Somadeva: Kathasaritsagara 2.5

सदैव त्वद्दिदृक्षा मे भवत्यद्य पुनर्मया । स्वप्ने दृष्टासि तेनाहमुत्का त्वां द्रष्टुमागता

sadaiva tvaddidṛkṣā me bhavatyadya punarmayā / svapne dṛṣṭāsi tenāhamutkā tvāṃ draṣṭumāgatā

Sanskrit only: no published translation is held for this verse.

भर्त्रा विनाकृतां त्वां च दृष्ट्वा मे दूयते मनः । प्रियोपभोगवन्ध्ये हि विफले रूपयौवने

bhartrā vinākṛtāṃ tvāṃ ca dṛṣṭvā me dūyate manaḥ / priyopabhogavandhye hi viphale rūpayauvane

Sanskrit only: no published translation is held for this verse.

इत्यादिभिर्वचोभिस्तां साध्वीमाश्वास्य सा चिरम् । आमन्त्र्य चाययौ तावद्गृहं प्रव्राजिका निजम्

ityādibhirvacobhistāṃ sādhvīmāśvāsya sā ciram / āmantrya cāyayau tāvadgṛhaṃ pravrājikā nijam

Sanskrit only: no published translation is held for this verse.

द्वितीये ऽह्नि गृहीत्वा च मरिचक्षोदनिर्भरम् । मांसखण्डं पुनः सा तद्ययौ देवस्मितागृहम्

dvitīye 'hni gṛhītvā ca maricakṣodanirbharam / māṃsakhaṇḍaṃ punaḥ sā tadyayau devasmitāgṛham

Sanskrit only: no published translation is held for this verse.

द्वारशुन्यै ददौ तस्यै मांसखण्डं च तत्र तम् । सापि तं भक्षयामास सद्यः समरिचं शुनी

dvāraśunyai dadau tasyai māṃsakhaṇḍaṃ ca tatra tam / sāpi taṃ bhakṣayāmāsa sadyaḥ samaricaṃ śunī

Sanskrit only: no published translation is held for this verse.

ततो मरिचदोषेण तस्या दृग्भ्यामवारितम् । अश्रु प्रववृते तस्याः प्रस्नौति स्म च नासिका

tato maricadoṣeṇa tasyā dṛgbhyāmavāritam / aśru pravavṛte tasyāḥ prasnauti sma ca nāsikā

Sanskrit only: no published translation is held for this verse.

सापि प्रव्राजिका तस्मिन् क्षणे देवस्मितान्तिकम् । प्रविश्य तत्कृतातिथ्या प्रारेभे रोदितुं शठा

sāpi pravrājikā tasmin kṣaṇe devasmitāntikam / praviśya tatkṛtātithyā prārebhe rodituṃ śaṭhā

Sanskrit only: no published translation is held for this verse.

पृष्टा च देवस्मितया सा कृच्छ्रादेवमब्रवीत् । पुत्रि संप्रति पश्यैतां बहिः प्ररुदतीं शुनीम्

pṛṣṭā ca devasmitayā sā kṛcchrādevamabravīt / putri saṃprati paśyaitāṃ bahiḥ prarudatīṃ śunīm

Sanskrit only: no published translation is held for this verse.

एषा ह्यद्य परिज्ञाय मां जन्मान्तरसंगताम् । प्रवृत्ता रोदितुं तेन कृपयाश्रु ममोद्गतम्

eṣā hyadya parijñāya māṃ janmāntarasaṃgatām / pravṛttā rodituṃ tena kṛpayāśru mamodgatam

Sanskrit only: no published translation is held for this verse.

तच्छ्रुत्वा बहिरालोक्य शुनीं तां रुदतीमिव । किमेतच्चित्रमिति सा दध्यौ देवस्मिता क्षणम्

tacchrutvā bahirālokya śunīṃ tāṃ rudatīmiva / kimetaccitramiti sā dadhyau devasmitā kṣaṇam

Sanskrit only: no published translation is held for this verse.

