Somadeva: Kathasaritsagara 14.2

अथ प्रभावती तस्य चक्रे विद्याप्रभावतः । अतर्क्यं रूपमात्मीयं स्वयमन्तर्हिता सती

atha prabhāvatī tasya cakre vidyāprabhāvataḥ / atarkyaṃ rūpamātmīyaṃ svayamantarhitā satī

Sanskrit only: no published translation is held for this verse.

स तद्रूपेण तत्रासीद्राजपुत्रो यथासुखम् । अशङ्कितः प्रकाशो ऽपि तद्विद्यासिद्धभोगभुक्

sa tadrūpeṇa tatrāsīdrājaputro yathāsukham / aśaṅkitaḥ prakāśo 'pi tadvidyāsiddhabhogabhuk

Sanskrit only: no published translation is held for this verse.

वेगवत्या वयस्येयमेतां मदनमञ्चुकाम् । उपाचरति तत्प्रीत्या निजसख्यवशेन च

vegavatyā vayasyeyametāṃ madanamañcukām / upācarati tatprītyā nijasakhyavaśena ca

Sanskrit only: no published translation is held for this verse.

इति प्रभवतीत्येनं तद्रूपच्छन्नविग्रहम् । मन्वानाः सर्व एवोचुस् तत्र मानसवेगतः

iti prabhavatītyenaṃ tadrūpacchannavigraham / manvānāḥ sarva evocus tatra mānasavegataḥ

Sanskrit only: no published translation is held for this verse.

अथैकदा प्रसङ्गेन तस्मै मदनमञ्चुका । नरवाहनदत्ताय स्ववृत्तान्तं शशंस सा

athaikadā prasaṅgena tasmai madanamañcukā / naravāhanadattāya svavṛttāntaṃ śaśaṃsa sā

Sanskrit only: no published translation is held for this verse.

तदा मानसवेगो माम् इहानीय स्वमायया । प्रवर्तयितुम् अभ्यैच्छद् भाययन् क्रूरकर्मभिः

tadā mānasavego mām ihānīya svamāyayā / pravartayitum abhyaicchad bhāyayan krūrakarmabhiḥ

Sanskrit only: no published translation is held for this verse.

तावच् च प्रकटीभूय भगवान् भैरवाकृतिः । उद्धृतासिर् ललज्जिह्वः कृत्वा हुंकारम् अभ्यधात्

tāvac ca prakaṭībhūya bhagavān bhairavākṛtiḥ / uddhṛtāsir lalajjihvaḥ kṛtvā huṃkāram abhyadhāt

Sanskrit only: no published translation is held for this verse.

इयं विद्याधरेन्द्राणां भाविनश्चक्रवर्तिनः । भार्या कथं त्वयास्मासु स्थितेषु परिभूयते

iyaṃ vidyādharendrāṇāṃ bhāvinaścakravartinaḥ / bhāryā kathaṃ tvayāsmāsu sthiteṣu paribhūyate

Sanskrit only: no published translation is held for this verse.

एवम् उक्तो भगवता पपात धरणीतले । पापो मानसवेगो ऽसौ मुखेन रुधिरं वमन्

evam ukto bhagavatā papāta dharaṇītale / pāpo mānasavego 'sau mukhena rudhiraṃ vaman

Sanskrit only: no published translation is held for this verse.

ततस्तिरोहिते देवे समाश्वस्तः क्षणादसौ । गतः स्वमन्दिरं भूयो मयि क्रौर्यान्न्यवर्तत

tatastirohite deve samāśvastaḥ kṣaṇādasau / gataḥ svamandiraṃ bhūyo mayi krauryānnyavartata

Sanskrit only: no published translation is held for this verse.

अथ भीतां वियोगार्तां प्राणत्यागोन्मुखीमिह । एत्यान्तःपुरचेट्यो मां सान्त्वयन्त्यो ऽब्रुवन्निदम्

atha bhītāṃ viyogārtāṃ prāṇatyāgonmukhīmiha / etyāntaḥpuraceṭyo māṃ sāntvayantyo 'bruvannidam

Sanskrit only: no published translation is held for this verse.

मुनिकन्यां पुरा कांचिद्दृष्ट्वा रूपवतीं हठात् । हरन्मानसवेगो ऽयं तद्बन्धुभिर् अशप्यत

munikanyāṃ purā kāṃciddṛṣṭvā rūpavatīṃ haṭhāt / haranmānasavego 'yaṃ tadbandhubhir aśapyata

Sanskrit only: no published translation is held for this verse.

