Somadeva: Kathasaritsagara 12.2

उपयच्छस्व तां पूर्वभार्यामद्यैव भूपते । इत्य् उक्तो मुनिना सो ऽपि पुष्कराक्षो व्यचिन्तयत्

upayacchasva tāṃ pūrvabhāryāmadyaiva bhūpate / ity ukto muninā so 'pi puṣkarākṣo vyacintayat

Sanskrit only: no published translation is held for this verse.

दिष्ट्या मुनिः स एवायं विजितासुस्तदेव च । वनमेतद्ध्रुवं देव्या तारितो ऽहं महार्णवम्फ़्

diṣṭyā muniḥ sa evāyaṃ vijitāsustadeva ca / vanametaddhruvaṃ devyā tārito 'haṃ mahārṇavamf

Sanskrit only: no published translation is held for this verse.

चित्रं च पूर्वभार्यैषा ममोक्ता मुनिनामुना । इत्यालोच्यैव हृष्टस्तं स पप्रच्छ मुनिं नृपः

citraṃ ca pūrvabhāryaiṣā mamoktā munināmunā / ityālocyaiva hṛṣṭastaṃ sa papraccha muniṃ nṛpaḥ

Sanskrit only: no published translation is held for this verse.

भगवन् पूर्वभार्यैषा कथं मे कथ्यताम् इति । ततो जगाद स मुनिः श्रूयतां यदि कौतुकम्

bhagavan pūrvabhāryaiṣā kathaṃ me kathyatām iti / tato jagāda sa muniḥ śrūyatāṃ yadi kautukam

Sanskrit only: no published translation is held for this verse.

बभूव धर्मसेनाख्यस् ताम्रलिप्त्यां पुरा वणिक् । विद्युल्लेखेति नाम्ना च भार्या तस्याभवच्छुभा

babhūva dharmasenākhyas tāmraliptyāṃ purā vaṇik / vidyullekheti nāmnā ca bhāryā tasyābhavacchubhā

Sanskrit only: no published translation is held for this verse.

स दैवान्मुषितश्चौरैः शस्त्रैश्चाभ्याहतो वणिक् । मुमूर्षुर्निरगाद्वह्निं प्रवेष्टुं भार्यया सह

sa daivānmuṣitaścauraiḥ śastraiścābhyāhato vaṇik / mumūrṣurniragādvahniṃ praveṣṭuṃ bhāryayā saha

Sanskrit only: no published translation is held for this verse.

अपश्यतामकस्माच् च तावुभावपि दंपती । आकाशेनागतं हंसमिथुनं रुचिराकृति

apaśyatāmakasmāc ca tāvubhāvapi daṃpatī / ākāśenāgataṃ haṃsamithunaṃ rucirākṛti

Sanskrit only: no published translation is held for this verse.

ततस् तद्गतचित्तौ तौ प्रविश्य दहनं मृतौ । राजहंसौ समुत्पन्नौ पुनर्भार्यापती उभौ

tatas tadgatacittau tau praviśya dahanaṃ mṛtau / rājahaṃsau samutpannau punarbhāryāpatī ubhau

Sanskrit only: no published translation is held for this verse.

कदाचित्तौ च वर्षासु रात्रौ खर्जूरपादपे । नीडस्थितौ तमुन्मूल्य तरुं वात्या व्ययूयुजत्

kadācittau ca varṣāsu rātrau kharjūrapādape / nīḍasthitau tamunmūlya taruṃ vātyā vyayūyujat

Sanskrit only: no published translation is held for this verse.

प्रातः स हंसस् तां हंसीं चिन्वञ् शान्ते प्रभञ्जने । सरःस्व् अथ दिगन्तेषु न कुतश्चिद् अवाप्तवान्

prātaḥ sa haṃsas tāṃ haṃsīṃ cinvañ śānte prabhañjane / saraḥsv atha diganteṣu na kutaścid avāptavān

Sanskrit only: no published translation is held for this verse.

ततस् तत्कालसंसेव्यं हंसानां मानसं सरः । स्मरार्तः स ययौ हंस्या जनिताशो ऽन्यया पथि

tatas tatkālasaṃsevyaṃ haṃsānāṃ mānasaṃ saraḥ / smarārtaḥ sa yayau haṃsyā janitāśo 'nyayā pathi

Sanskrit only: no published translation is held for this verse.

