गच्छ मद्वचनाद्भद्र प्रीत्या तं ब्रूहि मानुषम् । आगम्यतां गृहे ऽस्माकं प्रसादः क्रियतामिति
gaccha madvacanādbhadra prītyā taṃ brūhi mānuṣam / āgamyatāṃ gṛhe 'smākaṃ prasādaḥ kriyatāmiti
Sanskrit only: no published translation is held for this verse.
Library·Somadeva: Kathasaritsagara·2·2.4
Somadeva: Kathasaritsagara 2.4
तथेत्यागत्य तत्तस्मै स्वप्रभुप्रार्थनावचः । चकितो लोहजङ्घाय शशंस स च राक्षसः
tathetyāgatya tattasmai svaprabhuprārthanāvacaḥ / cakito lohajaṅghāya śaśaṃsa sa ca rākṣasaḥ
Sanskrit only: no published translation is held for this verse.
सो ऽप्यङ्गीकृत्य तद्विप्रो लोहजङ्घः प्रशान्तधीः । तेनैव सद्वितीयेन सह लङ्कां ततो ऽगमत्
so 'pyaṅgīkṛtya tadvipro lohajaṅghaḥ praśāntadhīḥ / tenaiva sadvitīyena saha laṅkāṃ tato 'gamat
Sanskrit only: no published translation is held for this verse.
तस्यां च दृष्टसौवर्णतत्तत्प्रासादविस्मितः । प्रविश्य राजभवनं स ददर्श विभीषणम्
tasyāṃ ca dṛṣṭasauvarṇatattatprāsādavismitaḥ / praviśya rājabhavanaṃ sa dadarśa vibhīṣaṇam
Sanskrit only: no published translation is held for this verse.
सो ऽपि पप्रच्छ राजा तं कृतातिथ्यः कृताशिषम् । ब्रह्मन् कथम् इमां भूमिम् अनुप्राप्तो भवान् इति
so 'pi papraccha rājā taṃ kṛtātithyaḥ kṛtāśiṣam / brahman katham imāṃ bhūmim anuprāpto bhavān iti
Sanskrit only: no published translation is held for this verse.
ततः स धूर्तो ऽवादीत्तं लोहजङ्घो विभीषणम् । विप्रो ऽहं लोहजङ्घाख्यो मथुरायां कृतस्थितिः
tataḥ sa dhūrto 'vādīttaṃ lohajaṅgho vibhīṣaṇam / vipro 'haṃ lohajaṅghākhyo mathurāyāṃ kṛtasthitiḥ
Sanskrit only: no published translation is held for this verse.
सो ऽहं दारिद्र्यसंतप्तस्तत्र नारायणामतः । निराहारः स्थितो ऽकार्षं गत्वा देवकुलं तपः
so 'haṃ dāridryasaṃtaptastatra nārāyaṇāmataḥ / nirāhāraḥ sthito 'kārṣaṃ gatvā devakulaṃ tapaḥ
Sanskrit only: no published translation is held for this verse.
विभीषणान्तिकं गच्छ मद्भकः स हि ते धनम् । दास्यतीत्य् आदिशत् स्वप्ने ततो मां भगवान् हरिः
vibhīṣaṇāntikaṃ gaccha madbhakaḥ sa hi te dhanam / dāsyatīty ādiśat svapne tato māṃ bhagavān hariḥ
Sanskrit only: no published translation is held for this verse.
क्वाहं विभीषणः केति मयोक्ते स पुनः प्रभुः । समादिशद्व्रजाद्यैव तं द्रक्ष्यसि विभीषणम्
kvāhaṃ vibhīṣaṇaḥ keti mayokte sa punaḥ prabhuḥ / samādiśadvrajādyaiva taṃ drakṣyasi vibhīṣaṇam
Sanskrit only: no published translation is held for this verse.
इत्युक्तः प्रभुणा सद्यः प्रबुद्धो ऽहमिहाम्बुधेः । पारे ऽवस्थितमात्मानमपश्यं वेद्मि नापरम्
ityuktaḥ prabhuṇā sadyaḥ prabuddho 'hamihāmbudheḥ / pāre 'vasthitamātmānamapaśyaṃ vedmi nāparam
Sanskrit only: no published translation is held for this verse.