परनारीमनिच्छन्तीं यदा पाप गमिष्यसि । तदा ते शतधा मूर्धा विदलिष्यस्त्यसाविति

paranārīmanicchantīṃ yadā pāpa gamiṣyasi / tadā te śatadhā mūrdhā vidaliṣyastyasāviti

Sanskrit only: no published translation is held for this verse.

अतो नैष बलाद्गच्छेत्परस्त्रीं मा भयं कृथाः । देवादेशाच् च भर्त्रा ते भूयो भाव्येव संगमः

ato naiṣa balādgacchetparastrīṃ mā bhayaṃ kṛthāḥ / devādeśāc ca bhartrā te bhūyo bhāvyeva saṃgamaḥ

Sanskrit only: no published translation is held for this verse.

एवं ममोक्ते चेटीभिः क्षणाद्वेगवती स्वसा । सास्य मानसवेगस्य संबोधयितुमागमत्

evaṃ mamokte ceṭībhiḥ kṣaṇādvegavatī svasā / sāsya mānasavegasya saṃbodhayitumāgamat

Sanskrit only: no published translation is held for this verse.

मद्दर्शनकृपाविष्टा सा त्वदानयनेन माम् । आश्वास्य त्वां यथा प्राप्ता तथैव विदितं तव

maddarśanakṛpāviṣṭā sā tvadānayanena mām / āśvāsya tvāṃ yathā prāptā tathaiva viditaṃ tava

Sanskrit only: no published translation is held for this verse.

अथ ज्योत्स्नासितैर् वस्त्रैश्चान्द्री तनुरिवामला । दर्शनेनैव सौम्येन सिञ्चन्ती सुधयेव माम्

atha jyotsnāsitair vastraiścāndrī tanurivāmalā / darśanenaiva saumyena siñcantī sudhayeva mām

Sanskrit only: no published translation is held for this verse.

उपेता पृथिवीदेवी माता साध्वी दुरात्मनः । अस्य मानसवेगस्य सस्नेहम् इदम् अब्रवीत्

upetā pṛthivīdevī mātā sādhvī durātmanaḥ / asya mānasavegasya sasneham idam abravīt

Sanskrit only: no published translation is held for this verse.

त्यक्त्वाहारं शुभोदर्कं किमात्मानम् उपेक्षसे । शत्रोरन्नं कथं भोक्ष्य इति मा च कृथा हृदि

tyaktvāhāraṃ śubhodarkaṃ kimātmānam upekṣase / śatrorannaṃ kathaṃ bhokṣya iti mā ca kṛthā hṛdi

Sanskrit only: no published translation is held for this verse.

दुहितुर् वेगवत्या मे राज्ये ऽस्मिन् पितृकल्पितः । भागो ऽस्ति सा च भर्त्रा ते परिणीता सखी तव

duhitur vegavatyā me rājye 'smin pitṛkalpitaḥ / bhāgo 'sti sā ca bhartrā te pariṇītā sakhī tava

Sanskrit only: no published translation is held for this verse.

तधनं भर्तृसंबन्धि तव चात्मीयम् एव च । तदेतद्भुङ्क्ष्व विद्यातो ज्ञात्वा सत्यं वदामि ते

tadhanaṃ bhartṛsaṃbandhi tava cātmīyam eva ca / tadetadbhuṅkṣva vidyāto jñātvā satyaṃ vadāmi te

Sanskrit only: no published translation is held for this verse.

एवम् उक्त्वा सशपथं भोजितास्मि तया तदा । अवस्थोचितमाहारं सुतासंबन्धबद्धया

evam uktvā saśapathaṃ bhojitāsmi tayā tadā / avasthocitamāhāraṃ sutāsaṃbandhabaddhayā

Sanskrit only: no published translation is held for this verse.

ततस्त्वया सहागत्य वेगवत्यैष निर्जितः । भ्रातेह रक्षितस्त्वं च शेषमत्र न वेद्म्य् अहम्

tatastvayā sahāgatya vegavatyaiṣa nirjitaḥ / bhrāteha rakṣitastvaṃ ca śeṣamatra na vedmy aham

Sanskrit only: no published translation is held for this verse.

