Library·Somadeva: Kathasaritsagara·14·14.1
प्रथमस् तरङ्गः । तुष्टेन येन देहार्धम् अप्य् उमायै समर्पितम् । स वो ददात्वभिमतं वरदः पार्वतीपतिः
prathamas taraṅgaḥ / tuṣṭena yena dehārdham apy umāyai samarpitam / sa vo dadātvabhimataṃ varadaḥ pārvatīpatiḥ
Sanskrit only: no published translation is held for this verse.
निशि विघ्नजितो वो ऽव्यात्ताण्डवोद्दण्डितः करः । शोणश्चन्द्रातपत्रस्य तन्वन्विद्रुमदण्डताम्
niśi vighnajito vo 'vyāttāṇḍavoddaṇḍitaḥ karaḥ / śoṇaścandrātapatrasya tanvanvidrumadaṇḍatām
Sanskrit only: no published translation is held for this verse.
ततो वत्सेश्वरसुतस् तास् तास् त्रैलोक्यसुन्दरीः । भार्या दधानस् तां चाद्यां देवीं मदनमञ्चुकाम्
tato vatseśvarasutas tās tās trailokyasundarīḥ / bhāryā dadhānas tāṃ cādyāṃ devīṃ madanamañcukām
Sanskrit only: no published translation is held for this verse.
नरवाहनदत्तो ऽत्र कौशाम्ब्यां गोमुखादिभिः । उवास सह संपूर्णकामः पितृविभूतिभिः
naravāhanadatto 'tra kauśāmbyāṃ gomukhādibhiḥ / uvāsa saha saṃpūrṇakāmaḥ pitṛvibhūtibhiḥ
Sanskrit only: no published translation is held for this verse.
तस्याभीष्टवधूसङ्गसुखामृतमनोरमाः । नृत्तगीतकथालापरम्यास्ते दिवसा ययुः
tasyābhīṣṭavadhūsaṅgasukhāmṛtamanoramāḥ / nṛttagītakathālāparamyāste divasā yayuḥ
Sanskrit only: no published translation is held for this verse.
अथैकदा स तामग्र्यां कान्तां मदनमञ्चुकाम् । न ददर्शावरोधान्तर्न वा परिजनं क्व चित्
athaikadā sa tāmagryāṃ kāntāṃ madanamañcukām / na dadarśāvarodhāntarna vā parijanaṃ kva cit
Sanskrit only: no published translation is held for this verse.
ताम् अनालोकयन् कान्तां स जगाम विवर्णताम् । रजनीविरहध्वस्तकान्तिर् इन्दुर् इवोषसि
tām anālokayan kāntāṃ sa jagāma vivarṇatām / rajanīvirahadhvastakāntir indur ivoṣasi
Sanskrit only: no published translation is held for this verse.
चित्तं जिज्ञासितुं किं नु च्छन्ना स्यात्क्वापि मे प्रिया । किं वापराधलेशात्सा कुतो ऽपि कुपितैव मे
cittaṃ jijñāsituṃ kiṃ nu cchannā syātkvāpi me priyā / kiṃ vāparādhaleśātsā kuto 'pi kupitaiva me
Sanskrit only: no published translation is held for this verse.
माययाच्छादिता केनाप्यथवापहृता नु किम् । इत्यनेकविकल्पौघविह्वलो ऽथ बभूव सः
māyayācchāditā kenāpyathavāpahṛtā nu kim / ityanekavikalpaughavihvalo 'tha babhūva saḥ
Sanskrit only: no published translation is held for this verse.
अन्वेषयन्यदा नैव लभते स्म कुतो ऽपि ताम् । संतेपे स तदोद्दामतद्वियोगदवाग्निना
anveṣayanyadā naiva labhate sma kuto 'pi tām / saṃtepe sa tadoddāmatadviyogadavāgninā
Sanskrit only: no published translation is held for this verse.
उपेत्य ज्ञातवृत्तान्तस् तस्य वत्सेश्वरः पिता । मातरः सचिवा भृत्याः सर्वे विह्वलतां ययुः
upetya jñātavṛttāntas tasya vatseśvaraḥ pitā / mātaraḥ sacivā bhṛtyāḥ sarve vihvalatāṃ yayuḥ
Sanskrit only: no published translation is held for this verse.