इत्युक्तो लोहजङ्घेन लङ्कामालोक्य दुर्गमाम् । सत्यं दिव्यप्रभावो ऽयमिति मेने विभीषणः
ityukto lohajaṅghena laṅkāmālokya durgamām / satyaṃ divyaprabhāvo 'yamiti mene vibhīṣaṇaḥ
Sanskrit only: no published translation is held for this verse.
तिष्ठ दास्यामि ते वित्तम् इत्य् उक्त्वा ब्राह्मणं च तम् । मत्वा च रक्षसां हस्ते तमप्रेष्यं नृघातिनाम्
tiṣṭha dāsyāmi te vittam ity uktvā brāhmaṇaṃ ca tam / matvā ca rakṣasāṃ haste tamapreṣyaṃ nṛghātinām
Sanskrit only: no published translation is held for this verse.
तत्रस्थात्स्वर्णमूलाख्याद्गिरेः संप्रेक्ष्य राक्षसान् । आनाययत् पक्षिपोतं गरुडान्वयसंभवम्
tatrasthātsvarṇamūlākhyādgireḥ saṃprekṣya rākṣasān / ānāyayat pakṣipotaṃ garuḍānvayasaṃbhavam
Sanskrit only: no published translation is held for this verse.
तं चास्मै लोहजङ्घाया मथुरायां गमिष्यते । तत्कालमेव प्रददौ वशीकाराय वाहनम्
taṃ cāsmai lohajaṅghāyā mathurāyāṃ gamiṣyate / tatkālameva pradadau vaśīkārāya vāhanam
Sanskrit only: no published translation is held for this verse.
लोहजङ्घो ऽपि लङ्कायां वाहयन्नधिरुह्य तम् । कंचित्कालं विशश्राम स विभीषणसत्कृतः
lohajaṅgho 'pi laṅkāyāṃ vāhayannadhiruhya tam / kaṃcitkālaṃ viśaśrāma sa vibhīṣaṇasatkṛtaḥ
Sanskrit only: no published translation is held for this verse.
एकदा तं च पप्रच्छ राक्षसेन्द्रं सकौतुकः । लङ्कायां काष्ठमय्येषा कथं सर्वैव भूरिति
ekadā taṃ ca papraccha rākṣasendraṃ sakautukaḥ / laṅkāyāṃ kāṣṭhamayyeṣā kathaṃ sarvaiva bhūriti
Sanskrit only: no published translation is held for this verse.
तच्छ्रुत्वा स च तद्वृत्तं तमुवाच विभीषणः । यदि ते कौतुकं ब्रह्मंस्तदिदं शृणु वच्मि ते
tacchrutvā sa ca tadvṛttaṃ tamuvāca vibhīṣaṇaḥ / yadi te kautukaṃ brahmaṃstadidaṃ śṛṇu vacmi te
Sanskrit only: no published translation is held for this verse.
पुरा प्रतिज्ञोपनतां नागानां दासभावतः । निष्क्रष्टुकामो जननीं गरुडः कश्यपात्मजः
purā pratijñopanatāṃ nāgānāṃ dāsabhāvataḥ / niṣkraṣṭukāmo jananīṃ garuḍaḥ kaśyapātmajaḥ
Sanskrit only: no published translation is held for this verse.
तन्मूल्यभूतां देवेभ्यः सुधामाहर्तुमुद्यतः । बलस्य हेतोर् भक्ष्यार्थी स्वपितुर् निकटं ययौ
tanmūlyabhūtāṃ devebhyaḥ sudhāmāhartumudyataḥ / balasya hetor bhakṣyārthī svapitur nikaṭaṃ yayau
Sanskrit only: no published translation is held for this verse.
स चैनं याचितो ऽवादीन्महान्तौ गजकच्छपौ । अब्धौ स्तः पुत्र तौ भुङ्क्ष्व गच्छ शापचुताविति
sa cainaṃ yācito 'vādīnmahāntau gajakacchapau / abdhau staḥ putra tau bhuṅkṣva gaccha śāpacutāviti
Sanskrit only: no published translation is held for this verse.
ततः स गरुडो गत्वा भक्ष्यावादाय तावुभौ । महतः कल्पवृक्षस्य शाखायां समुपाविशत्
tataḥ sa garuḍo gatvā bhakṣyāvādāya tāvubhau / mahataḥ kalpavṛkṣasya śākhāyāṃ samupāviśat
Sanskrit only: no published translation is held for this verse.
