Library·Somadeva: Kathasaritsagara·17·17.3
इति महाकविश्रीसोमदेवभट्टविरचिते कथासरित्सागरे पद्मावतीलम्बके द्वितीयस् तरङ्गः । तृतीयस् तरङ्गः । ततस्त्रिविष्टपं प्राप्य स शक्रः पर्यवेष्टयत् । हरानुग्रहसोत्साहैर् लब्धकालबलैर् बलैः
iti mahākaviśrīsomadevabhaṭṭaviracite kathāsaritsāgare padmāvatīlambake dvitīyas taraṅgaḥ / tṛtīyas taraṅgaḥ / tatastriviṣṭapaṃ prāpya sa śakraḥ paryaveṣṭayat / harānugrahasotsāhair labdhakālabalair balaiḥ
Sanskrit only: no published translation is held for this verse.
तद्दृष्ट्वा निर्ययौ विद्युद्ध्वजः संनद्धसैनिकः । प्रावर्तन्तानिमित्तानि तस्य निर्गच्छतस्तदा
taddṛṣṭvā niryayau vidyuddhvajaḥ saṃnaddhasainikaḥ / prāvartantānimittāni tasya nirgacchatastadā
Sanskrit only: no published translation is held for this verse.
ध्वजेषु विद्युतः पेतुर् भ्रेमुर् गृध्रास् तथोपरि । अभज्यन्त महाच्छत्त्राण्यशिवं चारुवञ् शिवाः
dhvajeṣu vidyutaḥ petur bhremur gṛdhrās tathopari / abhajyanta mahācchattrāṇyaśivaṃ cāruvañ śivāḥ
Sanskrit only: no published translation is held for this verse.
तान्यरिष्टान्यगणयन्निरगादेव सो ऽसुरः । देवासुराणं च ततः प्रावर्तत महाहवः
tānyariṣṭānyagaṇayanniragādeva so 'suraḥ / devāsurāṇaṃ ca tataḥ prāvartata mahāhavaḥ
Sanskrit only: no published translation is held for this verse.
स मुक्ताफलकेतुः किं नाद्याप्येतीति वज्रिणा । पृष्टो ऽथ चन्द्रकेतुस्तं खेचरेन्द्रो व्यजिज्ञपत्
sa muktāphalaketuḥ kiṃ nādyāpyetīti vajriṇā / pṛṣṭo 'tha candraketustaṃ khecarendro vyajijñapat
Sanskrit only: no published translation is held for this verse.
विस्मृत्य त्वरया तस्य नोक्तमागच्छता मया । स तु बुद्ध्वा ध्रुवं पश्चादागच्छत्येव सत्वरम्
vismṛtya tvarayā tasya noktamāgacchatā mayā / sa tu buddhvā dhruvaṃ paścādāgacchatyeva satvaram
Sanskrit only: no published translation is held for this verse.
एतच् छ्रुत्वा स देवेन्द्रश्चतुरं वायुसारथिम् । श्रीमुक्ताफलकेतुं तमानेतुं प्राहिणोद्रथम्
etac chrutvā sa devendraścaturaṃ vāyusārathim / śrīmuktāphalaketuṃ tamānetuṃ prāhiṇodratham
Sanskrit only: no published translation is held for this verse.
पिता च तत्समं तस्य चन्द्रकेतुः ससैनिकम् । आह्वानाय प्रतीहारं विससर्ज रथानुगम्
pitā ca tatsamaṃ tasya candraketuḥ sasainikam / āhvānāya pratīhāraṃ visasarja rathānugam
Sanskrit only: no published translation is held for this verse.
स मुक्ताफलकेतुश् च बुद्ध्वा दैत्याहवे गतम् । पितरं सानुगो गन्तुं तत्रैवाभ्युद्यतो ऽभवत्
sa muktāphalaketuś ca buddhvā daityāhave gatam / pitaraṃ sānugo gantuṃ tatraivābhyudyato 'bhavat
Sanskrit only: no published translation is held for this verse.
ततो जयगजारूढोजननीकृतमङ्गलः । वायुलोकाद् उदचलत् स बिभ्रत्खड्गम् ऐश्वरम्
tato jayagajārūḍhojananīkṛtamaṅgalaḥ / vāyulokād udacalat sa bibhratkhaḍgam aiśvaram
Sanskrit only: no published translation is held for this verse.
प्रस्थितस्यापतत्तस्य पुष्पवृष्टिर्नभस्तलात् । देवाश् च दुन्दुभीञ्जघ्नुर्वायवश् च ववुः शिवाः
prasthitasyāpatattasya puṣpavṛṣṭirnabhastalāt / devāś ca dundubhīñjaghnurvāyavaś ca vavuḥ śivāḥ
Sanskrit only: no published translation is held for this verse.