हारचन्दनचन्द्रांशुमृणालनलिनीदलैः । ववृधे तस्य संतापो न जगाम शमं पुनः
hāracandanacandrāṃśumṛṇālanalinīdalaiḥ / vavṛdhe tasya saṃtāpo na jagāma śamaṃ punaḥ
Sanskrit only: no published translation is held for this verse.
कलिङ्गसेना सद्यश् च विहीना सुतया तया । विद्याधरीव विभ्रष्टविद्या संमूढतां ययौ
kaliṅgasenā sadyaś ca vihīnā sutayā tayā / vidyādharīva vibhraṣṭavidyā saṃmūḍhatāṃ yayau
Sanskrit only: no published translation is held for this verse.
अथ तत्राब्रवीदेका वृत्तान्तःपुररक्षिका । नरवाहनदत्ताग्रे सर्वेष्वाकर्णयत्स्विदम्
atha tatrābravīdekā vṛttāntaḥpurarakṣikā / naravāhanadattāgre sarveṣvākarṇayatsvidam
Sanskrit only: no published translation is held for this verse.
हर्म्याग्रे तां तदा कन्यां सतीं मदनमञ्चुकाम् । दृष्ट्वावतीर्य नभसः सद्यो विद्याधरो युवा
harmyāgre tāṃ tadā kanyāṃ satīṃ madanamañcukām / dṛṣṭvāvatīrya nabhasaḥ sadyo vidyādharo yuvā
Sanskrit only: no published translation is held for this verse.
यो ऽसौ मानसवेगाख्यो नामोक्त्वा समयाचत । कलिङ्गसेनाम् अभ्येत्य देह्येतां मे सुतामिति
yo 'sau mānasavegākhyo nāmoktvā samayācata / kaliṅgasenām abhyetya dehyetāṃ me sutāmiti
Sanskrit only: no published translation is held for this verse.
तेनैतया निषिद्धेन सता गत्वा यथागतम् । इदानीं गुप्तमागत्य हृता सा किं न मायया
tenaitayā niṣiddhena satā gatvā yathāgatam / idānīṃ guptamāgatya hṛtā sā kiṃ na māyayā
Sanskrit only: no published translation is held for this verse.
परदारगृहं नैव दिव्या यद्य् अपि कुर्वते । तथाप्यमार्गं मार्गं वा रागान्धः को हि पश्यति
paradāragṛhaṃ naiva divyā yady api kurvate / tathāpyamārgaṃ mārgaṃ vā rāgāndhaḥ ko hi paśyati
Sanskrit only: no published translation is held for this verse.
श्रुत्वैतच्चित्तमाकोपविमर्शविरहोत्प्लुतम् । नरवाहनदत्तस्य जज्ञे वीचिष्विवाम्बुजम्
śrutvaitaccittamākopavimarśavirahotplutam / naravāhanadattasya jajñe vīciṣvivāmbujam
Sanskrit only: no published translation is held for this verse.
रुमण्वानथ वक्ति स्म पुरीयं रक्ष्यते ऽभितः । प्रवेशनिर्गमौ नेह विद्येते गमनं विना
rumaṇvānatha vakti sma purīyaṃ rakṣyate 'bhitaḥ / praveśanirgamau neha vidyete gamanaṃ vinā
Sanskrit only: no published translation is held for this verse.
हरप्रसादाच् चास्त्य् अस्या नानिष्टं तद् इह स्थिता । क्व चित्प्रणयकोपात्सा तथा च श्रूयतां कथा
haraprasādāc cāsty asyā nāniṣṭaṃ tad iha sthitā / kva citpraṇayakopātsā tathā ca śrūyatāṃ kathā
Sanskrit only: no published translation is held for this verse.
मुनिः पुराङ्गिरा नाम विवाहार्थमयाचत । अष्टावक्त्रस्य तनयां सावित्रीं नाम कन्यकाम्
muniḥ purāṅgirā nāma vivāhārthamayācata / aṣṭāvaktrasya tanayāṃ sāvitrīṃ nāma kanyakām
Sanskrit only: no published translation is held for this verse.
अष्टावक्रो न तां तस्मै ददावङ्गिरसे सुताम् । सगुणायापि सावित्रीमन्यस्मै पूर्वकल्पिताम्
aṣṭāvakro na tāṃ tasmai dadāvaṅgirase sutām / saguṇāyāpi sāvitrīmanyasmai pūrvakalpitām
Sanskrit only: no published translation is held for this verse.