अह वेगवतीसिद्धिं तद्दैवतवचो ऽप्य् अहम् । स्मरन्ती नामुचं प्राणांस्त्वत्प्राप्त्याशावलम्बितान्

aha vegavatīsiddhiṃ taddaivatavaco 'py aham / smarantī nāmucaṃ prāṇāṃstvatprāptyāśāvalambitān

Sanskrit only: no published translation is held for this verse.

ततो महानुभावायाः प्रभावत्याः प्रभावतः । त्वं शत्रुसंकटे ऽप्य् अस्मिन् प्राप्तस् तावन् मयाधुना

tato mahānubhāvāyāḥ prabhāvatyāḥ prabhāvataḥ / tvaṃ śatrusaṃkaṭe 'py asmin prāptas tāvan mayādhunā

Sanskrit only: no published translation is held for this verse.

चिन्ता तु मे विलुप्ता चेद्भवेद् अत्र प्रभावती । नश्येच् च तव तद्रूपं ततो ऽस्माकं नु किं भवेत्

cintā tu me viluptā cedbhaved atra prabhāvatī / naśyec ca tava tadrūpaṃ tato 'smākaṃ nu kiṃ bhavet

Sanskrit only: no published translation is held for this verse.

इत्यादि ब्रुवतीं धीरीकुर्वन्मदनमञ्चुकाम् । नरवाहनदत्तो ऽसौ वीरो ऽत्रास्त तया सह

ityādi bruvatīṃ dhīrīkurvanmadanamañcukām / naravāhanadatto 'sau vīro 'trāsta tayā saha

Sanskrit only: no published translation is held for this verse.

एकदा च प्रभावत्यां यातायां भवनं पितुः । प्रभातसमये नष्टतद्रूपं तदसंनिधेः

ekadā ca prabhāvatyāṃ yātāyāṃ bhavanaṃ pituḥ / prabhātasamaye naṣṭatadrūpaṃ tadasaṃnidheḥ

Sanskrit only: no published translation is held for this verse.

नरवाहनदत्तं तं दृष्ट्वा पुरुषरूपिणम् । पारदारिक एषो ऽत्र प्रविष्ट इति साकुलः

naravāhanadattaṃ taṃ dṛṣṭvā puruṣarūpiṇam / pāradārika eṣo 'tra praviṣṭa iti sākulaḥ

Sanskrit only: no published translation is held for this verse.

भयाद्राजकुले गत्वा सर्वः परिजनो ऽभ्यधात् । वारयन्तीमपास्यैव भीतां मदनमञ्चुकाम्

bhayādrājakule gatvā sarvaḥ parijano 'bhyadhāt / vārayantīmapāsyaiva bhītāṃ madanamañcukām

Sanskrit only: no published translation is held for this verse.

ततो मानसवेगो ऽत्र स राजा स्वबलान्वितः । नरवाहनदत्तं तं धावित्वा पर्यवेष्टयत्

tato mānasavego 'tra sa rājā svabalānvitaḥ / naravāhanadattaṃ taṃ dhāvitvā paryaveṣṭayat

Sanskrit only: no published translation is held for this verse.

अथ तं पृथिवीदेवी माता सत्वरमेत्य सा । राजानम् अब्रवीत्पुत्र हन्तव्यो ऽयं न ते न मे

atha taṃ pṛthivīdevī mātā satvarametya sā / rājānam abravītputra hantavyo 'yaṃ na te na me

Sanskrit only: no published translation is held for this verse.

न पारदारिको ह्येष वत्सराजात्मजो ह्य् अयम् । नरवाहनदत्तो ऽत्र निजां भार्याम् उपागतः

na pāradāriko hyeṣa vatsarājātmajo hy ayam / naravāhanadatto 'tra nijāṃ bhāryām upāgataḥ

Sanskrit only: no published translation is held for this verse.

विद्याबलेन जाने ऽहं कोपान्धः किं न वीक्षसे । जामाता चायमस्माकं पूज्यः शशिकुलोद्भवः

vidyābalena jāne 'haṃ kopāndhaḥ kiṃ na vīkṣase / jāmātā cāyamasmākaṃ pūjyaḥ śaśikulodbhavaḥ

Sanskrit only: no published translation is held for this verse.

