Somadeva: Kathasaritsagara 15.1

खड्गपट्टोदितानेकसूर्यबिम्बोग्रभास्वरः । सत्यं प्रलयकालो ऽभूद्वीराणां स महाहवः

khaḍgapaṭṭoditānekasūryabimbograbhāsvaraḥ / satyaṃ pralayakālo 'bhūdvīrāṇāṃ sa mahāhavaḥ

Sanskrit only: no published translation is held for this verse.

इयत्तद्युद्धमासीद्यद्विस्मयं प्रेक्षणागताः । नारदाद्या अपि ययुर्दृष्टदेवासुराहवाः

iyattadyuddhamāsīdyadvismayaṃ prekṣaṇāgatāḥ / nāradādyā api yayurdṛṣṭadevāsurāhavāḥ

Sanskrit only: no published translation is held for this verse.

इत्थं घोरे रणे तस्मिंश्चण्डसिंहो ऽभिधावितः । जघ्ने काञ्चनदंष्ट्रेन गदया मूर्ध्नि भीमया

itthaṃ ghore raṇe tasmiṃścaṇḍasiṃho 'bhidhāvitaḥ / jaghne kāñcanadaṃṣṭrena gadayā mūrdhni bhīmayā

Sanskrit only: no published translation is held for this verse.

तं गदाघातपतितं दृष्ट्वा धनवती सुतम् । शप्त्वा विद्याबलेनोभे सैन्ये निश्चेतने व्यधात्

taṃ gadāghātapatitaṃ dṛṣṭvā dhanavatī sutam / śaptvā vidyābalenobhe sainye niścetane vyadhāt

Sanskrit only: no published translation is held for this verse.

नरवाहनदत्तश् च चक्रवर्ती बलादितः । ततो मन्दरदेवश् च द्वावेवास्तां सचेतनौ

naravāhanadattaś ca cakravartī balāditaḥ / tato mandaradevaś ca dvāvevāstāṃ sacetanau

Sanskrit only: no published translation is held for this verse.

तदा धनवतीं क्रुद्धां जगत्संहरणक्षमाम् । वीक्ष्याम्बरगता देवा अपि दिक्षु प्रदुद्रुवः

tadā dhanavatīṃ kruddhāṃ jagatsaṃharaṇakṣamām / vīkṣyāmbaragatā devā api dikṣu pradudruvaḥ

Sanskrit only: no published translation is held for this verse.

दृष्ट्वा मन्दरदेवो ऽथ चक्रवर्तिनमेककम् । नरवाहनदत्तं तम् अभ्यधावदुदायुधः

dṛṣṭvā mandaradevo 'tha cakravartinamekakam / naravāhanadattaṃ tam abhyadhāvadudāyudhaḥ

Sanskrit only: no published translation is held for this verse.

नरवाहनदत्तो ऽपि विमानादवतीर्य सः । उत्खातखड्गरत्नः सन् प्रतिजग्राह तं जवात्

naravāhanadatto 'pi vimānādavatīrya saḥ / utkhātakhaḍgaratnaḥ san pratijagrāha taṃ javāt

Sanskrit only: no published translation is held for this verse.

ततो मन्दरदेवेन मायया जयमिच्छता । समदोद्दाममातङ्गरूपं चक्रे स्वविद्यया

tato mandaradevena māyayā jayamicchatā / samadoddāmamātaṅgarūpaṃ cakre svavidyayā

Sanskrit only: no published translation is held for this verse.

तद्दृष्ट्वाकारि सुमहत्सिंहरूपं स्वमायया । नरवाहनदत्तेन विद्यातिशयशालिना

taddṛṣṭvākāri sumahatsiṃharūpaṃ svamāyayā / naravāhanadattena vidyātiśayaśālinā

Sanskrit only: no published translation is held for this verse.

ततो भग्नेभवपुषा मुक्तसिंहाकृतिः स्फुटम् । युद्धं मन्दरदेवेन चक्रवर्ती ततान सः

tato bhagnebhavapuṣā muktasiṃhākṛtiḥ sphuṭam / yuddhaṃ mandaradevena cakravartī tatāna saḥ

Sanskrit only: no published translation is held for this verse.