तत्र तां प्राप्य हंसीं स्वां नीत्वा च जलदागमम् । गिरिशृङ्गं जगामैकं विहर्तुं स तया सह

tatra tāṃ prāpya haṃsīṃ svāṃ nītvā ca jaladāgamam / giriśṛṅgaṃ jagāmaikaṃ vihartuṃ sa tayā saha

Sanskrit only: no published translation is held for this verse.

तत्र तस्य हतां हंसीं मृताम् आदाय वीक्ष्य च । दूरान् मार्गागतान् कांश्चित् पुरुषान् सायुधान् बहून्

tatra tasya hatāṃ haṃsīṃ mṛtām ādāya vīkṣya ca / dūrān mārgāgatān kāṃścit puruṣān sāyudhān bahūn

Sanskrit only: no published translation is held for this verse.

लुब्धकस् तां हतां हंसीं मृताम् आदाय वीक्ष्य च । दूरान् मार्गागतान् कांश्चित् पुरुषान् सायुधान् बहून्

lubdhakas tāṃ hatāṃ haṃsīṃ mṛtām ādāya vīkṣya ca / dūrān mārgāgatān kāṃścit puruṣān sāyudhān bahūn

Sanskrit only: no published translation is held for this verse.

द्रुतं छुरिकया छिन्नैस्तामाच्छाद्य तृणैर् भुवि । हंसीं न्यधाद्विलोक्यैतां हरेयुर्जात्वमी इति

drutaṃ churikayā chinnaistāmācchādya tṛṇair bhuvi / haṃsīṃ nyadhādvilokyaitāṃ hareyurjātvamī iti

Sanskrit only: no published translation is held for this verse.

गतेषु तेषु पुरुषेषूपगम्य जिघृक्षतः । लुब्धकस्योद्धृततृणा हंसी सा तस्य पश्यतः

gateṣu teṣu puruṣeṣūpagamya jighṛkṣataḥ / lubdhakasyoddhṛtatṛṇā haṃsī sā tasya paśyataḥ

Sanskrit only: no published translation is held for this verse.

तत्तृणान्तर्निकृत्ताया मृतसंजीवनौषधेः । रसेन जीवितं प्राप्य खमुत्पत्य ततो ययौ

tattṛṇāntarnikṛttāyā mṛtasaṃjīvanauṣadheḥ / rasena jīvitaṃ prāpya khamutpatya tato yayau

Sanskrit only: no published translation is held for this verse.

तावत् स हंसस् तद्भर्ता गत्वैकस्मिन्सरस्तटे । मूढो ऽपतद् धंसयूथे पश्यंस्ताम् एव तन्मनाः

tāvat sa haṃsas tadbhartā gatvaikasminsarastaṭe / mūḍho 'patad dhaṃsayūthe paśyaṃstām eva tanmanāḥ

Sanskrit only: no published translation is held for this verse.

तत्क्षणं धीवरः कोऽपि क्षिप्त्वा जालं निबध्य तान् । हंसान्सर्वानुपाविक्षदाहारार्थं किल क्षणात्

tatkṣaṇaṃ dhīvaraḥ ko'pi kṣiptvā jālaṃ nibadhya tān / haṃsānsarvānupāvikṣadāhārārthaṃ kila kṣaṇāt

Sanskrit only: no published translation is held for this verse.

तावच् चागत्य तत्रैव सा हंसी चिन्वती पतिम् । ददर्श जालबद्धं तं दिशश्चार्ता व्यलोकयत्

tāvac cāgatya tatraiva sā haṃsī cinvatī patim / dadarśa jālabaddhaṃ taṃ diśaścārtā vyalokayat

Sanskrit only: no published translation is held for this verse.

ततः स्नातुं प्रवृत्तेन केनाप्यत्र सरस्तटे । पुंसा वस्त्रोपरि न्यस्तामपश्यद्रत्नकण्ठिकाम्

tataḥ snātuṃ pravṛttena kenāpyatra sarastaṭe / puṃsā vastropari nyastāmapaśyadratnakaṇṭhikām

Sanskrit only: no published translation is held for this verse.

गत्वा चापश्यतस् तस्य तां गृहीत्वैव कण्ठिकाम् । दाशाय दर्शयन्ती सा तस्मै व्योम्ना शनैर् ययौ

gatvā cāpaśyatas tasya tāṃ gṛhītvaiva kaṇṭhikām / dāśāya darśayantī sā tasmai vyomnā śanair yayau

Sanskrit only: no published translation is held for this verse.

