द्योतितकाननाम् । ईक्षते स्म स्मरस्येव विश्वसंमोहनौषधिम्
tāṃ ca kanyāṃ svapārśvasthā niśi dyotitakānanām / īkṣate sma smarasyeva viśvasaṃmohanauṣadhim
Sanskrit only: no published translation is held for this verse.
अनयाहमिहानीत इति मत्वा च वीक्ष्य च । लज्जाविलम्बितेच्छां तां कृत्वा चालीकसुप्तकम्
anayāhamihānīta iti matvā ca vīkṣya ca / lajjāvilambitecchāṃ tāṃ kṛtvā cālīkasuptakam
Sanskrit only: no published translation is held for this verse.
प्रलपन्निव जिज्ञासुरेवं धूर्तो ऽथ सो ऽब्रवीत् । क्व त्वमालिङ्ग मामेहि प्रिये मदनमञ्चुके
pralapanniva jijñāsurevaṃ dhūrto 'tha so 'bravīt / kva tvamāliṅga māmehi priye madanamañcuke
Sanskrit only: no published translation is held for this verse.
तच् छ्रुत्वेव तदुद्धातास्मृत्वा निर्व्रीडयन्त्रणम् । रूपं तद्दयितायाः सा तस्याः कृत्वालिलिङ्ग तम्
tac chrutveva taduddhātāsmṛtvā nirvrīḍayantraṇam / rūpaṃ taddayitāyāḥ sā tasyāḥ kṛtvāliliṅga tam
Sanskrit only: no published translation is held for this verse.
ततः स नेत्रे उन्मील्य दृष्ट्वा तां स्वप्रियाकृतिम् । अहो विज्ञानमित्य् उक्त्वा कण्ठे जग्राह सस्मितः
tataḥ sa netre unmīlya dṛṣṭvā tāṃ svapriyākṛtim / aho vijñānamity uktvā kaṇṭhe jagrāha sasmitaḥ
Sanskrit only: no published translation is held for this verse.
साथ हित्वा त्रपां रूपं स्वं प्रदर्श्य जगाद तम् । आर्यपुत्र गृहाणेमां मामिदानीं स्वयंवराम्
sātha hitvā trapāṃ rūpaṃ svaṃ pradarśya jagāda tam / āryaputra gṛhāṇemāṃ māmidānīṃ svayaṃvarām
Sanskrit only: no published translation is held for this verse.
एवम् उक्तवतीं तां च परिणिन्ये स कन्यकाम् । नरवाहनदत्तो ऽत्र गान्धर्वविधिना तदा
evam uktavatīṃ tāṃ ca pariṇinye sa kanyakām / naravāhanadatto 'tra gāndharvavidhinā tadā
Sanskrit only: no published translation is held for this verse.
नीत्वाथ तत्र तां रात्रिं यथावत्स तया सह । प्रातस्तां दयितां युक्त्या कुलजिज्ञासयाभ्यधात्
nītvātha tatra tāṃ rātriṃ yathāvatsa tayā saha / prātastāṃ dayitāṃ yuktyā kulajijñāsayābhyadhāt
Sanskrit only: no published translation is held for this verse.
प्रिये शृणु कथामेतामपूर्वां कथयामि ते । ब्रह्मसिद्धिरिति क्वापि मुनिरासीत्तपोवने
priye śṛṇu kathāmetāmapūrvāṃ kathayāmi te / brahmasiddhiriti kvāpi munirāsīttapovane
Sanskrit only: no published translation is held for this verse.
तस्याश्रमसमीपे च योगसिद्धस्य सन्मुनेः । अभूच्छृगाली जरती गुहायां विहितास्पदा
tasyāśramasamīpe ca yogasiddhasya sanmuneḥ / abhūcchṛgālī jaratī guhāyāṃ vihitāspadā
Sanskrit only: no published translation is held for this verse.
तां दुर्दिने निराहारां भक्ष्यार्थं जातु निर्गताम् । वशाविश्लेषसोन्मादो हन्तुमागाद्वनद्विपः
tāṃ durdine nirāhārāṃ bhakṣyārthaṃ jātu nirgatām / vaśāviśleṣasonmādo hantumāgādvanadvipaḥ
Sanskrit only: no published translation is held for this verse.
