Somadeva: Kathasaritsagara 17.2

इति दत्तवरे देवे तिरोभूते सभार्यकः । चन्द्रकेतुस्तदैवागात्स वायुभुवनं पुनः

iti dattavare deve tirobhūte sabhāryakaḥ / candraketustadaivāgātsa vāyubhuvanaṃ punaḥ

Sanskrit only: no published translation is held for this verse.

तावत्तीव्रतपस्तुष्टस् तत्र सिद्धीश्वरे ऽपि तान् । नारायणादींल् लिङ्गान्तर् दृष्टो हृष्टान् हरो ऽब्रवीत्

tāvattīvratapastuṣṭas tatra siddhīśvare 'pi tān / nārāyaṇādīṃl liṅgāntar dṛṣṭo hṛṣṭān haro 'bravīt

Sanskrit only: no published translation is held for this verse.

उत्तिष्ठतालं क्लेशेन युष्मत्पक्ष्येण तोषितः । विद्याधरेश्वरेणाहं तपसा चन्द्रकेतुना

uttiṣṭhatālaṃ kleśena yuṣmatpakṣyeṇa toṣitaḥ / vidyādhareśvareṇāhaṃ tapasā candraketunā

Sanskrit only: no published translation is held for this verse.

मदंशशंभवस् तस्य वीरः पुत्रो जनिष्यते । यस्तं विद्युद्ध्वजं दैत्यं हनिष्यत्यचिराद्रणे

madaṃśaśaṃbhavas tasya vīraḥ putro janiṣyate / yastaṃ vidyuddhvajaṃ daityaṃ haniṣyatyacirādraṇe

Sanskrit only: no published translation is held for this verse.

ततो ऽन्यदेवकार्यार्थं मानुष्ये शापतश्च्युतम् । पद्मशेखरगन्धर्वसुता तं प्रोद्धरिष्यति

tato 'nyadevakāryārthaṃ mānuṣye śāpataścyutam / padmaśekharagandharvasutā taṃ proddhariṣyati

Sanskrit only: no published translation is held for this verse.

पद्मावत्याख्यया सार्धं तया गौर्यंशजातया । पत्न्या द्युचरसाम्राज्यं कृत्वा माम् एव चैष्यति

padmāvatyākhyayā sārdhaṃ tayā gauryaṃśajātayā / patnyā dyucarasāmrājyaṃ kṛtvā mām eva caiṣyati

Sanskrit only: no published translation is held for this verse.

तत्सहध्वं मनागेषः कामः संपन्न एव वः । इत्य् अच्युतादीन् उक्त्वा ताञ् जगामादर्शनं शिवः

tatsahadhvaṃ manāgeṣaḥ kāmaḥ saṃpanna eva vaḥ / ity acyutādīn uktvā tāñ jagāmādarśanaṃ śivaḥ

Sanskrit only: no published translation is held for this verse.

ततो हृष्टो हरिब्रह्मा शक्रामरगुरू च तौ । जग्मुः स्थानानि तान्येव ते भूयो येभ्य आगताः

tato hṛṣṭo haribrahmā śakrāmaragurū ca tau / jagmuḥ sthānāni tānyeva te bhūyo yebhya āgatāḥ

Sanskrit only: no published translation is held for this verse.

अथ विद्याधरेन्द्रस्य तस्य मुक्तावली प्रिया । चन्द्रकेतोः सगर्भाभूत्काले च सुषुवे सुतम्

atha vidyādharendrasya tasya muktāvalī priyā / candraketoḥ sagarbhābhūtkāle ca suṣuve sutam

Sanskrit only: no published translation is held for this verse.

प्रकाशयन्तं ककुभो दुराधर्षेण तेजसा । तामसोपद्रवं हर्तुं वालमर्कमिवोदितम्

prakāśayantaṃ kakubho durādharṣeṇa tejasā / tāmasopadravaṃ hartuṃ vālamarkamivoditam

Sanskrit only: no published translation is held for this verse.

जाते च तस्मिन्न् इत्य् अत्र भारती शुश्रुवे दिवः । चन्द्रकेतो सुतो ऽयं ते हन्ता विद्युद्ध्वजासुरम्

jāte ca tasminn ity atra bhāratī śuśruve divaḥ / candraketo suto 'yaṃ te hantā vidyuddhvajāsuram

Sanskrit only: no published translation is held for this verse.

नाम्ना च विद्ध्यमुं मुक्तफलकेतुं द्विषन्तपम् । इत्य् उक्त्वा चन्द्रकेतुं सा सोत्सवं विरराम वाक्

nāmnā ca viddhyamuṃ muktaphalaketuṃ dviṣantapam / ity uktvā candraketuṃ sā sotsavaṃ virarāma vāk

Sanskrit only: no published translation is held for this verse.