तां च शाखां भरात् सद्यो भग्नां चञ्च्वा बभार सः । अधः स्थिततपोनिष्ठवालखिल्यानुरोधतः
tāṃ ca śākhāṃ bharāt sadyo bhagnāṃ cañcvā babhāra saḥ / adhaḥ sthitataponiṣṭhavālakhilyānurodhataḥ
Sanskrit only: no published translation is held for this verse.
लोकोपमर्दभीतेन तेनाथ पितुराज्ञया । आनीय विजने त्यक्ता सा शाखेह गरुत्मता
lokopamardabhītena tenātha piturājñayā / ānīya vijane tyaktā sā śākheha garutmatā
Sanskrit only: no published translation is held for this verse.
तस्याः पृष्ठे कृता लङ्का तेन काठमयीह भूः । एतद्विभिषणाच्छ्रुत्वा लोहजङ्घस्तुतोष सः
tasyāḥ pṛṣṭhe kṛtā laṅkā tena kāṭhamayīha bhūḥ / etadvibhiṣaṇācchrutvā lohajaṅghastutoṣa saḥ
Sanskrit only: no published translation is held for this verse.
ततस् तस्मै महार्घाणि रत्नानि सुबहूनि च । विभीषणो ददाति स्म मथुरां गन्तुमिच्छते
tatas tasmai mahārghāṇi ratnāni subahūni ca / vibhīṣaṇo dadāti sma mathurāṃ gantumicchate
Sanskrit only: no published translation is held for this verse.
भक्त्या च देवस्य हरेर् मथुरावर्तिनः कृते । हस्ते ऽस्याब्जगदाशङ्खचक्रान् हेममयान् ददौ
bhaktyā ca devasya harer mathurāvartinaḥ kṛte / haste 'syābjagadāśaṅkhacakrān hemamayān dadau
Sanskrit only: no published translation is held for this verse.
तद्गृहीत्वाखिलं तस्मिन् विभीषणसमर्पिते । आरुह्य विहगे लक्षं योजनानां प्रयातरि
tadgṛhītvākhilaṃ tasmin vibhīṣaṇasamarpite / āruhya vihage lakṣaṃ yojanānāṃ prayātari
Sanskrit only: no published translation is held for this verse.
उत्पत्य व्योममार्गेण लङ्कायास्तीर्णवारिधिः । स लोहजङ्घो मथुरामक्लेशेनाजगाम ताम्
utpatya vyomamārgeṇa laṅkāyāstīrṇavāridhiḥ / sa lohajaṅgho mathurāmakleśenājagāma tām
Sanskrit only: no published translation is held for this verse.
तस्यां शून्ये विहारे च बाह्ये व्योम्नो ऽवतीर्य सः । स्थापयामास रत्नौघं तं बबन्ध च पक्षिणम्
tasyāṃ śūnye vihāre ca bāhye vyomno 'vatīrya saḥ / sthāpayāmāsa ratnaughaṃ taṃ babandha ca pakṣiṇam
Sanskrit only: no published translation is held for this verse.
आपणे रत्नम् एकं च गत्वा विक्रीतवांस् ततः । अथ वस्त्राङ्गरागादि क्रीतवान् भोजनं तथा
āpaṇe ratnam ekaṃ ca gatvā vikrītavāṃs tataḥ / atha vastrāṅgarāgādi krītavān bhojanaṃ tathā
Sanskrit only: no published translation is held for this verse.
तद्विहारे च तत्रैव भुक्त्वा दत्त्वा च पक्षिणे । वस्त्राङ्गरागपुष्पाद्यैरात्मानं तैरभूषयत्
tadvihāre ca tatraiva bhuktvā dattvā ca pakṣiṇe / vastrāṅgarāgapuṣpādyairātmānaṃ tairabhūṣayat
Sanskrit only: no published translation is held for this verse.
प्रदोषे चाययौ तस्यास्तत्रैवारुह्य पक्षिणि । गृहं रूपणिकायास्ताः शङ्खचक्रगदा वहन्
pradoṣe cāyayau tasyāstatraivāruhya pakṣiṇi / gṛhaṃ rūpaṇikāyāstāḥ śaṅkhacakragadā vahan
Sanskrit only: no published translation is held for this verse.