मिलित्वा परिवव्रुश् च ते तं देवगणास् ततः । आसन् पलाय्य प्रच्छन्ना ये विद्युद्ध्वजभीतितः
militvā parivavruś ca te taṃ devagaṇās tataḥ / āsan palāyya pracchannā ye vidyuddhvajabhītitaḥ
Sanskrit only: no published translation is held for this verse.
तेन सैन्येन महता सह गच्छन्ददर्श सः । मार्गे मेघवनं नाम पार्वत्यायतनं महत्
tena sainyena mahatā saha gacchandadarśa saḥ / mārge meghavanaṃ nāma pārvatyāyatanaṃ mahat
Sanskrit only: no published translation is held for this verse.
तदनुल्लङ्घयन् भक्त्या गजाद् अत्रावतीर्य सः । आहृत्य दिव्यपुष्पाणि देवीं प्रावर्ततार्चितुम्
tadanullaṅghayan bhaktyā gajād atrāvatīrya saḥ / āhṛtya divyapuṣpāṇi devīṃ prāvartatārcitum
Sanskrit only: no published translation is held for this verse.
अत्रान्तरे च गन्धर्वपतेः स प्राप्तयौवना । पद्मावती सुता पद्मशेखरस्य सखीवृता
atrāntare ca gandharvapateḥ sa prāptayauvanā / padmāvatī sutā padmaśekharasya sakhīvṛtā
Sanskrit only: no published translation is held for this verse.
भर्तुः सङ्ग्रामयातस्य श्रेयोर्थं तपसि स्थिताम् । मातरं स्वामनुज्ञाप्य विमानेनेन्दुलोकतः
bhartuḥ saṅgrāmayātasya śreyorthaṃ tapasi sthitām / mātaraṃ svāmanujñāpya vimānenendulokataḥ
Sanskrit only: no published translation is held for this verse.
शिवार्थिनी पितुः संख्ये वरस्याभीप्सितस्य च । तदेव तपसे दिव्यं गौर्यायतनमाययौ
śivārthinī pituḥ saṃkhye varasyābhīpsitasya ca / tadeva tapase divyaṃ gauryāyatanamāyayau
Sanskrit only: no published translation is held for this verse.
वरो नाद्यापि ते कश्चिन्निश्चितो यो युधि स्थितः । पितुः श्रेयोनिमित्तं च माता ते संश्रिता तपः
varo nādyāpi te kaścinniścito yo yudhi sthitaḥ / pituḥ śreyonimittaṃ ca mātā te saṃśritā tapaḥ
Sanskrit only: no published translation is held for this verse.
त्वं तु कन्या तपः कस्य कृते सखि चिकीर्षसि । इत्य् उक्ता पथि सख्या सा पद्मावत्यब्रवीदिदम्
tvaṃ tu kanyā tapaḥ kasya kṛte sakhi cikīrṣasi / ity uktā pathi sakhyā sā padmāvatyabravīdidam
Sanskrit only: no published translation is held for this verse.
पितैव सखि कन्यानां दैवतं सर्वसिद्धिकृत् । वरो ऽप्य् अनन्यसामन्यगुणो निश्चित एव मे
pitaiva sakhi kanyānāṃ daivataṃ sarvasiddhikṛt / varo 'py ananyasāmanyaguṇo niścita eva me
Sanskrit only: no published translation is held for this verse.
विद्युद्ध्वजं निहन्तुं यो जातो विद्याधरेन्द्रतः । स मुक्ताफलकेतुर्मे व्यादिष्टः शंभुना पतिः
vidyuddhvajaṃ nihantuṃ yo jāto vidyādharendrataḥ / sa muktāphalaketurme vyādiṣṭaḥ śaṃbhunā patiḥ
Sanskrit only: no published translation is held for this verse.
एतन् मयाम्बापृष्टस्य तातस्यैव मुखाच् छ्रुतम् । स च यास्यति यातो वा सङ्ग्रामे मे वरो ध्रुवम्
etan mayāmbāpṛṣṭasya tātasyaiva mukhāc chrutam / sa ca yāsyati yāto vā saṅgrāme me varo dhruvam
Sanskrit only: no published translation is held for this verse.
अतो भगवतीं गौरीं तपसारधयाम्य् अहम् । विजयाकाङ्क्षिणी तस्य पत्युस् तातस्य चोभयोः
ato bhagavatīṃ gaurīṃ tapasāradhayāmy aham / vijayākāṅkṣiṇī tasya patyus tātasya cobhayoḥ
Sanskrit only: no published translation is held for this verse.