ततस् तद्भ्रातृतनयमश्रुतां नाम सो ऽङ्गिराः । उपयेमे तया साकं स तस्थौ भार्यया सुखम्
tatas tadbhrātṛtanayamaśrutāṃ nāma so 'ṅgirāḥ / upayeme tayā sākaṃ sa tasthau bhāryayā sukham
Sanskrit only: no published translation is held for this verse.
सा च भार्यास्य वेत्ति स्म सावित्रीं पूववाञ्छिताम् । एकदा सो ऽङ्गिरा मौनी जपन्नासीच्चिरं मुनिः
sā ca bhāryāsya vetti sma sāvitrīṃ pūvavāñchitām / ekadā so 'ṅgirā maunī japannāsīcciraṃ muniḥ
Sanskrit only: no published translation is held for this verse.
भार्याथ सा तं पप्रच्छ मुहुः सप्रणयाश्रुता । चिरं किमार्यपुत्रैवं चिन्तयस्युच्यतामिति
bhāryātha sā taṃ papraccha muhuḥ sapraṇayāśrutā / ciraṃ kimāryaputraivaṃ cintayasyucyatāmiti
Sanskrit only: no published translation is held for this verse.
प्रिये ध्यायामि सावित्रीमित्य् उक्ते तेन साश्रुता । सावित्रीं तां मुनिसुतां मत्वात्मनि चुकोप ह
priye dhyāyāmi sāvitrīmity ukte tena sāśrutā / sāvitrīṃ tāṃ munisutāṃ matvātmani cukopa ha
Sanskrit only: no published translation is held for this verse.
दुर्भगो ऽयमिति त्यक्तुं देहं गत्वा वनं च सा । शुभं भर्तुरनुध्याय कण्ठे पाशं समर्पयत्
durbhago 'yamiti tyaktuṃ dehaṃ gatvā vanaṃ ca sā / śubhaṃ bharturanudhyāya kaṇṭhe pāśaṃ samarpayat
Sanskrit only: no published translation is held for this verse.
मा पुत्रि साहसं कार्षीः पत्या ध्याता न ते ऽङ्गना । ध्याताहं तेन सावित्रीत्य् उक्त्वा पाशाद्ररक्ष ताम्
mā putri sāhasaṃ kārṣīḥ patyā dhyātā na te 'ṅganā / dhyātāhaṃ tena sāvitrīty uktvā pāśādrarakṣa tām
Sanskrit only: no published translation is held for this verse.
प्रकटीभूय गायत्री साक्षसूत्रकमण्डलुः । भक्तानुकम्पिनी चैतां समाश्वास्य तिरोदधे
prakaṭībhūya gāyatrī sākṣasūtrakamaṇḍaluḥ / bhaktānukampinī caitāṃ samāśvāsya tirodadhe
Sanskrit only: no published translation is held for this verse.
अहैषाङ्गिरसा भर्त्रा संप्राप्तान्विष्यता वनात् । तदेवं दुःसहं स्त्रीणामिह प्रणयखण्डनम्
ahaiṣāṅgirasā bhartrā saṃprāptānviṣyatā vanāt / tadevaṃ duḥsahaṃ strīṇāmiha praṇayakhaṇḍanam
Sanskrit only: no published translation is held for this verse.
तत्स्वल्पेनापराधेन कुपितेह क्व चित्स्थिता । अन्वेष्या शंभुरक्ष्या सा राजपुत्रवधूः पुनः
tatsvalpenāparādhena kupiteha kva citsthitā / anveṣyā śaṃbhurakṣyā sā rājaputravadhūḥ punaḥ
Sanskrit only: no published translation is held for this verse.
एवं रुमण्वता प्रोक्ते राजा वत्सेश्वरो ऽब्रवीत् । एवमेतन् न दुरितं तस्याः संभाव्यते यतः
evaṃ rumaṇvatā prokte rājā vatseśvaro 'bravīt / evametan na duritaṃ tasyāḥ saṃbhāvyate yataḥ
Sanskrit only: no published translation is held for this verse.
नरवाहनदत्तस्य भार्या देवविनिर्मिता । कामांशस्यावतीर्णैषा रतिर्मदनमञ्चुका
naravāhanadattasya bhāryā devavinirmitā / kāmāṃśasyāvatīrṇaiṣā ratirmadanamañcukā
Sanskrit only: no published translation is held for this verse.