प्रव्राजिकाथ सावादीत्पुत्रि पूर्वत्र जन्मनि । अहमेषा च भार्ये द्वे विप्रस्याभूव कस्यचित्

pravrājikātha sāvādītputri pūrvatra janmani / ahameṣā ca bhārye dve viprasyābhūva kasyacit

Sanskrit only: no published translation is held for this verse.

स चावयोः पतिर्दूरं देशान्तरमितस्ततः । वारं वारं प्रयाति स्म राजादेशेन दूत्यया

sa cāvayoḥ patirdūraṃ deśāntaramitastataḥ / vāraṃ vāraṃ prayāti sma rājādeśena dūtyayā

Sanskrit only: no published translation is held for this verse.

तत्प्रवासे च कुर्वन्त्या स्वेच्छं पुरुषसंगमम् । मया भूतेन्द्रियग्रामो नोपभोगैरवञ्च्यत

tatpravāse ca kurvantyā svecchaṃ puruṣasaṃgamam / mayā bhūtendriyagrāmo nopabhogairavañcyata

Sanskrit only: no published translation is held for this verse.

भूतेन्द्रियानभिद्रोहो धर्मो हि परमो मतः । अतो जातिस्मरा पुत्रि जाताहमिह जन्मनि

bhūtendriyānabhidroho dharmo hi paramo mataḥ / ato jātismarā putri jātāhamiha janmani

Sanskrit only: no published translation is held for this verse.

एषा तु शीलमेवैकं ररक्षाज्ञानतस्तदा । तेन श्वयोनौ पतिता किं तु जातिं स्मरत्यसौ

eṣā tu śīlamevaikaṃ rarakṣājñānatastadā / tena śvayonau patitā kiṃ tu jātiṃ smaratyasau

Sanskrit only: no published translation is held for this verse.

को ऽयं धर्मो ध्रुवं धूर्तरचनेयं कृतानया । इति संचिन्त्य सुप्रज्ञा सा तां देवस्मिताब्रवीत्

ko 'yaṃ dharmo dhruvaṃ dhūrtaracaneyaṃ kṛtānayā / iti saṃcintya suprajñā sā tāṃ devasmitābravīt

Sanskrit only: no published translation is held for this verse.

इयच्चिरं मया धर्मो न ज्ञातो भगवत्ययम् । तत्त्वं केनापि कान्तेन पुंसा मे संगमं कुरु

iyacciraṃ mayā dharmo na jñāto bhagavatyayam / tattvaṃ kenāpi kāntena puṃsā me saṃgamaṃ kuru

Sanskrit only: no published translation is held for this verse.

ततः प्रव्राजिकावादीत्केचिद्द्वीपान्तरागताः । इह स्थिता वणिक्पुत्रास्तर्हि तानानयामि ते

tataḥ pravrājikāvādītkeciddvīpāntarāgatāḥ / iha sthitā vaṇikputrāstarhi tānānayāmi te

Sanskrit only: no published translation is held for this verse.

इत्युक्त्वा सा प्रमुदिता ययौ प्रव्राजिका गृहम् । सा च देवस्मिता स्वैरं स्वचेटीरित्यभाषत

ityuktvā sā pramuditā yayau pravrājikā gṛham / sā ca devasmitā svairaṃ svaceṭīrityabhāṣata

Sanskrit only: no published translation is held for this verse.

नूनं दृष्ट्वा तदम्लानं हस्ते मद्भर्तुरम्बुजम् । पृष्ट्वा च तं यथावृत्तं मद्यपं जातु कौतुकात्

nūnaṃ dṛṣṭvā tadamlānaṃ haste madbharturambujam / pṛṣṭvā ca taṃ yathāvṛttaṃ madyapaṃ jātu kautukāt

Sanskrit only: no published translation is held for this verse.

मद्विध्वंसाय के ऽप्येते द्वीपात्तस्मादिहागताः । वणिक्पुत्राः शठास्तैश्च प्रयुक्तेयं कुतापसी

madvidhvaṃsāya ke 'pyete dvīpāttasmādihāgatāḥ / vaṇikputrāḥ śaṭhāstaiśca prayukteyaṃ kutāpasī

Sanskrit only: no published translation is held for this verse.