एवं वदन्तीं तां राजपुत्रीमाह स्म सा सखी । भाविन्यर्थे ऽपि तर्ह्येष व्यवसायस्तवोचितः
evaṃ vadantīṃ tāṃ rājaputrīmāha sma sā sakhī / bhāvinyarthe 'pi tarhyeṣa vyavasāyastavocitaḥ
Sanskrit only: no published translation is held for this verse.
तत्ते ऽभिलषितं सिध्यत्विति सख्या तयोदिता । सा गौर्यायतनाभ्यर्णं भव्यं प्राप महत्सरः
tatte 'bhilaṣitaṃ sidhyatviti sakhyā tayoditā / sā gauryāyatanābhyarṇaṃ bhavyaṃ prāpa mahatsaraḥ
Sanskrit only: no published translation is held for this verse.
उत्फुल्लैः स्वर्णकमलैः प्रतिच्छन्नं प्रभास्वरैः । तन्मुखाम्भोरुहोत्सर्पत्कान्तिविच्छुरितैर् इव
utphullaiḥ svarṇakamalaiḥ praticchannaṃ prabhāsvaraiḥ / tanmukhāmbhoruhotsarpatkāntivicchuritair iva
Sanskrit only: no published translation is held for this verse.
तत्रावतीर्य कमलान्यम्बिकाभ्यर्चनाय सा । उच्चित्य गन्दह्र्वसुता स्नानं यावद्विधित्सति
tatrāvatīrya kamalānyambikābhyarcanāya sā / uccitya gandahrvasutā snānaṃ yāvadvidhitsati
Sanskrit only: no published translation is held for this verse.
तावद्देवासुररणं रक्षःस्वामिषगर्धिषु । अभिधावत्सु तेन द्वे राक्षस्यावागते पथा
tāvaddevāsuraraṇaṃ rakṣaḥsvāmiṣagardhiṣu / abhidhāvatsu tena dve rākṣasyāvāgate pathā
Sanskrit only: no published translation is held for this verse.
दंष्ट्राघोरमुखोद्वान्तज्वालापिङ्गोर्ध्वमूर्धजे । धूमश्याममहाकाये लम्बोदरपयोधरे
daṃṣṭrāghoramukhodvāntajvālāpiṅgordhvamūrdhaje / dhūmaśyāmamahākāye lambodarapayodhare
Sanskrit only: no published translation is held for this verse.
ताभ्यां दृष्ट्वैव गन्धर्वराजपुत्री निपत्य सा । नक्तंचरीभ्यां जगृहे निन्ये च गगनोन्मुखम्
tābhyāṃ dṛṣṭvaiva gandharvarājaputrī nipatya sā / naktaṃcarībhyāṃ jagṛhe ninye ca gaganonmukham
Sanskrit only: no published translation is held for this verse.
तद्विमानाधिदेवश् च राक्षस्यौ यावदेव ते । रुणद्धि यवदार्तश् च क्रन्दत्यस्याः परिच्छदः
tadvimānādhidevaś ca rākṣasyau yāvadeva te / ruṇaddhi yavadārtaś ca krandatyasyāḥ paricchadaḥ
Sanskrit only: no published translation is held for this verse.
तावद्देवीगृहान्मुक्ताफलकेतुः कृतार्चनः । स निर्गतः श्रुताक्रन्दस्तम् एवोद्देशमागमत्
tāvaddevīgṛhānmuktāphalaketuḥ kṛtārcanaḥ / sa nirgataḥ śrutākrandastam evoddeśamāgamat
Sanskrit only: no published translation is held for this verse.
स दृष्ट्वा राक्षसीयुग्मगृहीतां तां लसद्द्युतिम् । कालमेघावलीमध्यगतां सौदामनीमिव
sa dṛṣṭvā rākṣasīyugmagṛhītāṃ tāṃ lasaddyutim / kālameghāvalīmadhyagatāṃ saudāmanīmiva
Sanskrit only: no published translation is held for this verse.
पद्मावतीं प्रधाव्यैव महावीरो व्यमोचयत् । क्षिप्त्वा विचेतने भूमौ राक्षस्यौ ते तलाहते
padmāvatīṃ pradhāvyaiva mahāvīro vyamocayat / kṣiptvā vicetane bhūmau rākṣasyau te talāhate
Sanskrit only: no published translation is held for this verse.
ददर्श तां च लावण्यरसनिर्झरवाहिनीम् । त्रिवलीलहरीहारिमध्यभागोपशोभिनीम्
dadarśa tāṃ ca lāvaṇyarasanirjharavāhinīm / trivalīlaharīhārimadhyabhāgopaśobhinīm
Sanskrit only: no published translation is held for this verse.