दाशो ऽपि सो ऽन्वधावत् तां दृष्ट्वा चञ्च्वात्तकण्ठिकाम् । हंसीं गृहीतलगुडः पक्षिजालं विहाय तत्

dāśo 'pi so 'nvadhāvat tāṃ dṛṣṭvā cañcvāttakaṇṭhikām / haṃsīṃ gṛhītalaguḍaḥ pakṣijālaṃ vihāya tat

Sanskrit only: no published translation is held for this verse.

हंसी च गत्वा शैलाग्रे दूरे तां कण्ठिकां न्यधात् । धीवरो ऽपि स तल्लोभात्तत्रारोढुं प्रचक्रमे

haṃsī ca gatvā śailāgre dūre tāṃ kaṇṭhikāṃ nyadhāt / dhīvaro 'pi sa tallobhāttatrāroḍhuṃ pracakrame

Sanskrit only: no published translation is held for this verse.

तद् दृष्ट्वा सा द्रुतं गत्वा हंसी पत्युः समीपगे । बद्धस्य वृक्षे संसुप्तं कपिं चञ्च्वाक्ष्ण्य् अताडयत्

tad dṛṣṭvā sā drutaṃ gatvā haṃsī patyuḥ samīpage / baddhasya vṛkṣe saṃsuptaṃ kapiṃ cañcvākṣṇy atāḍayat

Sanskrit only: no published translation is held for this verse.

स कपिस्ताडितस्त्रस्तः पतित्वोपर्यपाटयत् । जालं तत्तेन निर्जग्मुर्हंसाः सर्वे ऽपि ते ततः

sa kapistāḍitastrastaḥ patitvoparyapāṭayat / jālaṃ tattena nirjagmurhaṃsāḥ sarve 'pi te tataḥ

Sanskrit only: no published translation is held for this verse.

अथ तौ संगतावुक्तस्ववृत्तान्तौ परस्परम् । हंसौ भार्यापती हृष्टौ यथाकामं विजह्रतुः

atha tau saṃgatāvuktasvavṛttāntau parasparam / haṃsau bhāryāpatī hṛṣṭau yathākāmaṃ vijahratuḥ

Sanskrit only: no published translation is held for this verse.

दाशं तं चागतं प्राप्तकण्ठिकं पक्षिलोभतः । लेभे ऽत्र स पुमांश् चिन्वन् हृता सा यस्य कण्ठिका

dāśaṃ taṃ cāgataṃ prāptakaṇṭhikaṃ pakṣilobhataḥ / lebhe 'tra sa pumāṃś cinvan hṛtā sā yasya kaṇṭhikā

Sanskrit only: no published translation is held for this verse.

स भीतिसूचितस्यास्य हस्तात्संप्राप्य कण्ठिकाम् । दाशस्य दक्षिणं पाणिं पुमांश्छुरिकयाच्छिनत्

sa bhītisūcitasyāsya hastātsaṃprāpya kaṇṭhikām / dāśasya dakṣiṇaṃ pāṇiṃ pumāṃśchurikayācchinat

Sanskrit only: no published translation is held for this verse.

तौ चापि जातु हंसौ द्वौ छत्तीकृत्यैकमम्बुजम् । मध्याह्नकाले सरसः प्रोत्थाय व्योम्नि चेरतुः

tau cāpi jātu haṃsau dvau chattīkṛtyaikamambujam / madhyāhnakāle sarasaḥ protthāya vyomni ceratuḥ

Sanskrit only: no published translation is held for this verse.

क्षणाच् च नद्याः कस्याश्चित्खगौ तौ तीरमापतुः । मुनिनाध्यासितं केनाप्यर्चाव्यग्रेण धूर्जटेः

kṣaṇāc ca nadyāḥ kasyāścitkhagau tau tīramāpatuḥ / muninādhyāsitaṃ kenāpyarcāvyagreṇa dhūrjaṭeḥ

Sanskrit only: no published translation is held for this verse.

तत्र व्याधेन केनापि यान्तौ तौ सह दंपती । हतावेकेन युगपच्छरेण भुवि पेततुः

tatra vyādhena kenāpi yāntau tau saha daṃpatī / hatāvekena yugapacchareṇa bhuvi petatuḥ

Sanskrit only: no published translation is held for this verse.