तद्धत्तूरकसंयुक्तं मद्यमानयत द्रुतम् । गत्वाथ कारयध्वं च शुनः पादमयोमयम्

taddhattūrakasaṃyuktaṃ madyamānayata drutam / gatvātha kārayadhvaṃ ca śunaḥ pādamayomayam

Sanskrit only: no published translation is held for this verse.

इति देवस्मितोक्तास्ताश्चेट्यश्चक्रुस्तथैव तत् । एका च चेटी तद्रूपं तद्वाक्यादकरोत्तदा

iti devasmitoktāstāśceṭyaścakrustathaiva tat / ekā ca ceṭī tadrūpaṃ tadvākyādakarottadā

Sanskrit only: no published translation is held for this verse.

सापि प्रव्राजिका तस्माद्वणिक्पुत्रचतुष्टयात् । अहं प्रथमिकादिष्टादादायैकमथाययौ

sāpi pravrājikā tasmādvaṇikputracatuṣṭayāt / ahaṃ prathamikādiṣṭādādāyaikamathāyayau

Sanskrit only: no published translation is held for this verse.

स्वशिष्यावेषसंछन्नं तं च देवस्मितागृहे । तत्र सायं प्रवेश्यैव निर्गत्याप्रकटं ययौ

svaśiṣyāveṣasaṃchannaṃ taṃ ca devasmitāgṛhe / tatra sāyaṃ praveśyaiva nirgatyāprakaṭaṃ yayau

Sanskrit only: no published translation is held for this verse.

ततो ऽत्र तं वणिक्पुत्रं तत्सधत्तूरकं मधु । चेटी देवस्मितावेषा सा सादरमपाययत्

tato 'tra taṃ vaṇikputraṃ tatsadhattūrakaṃ madhu / ceṭī devasmitāveṣā sā sādaramapāyayat

Sanskrit only: no published translation is held for this verse.

तेन सो ऽविनयेनेव मधुना हृतचेतनः । हृत्वा वस्त्रादि चेटीभिस्तत्र चक्रे दिगम्बरः

tena so 'vinayeneva madhunā hṛtacetanaḥ / hṛtvā vastrādi ceṭībhistatra cakre digambaraḥ

Sanskrit only: no published translation is held for this verse.

शुनः पादेन दत्त्वाङ्कं ललाटे ताभिरेव च । नीत्वा सो ऽशुचिसंपूर्णे क्षिप्तो ऽभूत्खातके निशि

śunaḥ pādena dattvāṅkaṃ lalāṭe tābhireva ca / nītvā so 'śucisaṃpūrṇe kṣipto 'bhūtkhātake niśi

Sanskrit only: no published translation is held for this verse.

यामे ऽथ पश्चिमे संज्ञां लब्ध्वात्मानं ददर्श सः । स्वपापोपनते मग्नमवीचाविव खातके

yāme 'tha paścime saṃjñāṃ labdhvātmānaṃ dadarśa saḥ / svapāpopanate magnamavīcāviva khātake

Sanskrit only: no published translation is held for this verse.

अथोत्थाय कृतस्नानो ललाटे ऽङ्कं परामृशन् । नग्नः सन्स वणिक्पुत्रो ययौ प्रव्राजिकागृहम्

athotthāya kṛtasnāno lalāṭe 'ṅkaṃ parāmṛśan / nagnaḥ sansa vaṇikputro yayau pravrājikāgṛham

Sanskrit only: no published translation is held for this verse.

ममैवैकस्य हास्यत्वं मा भूदिति स तत्रतान् । आगच्छन्मुषितो ऽस्मीति सखीनन्यानभाषत

mamaivaikasya hāsyatvaṃ mā bhūditi sa tatratān / āgacchanmuṣito 'smīti sakhīnanyānabhāṣata

Sanskrit only: no published translation is held for this verse.