स्वर्वधूसर्गसंप्राप्तकौशलोत्कर्षशालिना । धात्रा समग्रसौन्दर्यसारसंपादिताम् इव
svarvadhūsargasaṃprāptakauśalotkarṣaśālinā / dhātrā samagrasaundaryasārasaṃpāditām iva
Sanskrit only: no published translation is held for this verse.
दृष्ट्वा च तां स कंदर्पमोहमन्थरितेन्द्रियः । धीरो ऽप्य् अत्र क्षणं तस्थौ चित्रस्थ इव निश्चलः
dṛṣṭvā ca tāṃ sa kaṃdarpamohamantharitendriyaḥ / dhīro 'py atra kṣaṇaṃ tasthau citrastha iva niścalaḥ
Sanskrit only: no published translation is held for this verse.
राक्षसीसंभ्रमे शान्ते समाश्वस्य क्षणादिव । पद्मावत्य् अपि तं मुक्ताफलकेतुं ददर्श सा
rākṣasīsaṃbhrame śānte samāśvasya kṣaṇādiva / padmāvaty api taṃ muktāphalaketuṃ dadarśa sā
Sanskrit only: no published translation is held for this verse.
जगन्नेत्रोत्सवाकारं स्त्रीजनोन्माददायिनम् । एकीकृत्येन्दुकंदर्पौ विधिनेव विनिर्मितम्
jagannetrotsavākāraṃ strījanonmādadāyinam / ekīkṛtyendukaṃdarpau vidhineva vinirmitam
Sanskrit only: no published translation is held for this verse.
ततो लजानतमुखी सखीं स्वैर् अम् अभाषत । भद्रमस्यास्तु यामीतः परपूरुषपार्श्वतः
tato lajānatamukhī sakhīṃ svair am abhāṣata / bhadramasyāstu yāmītaḥ parapūruṣapārśvataḥ
Sanskrit only: no published translation is held for this verse.
एवं वदन्त्यां तस्यां च सा मुक्ताफलकेतुना । बाला किमियमाहेति तेनापृच्छ्यत तत्सखी
evaṃ vadantyāṃ tasyāṃ ca sā muktāphalaketunā / bālā kimiyamāheti tenāpṛcchyata tatsakhī
Sanskrit only: no published translation is held for this verse.
साप्य् उवाच सुकन्येयं दत्ताशीः प्राणदस्य ते । एह्यन्यपुरुषोपान्ताद्व्रजाव इति वक्ति माम्
sāpy uvāca sukanyeyaṃ dattāśīḥ prāṇadasya te / ehyanyapuruṣopāntādvrajāva iti vakti mām
Sanskrit only: no published translation is held for this verse.
तच् छ्रुत्वा संभ्रमान्मुक्ताफलकेतुर् उवाच ताम् । केयं कस्य सुता दत्ता कस्मै वा शुभकर्मणे
tac chrutvā saṃbhramānmuktāphalaketur uvāca tām / keyaṃ kasya sutā dattā kasmai vā śubhakarmaṇe
Sanskrit only: no published translation is held for this verse.
इति पृष्टा च सा तेन तद्वयस्या तम् अब्रवीत् । इयं पद्मावती नाम कन्या सुभग नः सखी
iti pṛṣṭā ca sā tena tadvayasyā tam abravīt / iyaṃ padmāvatī nāma kanyā subhaga naḥ sakhī
Sanskrit only: no published translation is held for this verse.
गन्धर्वाधिपतेः पद्मशेखरस्यात्मसंभवा । आदिष्टो ऽस्याः पतिर्मुक्ताफलकेतुश् च शंभुना
gandharvādhipateḥ padmaśekharasyātmasaṃbhavā / ādiṣṭo 'syāḥ patirmuktāphalaketuś ca śaṃbhunā
Sanskrit only: no published translation is held for this verse.
पुत्रो विद्याधरेन्द्रस्य चन्द्रकेतोर्जगत्प्रियः । सहायो देवराजस्य विद्युद्ध्वजविनाशकृत्
putro vidyādharendrasya candraketorjagatpriyaḥ / sahāyo devarājasya vidyuddhvajavināśakṛt
Sanskrit only: no published translation is held for this verse.
आकाङ्क्षन्ती जयं तस्य भर्तुः संख्ये पितुस् तथा । गौर्यायतनमद्यैतत्तपोर्थमियमागता
ākāṅkṣantī jayaṃ tasya bhartuḥ saṃkhye pitus tathā / gauryāyatanamadyaitattaporthamiyamāgatā
Sanskrit only: no published translation is held for this verse.