एवम् उक्तस्तया मात्रा तर्हि शत्रुरयं मम । इति मानसवेगो ऽसौ जातामर्षो जगाद ताम्

evam uktastayā mātrā tarhi śatrurayaṃ mama / iti mānasavego 'sau jātāmarṣo jagāda tām

Sanskrit only: no published translation is held for this verse.

ततः सा तं पुनर्माता जामातृस्नेहतो ऽभ्यधात् । नाधर्मो लभ्यते कर्तुं लोके वैद्याधरे सुत

tataḥ sā taṃ punarmātā jāmātṛsnehato 'bhyadhāt / nādharmo labhyate kartuṃ loke vaidyādhare suta

Sanskrit only: no published translation is held for this verse.

इह विद्याधराणां हि धर्मार्था विद्यते सभा । तत्रास्य तत्प्रधानाग्रे दोषं शिरसि पातय

iha vidyādharāṇāṃ hi dharmārthā vidyate sabhā / tatrāsya tatpradhānāgre doṣaṃ śirasi pātaya

Sanskrit only: no published translation is held for this verse.

ततो यत्क्रियते ऽमुष्य शोभते तदतो ऽन्यथा । विद्याधरा विकुर्वीरन्न सहेरंश् च देवताः

tato yatkriyate 'muṣya śobhate tadato 'nyathā / vidyādharā vikurvīranna saheraṃś ca devatāḥ

Sanskrit only: no published translation is held for this verse.

एतत् तस्या वचो मातुर् गौरवात् प्रतिपद्य सः । सभां मानसवेगस् तं नेष्यन् बन्द्धुं प्रचक्रमे

etat tasyā vaco mātur gauravāt pratipadya saḥ / sabhāṃ mānasavegas taṃ neṣyan banddhuṃ pracakrame

Sanskrit only: no published translation is held for this verse.

स च बन्धासहिष्णुः सन्स्तम्भमुत्पाट्य तोरणात् । नरवाहनदत्तो ऽत्र तद्भृत्यानवधीद्बहून्

sa ca bandhāsahiṣṇuḥ sanstambhamutpāṭya toraṇāt / naravāhanadatto 'tra tadbhṛtyānavadhīdbahūn

Sanskrit only: no published translation is held for this verse.

तन्मध्यात्खड्गमेकस्य हतस्यासाद्य तत्क्षणात् । जघान सो ऽन्यानपि तान्वीरो दिव्यपराक्रमः

tanmadhyātkhaḍgamekasya hatasyāsādya tatkṣaṇāt / jaghāna so 'nyānapi tānvīro divyaparākramaḥ

Sanskrit only: no published translation is held for this verse.

ततो मानसवेगस्तं दिव्यया निजविद्यया । बबन्ध भार्यानुगतं नयति स्म च तां सभाम्

tato mānasavegastaṃ divyayā nijavidyayā / babandha bhāryānugataṃ nayati sma ca tāṃ sabhām

Sanskrit only: no published translation is held for this verse.

तत्र भेरीमहाशब्दसमाहूता इतस् ततः । विद्याधरा मिलन्ति स्म सुधर्मायां यथा सुराः

tatra bherīmahāśabdasamāhūtā itas tataḥ / vidyādharā milanti sma sudharmāyāṃ yathā surāḥ

Sanskrit only: no published translation is held for this verse.

आगत्योपाविशच्चात्र रत्नसिंहासनोपरि । राजा वायुपथो नाम सभ्यो विद्याधरैर् वृतः

āgatyopāviśaccātra ratnasiṃhāsanopari / rājā vāyupatho nāma sabhyo vidyādharair vṛtaḥ

Sanskrit only: no published translation is held for this verse.

व्याधुन्वद्भिर् इवाधर्मं वीज्यमानस्य चामरैः । तस्य मानसवेगो ऽग्रे स्थित्वा पापो ऽब्रवीदिदम्

vyādhunvadbhir ivādharmaṃ vījyamānasya cāmaraiḥ / tasya mānasavego 'gre sthitvā pāpo 'bravīdidam

Sanskrit only: no published translation is held for this verse.

मर्त्यो ऽप्य् अन्तः पुरध्वंसकारी विध्वंसकः स्वसुः । शत्रुर्ममायं वध्यो ऽद्य स्वाम्यकामः किलैष नः

martyo 'py antaḥ puradhvaṃsakārī vidhvaṃsakaḥ svasuḥ / śatrurmamāyaṃ vadhyo 'dya svāmyakāmaḥ kilaiṣa naḥ

Sanskrit only: no published translation is held for this verse.