जागरेणातिपानेन शिरोर्तिं व्यपदिश्य च । प्रातः स तस्थौ वस्त्रेण वेष्टयित्वाङ्कितं शिरः

jāgareṇātipānena śirortiṃ vyapadiśya ca / prātaḥ sa tasthau vastreṇa veṣṭayitvāṅkitaṃ śiraḥ

Sanskrit only: no published translation is held for this verse.

तथैव च पुनः सायं द्वितीयो ऽपि वणिक्सुतः । एत्य देवस्मितागेहं खलीकारमवाप्तवान्

tathaiva ca punaḥ sāyaṃ dvitīyo 'pi vaṇiksutaḥ / etya devasmitāgehaṃ khalīkāramavāptavān

Sanskrit only: no published translation is held for this verse.

सो ऽप्येत्य नग्नो वक्ति स्म तत्रैवाभरणान्यहम् । स्थापयित्वापि निर्यातो मुषितस्तस्करैरिति

so 'pyetya nagno vakti sma tatraivābharaṇānyaham / sthāpayitvāpi niryāto muṣitastaskarairiti

Sanskrit only: no published translation is held for this verse.

प्रातः सो ऽपि शिरःशूलव्यपदेशेन वेष्टनम् । कृत्वा प्रच्छादयामास ललाटतटमङ्कितम्

prātaḥ so 'pi śiraḥśūlavyapadeśena veṣṭanam / kṛtvā pracchādayāmāsa lalāṭataṭamaṅkitam

Sanskrit only: no published translation is held for this verse.

एवं सापह्नवाः सर्वे वणिक्पुत्राः क्रमेण ते । प्रापुः साङ्कं खलीकारमर्थनाशं च लज्जिताः

evaṃ sāpahnavāḥ sarve vaṇikputrāḥ krameṇa te / prāpuḥ sāṅkaṃ khalīkāramarthanāśaṃ ca lajjitāḥ

Sanskrit only: no published translation is held for this verse.

अस्या अपि भवत्वेवमिति ते च खलीकृतम् । तस्याः प्रव्राजिकायास्तामप्रकाश्य ततो ययुः

asyā api bhavatvevamiti te ca khalīkṛtam / tasyāḥ pravrājikāyāstāmaprakāśya tato yayuḥ

Sanskrit only: no published translation is held for this verse.

साथ प्रव्राजिकान्येद्युर्जगाम सह शिष्यया । कृतप्रयोजनास्मीति हृष्टा देवस्मितागृहम्

sātha pravrājikānyedyurjagāma saha śiṣyayā / kṛtaprayojanāsmīti hṛṣṭā devasmitāgṛham

Sanskrit only: no published translation is held for this verse.

तत्र देवस्मिता सा तां कृत्वादरमपाययत् । मधु धत्तूरसंयुक्तं परितोषादिवाहृतम्

tatra devasmitā sā tāṃ kṛtvādaramapāyayat / madhu dhattūrasaṃyuktaṃ paritoṣādivāhṛtam

Sanskrit only: no published translation is held for this verse.

तेन मत्तां सशिष्यां च च्छिन्नश्रवणनासिकाम् । तामप्युशुचिपङ्कान्तः क्षेपयामास सा सती

tena mattāṃ saśiṣyāṃ ca cchinnaśravaṇanāsikām / tāmapyuśucipaṅkāntaḥ kṣepayāmāsa sā satī

Sanskrit only: no published translation is held for this verse.

गत्वा मैते वणिक्पुत्राः पतिं हन्युः कदाचन । इत्याकुला च सा श्वश्र्वस्तं वृत्तान्तमवर्णयत्

gatvā maite vaṇikputrāḥ patiṃ hanyuḥ kadācana / ityākulā ca sā śvaśrvastaṃ vṛttāntamavarṇayat

Sanskrit only: no published translation is held for this verse.

ततः श्वश्रूरवादीत्तां पुत्रि साधु कृतं त्वया । किं तु पुत्रस्य मे तस्य कदाचिदहितं भवेत्

tataḥ śvaśrūravādīttāṃ putri sādhu kṛtaṃ tvayā / kiṃ tu putrasya me tasya kadācidahitaṃ bhavet

Sanskrit only: no published translation is held for this verse.