श्रुत्वैतद्राजपुत्रीं तां चन्द्रकेतुसुतानुगाः । दिष्ट्या देवि स एवायं तव भर्तेत्यनन्दयन्
śrutvaitadrājaputrīṃ tāṃ candraketusutānugāḥ / diṣṭyā devi sa evāyaṃ tava bhartetyanandayan
Sanskrit only: no published translation is held for this verse.
ततो ऽन्योन्यपरिज्ञानहर्षपूर्णे निजात्मनि । युक्तं तद्यन्न मातः स्म तौ कुमारीवरावुभौ
tato 'nyonyaparijñānaharṣapūrṇe nijātmani / yuktaṃ tadyanna mātaḥ sma tau kumārīvarāvubhau
Sanskrit only: no published translation is held for this verse.
यावचान्योन्यसप्रेमतिर्यगर्धावलोकितैः । तिष्ठतस् तत्र तौ तावच् छुश्रुवे तूर्यनिःस्वनः
yāvacānyonyasaprematiryagardhāvalokitaiḥ / tiṣṭhatas tatra tau tāvac chuśruve tūryaniḥsvanaḥ
Sanskrit only: no published translation is held for this verse.
ततश् च ददृशे सैन्यं वायुयुक्तो रथस् ततः । चन्द्रकेतुप्रतीहारस् तथा च त्वरितागतौ
tataś ca dadṛśe sainyaṃ vāyuyukto rathas tataḥ / candraketupratīhāras tathā ca tvaritāgatau
Sanskrit only: no published translation is held for this verse.
तौ च वायुप्रतीहारौ विनयोज्झितवाहनौ । उपगम्यैव तं मुक्ताफलकेतुमवोचताम्
tau ca vāyupratīhārau vinayojjhitavāhanau / upagamyaiva taṃ muktāphalaketumavocatām
Sanskrit only: no published translation is held for this verse.
त्वमाह्वयति देवेन्द्रः पिता चाहवभूमितः । तदिमं रथमारुह्य शीघ्रमागम्यतामिति
tvamāhvayati devendraḥ pitā cāhavabhūmitaḥ / tadimaṃ rathamāruhya śīghramāgamyatāmiti
Sanskrit only: no published translation is held for this verse.
ततः पद्मावतीप्रेमबद्धो ऽपि गुरुकार्यतः । स तं ताभ्यां सहाध्यास्त खेचरेन्द्रसुतो रथम्
tataḥ padmāvatīpremabaddho 'pi gurukāryataḥ / sa taṃ tābhyāṃ sahādhyāsta khecarendrasuto ratham
Sanskrit only: no published translation is held for this verse.
बद्ध्वा च शक्रप्रहितं दिव्यं कवचम् आशु सः । प्रतस्थे वलितग्रीवं पश्यन् पद्मावतीं मुहुः
baddhvā ca śakraprahitaṃ divyaṃ kavacam āśu saḥ / pratasthe valitagrīvaṃ paśyan padmāvatīṃ muhuḥ
Sanskrit only: no published translation is held for this verse.
पद्मावती च निर्वर्ण्य सा तमादृष्टिगोचरम् । एकपाणितलाघातहतनक्तंचरीद्वयम्
padmāvatī ca nirvarṇya sā tamādṛṣṭigocaram / ekapāṇitalāghātahatanaktaṃcarīdvayam
Sanskrit only: no published translation is held for this verse.
तम् एव चिन्तयन्ती च स्नात्वाभ्यर्च्याम्बिकाहरौ । तदाप्रभृति तत्रैव तेपे तच्छ्रेयसे तपः
tam eva cintayantī ca snātvābhyarcyāmbikāharau / tadāprabhṛti tatraiva tepe tacchreyase tapaḥ
Sanskrit only: no published translation is held for this verse.
सो ऽपि तद्दर्शनं मुक्ताफलकेतुर्विचिन्तयन् । मङ्गल्यं विजयाशंसि प्राप देवासुरावहम्
so 'pi taddarśanaṃ muktāphalaketurvicintayan / maṅgalyaṃ vijayāśaṃsi prāpa devāsurāvaham
Sanskrit only: no published translation is held for this verse.
दृष्ट्वा च तं सुसंनद्धं ससैन्यं वीरमागतम् । तम् एव प्रति सर्वे ऽपि ते ऽभ्यधावन्महासुराः
dṛṣṭvā ca taṃ susaṃnaddhaṃ sasainyaṃ vīramāgatam / tam eva prati sarve 'pi te 'bhyadhāvanmahāsurāḥ
Sanskrit only: no published translation is held for this verse.
तेषां स शरवर्षेण शिरोभिः शकलीकृतैः । शूरो रणोत्सवारम्भे चक्रे दिग्देवताबलिम्
teṣāṃ sa śaravarṣeṇa śirobhiḥ śakalīkṛtaiḥ / śūro raṇotsavārambhe cakre digdevatābalim
Sanskrit only: no published translation is held for this verse.