नानाविचित्रकरणावङ्गहारक्रियासु तौ । मण्डलाग्रधरौ नाट्यप्रवृत्ताविव रेजतुः

nānāvicitrakaraṇāvaṅgahārakriyāsu tau / maṇḍalāgradharau nāṭyapravṛttāviva rejatuḥ

Sanskrit only: no published translation is held for this verse.

नरवाहनदत्तो ऽथ साक्षाज्जयमिवाहरत् । खड्गं मन्दरदेवस्य करात्करणयुक्तितः

naravāhanadatto 'tha sākṣājjayamivāharat / khaḍgaṃ mandaradevasya karātkaraṇayuktitaḥ

Sanskrit only: no published translation is held for this verse.

हृतखड्गस्य चाकृष्टक्षुरिकस्यात्र तामपि । तथैव तस्य सहसा चक्रवर्ती जहार सः

hṛtakhaḍgasya cākṛṣṭakṣurikasyātra tāmapi / tathaiva tasya sahasā cakravartī jahāra saḥ

Sanskrit only: no published translation is held for this verse.

ततो ऽपशस्त्रं बाहुभ्यां युध्यमानं स गुल्फयोः । प्राप्य मन्दरदेवं तं राजा भूमाव् अपातयत्

tato 'paśastraṃ bāhubhyāṃ yudhyamānaṃ sa gulphayoḥ / prāpya mandaradevaṃ taṃ rājā bhūmāv apātayat

Sanskrit only: no published translation is held for this verse.

प्रारेभे च शिरश्चेत्तुं केशेष्वाकृष्य तस्य सः । वक्षसि न्यस्तचरणः सम्राट् खड्गेन विद्विषः

prārebhe ca śiraścettuṃ keśeṣvākṛṣya tasya saḥ / vakṣasi nyastacaraṇaḥ samrāṭ khaḍgena vidviṣaḥ

Sanskrit only: no published translation is held for this verse.

तावन्मन्दरदेवीति नाम्ना कन्याभ्युपेत्य तम् । स्वसा मन्दरदेवस्य वारयन्त्येवम् अब्रवीत्

tāvanmandaradevīti nāmnā kanyābhyupetya tam / svasā mandaradevasya vārayantyevam abravīt

Sanskrit only: no published translation is held for this verse.

तपोवनस्थो दृष्ट्वा त्वं भर्ता प्राक्कल्पितो मया । तच्छ्वुशुर्यमिमं राजन्मा वधीर्भ्रातरं मम

tapovanastho dṛṣṭvā tvaṃ bhartā prākkalpito mayā / tacchvuśuryamimaṃ rājanmā vadhīrbhrātaraṃ mama

Sanskrit only: no published translation is held for this verse.

एवं तयोक्तः सुदृशा विमुच्य जितलज्जितम् । धीरो मन्दरदेवं तं महाराजो जगाद सः

evaṃ tayoktaḥ sudṛśā vimucya jitalajjitam / dhīro mandaradevaṃ taṃ mahārājo jagāda saḥ

Sanskrit only: no published translation is held for this verse.

मुक्तो मया त्वं म भूतल्लज्जा विद्याधरेश ते । चपलौ किल शूराणां रणे जयपराजयौ

mukto mayā tvaṃ ma bhūtallajjā vidyādhareśa te / capalau kila śūrāṇāṃ raṇe jayaparājayau

Sanskrit only: no published translation is held for this verse.

इति मन्दरदेवो ऽसाव् उक्तो राज्ञा जगाद तम् । किं जीवितमिदानीं मे रक्षितस्याहवे स्त्रिया

iti mandaradevo 'sāv ukto rājñā jagāda tam / kiṃ jīvitamidānīṃ me rakṣitasyāhave striyā

Sanskrit only: no published translation is held for this verse.

तदहं यामि तपसे वनस्थस्यान्तिकं पितुः । त्वमेवोभयवेद्यर्धचक्रवर्तीह निर्मितः

tadahaṃ yāmi tapase vanasthasyāntikaṃ pituḥ / tvamevobhayavedyardhacakravartīha nirmitaḥ

Sanskrit only: no published translation is held for this verse.

अयमर्थश् च मे भावी पित्रा पूर्वमसूच्यत । इत्य् उक्त्वा स ययौ मानी पितुः पार्श्वं तपोवनम्

ayamarthaś ca me bhāvī pitrā pūrvamasūcyata / ity uktvā sa yayau mānī pituḥ pārśvaṃ tapovanam

Sanskrit only: no published translation is held for this verse.