ततो देवस्मितावोचद्यथा शक्तिमती पतिम् । ररक्ष प्रज्ञया पूर्वममुं रक्षाम्यहं तथा

tato devasmitāvocadyathā śaktimatī patim / rarakṣa prajñayā pūrvamamuṃ rakṣāmyahaṃ tathā

Sanskrit only: no published translation is held for this verse.

कथं शक्तिमती पुत्रि ररक्ष पतिमुच्यताम् । इति पृष्टा तया श्र्वश्र्वा साथ देवस्मिताब्रवीत्

kathaṃ śaktimatī putri rarakṣa patimucyatām / iti pṛṣṭā tayā śrvaśrvā sātha devasmitābravīt

Sanskrit only: no published translation is held for this verse.

अस्मद्देशे पुरस्यान्तर्मणिभद्र इति श्रुतः । पूर्वैः कृतप्रतिष्ठो ऽस्ति महायक्षः प्रभावितः

asmaddeśe purasyāntarmaṇibhadra iti śrutaḥ / pūrvaiḥ kṛtapratiṣṭho 'sti mahāyakṣaḥ prabhāvitaḥ

Sanskrit only: no published translation is held for this verse.

तस्योपयाचितान्य् एत्य तत्रत्याः कुर्वते जनाः । तत् तद् वाञ्छितसंसिद्धिहेतोस् तैस् तैर् उपायनैः

tasyopayācitāny etya tatratyāḥ kurvate janāḥ / tat tad vāñchitasaṃsiddhihetos tais tair upāyanaiḥ

Sanskrit only: no published translation is held for this verse.

यो नरः प्राप्यते तत्र रात्रौ सह परस्त्रिया । स्थाप्यते सो ऽस्य यक्षस्य गर्भागारे तया समम्

yo naraḥ prāpyate tatra rātrau saha parastriyā / sthāpyate so 'sya yakṣasya garbhāgāre tayā samam

Sanskrit only: no published translation is held for this verse.

प्रातस्तथैव सस्त्रीकः स नीत्वा राजसंसदि । प्रकटीकृत्य तद्वृत्तं निगृह्यत इति स्थितिः

prātastathaiva sastrīkaḥ sa nītvā rājasaṃsadi / prakaṭīkṛtya tadvṛttaṃ nigṛhyata iti sthitiḥ

Sanskrit only: no published translation is held for this verse.

एकदा तत्र नक्तं च संगतः परजायया । वणिक्समुद्रदत्ताख्यः प्राप्तो ऽभूत्पुररक्षिणा

ekadā tatra naktaṃ ca saṃgataḥ parajāyayā / vaṇiksamudradattākhyaḥ prāpto 'bhūtpurarakṣiṇā

Sanskrit only: no published translation is held for this verse.

नीत्वा च तेन क्षिप्तो ऽभूत्सपरस्त्रीक एव सः । यक्षदेवगृहे तस्मिन्दृढदत्तार्गले वणिक्

nītvā ca tena kṣipto 'bhūtsaparastrīka eva saḥ / yakṣadevagṛhe tasmindṛḍhadattārgale vaṇik

Sanskrit only: no published translation is held for this verse.

तत्क्षणं वणिजश् चास्य महाप्रज्ञा पतिव्रता । भार्या शक्तिमती नाम तं वृत्तान्तमबुध्यत

tatkṣaṇaṃ vaṇijaś cāsya mahāprajñā pativratā / bhāryā śaktimatī nāma taṃ vṛttāntamabudhyata

Sanskrit only: no published translation is held for this verse.

साथ धीरान्यरूपेण तद्यक्षायतनं निशि । पूजामादाय साश्वासं सखीजनयुता ययौ

sātha dhīrānyarūpeṇa tadyakṣāyatanaṃ niśi / pūjāmādāya sāśvāsaṃ sakhījanayutā yayau

Sanskrit only: no published translation is held for this verse.