आतपत्राम्बुजं तच् च तदीयमपतत्तदा । मुनेरर्चयतस् तस्य शिवलिङ्गस्य मूर्धनि

ātapatrāmbujaṃ tac ca tadīyamapatattadā / munerarcayatas tasya śivaliṅgasya mūrdhani

Sanskrit only: no published translation is held for this verse.

ततो व्याधः स दृष्ट्वा तौ हंसं स्वीकृत्य हंसिकाम् । तां ददौ मुनये तस्मै सो ऽप्यानर्च शिवं तया

tato vyādhaḥ sa dṛṣṭvā tau haṃsaṃ svīkṛtya haṃsikām / tāṃ dadau munaye tasmai so 'pyānarca śivaṃ tayā

Sanskrit only: no published translation is held for this verse.

तल्लिङ्गमूर्ध्नि स्रस् तस्य तस्याब्जस्य प्रभावतः । स पुष्कराक्ष हंसस्त्वं जातो राजन्वये ऽधुना

talliṅgamūrdhni sras tasya tasyābjasya prabhāvataḥ / sa puṣkarākṣa haṃsastvaṃ jāto rājanvaye 'dhunā

Sanskrit only: no published translation is held for this verse.

हंसी च सैषा विनयवती विद्याधरान्वये । जाता विशेषतो ह्य् अस्या मांसैर् अभ्यर्चितो हरः

haṃsī ca saiṣā vinayavatī vidyādharānvaye / jātā viśeṣato hy asyā māṃsair abhyarcito haraḥ

Sanskrit only: no published translation is held for this verse.

इत्थं ते पूर्वभार्यासाव् इत्य् उक्तो विजितासुना । मुनिना पुष्कराक्षः स राजा तं पुनर् अब्रवीत्

itthaṃ te pūrvabhāryāsāv ity ukto vijitāsunā / muninā puṣkarākṣaḥ sa rājā taṃ punar abravīt

Sanskrit only: no published translation is held for this verse.

कथम् अग्निप्रवेशस्य तस्याघौघविघातिनः । पक्षियोनाव् अभूज् जन्म भगवन् फलम् आवयोः

katham agnipraveśasya tasyāghaughavighātinaḥ / pakṣiyonāv abhūj janma bhagavan phalam āvayoḥ

Sanskrit only: no published translation is held for this verse.

इत्य् उक्तवन्तं राजानं तं स प्रत्यब्रवीन्मुनिः । यद्भावितात्मा म्रियते जन्तूस्तद्रूपमश्नुते

ity uktavantaṃ rājānaṃ taṃ sa pratyabravīnmuniḥ / yadbhāvitātmā mriyate jantūstadrūpamaśnute

Sanskrit only: no published translation is held for this verse.

तथा ह्युज्जयिनीपुर्यां नैष्ठिकी ब्रह्मचारिणी । लावण्यमञ्जरी नाम कुमारी ब्राह्मणी पुरा

tathā hyujjayinīpuryāṃ naiṣṭhikī brahmacāriṇī / lāvaṇyamañjarī nāma kumārī brāhmaṇī purā

Sanskrit only: no published translation is held for this verse.

युवानं ब्राह्मणं दृष्ट्वा कमलोदयसंज्ञकम् । सहसा तद्गतस्वान्ता दह्यमाना स्मराग्निना

yuvānaṃ brāhmaṇaṃ dṛṣṭvā kamalodayasaṃjñakam / sahasā tadgatasvāntā dahyamānā smarāgninā

Sanskrit only: no published translation is held for this verse.

अमुञ्चन्ती स्वनियमं तद्भोगध्यानभाविता । गत्वा गन्धवतीतीरं तीर्थे तत्याज जीवितम्

amuñcantī svaniyamaṃ tadbhogadhyānabhāvitā / gatvā gandhavatītīraṃ tīrthe tatyāja jīvitam

Sanskrit only: no published translation is held for this verse.

तया भावनया किं न जाताभूद्भोगसंगिनी । नगर्यामेकलव्यायां वेश्या रूपवतीति सा

tayā bhāvanayā kiṃ na jātābhūdbhogasaṃginī / nagaryāmekalavyāyāṃ veśyā rūpavatīti sā

Sanskrit only: no published translation is held for this verse.

तीर्थव्रतप्रभावाच् च सैव जातिस्मरा सती । प्रसङ्गाच्चोडकर्णाय जापकाय द्विजन्मने

tīrthavrataprabhāvāc ca saiva jātismarā satī / prasaṅgāccoḍakarṇāya jāpakāya dvijanmane

Sanskrit only: no published translation is held for this verse.

