Somadeva: Kathasaritsagara 17.1

तदकस्माद्विलोक्यैव मत्वा शार्वमनुग्रहम् । पौराः संभूय दस्यूंस्तान्निजघ्नुर्लगुडाश्मभिः

tadakasmādvilokyaiva matvā śārvamanugraham / paurāḥ saṃbhūya dasyūṃstānnijaghnurlaguḍāśmabhiḥ

Sanskrit only: no published translation is held for this verse.

अदृश्यमानाश् च गणाश् चौराञ् श्वभ्रेष्व् अवाक्षिपन् । कांश्चित् कांश्चिद् अमृद्गंश् च निहत्य भुवि तस्करान्

adṛśyamānāś ca gaṇāś caurāñ śvabhreṣv avākṣipan / kāṃścit kāṃścid amṛdgaṃś ca nihatya bhuvi taskarān

Sanskrit only: no published translation is held for this verse.

तौ च सेनापती यावज्जनो दृष्ट्वा जिघांसति । तावत्तौ समपद्येतां श्वानौ पुच्छविनाकृतौ

tau ca senāpatī yāvajjano dṛṣṭvā jighāṃsati / tāvattau samapadyetāṃ śvānau pucchavinākṛtau

Sanskrit only: no published translation is held for this verse.

तथाभूतौ च तौ स्मृत्वा पूर्वजातिमशङ्कितम् । नृत्यन्तौ शंकरस्याग्रे तम् एव शरणं श्रितौ

tathābhūtau ca tau smṛtvā pūrvajātimaśaṅkitam / nṛtyantau śaṃkarasyāgre tam eva śaraṇaṃ śritau

Sanskrit only: no published translation is held for this verse.

तद्दृष्ट्वा विस्मिताः सर्वे सविप्रवणिजो जनाः । गतचौरभया हृष्टा हसन्तः स्वगृहान्ययुः

taddṛṣṭvā vismitāḥ sarve savipravaṇijo janāḥ / gatacaurabhayā hṛṣṭā hasantaḥ svagṛhānyayuḥ

Sanskrit only: no published translation is held for this verse.

शान्तमोहौ प्रबुद्धौ च श्वानौ तौ शापशन्तये । त्यक्ताहारावथोद्दिश्य शिवं शिश्रियतुस्तपः

śāntamohau prabuddhau ca śvānau tau śāpaśantaye / tyaktāhārāvathoddiśya śivaṃ śiśriyatustapaḥ

Sanskrit only: no published translation is held for this verse.

प्रातः कृतोत्सवास् तत्र पौरास्ते पूजितेश्वराः । ध्यानस्थौ ददृशुः श्वानौ दत्ते ऽप्यन्ने पराङ्मुखौ

prātaḥ kṛtotsavās tatra paurāste pūjiteśvarāḥ / dhyānasthau dadṛśuḥ śvānau datte 'pyanne parāṅmukhau

Sanskrit only: no published translation is held for this verse.

तथैव दृश्यमानौ तैर् यावत् तौ दिवसान् बहून् । श्वानौ स्थितौ गणस् तावद् एवं शंभुं व्यजिज्ञपन्

tathaiva dṛśyamānau tair yāvat tau divasān bahūn / śvānau sthitau gaṇas tāvad evaṃ śaṃbhuṃ vyajijñapan

Sanskrit only: no published translation is held for this verse.

देव शप्ताविमौ देव्या पिङ्गेश्वरगुहेश्वरौ । बहुकालं गणौ क्लिष्टौ तत्कृपामेतयोः कुरु

deva śaptāvimau devyā piṅgeśvaraguheśvarau / bahukālaṃ gaṇau kliṣṭau tatkṛpāmetayoḥ kuru

Sanskrit only: no published translation is held for this verse.

तच् छ्रुत्वोवाच भगवानिदानीं सारमेयताम् । परित्यज्य गणावेतौ वाय् असौ भवतामिति

tac chrutvovāca bhagavānidānīṃ sārameyatām / parityajya gaṇāvetau vāy asau bhavatāmiti

Sanskrit only: no published translation is held for this verse.

ततस् तौ वायसीभूतौ बल्यन्नकृतपारणौ । गणौ जातिस्मरौ सुष्ठु शिवैकाग्रौ बभूवतुः

tatas tau vāyasībhūtau balyannakṛtapāraṇau / gaṇau jātismarau suṣṭhu śivaikāgrau babhūvatuḥ

Sanskrit only: no published translation is held for this verse.

कालेन भक्तितुष्टस्य निदेशाच् छंकरस्य तौ । भासावभूतां प्रथमं ततो ऽपि च शिखण्डिनौ

kālena bhaktituṣṭasya nideśāc chaṃkarasya tau / bhāsāvabhūtāṃ prathamaṃ tato 'pi ca śikhaṇḍinau

Sanskrit only: no published translation is held for this verse.