पपात पुष्पवृष्टिश् च ज्ञातार्थः पद्मशेखरः । शक्रश्चययतुस् तत्र ये च च्छन्नाः स्थिताः सुराः

papāta puṣpavṛṣṭiś ca jñātārthaḥ padmaśekharaḥ / śakraścayayatus tatra ye ca cchannāḥ sthitāḥ surāḥ

Sanskrit only: no published translation is held for this verse.

हरप्रसादवृत्तान्तमाचक्षाणाः परस्परम् । अनुभूय प्रमोदं ते स्वस्थानान्येव शिश्रियुः

haraprasādavṛttāntamācakṣāṇāḥ parasparam / anubhūya pramodaṃ te svasthānānyeva śiśriyuḥ

Sanskrit only: no published translation is held for this verse.

स मुक्ताफलकेतुश् च सर्वसंस्कारसंस्कृतः । सहानन्देन देवानां क्रमाद्वृद्धिम् उपागमत्

sa muktāphalaketuś ca sarvasaṃskārasaṃskṛtaḥ / sahānandena devānāṃ kramādvṛddhim upāgamat

Sanskrit only: no published translation is held for this verse.

अथ तस्य दिनैः कन्या पुत्रोत्पत्तेरनन्तरम् । गन्धर्वाधिपतेः पद्मशेखरस्याप्यजायत

atha tasya dinaiḥ kanyā putrotpatteranantaram / gandharvādhipateḥ padmaśekharasyāpyajāyata

Sanskrit only: no published translation is held for this verse.

गन्धर्वेन्द्र सुतेयं ते भार्या विद्युद्ध्वजद्विषः । विद्याधरपतेः पद्मावती नाम भविष्यति

gandharvendra suteyaṃ te bhāryā vidyuddhvajadviṣaḥ / vidyādharapateḥ padmāvatī nāma bhaviṣyati

Sanskrit only: no published translation is held for this verse.

इति तस्यां च जातायां गगनादुदगाद्वचः । ततः पद्मावती सात्र क्रमात्कन्या व्यवर्धत

iti tasyāṃ ca jātāyāṃ gaganādudagādvacaḥ / tataḥ padmāvatī sātra kramātkanyā vyavardhata

Sanskrit only: no published translation is held for this verse.

सुधांशुलोकसंभूतिसंक्रान्तेन तरङ्गिणा । अमृतेनेव लावण्यविसरेण विराजिता

sudhāṃśulokasaṃbhūtisaṃkrāntena taraṅgiṇā / amṛteneva lāvaṇyavisareṇa virājitā

Sanskrit only: no published translation is held for this verse.

सो ऽपि बालो ऽभवन्मुक्ताफलकेतुर्महामतिः । व्रतोपवासादि तपश्चक्रे शिवमयः सदा

so 'pi bālo 'bhavanmuktāphalaketurmahāmatiḥ / vratopavāsādi tapaścakre śivamayaḥ sadā

Sanskrit only: no published translation is held for this verse.

एकदा ध्याननिष्ठं तं द्वादशाहम् उपोषितम् । प्रत्यक्षीभूय भगवाञ्जगाद गिरिजापतिः

ekadā dhyānaniṣṭhaṃ taṃ dvādaśāham upoṣitam / pratyakṣībhūya bhagavāñjagāda girijāpatiḥ

Sanskrit only: no published translation is held for this verse.

तुष्टो ऽस्मि ते ऽनया भक्त्या मत्प्रसादेन तत्तव । आविर्भविष्यन्त्य् अस्त्राणि विद्याः सर्वकलास् तथा

tuṣṭo 'smi te 'nayā bhaktyā matprasādena tattava / āvirbhaviṣyanty astrāṇi vidyāḥ sarvakalās tathā

Sanskrit only: no published translation is held for this verse.

अपराजितसंज्ञं च खड्गमेतं गृहाण मे । कर्तासि येन साम्राज्यं विपक्षैर् अपराजितः

aparājitasaṃjñaṃ ca khaḍgametaṃ gṛhāṇa me / kartāsi yena sāmrājyaṃ vipakṣair aparājitaḥ

Sanskrit only: no published translation is held for this verse.

इत्य् उक्त्वा स विभुस्तस्मै खड्गं दत्त्वा तिरोदधे । स चाशु राजपुत्रो ऽभून्महास्त्रबलविक्रमः

ity uktvā sa vibhustasmai khaḍgaṃ dattvā tirodadhe / sa cāśu rājaputro 'bhūnmahāstrabalavikramaḥ

Sanskrit only: no published translation is held for this verse.

अत्रान्तरे कदाचित्स विद्युद्ध्वजमहासुरः । त्रिदिवस्थो जलक्रीडां चक्रे द्युसरिदम्भसि

atrāntare kadācitsa vidyuddhvajamahāsuraḥ / tridivastho jalakrīḍāṃ cakre dyusaridambhasi

Sanskrit only: no published translation is held for this verse.