असौ विद्याधरैश्वर्यं दिव्यं कल्पं सहानया । करिष्यतीति दिव्या वागब्रवीन्न च तन्मृषा
asau vidyādharaiśvaryaṃ divyaṃ kalpaṃ sahānayā / kariṣyatīti divyā vāgabravīnna ca tanmṛṣā
Sanskrit only: no published translation is held for this verse.
तदेषान्विष्यतां सम्यगिति राज्ञोदिते स्वयम् । नरवाहनदत्तः स तदवस्थो ऽपि निर्ययौ
tadeṣānviṣyatāṃ samyagiti rājñodite svayam / naravāhanadattaḥ sa tadavastho 'pi niryayau
Sanskrit only: no published translation is held for this verse.
यथायथा हि चिन्वानो न तां प्राप तथातथा । तेषु तेषु प्रदेशेषु सोन्माद इव सो ऽभ्रमत्
yathāyathā hi cinvāno na tāṃ prāpa tathātathā / teṣu teṣu pradeśeṣu sonmāda iva so 'bhramat
Sanskrit only: no published translation is held for this verse.
ओपेते तत्पुरात् तस्मिन् पिहितद्वारका गृहाः । तद्दुःखदर्शनोद्वेगाद् इव संमीलितेक्षणाः
opete tatpurāt tasmin pihitadvārakā gṛhāḥ / tadduḥkhadarśanodvegād iva saṃmīlitekṣaṇāḥ
Sanskrit only: no published translation is held for this verse.
वनेषु तं च पृच्छन्तं चलत्पल्लवपाणयः । न सा दृष्टा तवास्माभिर् इत्यूचुरिव पादपाः
vaneṣu taṃ ca pṛcchantaṃ calatpallavapāṇayaḥ / na sā dṛṣṭā tavāsmābhir ityūcuriva pādapāḥ
Sanskrit only: no published translation is held for this verse.
उद्यानेषूत्पतन्तश् च खगास्तस्मै विचिन्वते । इतः सा न गतेत्येवं शशंसुरिव सारसाः
udyāneṣūtpatantaś ca khagāstasmai vicinvate / itaḥ sā na gatetyevaṃ śaśaṃsuriva sārasāḥ
Sanskrit only: no published translation is held for this verse.
मरुभूतिर्हरिशिखो गोमुखः सवसन्तकः । ते ते च सचिवा भ्रेमुस्तामन्वेष्टुं समन्ततः
marubhūtirhariśikho gomukhaḥ savasantakaḥ / te te ca sacivā bhremustāmanveṣṭuṃ samantataḥ
Sanskrit only: no published translation is held for this verse.
अत्रान्तरे वेगवती नाम विद्याधरी किल । कन्या दृष्टचरोदारवपुर्मदनमञ्चुका
atrāntare vegavatī nāma vidyādharī kila / kanyā dṛṣṭacarodāravapurmadanamañcukā
Sanskrit only: no published translation is held for this verse.
तदीयं रूपमास्थाय तस्थावुपवनान्तरे । आगत्यैकाकिनी स्वैर् अमत्राशोकतरोरधः
tadīyaṃ rūpamāsthāya tasthāvupavanāntare / āgatyaikākinī svair amatrāśokataroradhaḥ
Sanskrit only: no published translation is held for this verse.
तां ददर्श विचिन्वानो मरुभूतिः परिभ्रमन् । सद्यो विशल्यकरणीं सशल्यस्येव चेतसः
tāṃ dadarśa vicinvāno marubhūtiḥ paribhraman / sadyo viśalyakaraṇīṃ saśalyasyeva cetasaḥ
Sanskrit only: no published translation is held for this verse.
नरवाहनदत्तं तं गत्वा हृष्टो जगाद सः । समाश्वसिहि दृष्टा ते मयोद्याने स्थिता प्रिया
naravāhanadattaṃ taṃ gatvā hṛṣṭo jagāda saḥ / samāśvasihi dṛṣṭā te mayodyāne sthitā priyā
Sanskrit only: no published translation is held for this verse.
इत्येवोक्तवता तेन साकं तत्क्षणम् एव सः । नरवाहनदत्तस् तदुद्यानं मुदितो ययौ
ityevoktavatā tena sākaṃ tatkṣaṇam eva saḥ / naravāhanadattas tadudyānaṃ mudito yayau
Sanskrit only: no published translation is held for this verse.