तत्रैत्य दक्षिणालोभादेतस्या एव पूजकः । ददौ प्रवेशमुद्घाट्य द्वारमुक्त्वा पुराधिपम्

tatraitya dakṣiṇālobhādetasyā eva pūjakaḥ / dadau praveśamudghāṭya dvāramuktvā purādhipam

Sanskrit only: no published translation is held for this verse.

सा च प्रविश्य सस्त्रीके दृष्टे पत्यौ विलक्षिते । स्वं वेषं कारयित्वा तां निर्याहीत्यवदत्स्त्रियम्

sā ca praviśya sastrīke dṛṣṭe patyau vilakṣite / svaṃ veṣaṃ kārayitvā tāṃ niryāhītyavadatstriyam

Sanskrit only: no published translation is held for this verse.

सा च निर्गत्य रात्रौ स्त्री तद्वेषैव ततो ययौ । तस्थौ शक्तिमती तत्र तेन भर्त्रा समं तु सा

sā ca nirgatya rātrau strī tadveṣaiva tato yayau / tasthau śaktimatī tatra tena bhartrā samaṃ tu sā

Sanskrit only: no published translation is held for this verse.

प्रातश्च राजाधिकृतैरेत्य यावन्निरूप्यते । तावत्स्वपत्न्यैव युतः सर्वैः स ददृशे वणिक्

prātaśca rājādhikṛtairetya yāvannirūpyate / tāvatsvapatnyaiva yutaḥ sarvaiḥ sa dadṛśe vaṇik

Sanskrit only: no published translation is held for this verse.

तद्बुद्ध्व यक्षभवनान्मृत्योरिव मुखान्नृपः । दण्डयित्वा पुराध्यक्षं वणिजं तममोचयत्

tadbuddhva yakṣabhavanānmṛtyoriva mukhānnṛpaḥ / daṇḍayitvā purādhyakṣaṃ vaṇijaṃ tamamocayat

Sanskrit only: no published translation is held for this verse.

एवं शक्तिमती पूर्वं ररक्ष प्रज्ञया पतिम् । अहं तथैव भर्तारं गत्वा रक्षामि युक्तितः

evaṃ śaktimatī pūrvaṃ rarakṣa prajñayā patim / ahaṃ tathaiva bhartāraṃ gatvā rakṣāmi yuktitaḥ

Sanskrit only: no published translation is held for this verse.

इति देवस्मिता श्वश्रूं रह उक्त्वा तपस्विनी । स्वचेटिकाभिः सहिता वणिग्वेषं चकार सा

iti devasmitā śvaśrūṃ raha uktvā tapasvinī / svaceṭikābhiḥ sahitā vaṇigveṣaṃ cakāra sā

Sanskrit only: no published translation is held for this verse.

आरुह्य च प्रवहणं वणिज्याव्याजतस्ततः । कटाहद्वीपमगमद्यर सो ऽस्याः पतिः स्थितः

āruhya ca pravahaṇaṃ vaṇijyāvyājatastataḥ / kaṭāhadvīpamagamadyara so 'syāḥ patiḥ sthitaḥ

Sanskrit only: no published translation is held for this verse.

गत्वा तं च पतिं तत्र वणिङ् मध्ये ददर्श सा । गुहसेनं समाश्वासमिव मूर्तिधरं बहिः

gatvā taṃ ca patiṃ tatra vaṇiṅ madhye dadarśa sā / guhasenaṃ samāśvāsamiva mūrtidharaṃ bahiḥ

Sanskrit only: no published translation is held for this verse.

सो ऽपि तां पुरुषाकारां दूराद्दृष्ट्वा पिबन्निव । प्रियायाः सदृशः को ऽयं वणिक्स्यादित्यचिन्तयत्

so 'pi tāṃ puruṣākārāṃ dūrāddṛṣṭvā pibanniva / priyāyāḥ sadṛśaḥ ko 'yaṃ vaṇiksyādityacintayat

Sanskrit only: no published translation is held for this verse.