ततो ऽपि हंसतां प्राप्तौ तौ कालेन गणेश्वरौ । तत्रापि परया भक्त्या तावाराधयतां हरम्

tato 'pi haṃsatāṃ prāptau tau kālena gaṇeśvarau / tatrāpi parayā bhaktyā tāvārādhayatāṃ haram

Sanskrit only: no published translation is held for this verse.

तीर्थस्नानैर् व्रतैर् ध्यानैः पूजनैस्तोषितेश्वरौ । हेमरत्नमयौ तौ च संजातौ ज्ञानिनौ तथा

tīrthasnānair vratair dhyānaiḥ pūjanaistoṣiteśvarau / hemaratnamayau tau ca saṃjātau jñāninau tathā

Sanskrit only: no published translation is held for this verse.

तावावां पार्वतीशापप्राप्तक्लेशपरम्परौ । विद्ध्येतौ हंसतां प्राप्तौ पिङ्गेश्वरगुहेश्वरौ

tāvāvāṃ pārvatīśāpaprāptakleśaparamparau / viddhyetau haṃsatāṃ prāptau piṅgeśvaraguheśvarau

Sanskrit only: no published translation is held for this verse.

जयात्मजाभिलाषी यो मणिपुष्पेश्वरो गणः । देव्या शप्तः स जातस्त्वं ब्रह्मदत्तो नृपो भुवि

jayātmajābhilāṣī yo maṇipuṣpeśvaro gaṇaḥ / devyā śaptaḥ sa jātastvaṃ brahmadatto nṛpo bhuvi

Sanskrit only: no published translation is held for this verse.

जयासुता सा जातेयं भार्या सोमप्रभा तव । धूर्जटः स च जातो ऽयं मन्त्री ते शिवभूतिकः

jayāsutā sā jāteyaṃ bhāryā somaprabhā tava / dhūrjaṭaḥ sa ca jāto 'yaṃ mantrī te śivabhūtikaḥ

Sanskrit only: no published translation is held for this verse.

अत एव च संप्राप्तज्ञानाभ्यामम्बिकाकृतम् । स्मृत्वा शपान्तमावाभ्यां दत्तं ते निशि दर्शनम्

ata eva ca saṃprāptajñānābhyāmambikākṛtam / smṛtvā śapāntamāvābhyāṃ dattaṃ te niśi darśanam

Sanskrit only: no published translation is held for this verse.

तदुपायक्रमात्सर्वे मिलिताः स्म इमे ऽधुना । आवां चैव प्रदास्यावो युष्मभ्यं ज्ञानमुत्तमम्

tadupāyakramātsarve militāḥ sma ime 'dhunā / āvāṃ caiva pradāsyāvo yuṣmabhyaṃ jñānamuttamam

Sanskrit only: no published translation is held for this verse.

आयात तत्त्रिदशशैलगतं व्रजामः क्षेत्रं यथार्थमचलेन्द्रसुतापतेस्तत् । सिद्धीश्वरं विदधिरे किल यत्र देवा विद्युद्ध्वजासुरविनाशकृते तपांसि

āyāta tattridaśaśailagataṃ vrajāmaḥ kṣetraṃ yathārthamacalendrasutāpatestat / siddhīśvaraṃ vidadhire kila yatra devā vidyuddhvajāsuravināśakṛte tapāṃsi

Sanskrit only: no published translation is held for this verse.

जघ्नुस्ते च तमसुरं समरे शर्वप्रसादलब्धेन । विद्याधरेन्द्रपतिना मुक्ताफलकेतुना सहायेन

jaghnuste ca tamasuraṃ samare śarvaprasādalabdhena / vidyādharendrapatinā muktāphalaketunā sahāyena

Sanskrit only: no published translation is held for this verse.

स च मुक्ताफलकेतुः शापकृतं मर्त्यभावमुत्तीर्य । तदनुग्रहादवापत्पद्मावत्या समागमं भूयः

sa ca muktāphalaketuḥ śāpakṛtaṃ martyabhāvamuttīrya / tadanugrahādavāpatpadmāvatyā samāgamaṃ bhūyaḥ

Sanskrit only: no published translation is held for this verse.

तादृशि तत्र क्षेत्रे गत्वा नत्वा हरं प्रयास्यामः । स्वां गतिमीदृग्विहितो देव्यस्माकं समो हि शापान्तः

tādṛśi tatra kṣetre gatvā natvā haraṃ prayāsyāmaḥ / svāṃ gatimīdṛgvihito devyasmākaṃ samo hi śāpāntaḥ

Sanskrit only: no published translation is held for this verse.

इत्य् उक्तो दिव्याभ्यां हंसाभ्यां ब्रह्मदत्तभूमिपतिः । सद्यो ऽभून्मुक्ताफलकेतुकथाश्रवणकौतुकाक्षिप्तः

ity ukto divyābhyāṃ haṃsābhyāṃ brahmadattabhūmipatiḥ / sadyo 'bhūnmuktāphalaketukathāśravaṇakautukākṣiptaḥ

Sanskrit only: no published translation is held for this verse.