तद्दृष्ट्वा स मुनिर्ज्ञास्नी कृपालुस्तां शृगालिकाम् । परेण करिणीं चक्रे ऽनुग्रहायैतयोर् द्वयोः
taddṛṣṭvā sa munirjñāsnī kṛpālustāṃ śṛgālikām / pareṇa kariṇīṃ cakre 'nugrahāyaitayor dvayoḥ
Sanskrit only: no published translation is held for this verse.
ततः स हस्ती तां दृष्ट्वा करेणुं शान्तवैकृतः । अनुरक्तो ऽभवत्तस्यां सापि मृत्योरमुच्यत
tataḥ sa hastī tāṃ dṛṣṭvā kareṇuṃ śāntavaikṛtaḥ / anurakto 'bhavattasyāṃ sāpi mṛtyoramucyata
Sanskrit only: no published translation is held for this verse.
ततो भ्रमंस्तया साकं स गजो जातु तत्कृते । प्राविशत्पद्ममानेतुं शरत्पङ्काकुलं सरः
tato bhramaṃstayā sākaṃ sa gajo jātu tatkṛte / prāviśatpadmamānetuṃ śaratpaṅkākulaṃ saraḥ
Sanskrit only: no published translation is held for this verse.
ममज्ज तत्र पङ्कान्तर्न शशाक विचेष्टितुम् । तस्थौ कुलिशनिर्लूनपक्षो भ्रष्ट इवाचलः
mamajja tatra paṅkāntarna śaśāka viceṣṭitum / tasthau kuliśanirlūnapakṣo bhraṣṭa ivācalaḥ
Sanskrit only: no published translation is held for this verse.
दृष्ट्वा तथावसन्नं तं सा शृगालीकरेणुका । तदैवान्यं समाश्रित्य वारणं क्वाप्य् अगात्ततः
dṛṣṭvā tathāvasannaṃ taṃ sā śṛgālīkareṇukā / tadaivānyaṃ samāśritya vāraṇaṃ kvāpy agāttataḥ
Sanskrit only: no published translation is held for this verse.
तावच् च पूर्वविश्लिष्टा करिणी तस्य सा निजा । अन्विष्यन्ती गजस्यागात्तं प्रदेशं विधेर्वशात्
tāvac ca pūrvaviśliṣṭā kariṇī tasya sā nijā / anviṣyantī gajasyāgāttaṃ pradeśaṃ vidhervaśāt
Sanskrit only: no published translation is held for this verse.
सा भद्रजातिर् दृष्ट्वैव ग्रस्तं पङ्केन तं पतिम् । अनुसर्तुं सरःपङ्कं तम् एव प्रविशत्तदा
sā bhadrajātir dṛṣṭvaiva grastaṃ paṅkena taṃ patim / anusartuṃ saraḥpaṅkaṃ tam eva praviśattadā
Sanskrit only: no published translation is held for this verse.
तत्काले स मुनिर्ब्रह्मसिद्धिस्तेनागतः पथा । शिष्ययुक्तस्तदालोक्य बभूव करुणान्वितः
tatkāle sa munirbrahmasiddhistenāgataḥ pathā / śiṣyayuktastadālokya babhūva karuṇānvitaḥ
Sanskrit only: no published translation is held for this verse.
उद्धारयाम् आस च तौ वशानागौ महातपाः । शिष्यैर् वरोद्भूतबलैः सरः पङ्कान्तरात्ततः
uddhārayām āsa ca tau vaśānāgau mahātapāḥ / śiṣyair varodbhūtabalaiḥ saraḥ paṅkāntarāttataḥ
Sanskrit only: no published translation is held for this verse.
ततस् तस्मिन्मुनौ याते दंपती तौ वशागजौ । मृत्योर् वियोगाच् चोत्तीर्णौ यथाकामं विजह्रतुः
tatas tasminmunau yāte daṃpatī tau vaśāgajau / mṛtyor viyogāc cottīrṇau yathākāmaṃ vijahratuḥ
Sanskrit only: no published translation is held for this verse.
एवमुत्तमजन्मानस्तिर्यञ्चो ऽप्यापदि प्रिये । प्रभुं नोज्झन्ति मित्त्रं वा तारयन्ति ततः पुनः
evamuttamajanmānastiryañco 'pyāpadi priye / prabhuṃ nojjhanti mittraṃ vā tārayanti tataḥ punaḥ
Sanskrit only: no published translation is held for this verse.