हन्यमानं बलं तेन तन्मुक्ताफलकेतुना । दृष्ट्वा विद्युद्ध्वजः क्रोधादधावत्तं प्रति स्वयम्
hanyamānaṃ balaṃ tena tanmuktāphalaketunā / dṛṣṭvā vidyuddhvajaḥ krodhādadhāvattaṃ prati svayam
Sanskrit only: no published translation is held for this verse.
स चापतन्नेव शरैर् दैत्यो यत्तेन ताडितः । तत्तम् एवाभ्यधावत्तत्सर्वतः सैन्यमासुरम्
sa cāpatanneva śarair daityo yattena tāḍitaḥ / tattam evābhyadhāvattatsarvataḥ sainyamāsuram
Sanskrit only: no published translation is held for this verse.
तद् दृष्ट्वा सिद्धगन्धर्वविद्याधरसुरान्वितः । अभिदुद्राव तद्दैत्यसैन्यम् सपदि वासवः
tad dṛṣṭvā siddhagandharvavidyādharasurānvitaḥ / abhidudrāva taddaityasainyam sapadi vāsavaḥ
Sanskrit only: no published translation is held for this verse.
ततः पतदिषुप्रासशकितोमरपट्टिशम् । उदभूत्तूमुलं युद्धं निहतासंख्यसैनिकम्
tataḥ patadiṣuprāsaśakitomarapaṭṭiśam / udabhūttūmulaṃ yuddhaṃ nihatāsaṃkhyasainikam
Sanskrit only: no published translation is held for this verse.
गजाश्वकायमकरा दन्तिमौक्तिकवालुकाः । प्रवीरमुण्डपाषाणाः प्रावहन्रुधिरापगाः
gajāśvakāyamakarā dantimauktikavālukāḥ / pravīramuṇḍapāṣāṇāḥ prāvahanrudhirāpagāḥ
Sanskrit only: no published translation is held for this verse.
शोणितासवमत्तानां भूतानामामिषार्थिनाम् । सो ऽभूद्रणोत्सवः प्रीत्यै कबन्धैः सह नृत्यताम्
śoṇitāsavamattānāṃ bhūtānāmāmiṣārthinām / so 'bhūdraṇotsavaḥ prītyai kabandhaiḥ saha nṛtyatām
Sanskrit only: no published translation is held for this verse.
तस्मिञ् जयश्रीर् दैत्यानां देवानां चाहवार्णवे । महोर्मिचपला प्रायादितः क्षणम् इतः क्षनम्
tasmiñ jayaśrīr daityānāṃ devānāṃ cāhavārṇave / mahormicapalā prāyāditaḥ kṣaṇam itaḥ kṣanam
Sanskrit only: no published translation is held for this verse.
चतुर्विंशतिमेवं तु युद्धमासीद्दिनानि तत् । प्रेक्ष्यमाणं विमानस्थैः शर्वशौरिपितामहैः
caturviṃśatimevaṃ tu yuddhamāsīddināni tat / prekṣyamāṇaṃ vimānasthaiḥ śarvaśauripitāmahaiḥ
Sanskrit only: no published translation is held for this verse.
पञ्चविंशे दिने क्षीणप्राययोः सैन्ययोर् द्वयोः । प्रधानद्वन्द्वयुद्धेषु प्रवृत्तेष्व् अत्र संगरे
pañcaviṃśe dine kṣīṇaprāyayoḥ sainyayor dvayoḥ / pradhānadvandvayuddheṣu pravṛtteṣv atra saṃgare
Sanskrit only: no published translation is held for this verse.
श्रीमुक्ताफलकेतोश् च तस्य विद्युद्ध्वजस्य च । द्वन्द्वयुद्धं प्रववृते रथस्थद्विरदस्थयोः
śrīmuktāphalaketoś ca tasya vidyuddhvajasya ca / dvandvayuddhaṃ pravavṛte rathasthadviradasthayoḥ
Sanskrit only: no published translation is held for this verse.
तमोस्त्रं भास्करास्त्रेण ग्रैष्मास्त्रेण च शैशिरम् । कुलिशास्त्रेण शैलास्त्रं नागास्त्रं गारुडेन च
tamostraṃ bhāskarāstreṇa graiṣmāstreṇa ca śaiśiram / kuliśāstreṇa śailāstraṃ nāgāstraṃ gāruḍena ca
Sanskrit only: no published translation is held for this verse.