तच् छ्रुत्वा तेन सभ्येन पृष्टः प्रत्युत्तरं प्रति । नरवाहनदत्तो ऽत्र वीरो विस्रब्धम् अब्रवीत्

tac chrutvā tena sabhyena pṛṣṭaḥ pratyuttaraṃ prati / naravāhanadatto 'tra vīro visrabdham abravīt

Sanskrit only: no published translation is held for this verse.

सा सभा यत्र सभ्यो ऽस्ति स सभ्यो धर्मम् आह यः । स धर्मो यत्र सत्यं स्यातत्सत्यं यत्र न च्छलम्

sā sabhā yatra sabhyo 'sti sa sabhyo dharmam āha yaḥ / sa dharmo yatra satyaṃ syātatsatyaṃ yatra na cchalam

Sanskrit only: no published translation is held for this verse.

बद्धो ऽहं माययात्रैव स्थितो भूमाव् अयं पुनः । असनस्थश् च मुक्तश् च को विवादः समो ऽत्र नौ

baddho 'haṃ māyayātraiva sthito bhūmāv ayaṃ punaḥ / asanasthaś ca muktaś ca ko vivādaḥ samo 'tra nau

Sanskrit only: no published translation is held for this verse.

एतद्वायुपथः श्रुत्वा तम् उपावेशयत्क्षितौ । न्यायान्मानसवेगं स तं मुक्तं चाप्य् अकारयत्

etadvāyupathaḥ śrutvā tam upāveśayatkṣitau / nyāyānmānasavegaṃ sa taṃ muktaṃ cāpy akārayat

Sanskrit only: no published translation is held for this verse.

ततः सर्वेषु शृण्वत्सु तत्र वायुपथाग्रतः । नरवाहनदत्तो ऽसावेवं प्रतिवचो ऽभ्यधात्

tataḥ sarveṣu śṛṇvatsu tatra vāyupathāgrataḥ / naravāhanadatto 'sāvevaṃ prativaco 'bhyadhāt

Sanskrit only: no published translation is held for this verse.

हृतानीतामनेनैतां भार्यां मदनमञ्चुकाम् । निजां प्राप्तो ऽस्मि चेत्कस्य शुद्धान्तो ध्वंसितो मया

hṛtānītāmanenaitāṃ bhāryāṃ madanamañcukām / nijāṃ prāpto 'smi cetkasya śuddhānto dhvaṃsito mayā

Sanskrit only: no published translation is held for this verse.

अस्या रूपेण चाभ्येत्य विप्रलभ्य कृतो यदि । अहं भर्ता भगिन्यास्य तत्र का मे ऽपराधिता

asyā rūpeṇa cābhyetya vipralabhya kṛto yadi / ahaṃ bhartā bhaginyāsya tatra kā me 'parādhitā

Sanskrit only: no published translation is held for this verse.

स्वाम्यकामो ऽस्मि चेत्कामः कस्य कुत्र न जायते । एतच् छ्रुत्वा विमृश्याथ राजा वायुपथो ऽब्रवीत्

svāmyakāmo 'smi cetkāmaḥ kasya kutra na jāyate / etac chrutvā vimṛśyātha rājā vāyupatho 'bravīt

Sanskrit only: no published translation is held for this verse.

धर्म्यामाह महात्मायं भविष्यत्सुमहोदयः । अस्मिन्मानसवेगत्वमधर्मं भद्र मा कृथाः

dharmyāmāha mahātmāyaṃ bhaviṣyatsumahodayaḥ / asminmānasavegatvamadharmaṃ bhadra mā kṛthāḥ

Sanskrit only: no published translation is held for this verse.

इत्य् उक्ते तेन नाधर्मान्मोहान्धो यन्न्यवर्तत । सो ऽत्र मानसवेगस्तत्क्रोधं वायुपथो ययौ

ity ukte tena nādharmānmohāndho yannyavartata / so 'tra mānasavegastatkrodhaṃ vāyupatho yayau

Sanskrit only: no published translation is held for this verse.

ततो मानसवेगेन सह संनद्धसैनिकः । बभूव तस्य संक्षोभस् तत्र धर्मानुरोधिनः

tato mānasavegena saha saṃnaddhasainikaḥ / babhūva tasya saṃkṣobhas tatra dharmānurodhinaḥ

Sanskrit only: no published translation is held for this verse.