स्वपूर्वजन्मवृत्तान्तरहस्यं तदवर्णयत् । जपकर्मैकचित्तत्वे कुर्वाणस्यानुशासनम्

svapūrvajanmavṛttāntarahasyaṃ tadavarṇayat / japakarmaikacittatve kurvāṇasyānuśāsanam

Sanskrit only: no published translation is held for this verse.

अन्ते च शुद्धसंकल्पा ययौ वेश्यापि सद्गतिम् । तद्राजन्यो ऽत्र यच्चित्तस्तन्मयत्वम् उपैति सः

ante ca śuddhasaṃkalpā yayau veśyāpi sadgatim / tadrājanyo 'tra yaccittastanmayatvam upaiti saḥ

Sanskrit only: no published translation is held for this verse.

एवम् उक्त्वा स राजानं स्नानाय विससर्ज तम् । मुनिर्मध्याह्नसवनं स्वयं च निरवर्तयत्

evam uktvā sa rājānaṃ snānāya visasarja tam / munirmadhyāhnasavanaṃ svayaṃ ca niravartayat

Sanskrit only: no published translation is held for this verse.

राजा स पुष्कराक्षो ऽपि गतो वननदीतटम् । तां ददर्शात्र विनयवतीं पुष्पाणि चिन्वतीम्

rājā sa puṣkarākṣo 'pi gato vananadītaṭam / tāṃ dadarśātra vinayavatīṃ puṣpāṇi cinvatīm

Sanskrit only: no published translation is held for this verse.

भासमानां स्ववपुषा प्रभाम् इव विवस्वतः । अदृष्टपूर्वं गहनं प्रविष्टां कौतुकाद्वनम्

bhāsamānāṃ svavapuṣā prabhām iva vivasvataḥ / adṛṣṭapūrvaṃ gahanaṃ praviṣṭāṃ kautukādvanam

Sanskrit only: no published translation is held for this verse.

केयं स्यादिति यावच् च स चिन्तयति सोत्सुकः । तावत्कथां निषण्णा सा विस्रब्धामवदत्सखीम्

keyaṃ syāditi yāvac ca sa cintayati sotsukaḥ / tāvatkathāṃ niṣaṇṇā sā visrabdhāmavadatsakhīm

Sanskrit only: no published translation is held for this verse.

सखि विद्याधरो यो मां हर्तुमैच्छत्पुरा स मे । आगत्य शापमुक्तो ऽद्य भर्तृप्राप्तिमिहोक्तवान्

sakhi vidyādharo yo māṃ hartumaicchatpurā sa me / āgatya śāpamukto 'dya bhartṛprāptimihoktavān

Sanskrit only: no published translation is held for this verse.

तच् छ्रुत्वा प्रत्यवोचत्तां सा सखी मुनिकन्यकाम् । अस्त्येतन्मयि शृण्वत्यां मुञ्जकेशो ऽद्य हि प्रगे

tac chrutvā pratyavocattāṃ sā sakhī munikanyakām / astyetanmayi śṛṇvatyāṃ muñjakeśo 'dya hi prage

Sanskrit only: no published translation is held for this verse.

इत्थमुक्तो निजः शिष्यो मुनिना विजितासुना । गच्छ तारावलीरङ्कुमालिनावानय द्रुतम्

itthamukto nijaḥ śiṣyo muninā vijitāsunā / gaccha tārāvalīraṅkumālināvānaya drutam

Sanskrit only: no published translation is held for this verse.

कामं विनयवत्या हि वत्सेह दुहितुस्तयोः । राज्ञश् च पुष्कराक्षस्य विवाहो ऽद्य भविष्यति

kāmaṃ vinayavatyā hi vatseha duhitustayoḥ / rājñaś ca puṣkarākṣasya vivāho 'dya bhaviṣyati

Sanskrit only: no published translation is held for this verse.

इत्य् उक्तो गुरुणा मुञ्जकेशो यातस् तथेति सः । अत एह्याश्रमपदं गच्छावः सखि संप्रति

ity ukto guruṇā muñjakeśo yātas tatheti saḥ / ata ehyāśramapadaṃ gacchāvaḥ sakhi saṃprati

Sanskrit only: no published translation is held for this verse.