तत्रोपरि ततः स्थित्वा स्थानवित्खे चरंश् च सः । शब्दं चकार गम्भीरं रहःस्थां श्रावयन् प्रियाम्
tatropari tataḥ sthitvā sthānavitkhe caraṃś ca saḥ / śabdaṃ cakāra gambhīraṃ rahaḥsthāṃ śrāvayan priyām
Sanskrit only: no published translation is held for this verse.
तं च श्रुत्वैव निर्याता सापश्यद्रत्नराजितम् । एनं नारायणाकल्पं व्योम्नि रूपणिका निशि
taṃ ca śrutvaiva niryātā sāpaśyadratnarājitam / enaṃ nārāyaṇākalpaṃ vyomni rūpaṇikā niśi
Sanskrit only: no published translation is held for this verse.
अहं हरिरिहायातस्त्वदर्थमिति तेन सा । उक्ता प्रणम्य वक्ति स्म दयां देवः करोत्विति
ahaṃ haririhāyātastvadarthamiti tena sā / uktā praṇamya vakti sma dayāṃ devaḥ karotviti
Sanskrit only: no published translation is held for this verse.
अथावतीर्या संयम्य लोहजङ्घो विहंगमम् । विवेश वासभवनं स तया कानया सह
athāvatīryā saṃyamya lohajaṅgho vihaṃgamam / viveśa vāsabhavanaṃ sa tayā kānayā saha
Sanskrit only: no published translation is held for this verse.
तत्र संप्राप्तसंभोगः स निष्क्रम्य क्षणान्तरे । तथैव विहगारूढो जगाम नभसा ततः
tatra saṃprāptasaṃbhogaḥ sa niṣkramya kṣaṇāntare / tathaiva vihagārūḍho jagāma nabhasā tataḥ
Sanskrit only: no published translation is held for this verse.
देवता विषुभार्याहं मर्त्यैः सह न मन्त्रये । इति रूपणिका प्रातस् तस्थौ मौनं विधाय सा
devatā viṣubhāryāhaṃ martyaiḥ saha na mantraye / iti rūpaṇikā prātas tasthau maunaṃ vidhāya sā
Sanskrit only: no published translation is held for this verse.
कस्मादेवंविधं पुत्रि वर्तसे कथ्यतां त्वया । इत्यपृच्छत सा मात्रा ततो मकरदंष्ट्रया
kasmādevaṃvidhaṃ putri vartase kathyatāṃ tvayā / ityapṛcchata sā mātrā tato makaradaṃṣṭrayā
Sanskrit only: no published translation is held for this verse.
निर्बन्धपृष्टा तस्यै च सा मात्रे मौनकारणम् । शशंस रात्रिवृत्तान्तं दापयित्वान्तरे पटम्
nirbandhapṛṣṭā tasyai ca sā mātre maunakāraṇam / śaśaṃsa rātrivṛttāntaṃ dāpayitvāntare paṭam
Sanskrit only: no published translation is held for this verse.
सा तच्छ्रुत्वा ससंदेहा स्वयं तं कुट्टनी निशि । ददर्श विहगारूढं लोहजङ्घं ततः क्षणम्
sā tacchrutvā sasaṃdehā svayaṃ taṃ kuṭṭanī niśi / dadarśa vihagārūḍhaṃ lohajaṅghaṃ tataḥ kṣaṇam
Sanskrit only: no published translation is held for this verse.
प्रभाते च पटान्तःस्थामेत्य रूपणिकां रहः । प्रह्वा मकरदंष्ट्रा सा कुट्टनीति व्यजिज्ञपत्
prabhāte ca paṭāntaḥsthāmetya rūpaṇikāṃ rahaḥ / prahvā makaradaṃṣṭrā sā kuṭṭanīti vyajijñapat
Sanskrit only: no published translation is held for this verse.
देवस्यानुग्रहात्पुत्रि त्वं देवीत्वमिहागता । अहं च ते ऽत्र जननी तन्मे देहि सुताफलम्
devasyānugrahātputri tvaṃ devītvamihāgatā / ahaṃ ca te 'tra jananī tanme dehi sutāphalam
Sanskrit only: no published translation is held for this verse.