हीनजात्युद्भवा ये तु तेषां स्पृशति नाशयम् । कदाचिदपि सत्त्वं वा स्नेहो वा चञ्चलात्मनाम्
hīnajātyudbhavā ye tu teṣāṃ spṛśati nāśayam / kadācidapi sattvaṃ vā sneho vā cañcalātmanām
Sanskrit only: no published translation is held for this verse.
एतद्वत्सेश्वरसुताच् छ्रुत्वा सा दिव्यकन्यका । तम् उवाचैवमेवैतत्संशयो नात्र विद्यते
etadvatseśvarasutāc chrutvā sā divyakanyakā / tam uvācaivamevaitatsaṃśayo nātra vidyate
Sanskrit only: no published translation is held for this verse.
अभिप्रायश् च विज्ञातो मयैवंवादिनस्तव । तदिमाम् अपिमत्तस्त्वमार्यपुत्र कथां शृणु
abhiprāyaś ca vijñāto mayaivaṃvādinastava / tadimām apimattastvamāryaputra kathāṃ śṛṇu
Sanskrit only: no published translation is held for this verse.
शूरदत्ताभिधानो ऽभूत् कान्यकुब्जे द्विजोत्तमः । महीपतेर् बाहुशक्तेर् मान्यो ग्रामशतेश्वरः
śūradattābhidhāno 'bhūt kānyakubje dvijottamaḥ / mahīpater bāhuśakter mānyo grāmaśateśvaraḥ
Sanskrit only: no published translation is held for this verse.
भार्या वसुमती नाम तस्यासीत्पतिदेवता । तस्यां स वामदत्ताख्यं भव्यं पुत्रमजीजनत्
bhāryā vasumatī nāma tasyāsītpatidevatā / tasyāṃ sa vāmadattākhyaṃ bhavyaṃ putramajījanat
Sanskrit only: no published translation is held for this verse.
स वामदत्तो नचिरात्सर्वविद्यासु शिक्षितः । भार्यां शशिप्रभां नाम परिणिन्ये पितृप्रियः
sa vāmadatto nacirātsarvavidyāsu śikṣitaḥ / bhāryāṃ śaśiprabhāṃ nāma pariṇinye pitṛpriyaḥ
Sanskrit only: no published translation is held for this verse.
कालेन पितरि स्वर्गं भार्ययानुगते गते । प्रावर्तत च गार्हस्थ्ये स तया भार्यया सह
kālena pitari svargaṃ bhāryayānugate gate / prāvartata ca gārhasthye sa tayā bhāryayā saha
Sanskrit only: no published translation is held for this verse.
सा च तस्याभवद्भार्या स्वेच्छाचारिण्यजानतः । दैवात् कुतश्चित् संप्राप्तशाकिनीसिद्धिसंवरा
sā ca tasyābhavadbhāryā svecchācāriṇyajānataḥ / daivāt kutaścit saṃprāptaśākinīsiddhisaṃvarā
Sanskrit only: no published translation is held for this verse.
एकदा राजसेवार्थं स्थितस् तत्कटके च सः । गृहादेत्य पितृव्येन निजेन जगदे रहः
ekadā rājasevārthaṃ sthitas tatkaṭake ca saḥ / gṛhādetya pitṛvyena nijena jagade rahaḥ
Sanskrit only: no published translation is held for this verse.
नष्टमस्मत्कुलं पुत्र यतो भार्या मया तव । दृष्टा महिषपालेन त्वदीयेनैव संगता
naṣṭamasmatkulaṃ putra yato bhāryā mayā tava / dṛṣṭā mahiṣapālena tvadīyenaiva saṃgatā
Sanskrit only: no published translation is held for this verse.
एतत् पितृव्याद् आकर्ण्य कटके तं निवेश्य च । स वामदत्तः खड्गैकसखः स्वगृहमाययौ
etat pitṛvyād ākarṇya kaṭake taṃ niveśya ca / sa vāmadattaḥ khaḍgaikasakhaḥ svagṛhamāyayau
Sanskrit only: no published translation is held for this verse.