एवं तयोक्ते विनयवती साथ ततो ययौ । पुष्कराक्षश् च शुश्राव स तद्दूरादलक्षितः

evaṃ tayokte vinayavatī sātha tato yayau / puṣkarākṣaś ca śuśrāva sa taddūrādalakṣitaḥ

Sanskrit only: no published translation is held for this verse.

ज्वलत्कामाग्निसंतापादिव नद्यां निमज्ज्य च । जगाम विजितासोस्तमाश्रमं स पुनर्नृपः

jvalatkāmāgnisaṃtāpādiva nadyāṃ nimajjya ca / jagāma vijitāsostamāśramaṃ sa punarnṛpaḥ

Sanskrit only: no published translation is held for this verse.

तत्र तारावलीर् अङ्कुमालिनौ तौ समागतौ । आनर्चतुस्तं प्रणतं परिवव्रुश् च तापसाः

tatra tārāvalīr aṅkumālinau tau samāgatau / ānarcatustaṃ praṇataṃ parivavruś ca tāpasāḥ

Sanskrit only: no published translation is held for this verse.

ततो वेद्यां स्वतेजोभिर् भासितायां महर्षिणा । द्वितीयेनेव मूर्तेन वह्निना विजितासुना

tato vedyāṃ svatejobhir bhāsitāyāṃ maharṣiṇā / dvitīyeneva mūrtena vahninā vijitāsunā

Sanskrit only: no published translation is held for this verse.

तस्मै स राज्ञे विनयवतीं तां प्रत्यपादयत् । रङ्कुमाली ददौ चास्मै रथं दिव्यं नभश्चरम्

tasmai sa rājñe vinayavatīṃ tāṃ pratyapādayat / raṅkumālī dadau cāsmai rathaṃ divyaṃ nabhaścaram

Sanskrit only: no published translation is held for this verse.

चतुः समुद्रां पृथिवीं प्रशाधि सममेतया । इत्येतस्मै वरं चादाद्विजितासुर्महामुनिः

catuḥ samudrāṃ pṛthivīṃ praśādhi samametayā / ityetasmai varaṃ cādādvijitāsurmahāmuniḥ

Sanskrit only: no published translation is held for this verse.

अथैष तदनुज्ञया नववधूम् उपादाय तां नृपो गगनगामिनं तमधिरुह्य दिव्यं रथम् । विलङ्घ्य च पयोनिधिं सपदि पुष्कराक्षस्ततो जगाम नगरीं निजां प्रकृतिनेत्रचन्द्रोदयः

athaiṣa tadanujñayā navavadhūm upādāya tāṃ nṛpo gaganagāminaṃ tamadhiruhya divyaṃ ratham / vilaṅghya ca payonidhiṃ sapadi puṣkarākṣastato jagāma nagarīṃ nijāṃ prakṛtinetracandrodayaḥ

Sanskrit only: no published translation is held for this verse.

तत्र च जित्वा पृथिवीं रथप्रभावादवाप्तसाम्राज्यः । आस्ते स्म विनयवत्या सहितो भोगांश्चिराय भुञ्जानः

tatra ca jitvā pṛthivīṃ rathaprabhāvādavāptasāmrājyaḥ / āste sma vinayavatyā sahito bhogāṃścirāya bhuñjānaḥ

Sanskrit only: no published translation is held for this verse.

इत्थं सुदुष्करम् अपिस्वरसेन कार्यं सिद्ध्यत्यनुग्रहवतीष्विह देवतासु । तत्स्वप्नदृष्टगिरिजादयितप्रसादात् सेत्स्यत्य् अभीष्टम् अचिरेण तवापि देव

itthaṃ suduṣkaram apisvarasena kāryaṃ siddhyatyanugrahavatīṣviha devatāsu / tatsvapnadṛṣṭagirijādayitaprasādāt setsyaty abhīṣṭam acireṇa tavāpi deva

Sanskrit only: no published translation is held for this verse.

एतां निशम्य स विचित्रकथाममात्याद् औत्सुक्यवानधिगमाय शशाङ्कवत्याः । राजात्मजः स्वसचिवैः सममुज्जयिन्यां बुद्धिं बबन्ध गमनाय मृगाङ्कदत्तः

etāṃ niśamya sa vicitrakathāmamātyād autsukyavānadhigamāya śaśāṅkavatyāḥ / rājātmajaḥ svasacivaiḥ samamujjayinyāṃ buddhiṃ babandha gamanāya mṛgāṅkadattaḥ

Sanskrit only: no published translation is held for this verse.