साधु सम्यङ्महाचक्रवर्तिञ्जित्वा रिपूंस्त्वया । प्राप्तं साम्राज्यमित्यूचुर्गगनस्थाः सुरास्तदा

sādhu samyaṅmahācakravartiñjitvā ripūṃstvayā / prāptaṃ sāmrājyamityūcurgaganasthāḥ surāstadā

Sanskrit only: no published translation is held for this verse.

गते मन्दरदेवे ऽथ निजं धनवती सुतम् । उभे च सेने विदधे स्वशक्त्या लब्धचेतने

gate mandaradeve 'tha nijaṃ dhanavatī sutam / ubhe ca sene vidadhe svaśaktyā labdhacetane

Sanskrit only: no published translation is held for this verse.

इति सुप्तप्रतिबुद्धा इव सर्वे वैरिणं जितं बुद्ध्वा । सचिवादयो विजयिनं नरवाहनदत्तमभिननन्दुस्तम्

iti suptapratibuddhā iva sarve vairiṇaṃ jitaṃ buddhvā / sacivādayo vijayinaṃ naravāhanadattamabhinanandustam

Sanskrit only: no published translation is held for this verse.

ये ऽपि च काञ्चनदंष्ट्राशोककरक्ताक्षकालजिह्वाद्याः । मन्दरदेवीयास्ते राजानस् तस्य शासनं जगृहुः

ye 'pi ca kāñcanadaṃṣṭrāśokakaraktākṣakālajihvādyāḥ / mandaradevīyāste rājānas tasya śāsanaṃ jagṛhuḥ

Sanskrit only: no published translation is held for this verse.

काञ्चनदंष्ट्रालोकनसंस्मृतसमराप्ततद्गदाघातः । प्रचुकोप चण्डसिंहः प्रविधुतदृढमुष्टिपीडितासिवरः

kāñcanadaṃṣṭrālokanasaṃsmṛtasamarāptatadgadāghātaḥ / pracukopa caṇḍasiṃhaḥ pravidhutadṛḍhamuṣṭipīḍitāsivaraḥ

Sanskrit only: no published translation is held for this verse.

कृतम् इह समरेण वत्स कस् त्वां समरमुखे विजयेत किं तु युक्त्या । क्षणम् इव विहिता मयैव साभूद् उभयबलक्षयरक्षणाय माया

kṛtam iha samareṇa vatsa kas tvāṃ samaramukhe vijayeta kiṃ tu yuktyā / kṣaṇam iva vihitā mayaiva sābhūd ubhayabalakṣayarakṣaṇāya māyā

Sanskrit only: no published translation is held for this verse.

इति च धनवती तदा ब्रुवाणा निजतनयं प्रशमय्य तं प्रकोपात् । बलम् अखिलम् अनन्दयत् स्वसिद्ध्या सहनरवाहनदत्तचक्रवर्ती

iti ca dhanavatī tadā bruvāṇā nijatanayaṃ praśamayya taṃ prakopāt / balam akhilam anandayat svasiddhyā sahanaravāhanadattacakravartī

Sanskrit only: no published translation is held for this verse.

प्राप्ते जितप्रणतविद्रुतवैरिवीरवीताहवव्यतिकरोत्तरपार्श्वराज्ये । शर्वाचलस्य नरवाहनदत्तदेवः प्रीतिं परामभजताक्षतमित्त्रवर्गः

prāpte jitapraṇatavidrutavairivīravītāhavavyatikarottarapārśvarājye / śarvācalasya naravāhanadattadevaḥ prītiṃ parāmabhajatākṣatamittravargaḥ

Sanskrit only: no published translation is held for this verse.

ततो ऽरिविजयोत्सवप्रहततारतूर्यं कृती स तद्द्युचरसुन्दरीरुचिरनृत्तगीताञ्चितम् । प्रियासचिवसंगतः प्रवरराजवृन्दान्वितः प्रतापम् इव वैरिणां मधु पिबन्ननैषीद्दिनम्

tato 'rivijayotsavaprahatatāratūryaṃ kṛtī sa taddyucarasundarīruciranṛttagītāñcitam / priyāsacivasaṃgataḥ pravararājavṛndānvitaḥ pratāpam iva vairiṇāṃ madhu pibannanaiṣīddinam

Sanskrit only: no published translation is held for this verse.