वृद्धानेनैव देहेन यथा स्वर्गं व्रजाम्यहम् । तथा देवस्य विज्ञप्तिं कुरुष्वानुगृहाण माम्
vṛddhānenaiva dehena yathā svargaṃ vrajāmyaham / tathā devasya vijñaptiṃ kuruṣvānugṛhāṇa mām
Sanskrit only: no published translation is held for this verse.
तथेति सा रूपणिका तमेवार्थं व्यजिज्ञपत् । व्याजविष्णुं पुनर्नक्तं लोहजङ्गह्मुपागतम्
tatheti sā rūpaṇikā tamevārthaṃ vyajijñapat / vyājaviṣṇuṃ punarnaktaṃ lohajaṅgahmupāgatam
Sanskrit only: no published translation is held for this verse.
ततः स देववेषस् तां लोहजङ्घो ऽब्रवीत्प्रियाम् । पापा ते जननी स्वर्गं व्यक्तं नेतुं न युज्यते
tataḥ sa devaveṣas tāṃ lohajaṅgho 'bravītpriyām / pāpā te jananī svargaṃ vyaktaṃ netuṃ na yujyate
Sanskrit only: no published translation is held for this verse.
एकादश्यां पुनः प्रातर्द्वारमुद्घट्यते दिवि । तत्र च प्रविशन्त्यग्रे बहवः शांभवा गणाः
ekādaśyāṃ punaḥ prātardvāramudghaṭyate divi / tatra ca praviśantyagre bahavaḥ śāṃbhavā gaṇāḥ
Sanskrit only: no published translation is held for this verse.
तन्मध्ये कृततद्वेषा त्वन्मातासौ प्रवेश्यते । तदस्याः पञ्चचूडं त्वं क्षुरकॢप्तं शिरः कुरु
tanmadhye kṛtatadveṣā tvanmātāsau praveśyate / tadasyāḥ pañcacūḍaṃ tvaṃ kṣurakḷptaṃ śiraḥ kuru
Sanskrit only: no published translation is held for this verse.
कण्ठं करङ्कमालाढ्यं पार्श्वं चैकं सकज्जलम् । अन्यत्सिन्दूरलिप्तं च कुर्वस्या वीतवाससः
kaṇṭhaṃ karaṅkamālāḍhyaṃ pārśvaṃ caikaṃ sakajjalam / anyatsindūraliptaṃ ca kurvasyā vītavāsasaḥ
Sanskrit only: no published translation is held for this verse.
एवं ह्येनां गणाकारां सुखं स्वर्गं नयाम्यहम् । इत्युक्त्वा स क्षणं स्थित्वा लोहजङ्घस्ततो ऽगमत्
evaṃ hyenāṃ gaṇākārāṃ sukhaṃ svargaṃ nayāmyaham / ityuktvā sa kṣaṇaṃ sthitvā lohajaṅghastato 'gamat
Sanskrit only: no published translation is held for this verse.
प्रातश्च सा रूपणिका यथोक्तं तमकारयत् । वेषं मातुरथैपापि तस्थौ स्वर्गैकसंमुखी
prātaśca sā rūpaṇikā yathoktaṃ tamakārayat / veṣaṃ māturathaipāpi tasthau svargaikasaṃmukhī
Sanskrit only: no published translation is held for this verse.
आययौ च पुनस्तत्र लोहजङ्घो निशामुखे । सा च रूपणिका तस्मै मातरं तां समर्पयत्
āyayau ca punastatra lohajaṅgho niśāmukhe / sā ca rūpaṇikā tasmai mātaraṃ tāṃ samarpayat
Sanskrit only: no published translation is held for this verse.
ततः स विहगारूढस्तामादायैव कुट्टनीम् । अग्नां विकृतवेषां च जवादुदपतन्नभः
tataḥ sa vihagārūḍhastāmādāyaiva kuṭṭanīm / agnāṃ vikṛtaveṣāṃ ca javādudapatannabhaḥ
Sanskrit only: no published translation is held for this verse.
गगनस्थश्च तत्रैव प्रांशुं देवकुलाग्रतः । स ददर्श शिलास्तम्भं चक्रेणोपरि लाञ्छितम्
gaganasthaśca tatraiva prāṃśuṃ devakulāgrataḥ / sa dadarśa śilāstambhaṃ cakreṇopari lāñchitam
Sanskrit only: no published translation is held for this verse.