तत्रातिविरहक्लान्तो भार्यास्ं मदनमञ्चुकाम् । तामपश्यत्स तृषितो वारिधारामिवाध्वगः
tatrātivirahaklānto bhāryāsṃ madanamañcukām / tāmapaśyatsa tṛṣito vāridhārāmivādhvagaḥ
Sanskrit only: no published translation is held for this verse.
दृष्ट्वैवालिङ्गितुं तां च भृशार्तो यावदिच्छति । तावत् सा तं जगादैवं धूर्ता परिणयैषिणी
dṛṣṭvaivāliṅgituṃ tāṃ ca bhṛśārto yāvadicchati / tāvat sā taṃ jagādaivaṃ dhūrtā pariṇayaiṣiṇī
Sanskrit only: no published translation is held for this verse.
मां त्वं संप्रति मा स्प्राक्षीः शृणु तावद्वचो मम । मयोपयाचिता यक्षास्त्वत्प्राप्त्यै प्राग्विवाहतः
māṃ tvaṃ saṃprati mā sprākṣīḥ śṛṇu tāvadvaco mama / mayopayācitā yakṣāstvatprāptyai prāgvivāhataḥ
Sanskrit only: no published translation is held for this verse.
विवाहे वः प्रदास्यामि स्वहस्तेन बलीनिति । विवाहकाले ते तस्मिन्मम प्राणेश विस्मृताः
vivāhe vaḥ pradāsyāmi svahastena balīniti / vivāhakāle te tasminmama prāṇeśa vismṛtāḥ
Sanskrit only: no published translation is held for this verse.
तत्कोपात्तैर् अहमितो यक्षैर् अपहृताभवम् । गच्छ भूयो विवाहं तं कृत्वा दत्त्वा बलिं च नः
tatkopāttair ahamito yakṣair apahṛtābhavam / gaccha bhūyo vivāhaṃ taṃ kṛtvā dattvā baliṃ ca naḥ
Sanskrit only: no published translation is held for this verse.
निजं पतिम् उपेयास्त्वं नान्यथा ते शिवं भवेत् । इत्य् उक्त्वा तैर् इहानीय यक्षैर् मुक्तास्मि सांप्रतम्
nijaṃ patim upeyāstvaṃ nānyathā te śivaṃ bhavet / ity uktvā tair ihānīya yakṣair muktāsmi sāṃpratam
Sanskrit only: no published translation is held for this verse.
तन्मां परिणयस्वाशु पुनर्यावद्ददाम्य् अहम् । यक्षेभ्यो ऽभिमतास्ं पूजां ततः पूरय वाञ्छितम्
tanmāṃ pariṇayasvāśu punaryāvaddadāmy aham / yakṣebhyo 'bhimatāsṃ pūjāṃ tataḥ pūraya vāñchitam
Sanskrit only: no published translation is held for this verse.
तच् छ्रुत्वैव समाहूय शान्तिसोमं पुरोहितम् । क्षणात्संभृत्य संभारान्मायामदनमञ्चुकाम्
tac chrutvaiva samāhūya śāntisomaṃ purohitam / kṣaṇātsaṃbhṛtya saṃbhārānmāyāmadanamañcukām
Sanskrit only: no published translation is held for this verse.
विद्याधरीं वेगवतीम् उपयेमे स तत्क्षणम् । नरवाहनदत्तस् तां वियोगक्षणकातरः
vidyādharīṃ vegavatīm upayeme sa tatkṣaṇam / naravāhanadattas tāṃ viyogakṣaṇakātaraḥ
Sanskrit only: no published translation is held for this verse.
प्रहृष्टवत्सराजो ऽथ देव्यानन्दी महोत्सवः । नन्दत्कलिङ्गसेनो ऽभूत् तत्रातोद्यरवाकुलः
prahṛṣṭavatsarājo 'tha devyānandī mahotsavaḥ / nandatkaliṅgaseno 'bhūt tatrātodyaravākulaḥ
Sanskrit only: no published translation is held for this verse.
ददौ बलिं च यक्षेभ्यो मायामदनमञ्चुका । विद्याधरी स्वहस्तेन सा मद्यपिशितादिभिः
dadau baliṃ ca yakṣebhyo māyāmadanamañcukā / vidyādharī svahastena sā madyapiśitādibhiḥ
Sanskrit only: no published translation is held for this verse.
नरवाहनदत्तो ऽथ वासकस्थस्तया सह । पपौ स सोत्सवः पानं पानशौण्डो ऽपि तद्गिरा
naravāhanadatto 'tha vāsakasthastayā saha / papau sa sotsavaḥ pānaṃ pānaśauṇḍo 'pi tadgirā
Sanskrit only: no published translation is held for this verse.