तत्र गुप्तं स्थितो यावत् पुष्पारामे प्रविश्य सः । नक्तमागात्स तत्रैव तावन्महिषपालकः
tatra guptaṃ sthito yāvat puṣpārāme praviśya saḥ / naktamāgātsa tatraiva tāvanmahiṣapālakaḥ
Sanskrit only: no published translation is held for this verse.
क्षणाच् च तम् उपागात्सा तत्रोपपतिमुत्सुका । तद्भार्या विविधाहारहस्ता महिषपालकम्
kṣaṇāc ca tam upāgātsā tatropapatimutsukā / tadbhāryā vividhāhārahastā mahiṣapālakam
Sanskrit only: no published translation is held for this verse.
ततो भुक्तवता तेन साकं सा शस्यनं ययौ । तद्दृष्ट्वा वामदत्तो ऽसौ सो ऽभ्यधावदुदायुधः
tato bhuktavatā tena sākaṃ sā śasyanaṃ yayau / taddṛṣṭvā vāmadatto 'sau so 'bhyadhāvadudāyudhaḥ
Sanskrit only: no published translation is held for this verse.
आः पापौ गच्छथः क्वेति वदतस् तस्य गेहिनी । सा दृष्ट्वोत्थाय धिग्जाल्मेत्य् उक्त्वा धूलिं मुखे न्यधात्
āḥ pāpau gacchathaḥ kveti vadatas tasya gehinī / sā dṛṣṭvotthāya dhigjālmety uktvā dhūliṃ mukhe nyadhāt
Sanskrit only: no published translation is held for this verse.
तदा स मानुषो ऽप्याशु महिषः समपद्यत । वामदत्तः स्मृतिस्त्वस्य तद्भावे न व्यलुप्यत
tadā sa mānuṣo 'pyāśu mahiṣaḥ samapadyata / vāmadattaḥ smṛtistvasya tadbhāve na vyalupyata
Sanskrit only: no published translation is held for this verse.
ततो महिषमध्ये सा निक्षिप्य लगुडैः शठा । भार्या महिषपालेन ताडयाम् आस तेन तम्
tato mahiṣamadhye sā nikṣipya laguḍaiḥ śaṭhā / bhāryā mahiṣapālena tāḍayām āsa tena tam
Sanskrit only: no published translation is held for this verse.
तदैव तं च कस्यापि वणिजो महिषार्थिनः । विक्रीणीते स्म सा क्रूरा तिर्यक्त्वविवशीकृतम्
tadaiva taṃ ca kasyāpi vaṇijo mahiṣārthinaḥ / vikrīṇīte sma sā krūrā tiryaktvavivaśīkṛtam
Sanskrit only: no published translation is held for this verse.
तेनारोपितभारो ऽथ महिषीभावपीडितः । स वामदत्तो नीतो ऽभूद्ग्रामं गङ्गासमीपगम्
tenāropitabhāro 'tha mahiṣībhāvapīḍitaḥ / sa vāmadatto nīto 'bhūdgrāmaṃ gaṅgāsamīpagam
Sanskrit only: no published translation is held for this verse.
विश्वस् तस्य गृहे भार्या सुदुर्वृत्ताप्यतर्किता । कक्षान्तरप्रविष्टेव भुजगी कस्य शर्मणे
viśvas tasya gṛhe bhāryā sudurvṛttāpyatarkitā / kakṣāntarapraviṣṭeva bhujagī kasya śarmaṇe
Sanskrit only: no published translation is held for this verse.
इति तं चिन्तयन्तं च तत्रोद्वाष्पं सुदुःखितम् । भारक्लेशास्थिशेषाङ्गमपश्यत्कापि योगिनी
iti taṃ cintayantaṃ ca tatrodvāṣpaṃ suduḥkhitam / bhārakleśāsthiśeṣāṅgamapaśyatkāpi yoginī
Sanskrit only: no published translation is held for this verse.
सा बुद्ध्वा ज्ञानतः सर्वं तद्वृत्तान्तं कृपाकुला । मन्त्रतोयेन सिक्त्वा तं महिषत्वादमोचयत्
sā buddhvā jñānataḥ sarvaṃ tadvṛttāntaṃ kṛpākulā / mantratoyena siktvā taṃ mahiṣatvādamocayat
Sanskrit only: no published translation is held for this verse.