ददर्श स जलं तस्याः कपिशं पुष्परेणुभिः । मदगन्धानुविद्धं च वीचिविक्षोभितं महत्

dadarśa sa jalaṃ tasyāḥ kapiśaṃ puṣpareṇubhiḥ / madagandhānuviddhaṃ ca vīcivikṣobhitaṃ mahat

Sanskrit only: no published translation is held for this verse.

ततो भुजमदाध्मातः स जगाद निजानुगान् । ममाप्य् उपरि कः क्रीडत्यम्भोभिर् यात पश्यत

tato bhujamadādhmātaḥ sa jagāda nijānugān / mamāpy upari kaḥ krīḍatyambhobhir yāta paśyata

Sanskrit only: no published translation is held for this verse.

तच् छ्रुत्वोपरि यातास्ते पश्यन्ति स्मासुरा जले । क्रीडन्तं वृषभं शार्वं सह शाक्रेण दन्तिना

tac chrutvopari yātāste paśyanti smāsurā jale / krīḍantaṃ vṛṣabhaṃ śārvaṃ saha śākreṇa dantinā

Sanskrit only: no published translation is held for this verse.

आगत्य च तमूचुस्ते दैत्येन्द्रं देव शांभवः । उपर्येत्य वृषः क्रीडत्यैर् आवणयुतो ऽम्भसि

āgatya ca tamūcuste daityendraṃ deva śāṃbhavaḥ / uparyetya vṛṣaḥ krīḍatyair āvaṇayuto 'mbhasi

Sanskrit only: no published translation is held for this verse.

तन्माल्यैरावणमदव्यामिश्रितम् इदं पयः । श्रुत्वेत्यगणयञ् शर्वं मदाच् चुक्रोध सो ऽसुरः

tanmālyairāvaṇamadavyāmiśritam idaṃ payaḥ / śrutvetyagaṇayañ śarvaṃ madāc cukrodha so 'suraḥ

Sanskrit only: no published translation is held for this verse.

स्वदुष्कृतपरीपाकमूढो भृत्यानुवाच च । यातानयत तौ बद्ध्वा वृषभैर् आवणाविति

svaduṣkṛtaparīpākamūḍho bhṛtyānuvāca ca / yātānayata tau baddhvā vṛṣabhair āvaṇāviti

Sanskrit only: no published translation is held for this verse.

ततो गत्वा जिघृक्षन्ति यावत्तौ ते किलासुराः । तावत्ताञ्जघ्नतुः क्रुद्धौ तौ प्रधाव्य वृषद्विपौ

tato gatvā jighṛkṣanti yāvattau te kilāsurāḥ / tāvattāñjaghnatuḥ kruddhau tau pradhāvya vṛṣadvipau

Sanskrit only: no published translation is held for this verse.

हतशेषाश् च जगदुर्गत्वा विद्युद्ध्वजाय तत् । स क्रुद्धः प्राहिणोत्तौ प्रत्यासुरं सुमहद्बलम्

hataśeṣāś ca jagadurgatvā vidyuddhvajāya tat / sa kruddhaḥ prāhiṇottau pratyāsuraṃ sumahadbalam

Sanskrit only: no published translation is held for this verse.

मथित्वा तच् च तत्सैन्यं पापपाकागतक्षयम् । वृषो हरान्तिकं प्रायादिन्द्रमैर् आवणो ऽभ्यगात्

mathitvā tac ca tatsainyaṃ pāpapākāgatakṣayam / vṛṣo harāntikaṃ prāyādindramair āvaṇo 'bhyagāt

Sanskrit only: no published translation is held for this verse.

इन्द्रो ऽथ तस्य दितिजस्य विचेष्टितं तद् ऐरावणानुचररक्षिगणान् निशम्य । संप्राप्तनाशसमयं तममन्यतारिं गौरीपतेर् भगवतो ऽपि कृतावमानम्

indro 'tha tasya ditijasya viceṣṭitaṃ tad airāvaṇānucararakṣigaṇān niśamya / saṃprāptanāśasamayaṃ tamamanyatāriṃ gaurīpater bhagavato 'pi kṛtāvamānam

Sanskrit only: no published translation is held for this verse.

आवेद्य तत्कमलजाय ततः समेत्य विद्याधरादिसहितः सह देवसैन्यैः । हन्तुं रिपुं तमधिरूढसुरेभमुख्यः शक्रः शचीरचितमाङ्गलिकः प्रतस्थे

āvedya tatkamalajāya tataḥ sametya vidyādharādisahitaḥ saha devasainyaiḥ / hantuṃ ripuṃ tamadhirūḍhasurebhamukhyaḥ śakraḥ śacīracitamāṅgalikaḥ pratasthe

Sanskrit only: no published translation is held for this verse.