तस्य पृष्ठे स चक्रैकसालम्बे तां न्यवेशयत् । खलिकारप्रतीकारपताकामिव कुट्टनीम्
tasya pṛṣṭhe sa cakraikasālambe tāṃ nyaveśayat / khalikārapratīkārapatākāmiva kuṭṭanīm
Sanskrit only: no published translation is held for this verse.
इह तिष्ठ क्षणं यावत्सांनिध्यानुग्रहं भुवि । गत्वा करोमीत्य् उक्त्वा च तस्या दृष्टिपथाद् ययौ
iha tiṣṭha kṣaṇaṃ yāvatsāṃnidhyānugrahaṃ bhuvi / gatvā karomīty uktvā ca tasyā dṛṣṭipathād yayau
Sanskrit only: no published translation is held for this verse.
ततस् तत्रैव देवाग्रे दृष्ट्वा जागरणागतान् । रात्रौ यात्रोत्सवे लोकान् गगनाद् एवम् अब्रवीत्
tatas tatraiva devāgre dṛṣṭvā jāgaraṇāgatān / rātrau yātrotsave lokān gaganād evam abravīt
Sanskrit only: no published translation is held for this verse.
हे लोका इह युष्माकमुपर्यद्य पतिष्यति । सर्वसंहारिणी मारि तदेत शरणं हरिम्
he lokā iha yuṣmākamuparyadya patiṣyati / sarvasaṃhāriṇī māri tadeta śaraṇaṃ harim
Sanskrit only: no published translation is held for this verse.
श्रुत्वैतां गगनाद्वाणीं भीताः सर्वे ऽपि तत्र ते । माथुरा देवमाश्रित्य तस्थुः स्वस्त्ययनादृताः
śrutvaitāṃ gaganādvāṇīṃ bhītāḥ sarve 'pi tatra te / māthurā devamāśritya tasthuḥ svastyayanādṛtāḥ
Sanskrit only: no published translation is held for this verse.
सो ऽपि व्योम्नो ऽवतीर्यैव लोहजङ्घो ऽवलोकयन् । तस्थाव् अदृष्टस् तन्मध्ये देववेषं निवार्य तम्
so 'pi vyomno 'vatīryaiva lohajaṅgho 'valokayan / tasthāv adṛṣṭas tanmadhye devaveṣaṃ nivārya tam
Sanskrit only: no published translation is held for this verse.
अद्यापि नागतो देवो न च स्वर्गमहं गता । इति च स्तम्भपृष्ठस्था कुट्टन्येवमचिन्तयत्
adyāpi nāgato devo na ca svargamahaṃ gatā / iti ca stambhapṛṣṭhasthā kuṭṭanyevamacintayat
Sanskrit only: no published translation is held for this verse.
अक्षमैवोपरि स्थातुं श्रावयन्ती जनानधः । हा हाहं पतितास्मीति सा चक्रन्द च विभ्यती
akṣamaivopari sthātuṃ śrāvayantī janānadhaḥ / hā hāhaṃ patitāsmīti sā cakranda ca vibhyatī
Sanskrit only: no published translation is held for this verse.
तच्छ्रुत्वा पतिता सेयं मारीत्याशङ्क्य चाकुलाः । देवि मा मा पतेत्यूचस्ते देवाग्रगता जनाः
tacchrutvā patitā seyaṃ mārītyāśaṅkya cākulāḥ / devi mā mā patetyūcaste devāgragatā janāḥ
Sanskrit only: no published translation is held for this verse.
ततः सबालवृद्धास्ते माथुरास्तां विभावरीम् । मारीपातभयोद्भ्रान्ता कथमप्यत्यवाहयन्
tataḥ sabālavṛddhāste māthurāstāṃ vibhāvarīm / mārīpātabhayodbhrāntā kathamapyatyavāhayan
Sanskrit only: no published translation is held for this verse.
प्रातश्च दृष्ट्वा स्तम्भस्थां कुट्टनीं तां तथाविधाम् । प्रत्यभिज्ञातवान्सर्वः पौरलोकः सराजकः
prātaśca dṛṣṭvā stambhasthāṃ kuṭṭanīṃ tāṃ tathāvidhām / pratyabhijñātavānsarvaḥ pauralokaḥ sarājakaḥ
Sanskrit only: no published translation is held for this verse.