प्राप्तमानुषरूपाय सैव नीत्वा निजं गृहम् । तस्मै कान्तिमतीं नाम कन्यां दुहितरं ददौ
prāptamānuṣarūpāya saiva nītvā nijaṃ gṛham / tasmai kāntimatīṃ nāma kanyāṃ duhitaraṃ dadau
Sanskrit only: no published translation is held for this verse.
एभिर् आहत्य दुर्भार्यामाद्यां तां वडवां कुरु । इत्य् उक्त्वा प्रददौ चास्मै सर्षपानभिमन्त्रितान्
ebhir āhatya durbhāryāmādyāṃ tāṃ vaḍavāṃ kuru / ity uktvā pradadau cāsmai sarṣapānabhimantritān
Sanskrit only: no published translation is held for this verse.
ततः स तां कान्तिमतीं भार्यामादाय नूतनाम् । स्वगृहं वामदत्तस्तदाजगाम ससर्षपः
tataḥ sa tāṃ kāntimatīṃ bhāryāmādāya nūtanām / svagṛhaṃ vāmadattastadājagāma sasarṣapaḥ
Sanskrit only: no published translation is held for this verse.
हत्वा महिषपालं तं तत्र कृत्वा च सर्षपैः । वडवामाद्यभार्यां तां शालाबद्धां व्यधत्त सः
hatvā mahiṣapālaṃ taṃ tatra kṛtvā ca sarṣapaiḥ / vaḍavāmādyabhāryāṃ tāṃ śālābaddhāṃ vyadhatta saḥ
Sanskrit only: no published translation is held for this verse.
दत्त्वा च प्रत्यहं तस्यै लगुडाहतिसप्तकम् । स चक्रे भोजनं बद्धप्रतिज्ञो वैरशुद्धये
dattvā ca pratyahaṃ tasyai laguḍāhatisaptakam / sa cakre bhojanaṃ baddhapratijño vairaśuddhaye
Sanskrit only: no published translation is held for this verse.
एवं तत्र स्थितस्यास्य कान्तिमत्या समं पुनः । भार्यया वामदत्तस्य को ऽप्यागादतिथिर्गृहे
evaṃ tatra sthitasyāsya kāntimatyā samaṃ punaḥ / bhāryayā vāmadattasya ko 'pyāgādatithirgṛhe
Sanskrit only: no published translation is held for this verse.
भोक्तुं तस्मिन् प्रवृत्ते च सो ऽभुक्त्वा निर्ययौ द्रुतम् । वामदत्तः स्मृतादत्तकुभार्यालगुडाहतिः
bhoktuṃ tasmin pravṛtte ca so 'bhuktvā niryayau drutam / vāmadattaḥ smṛtādattakubhāryālaguḍāhatiḥ
Sanskrit only: no published translation is held for this verse.
दत्त्वा च तस्यै वडवारूपायै लगुडाहतीः । नियतास् ताः प्रविश्यात्र बुभुजे जातनिर्वृतिः
dattvā ca tasyai vaḍavārūpāyai laguḍāhatīḥ / niyatās tāḥ praviśyātra bubhuje jātanirvṛtiḥ
Sanskrit only: no published translation is held for this verse.
ततो ऽतिथिर् विस्मितः स तं पप्रच्छ सकौतुकः । त्यक्ताहारः क्व यातो ऽभूत्संभ्रमेण भवानिति
tato 'tithir vismitaḥ sa taṃ papraccha sakautukaḥ / tyaktāhāraḥ kva yāto 'bhūtsaṃbhrameṇa bhavāniti
Sanskrit only: no published translation is held for this verse.
ततः स वामदत्तो ऽत्र तस्मायतिथये ऽब्रवीत् । तमा मूलात्स्ववृत्तान्तमथ सो ऽपि तम् अभ्यधात्
tataḥ sa vāmadatto 'tra tasmāyatithaye 'bravīt / tamā mūlātsvavṛttāntamatha so 'pi tam abhyadhāt
Sanskrit only: no published translation is held for this verse.
दुर्ग्रहेण किम् एतेन पशुत्वं ते हृतं यया । ताम् एवाराध्य स्वश्वश्रूं पकर्षं कंचिद् आहर
durgraheṇa kim etena paśutvaṃ te hṛtaṃ yayā / tām evārādhya svaśvaśrūṃ pakarṣaṃ kaṃcid āhara
Sanskrit only: no published translation is held for this verse.