सिषेवे च तया साकं जीवलोकसुखं ततः । छाययेव दिनाधीशः परिवर्तितरूपया
siṣeve ca tayā sākaṃ jīvalokasukhaṃ tataḥ / chāyayeva dinādhīśaḥ parivartitarūpayā
Sanskrit only: no published translation is held for this verse.
रहःस्था चाब्रवीत्सा तं सुप्ता नाहं प्रिय त्वया । सहसा मुखमुद्घाट्य वीक्षणीयेह संप्रति
rahaḥsthā cābravītsā taṃ suptā nāhaṃ priya tvayā / sahasā mukhamudghāṭya vīkṣaṇīyeha saṃprati
Sanskrit only: no published translation is held for this verse.
तच् छ्रुत्वा स किम् एतत् स्याद् इति यावत् सकौतुकः । सुप्ताया राजपुत्रो ऽस्या मुखमन्येद्युरीक्षते
tac chrutvā sa kim etat syād iti yāvat sakautukaḥ / suptāyā rājaputro 'syā mukhamanyedyurīkṣate
Sanskrit only: no published translation is held for this verse.
तावदन्यैव सा कापि न सा मदनमञ्चुका । स्वापवेलावशध्वस्तमायारूपविवर्तना
tāvadanyaiva sā kāpi na sā madanamañcukā / svāpavelāvaśadhvastamāyārūpavivartanā
Sanskrit only: no published translation is held for this verse.
ततः स जाग्रद् एवासीद् यावत् प्रबुबुधे ऽत्र सा । का त्वं सत्यं वदेत्य् एवम् अथ तां पृच्छति स्म सः
tataḥ sa jāgrad evāsīd yāvat prabubudhe 'tra sā / kā tvaṃ satyaṃ vadety evam atha tāṃ pṛcchati sma saḥ
Sanskrit only: no published translation is held for this verse.
साप्य् अनिद्रोपविष्टं तं दृष्ट्वा रूपे निजे स्थिता । वक्तुं प्रचक्रमे जातप्रतिभेदा मनस्विनी
sāpy anidropaviṣṭaṃ taṃ dṛṣṭvā rūpe nije sthitā / vaktuṃ pracakrame jātapratibhedā manasvinī
Sanskrit only: no published translation is held for this verse.
शृण्विदानीं ब्रवीम्येतद्यथावस्तु तव प्रिय । अस्त्याषाढपुरं नाम विद्याधरपुरं गिरिः
śṛṇvidānīṃ bravīmyetadyathāvastu tava priya / astyāṣāḍhapuraṃ nāma vidyādharapuraṃ giriḥ
Sanskrit only: no published translation is held for this verse.
तत्र वेगवतो राज्ञः पुत्रो विद्याधराधिपः । अस्ति मानसवेगाख्यो राजा भुजबलोद्धतः
tatra vegavato rājñaḥ putro vidyādharādhipaḥ / asti mānasavegākhyo rājā bhujabaloddhataḥ
Sanskrit only: no published translation is held for this verse.
तस्य वेगवती नाम भगिन्यस्मि कनीयसी । स च भ्राता न मे विद्यां दातुमैच्छदतिद्विषन्
tasya vegavatī nāma bhaginyasmi kanīyasī / sa ca bhrātā na me vidyāṃ dātumaicchadatidviṣan
Sanskrit only: no published translation is held for this verse.
ततो मया ताः क्लेशेन तपोवनगतात्पितुः । प्राप्तास्तद्वरतश्चैताः सर्वाधिकबला मम
tato mayā tāḥ kleśena tapovanagatātpituḥ / prāptāstadvarataścaitāḥ sarvādhikabalā mama
Sanskrit only: no published translation is held for this verse.
साहं दृष्टवती दीनामुद्याने रक्षिभिर् वृताम् । आषाढाद्रिपुरे तस्मिन्स्थितां मदनमञ्चुकाम्
sāhaṃ dṛṣṭavatī dīnāmudyāne rakṣibhir vṛtām / āṣāḍhādripure tasminsthitāṃ madanamañcukām
Sanskrit only: no published translation is held for this verse.