धर्मासनोपविष्टा हि दुर्बलं बलिनं परम् । आत्मीयं बत जानन्ति धीरा न्यायैकदर्शिनः

dharmāsanopaviṣṭā hi durbalaṃ balinaṃ param / ātmīyaṃ bata jānanti dhīrā nyāyaikadarśinaḥ

Sanskrit only: no published translation is held for this verse.

विहाय मायां युध्यस्व स्पष्टम् एव मया सह । यावदेकप्रहारेण हन्मि त्वां पश्य पौरुषम्

vihāya māyāṃ yudhyasva spaṣṭam eva mayā saha / yāvadekaprahāreṇa hanmi tvāṃ paśya pauruṣam

Sanskrit only: no published translation is held for this verse.

इति मानसवेगं च तदावोचद्विलोकयन् । नरवाहनदत्तो ऽत्र दिव्यकन्याः सकौतुकाः

iti mānasavegaṃ ca tadāvocadvilokayan / naravāhanadatto 'tra divyakanyāḥ sakautukāḥ

Sanskrit only: no published translation is held for this verse.

अन्योन्यजातकलहेषु च तत्र तेषु विद्याधरेषु सहसैव सभान्तरस्थात् । स्तम्भोत्तमाट्टसदिति प्रविभिन्नमध्याद् देवो ऽथ भैर् अववपुः किल निर्जगाम

anyonyajātakalaheṣu ca tatra teṣu vidyādhareṣu sahasaiva sabhāntarasthāt / stambhottamāṭṭasaditi pravibhinnamadhyād devo 'tha bhair avavapuḥ kila nirjagāma

Sanskrit only: no published translation is held for this verse.

व्याप्ताम्बरो ऽञ्जननिभश् च विनिह्नुतार्को विद्युल्लतातरलदीप्रविलोचनार्चिः । दन्तप्रभाविततपङ्क्तिपतद्बलाको गर्जन्महाप्रलयमेघ इव प्रचण्डः

vyāptāmbaro 'ñjananibhaś ca vinihnutārko vidyullatātaraladīpravilocanārciḥ / dantaprabhāvitatapaṅktipatadbalāko garjanmahāpralayamegha iva pracaṇḍaḥ

Sanskrit only: no published translation is held for this verse.

न भाविविद्याधरचक्रवर्तिनः पराभवो ऽस्यास्ति शठेति स ब्रुवन् । अधोमुखं मानसवेगमीश्वरो निराकरोद्वायुपथं प्रहर्षयन्

na bhāvividyādharacakravartinaḥ parābhavo 'syāsti śaṭheti sa bruvan / adhomukhaṃ mānasavegamīśvaro nirākarodvāyupathaṃ praharṣayan

Sanskrit only: no published translation is held for this verse.

आदाय तं च भुजयोर् भगवान्भुजाभ्यां संरक्षणाय नरवाहनदत्तमाशु । प्रापय्य पर्वतवरं शुभमृष्यमूकम् आस्थापयत् स किल तत्र ततस् तिरो ऽभूत्

ādāya taṃ ca bhujayor bhagavānbhujābhyāṃ saṃrakṣaṇāya naravāhanadattamāśu / prāpayya parvatavaraṃ śubhamṛṣyamūkam āsthāpayat sa kila tatra tatas tiro 'bhūt

Sanskrit only: no published translation is held for this verse.

प्रशशाम परस्परं सभायाम् अथ विद्याधरसंभ्रमः स तस्याम् । स च वायुपथो यथागतं तैः सहितः स्वैर् अपरैस्ततो जगाम

praśaśāma parasparaṃ sabhāyām atha vidyādharasaṃbhramaḥ sa tasyām / sa ca vāyupatho yathāgataṃ taiḥ sahitaḥ svair aparaistato jagāma

Sanskrit only: no published translation is held for this verse.

सो ऽपि च मानसवेगः कृत्वा तां मदनमञ्चुकां पुरतः । हर्षविषादाकुलिताम् आषाढपुरं निजं ययौ विग्नः

so 'pi ca mānasavegaḥ kṛtvā tāṃ madanamañcukāṃ purataḥ / harṣaviṣādākulitām āṣāḍhapuraṃ nijaṃ yayau vignaḥ

Sanskrit only: no published translation is held for this verse.