अतिक्रान्तभये तत्र जातहासे ऽखिले जने । आययौ शुतवृत्तान्ता तत्र रूपणिकाथ सा
atikrāntabhaye tatra jātahāse 'khile jane / āyayau śutavṛttāntā tatra rūpaṇikātha sā
Sanskrit only: no published translation is held for this verse.
सा च दृष्ट्वा सवैलष्या स्तम्भाग्राज्जननीं निजाम् । तामवातारयत्सद्यस्तत्रस्थैश्च जनैः सह
sā ca dṛṣṭvā savailaṣyā stambhāgrājjananīṃ nijām / tāmavātārayatsadyastatrasthaiśca janaiḥ saha
Sanskrit only: no published translation is held for this verse.
ततः सा कुट्टनी तत्र सर्वैस्तैः सकुतूहलैः । अपृच्छ्यत यथावृत्तं सापि तेभ्यः शशंस तत्
tataḥ sā kuṭṭanī tatra sarvaistaiḥ sakutūhalaiḥ / apṛcchyata yathāvṛttaṃ sāpi tebhyaḥ śaśaṃsa tat
Sanskrit only: no published translation is held for this verse.
ततः सिद्धादिचरितं तन्मत्वाद्भुतकारकम् । सराजविप्रवणिजो जनास् ते वाक्यम् अब्रुवन्
tataḥ siddhādicaritaṃ tanmatvādbhutakārakam / sarājavipravaṇijo janās te vākyam abruvan
Sanskrit only: no published translation is held for this verse.
येनेयं विप्रलब्धा हि वञ्चितानेककामुका । प्रकटः सो ऽस्तु तस्येह पट्टबन्धो विधीयते
yeneyaṃ vipralabdhā hi vañcitānekakāmukā / prakaṭaḥ so 'stu tasyeha paṭṭabandho vidhīyate
Sanskrit only: no published translation is held for this verse.
तच्छ्रुत्वा लोहजङ्घः स तत्रात्मानमदर्शयत् । पृष्टश्चामूलतः सर्वं वृत्तान्तं तमवर्णयत्
tacchrutvā lohajaṅghaḥ sa tatrātmānamadarśayat / pṛṣṭaścāmūlataḥ sarvaṃ vṛttāntaṃ tamavarṇayat
Sanskrit only: no published translation is held for this verse.
ददौ च तत्र देवाय शङ्खचक्राद्युपायनम् । विभीषणेन प्रहितं जनविस्मयकारकम्
dadau ca tatra devāya śaṅkhacakrādyupāyanam / vibhīṣaṇena prahitaṃ janavismayakārakam
Sanskrit only: no published translation is held for this verse.
अथ तस्य सपदि पट्टं बद्ध्वा संतुष्य माथुराः सर्वे । स्वाधीनां रूपणिकां राजादेशेन तां चक्रुः
atha tasya sapadi paṭṭaṃ baddhvā saṃtuṣya māthurāḥ sarve / svādhīnāṃ rūpaṇikāṃ rājādeśena tāṃ cakruḥ
Sanskrit only: no published translation is held for this verse.
ततश् च तत्र प्रियया समं तदा समृद्धकोषो बहुरत्नसंचयैः । स लोहजङ्घः प्रतिकृत्य कुट्टनी निकारमन्युं न्यवसद्यथासुखम्
tataś ca tatra priyayā samaṃ tadā samṛddhakoṣo bahuratnasaṃcayaiḥ / sa lohajaṅghaḥ pratikṛtya kuṭṭanī nikāramanyuṃ nyavasadyathāsukham
Sanskrit only: no published translation is held for this verse.
इत्य् अन्यरूपस्य वसन्तकस्य मुखात् समाकर्ण्य कथाम् अवापि । बद्धस्य वत्साधिपतेः समीपे तोषः परो वासवदत्तयान्तः
ity anyarūpasya vasantakasya mukhāt samākarṇya kathām avāpi / baddhasya vatsādhipateḥ samīpe toṣaḥ paro vāsavadattayāntaḥ
Sanskrit only: no published translation is held for this verse.