माययापहृता तेन भ्रात्रा मे दयिता तव । रावणेनेव दुःखार्ता रामभद्रस्य जानकी
māyayāpahṛtā tena bhrātrā me dayitā tava / rāvaṇeneva duḥkhārtā rāmabhadrasya jānakī
Sanskrit only: no published translation is held for this verse.
अनिच्छन्ती च सा साध्वी तेनाक्रान्तुं न शक्यते । स्त्रीणां हठोपभोगे हि शापस्तस्यास्ति मृत्युजः
anicchantī ca sā sādhvī tenākrāntuṃ na śakyate / strīṇāṃ haṭhopabhoge hi śāpastasyāsti mṛtyujaḥ
Sanskrit only: no published translation is held for this verse.
ततस्तेन प्रयुक्ताहं कुभ्रात्रा तत्प्रबोधने । तस्याः समीपमगमं त्वत्प्रलापमयात्मनः
tatastena prayuktāhaṃ kubhrātrā tatprabodhane / tasyāḥ samīpamagamaṃ tvatpralāpamayātmanaḥ
Sanskrit only: no published translation is held for this verse.
तत्प्रसङ्गाच् च कामाज्ञातुल्ये त्वन्नाम्न्युदीरिते । तया साध्व्या त्वदेकाग्रमिदं जातं मनो मम
tatprasaṅgāc ca kāmājñātulye tvannāmnyudīrite / tayā sādhvyā tvadekāgramidaṃ jātaṃ mano mama
Sanskrit only: no published translation is held for this verse.
स ते पतिः स्याद्यनाम्नि श्रुते स्मरवशा भवेः । इत्याद्यश् च तदा देवीस्वप्नादेशो मया स्मृतः
sa te patiḥ syādyanāmni śrute smaravaśā bhaveḥ / ityādyaś ca tadā devīsvapnādeśo mayā smṛtaḥ
Sanskrit only: no published translation is held for this verse.
संस्मृत्य ग्राहयित्वा तां धृतिं मदनमञ्चुकाम् । तद्रूपणे मयागत्य युक्त्यात्मेह विवाहितः
saṃsmṛtya grāhayitvā tāṃ dhṛtiṃ madanamañcukām / tadrūpaṇe mayāgatya yuktyātmeha vivāhitaḥ
Sanskrit only: no published translation is held for this verse.
तदेहि यत्र त्वद्भार्या स्थिता मदनमञ्चुका । तत्रैव तत्कृपाविष्टा प्राणेश त्वास्ं नयाम्य् अहम्
tadehi yatra tvadbhāryā sthitā madanamañcukā / tatraiva tatkṛpāviṣṭā prāṇeśa tvāsṃ nayāmy aham
Sanskrit only: no published translation is held for this verse.
त्वत्प्रियेति तवेवाहं सपत्न्या अपि किंकरी । ममात्मनिरपेक्षा हि कापि त्वत्प्रेमवश्यता
tvatpriyeti tavevāhaṃ sapatnyā api kiṃkarī / mamātmanirapekṣā hi kāpi tvatpremavaśyatā
Sanskrit only: no published translation is held for this verse.
इत्य् उक्त्वा सा स्वविद्यानां बलाद्वेगवती निशि । नरवाहनदत्तं तं गृहीत्वोदपतन् नभः
ity uktvā sā svavidyānāṃ balādvegavatī niśi / naravāhanadattaṃ taṃ gṛhītvodapatan nabhaḥ
Sanskrit only: no published translation is held for this verse.
शनैः प्रयाति सा व्योम्ना यावत्तावददर्शनात् । जायापत्योस्तयोः प्राप्तः परिवारो ऽत्र चुक्षुभे
śanaiḥ prayāti sā vyomnā yāvattāvadadarśanāt / jāyāpatyostayoḥ prāptaḥ parivāro 'tra cukṣubhe
Sanskrit only: no published translation is held for this verse.
तच् च वत्सेश्वरो बुद्ध्वा सह वासवदत्तया । पद्मावत्यादिभिश् चाशु वज्राहत इवाभवत्
tac ca vatseśvaro buddhvā saha vāsavadattayā / padmāvatyādibhiś cāśu vajrāhata ivābhavat
Sanskrit only: no published translation is held for this verse.
यौगन्धरायणाद्याश् च संपौरास् तस्य मन्त्रिणः । मरुभूतिमुखैः पुत्रैः सहाभूवन्सुविह्वलाः
yaugandharāyaṇādyāś ca saṃpaurās tasya mantriṇaḥ / marubhūtimukhaiḥ putraiḥ sahābhūvansuvihvalāḥ
Sanskrit only: no published translation is held for this verse.