निवार्य तस्य यन्तारं वारणं चासुरस्य सः । एकैकेनेषुणा मुक्ताफलकेतुरपातयत्
nivārya tasya yantāraṃ vāraṇaṃ cāsurasya saḥ / ekaikeneṣuṇā muktāphalaketurapātayat
Sanskrit only: no published translation is held for this verse.
आरूढस्य रथं तस्य सारथिं तुरगांश् च यत् । सो ऽवधीत्तदसौ विद्युद्ध्वजो मायामशिश्रियस्त्
ārūḍhasya rathaṃ tasya sārathiṃ turagāṃś ca yat / so 'vadhīttadasau vidyuddhvajo māyāmaśiśriyast
Sanskrit only: no published translation is held for this verse.
अदृश्यः सर्वसैन्येन द्यामारुह्य ववर्ष सः । शिलाश्चास्त्राणि विविधान्यभितः सुरवाहिनीम्
adṛśyaḥ sarvasainyena dyāmāruhya vavarṣa saḥ / śilāścāstrāṇi vividhānyabhitaḥ suravāhinīm
Sanskrit only: no published translation is held for this verse.
अभेद्यं शरजालं च यन्मुक्ताफलकेतुना । अरुध्यत स तदैत्यो ददाहानलवृष्टिभिः
abhedyaṃ śarajālaṃ ca yanmuktāphalaketunā / arudhyata sa tadaityo dadāhānalavṛṣṭibhiḥ
Sanskrit only: no published translation is held for this verse.
अथाभिमन्त्र्य ब्रह्मास्त्रं सानुगं तमरिं प्रति । विश्वक्षयक्षमं मुक्ताफलकेतुर्मुमोच सः
athābhimantrya brahmāstraṃ sānugaṃ tamariṃ prati / viśvakṣayakṣamaṃ muktāphalaketurmumoca saḥ
Sanskrit only: no published translation is held for this verse.
तेनास्त्रेण ससैन्यो ऽपि निहतो गतजीवितः । निपपात नभोमध्याद्विद्युद्ध्वजमहासुरः
tenāstreṇa sasainyo 'pi nihato gatajīvitaḥ / nipapāta nabhomadhyādvidyuddhvajamahāsuraḥ
Sanskrit only: no published translation is held for this verse.
शेषाः पलाय्य जग्मुश् च विद्युद्ध्वजसुतादयः । वज्रदंष्ट्रादिसहिता रसातलतलं भयात्
śeṣāḥ palāyya jagmuś ca vidyuddhvajasutādayaḥ / vajradaṃṣṭrādisahitā rasātalatalaṃ bhayāt
Sanskrit only: no published translation is held for this verse.
देवाश् च नादानुपदं जगदुः साधु साध्विति । श्रीमुक्ताफलकेतुं च पुष्पवर्षैर् अपूजयन्
devāś ca nādānupadaṃ jagaduḥ sādhu sādhviti / śrīmuktāphalaketuṃ ca puṣpavarṣair apūjayan
Sanskrit only: no published translation is held for this verse.
ततः शत्रौ हते शक्रः प्राप्तराज्यस्त्रिविष्टपम् । प्राविशत्त्रिषु लोकेषु बभूव च महोत्सवः
tataḥ śatrau hate śakraḥ prāptarājyastriviṣṭapam / prāviśattriṣu lokeṣu babhūva ca mahotsavaḥ
Sanskrit only: no published translation is held for this verse.
आगाच्छचीं पुरस्कृत्य स्वयं चात्र प्रजापतिः । चूडारत्नोत्तमं मुक्ताफलकेतोर्बबन्ध च
āgācchacīṃ puraskṛtya svayaṃ cātra prajāpatiḥ / cūḍāratnottamaṃ muktāphalaketorbabandha ca
Sanskrit only: no published translation is held for this verse.
इन्द्रो ऽपि राजपुत्रस्य तस्य राज्यप्रदायिनः । हारं स्वकण्ठतः कण्ठे न्यधाद्विजयशोभिनः
indro 'pi rājaputrasya tasya rājyapradāyinaḥ / hāraṃ svakaṇṭhataḥ kaṇṭhe nyadhādvijayaśobhinaḥ
Sanskrit only: no published translation is held for this verse.
सम् उपावेशयत्तं च निजासनसमासने । आनन्दपूर्णगीर्वाणवितीर्णविविधाशिषम्
sam upāveśayattaṃ ca nijāsanasamāsane / ānandapūrṇagīrvāṇavitīrṇavividhāśiṣam
Sanskrit only: no published translation is held for this verse.
विद्युद्ध्वजासुरपुरं प्रतीहारं विसृज्य च । तस्मै दास्यन्नवसरे स्वीचक्रे स्वपुराधिकम्
vidyuddhvajāsurapuraṃ pratīhāraṃ visṛjya ca / tasmai dāsyannavasare svīcakre svapurādhikam
Sanskrit only: no published translation is held for this verse.