इत्य् उक्तो ऽतिथिना तेन वामदत्तस् तथेति तत् । श्रद्धाय सो ऽतिथिं प्रातः सत्कृत्य विससर्ज तम्
ity ukto 'tithinā tena vāmadattas tatheti tat / śraddhāya so 'tithiṃ prātaḥ satkṛtya visasarja tam
Sanskrit only: no published translation is held for this verse.
अथाकस्माद्गृहायातां श्वश्रूं तां सिद्धयोगिनीम् । अनुग्रहार्थी सो ऽभ्यर्च्य प्रार्थयाम् आस यत्नतः
athākasmādgṛhāyātāṃ śvaśrūṃ tāṃ siddhayoginīm / anugrahārthī so 'bhyarcya prārthayām āsa yatnataḥ
Sanskrit only: no published translation is held for this verse.
साथ योगेश्वरी तस्मै सभार्याय यथाविधि । कालसंकर्षिणीं विद्यां दीक्षापूर्वम् उपादिशत्
sātha yogeśvarī tasmai sabhāryāya yathāvidhi / kālasaṃkarṣiṇīṃ vidyāṃ dīkṣāpūrvam upādiśat
Sanskrit only: no published translation is held for this verse.
ततः श्रीपर्वतं गत्वा स विद्यां तामसाधयत् । सा च सिद्धा सती साक्षात्तस्मै खड्गोत्तमं ददौ
tataḥ śrīparvataṃ gatvā sa vidyāṃ tāmasādhayat / sā ca siddhā satī sākṣāttasmai khaḍgottamaṃ dadau
Sanskrit only: no published translation is held for this verse.
प्राप्तखड्गश् च संपन्नः स तया भार्यया सह । कान्तिमत्या कृती वामदत्तो विद्याधरोत्तमः
prāptakhaḍgaś ca saṃpannaḥ sa tayā bhāryayā saha / kāntimatyā kṛtī vāmadatto vidyādharottamaḥ
Sanskrit only: no published translation is held for this verse.
ततो रजतकूटाख्ये शृङ्गे मलयभूभृतः । कृतं पुरवरं तेन निजसिद्धिप्रभावतः
tato rajatakūṭākhye śṛṅge malayabhūbhṛtaḥ / kṛtaṃ puravaraṃ tena nijasiddhiprabhāvataḥ
Sanskrit only: no published translation is held for this verse.
ततो विद्याधरेन्द्रस्य तत्र कालेन कन्यका । तस्यां पत्न्यां समुत्पन्ना नाम्ना ललितलोचना
tato vidyādharendrasya tatra kālena kanyakā / tasyāṃ patnyāṃ samutpannā nāmnā lalitalocanā
Sanskrit only: no published translation is held for this verse.
जातमात्रैव या विद्याधरसच्चक्रवर्तिनः । भार्या भवित्री निर्दिष्टा गगनोद्भूतया गिरा
jātamātraiva yā vidyādharasaccakravartinaḥ / bhāryā bhavitrī nirdiṣṭā gaganodbhūtayā girā
Sanskrit only: no published translation is held for this verse.
तामार्यपुत्र मां विद्धि विदितार्थां स्वविद्यया । अनुरक्तां तवानेत्रीमस्मिन्स्वे मलयाचले
tāmāryaputra māṃ viddhi viditārthāṃ svavidyayā / anuraktāṃ tavānetrīmasminsve malayācale
Sanskrit only: no published translation is held for this verse.
इत्याख्यातकुलां तां बुद्ध्वा विद्याधरीं स बहु मेने । नरवाहनदत्तो ऽथ प्रीतमना ललितलोचनां भार्याम्
ityākhyātakulāṃ tāṃ buddhvā vidyādharīṃ sa bahu mene / naravāhanadatto 'tha prītamanā lalitalocanāṃ bhāryām
Sanskrit only: no published translation is held for this verse.
आस्त च तत्र तया सह संप्रति तं चास्य वत्सराजाद्याः । रत्नप्रभादिविद्याविभवाद्वृत्तान्तम् अधिजग्मुः
āsta ca tatra tayā saha saṃprati taṃ cāsya vatsarājādyāḥ / ratnaprabhādividyāvibhavādvṛttāntam adhijagmuḥ
Sanskrit only: no published translation is held for this verse.