ततो ऽन्तरिक्षतस् तत्र द्वितीय इव भास्करः । अवातरत् प्रभाबद्धमण्डलो नारदो मुनिः
tato 'ntarikṣatas tatra dvitīya iva bhāskaraḥ / avātarat prabhābaddhamaṇḍalo nārado muniḥ
Sanskrit only: no published translation is held for this verse.
विद्याधर्या निजभुवं नीतः शीघ्रमिहैष्यति । पुत्रस् ते तव धृत्यर्थं प्रेषितश्चास्मि शूलिना
vidyādharyā nijabhuvaṃ nītaḥ śīghramihaiṣyati / putras te tava dhṛtyarthaṃ preṣitaścāsmi śūlinā
Sanskrit only: no published translation is held for this verse.
इत्य् उक्त्वा वत्सराजाय कृतार्घाय ततो मुनिः । स वेगवत्याश्चरितं यथावृत्तं शशंस तत्
ity uktvā vatsarājāya kṛtārghāya tato muniḥ / sa vegavatyāścaritaṃ yathāvṛttaṃ śaśaṃsa tat
Sanskrit only: no published translation is held for this verse.
ततस् तस्मिन्समाश्वस् ते मुनिः सो ऽत्र तिरोदधे । अत्रान्तरे वेगवती व्योम्ना प्रापयति स्म सा
tatas tasminsamāśvas te muniḥ so 'tra tirodadhe / atrāntare vegavatī vyomnā prāpayati sma sā
Sanskrit only: no published translation is held for this verse.
नरवाहनदत्तं तं तमाषाढपुरं गिरिम् । बुद्ध्वा मानसवेगस्तत्स हन्तुं तावधावत
naravāhanadattaṃ taṃ tamāṣāḍhapuraṃ girim / buddhvā mānasavegastatsa hantuṃ tāvadhāvata
Sanskrit only: no published translation is held for this verse.
ततस्तेन समं भ्रात्रा युद्धं विद्याबलोद्धतम् । वेगवत्या अभूत्स्त्रीणां पतिः प्राणा न बान्धवाः
tatastena samaṃ bhrātrā yuddhaṃ vidyābaloddhatam / vegavatyā abhūtstrīṇāṃ patiḥ prāṇā na bāndhavāḥ
Sanskrit only: no published translation is held for this verse.
अथ निजविद्याबलतो भैरवरूपं विधाय विकटं सा । मानसवेगं सहसा संमोह्य तम् अग्निपर्वते निदधे
atha nijavidyābalato bhairavarūpaṃ vidhāya vikaṭaṃ sā / mānasavegaṃ sahasā saṃmohya tam agniparvate nidadhe
Sanskrit only: no published translation is held for this verse.
तम् अपिच विद्याहस् ते नरवाहनदत्तमादितो न्यस्तम् । नीत्वा गन्धर्वपुरे कूपे चिक्षेप रक्षितुं विजले
tam apica vidyāhas te naravāhanadattamādito nyastam / nītvā gandharvapure kūpe cikṣepa rakṣituṃ vijale
Sanskrit only: no published translation is held for this verse.
तत्र स्थितं च तम् उवाच मनाग् इह त्वं तिष्ठार्यपुत्र भविता च शिवं तवात्र । मा चाधृतिं हृदि कृथाः शुभपात्र सर्वविद्याधराधिपतिता तव भाविनीह
tatra sthitaṃ ca tam uvāca manāg iha tvaṃ tiṣṭhāryaputra bhavitā ca śivaṃ tavātra / mā cādhṛtiṃ hṛdi kṛthāḥ śubhapātra sarvavidyādharādhipatitā tava bhāvinīha
Sanskrit only: no published translation is held for this verse.
यामि प्रसाधयितुमद्य पुनर्यतो ऽहं ज्येष्ठव्यतिक्रमणदुर्बलिताः स्वविद्याः । त्वामभ्युपैमि नचिरादिति सा तमुक्त्वा विद्याधरी क्वचन वेगवती जगाम
yāmi prasādhayitumadya punaryato 'haṃ jyeṣṭhavyatikramaṇadurbalitāḥ svavidyāḥ / tvāmabhyupaimi nacirāditi sā tamuktvā vidyādharī kvacana vegavatī jagāma
Sanskrit only: no published translation is held for this verse.