ततो ऽस्मै राजपुत्राय गन्धर्वः पद्मशेखरः । दित्सुः पद्मावतीं धातुः साकूतं मुखमैक्षत
tato 'smai rājaputrāya gandharvaḥ padmaśekharaḥ / ditsuḥ padmāvatīṃ dhātuḥ sākūtaṃ mukhamaikṣata
Sanskrit only: no published translation is held for this verse.
स च ज्ञाताशयो धाता गन्धर्वेन्द्रम् उवाच तम् । कार्यशेषो ऽस्ति कश् चित्तद्विषहस्व मनागिति
sa ca jñātāśayo dhātā gandharvendram uvāca tam / kāryaśeṣo 'sti kaś cittadviṣahasva manāgiti
Sanskrit only: no published translation is held for this verse.
ततो हाहाहुहूगीतैः स्वनिनादानुनादितैः । रम्भादिनृत्यैस् तत्राभुद् इन्द्रस्य विजयोत्सवः
tato hāhāhuhūgītaiḥ svaninādānunāditaiḥ / rambhādinṛtyais tatrābhud indrasya vijayotsavaḥ
Sanskrit only: no published translation is held for this verse.
दृष्टोत्सवप्रमोदे च याते धातरि वृत्रहा । संमान्य लोकपालादीन्स्वं स्वं स्थानं विसृष्टवान्
dṛṣṭotsavapramode ca yāte dhātari vṛtrahā / saṃmānya lokapālādīnsvaṃ svaṃ sthānaṃ visṛṣṭavān
Sanskrit only: no published translation is held for this verse.
विससर्ज च गन्धर्वराजं तं पद्मशेखरम् । निजं गन्धर्वनगरं संमान्य सपरिच्छदम्
visasarja ca gandharvarājaṃ taṃ padmaśekharam / nijaṃ gandharvanagaraṃ saṃmānya saparicchadam
Sanskrit only: no published translation is held for this verse.
श्रीमुक्ताफलकेतुं च चन्द्रकेतुं च सत्कृतौ । प्राहिणोदुत्सवाय स्वं विद्याधरपुरं हरिः
śrīmuktāphalaketuṃ ca candraketuṃ ca satkṛtau / prāhiṇodutsavāya svaṃ vidyādharapuraṃ hariḥ
Sanskrit only: no published translation is held for this verse.
स च संहृतविश्वकण्टकस्तां बहुविद्याधरराजकानुयातः । जनकानुगतः स राजधानीम् अथ मुक्ताफलकेतुराजगाम
sa ca saṃhṛtaviśvakaṇṭakastāṃ bahuvidyādhararājakānuyātaḥ / janakānugataḥ sa rājadhānīm atha muktāphalaketurājagāma
Sanskrit only: no published translation is held for this verse.
वररत्नचिता च सा तदानीं ध्वजपट्टांशुकमालिनी प्रविष्टे । विबभौ नगरी चिरागते ऽस्मिन् पितृयुक्ते जयभाजि राजपुत्रे
vararatnacitā ca sā tadānīṃ dhvajapaṭṭāṃśukamālinī praviṣṭe / vibabhau nagarī cirāgate 'smin pitṛyukte jayabhāji rājaputre
Sanskrit only: no published translation is held for this verse.
स च सपदि पितास्य चन्द्रकेतुः पुरि परितोषितबन्धुभृत्यवर्गः । जलम् इव जलदो वसु प्रवर्षन् सुतविजयोत्सवमूर्जितं ततान
sa ca sapadi pitāsya candraketuḥ puri paritoṣitabandhubhṛtyavargaḥ / jalam iva jalado vasu pravarṣan sutavijayotsavamūrjitaṃ tatāna
Sanskrit only: no published translation is held for this verse.
स च मुक्ताफलकेतुर्विद्युद्ध्वजदमनकीर्तिम् अपिलब्ध्वा । पद्मावतीं विना तां न रतिं लेभे निजेषु भोगेषु
sa ca muktāphalaketurvidyuddhvajadamanakīrtim apilabdhvā / padmāvatīṃ vinā tāṃ na ratiṃ lebhe nijeṣu bhogeṣu
Sanskrit only: no published translation is held for this verse.
संयतकाख्येन पुनः शर्वादेशादि शंसिना सख्या । आश्वास्यमानचित्तः कृच्छ्रेण स तान्यहान्यनयत्
saṃyatakākhyena punaḥ śarvādeśādi śaṃsinā sakhyā / āśvāsyamānacittaḥ kṛcchreṇa sa tānyahānyanayat
Sanskrit only: no published translation is held for this verse.