सा च देवस्मिता तत्र भूपं गत्वा व्यजिज्ञपत् । विज्ञप्तिर्मे ऽस्ति तत्सर्वाः संघट्यन्तां प्रजा इति

sā ca devasmitā tatra bhūpaṃ gatvā vyajijñapat / vijñaptirme 'sti tatsarvāḥ saṃghaṭyantāṃ prajā iti

Sanskrit only: no published translation is held for this verse.

ततः सर्वान्समानीय राजा पौरान्सकौतुकः । का ते विज्ञप्तिर् अस्तीति वणिग्वेषाम् उवाच ताम्

tataḥ sarvānsamānīya rājā paurānsakautukaḥ / kā te vijñaptir astīti vaṇigveṣām uvāca tām

Sanskrit only: no published translation is held for this verse.

ततो देवस्मितावादीद् इह मध्ये मम स्थिताः । पलाय्य दासाश् चत्वारस् तान् मे देवः प्रयच्छतु

tato devasmitāvādīd iha madhye mama sthitāḥ / palāyya dāsāś catvāras tān me devaḥ prayacchatu

Sanskrit only: no published translation is held for this verse.

अथ ताम् अवदद् राजा सर्वे पौरा इमे स्थिताः । तत् सर्वान् प्रत्यभिज्ञाय निजान् दासान् गृहाण तान्

atha tām avadad rājā sarve paurā ime sthitāḥ / tat sarvān pratyabhijñāya nijān dāsān gṛhāṇa tān

Sanskrit only: no published translation is held for this verse.

ततस्तया जगृहिरे स्वगृहे प्राक्खलीकृताः । वणिक्सुतास्ते चत्वारः शिरः स्वाबद्धशाटकाः

tatastayā jagṛhire svagṛhe prākkhalīkṛtāḥ / vaṇiksutāste catvāraḥ śiraḥ svābaddhaśāṭakāḥ

Sanskrit only: no published translation is held for this verse.

सार्थवाहसुता एते कथं दासा भवन्ति ते । इति क्रुद्धाश्च तामूचुस्तत्रस्था वणिजस्तदा

sārthavāhasutā ete kathaṃ dāsā bhavanti te / iti kruddhāśca tāmūcustatrasthā vaṇijastadā

Sanskrit only: no published translation is held for this verse.

ततः प्रत्यब्रवीत्सा तान्यदि न प्रत्ययो ऽस्ति वः । ललाटं प्रेक्ष्यतामेषां शुनः पादाङ्कितं मया

tataḥ pratyabravītsā tānyadi na pratyayo 'sti vaḥ / lalāṭaṃ prekṣyatāmeṣāṃ śunaḥ pādāṅkitaṃ mayā

Sanskrit only: no published translation is held for this verse.

तथेति तेषाम् उन्मोच्य चतुर्णां शीर्षपट्टकान् । सर्वे ऽपि ददृशुस्तत्र शुनःपादं ललाटगम्

tatheti teṣām unmocya caturṇāṃ śīrṣapaṭṭakān / sarve 'pi dadṛśustatra śunaḥpādaṃ lalāṭagam

Sanskrit only: no published translation is held for this verse.

लज्जिते ऽथ वणिग्ग्रामे राजा संजातविस्मयः । किमेतदिति पप्रच्छ स तां देवस्मितां स्वयम्

lajjite 'tha vaṇiggrāme rājā saṃjātavismayaḥ / kimetaditi papraccha sa tāṃ devasmitāṃ svayam

Sanskrit only: no published translation is held for this verse.

सा शशंस यथावृत्तं सर्वे ऽपि जहसुर्जनाः । न्यायास्ते भवतीदासा इति तां चावदन्नृपः

sā śaśaṃsa yathāvṛttaṃ sarve 'pi jahasurjanāḥ / nyāyāste bhavatīdāsā iti tāṃ cāvadannṛpaḥ

Sanskrit only: no published translation is held for this verse.

ततो ऽन्ये वणिजस्तेषां चतुर्णां दास्यमुक्तये । ददुस्तस्यै धनं भूरि साध्व्यै दण्डं च भूपतेः

tato 'nye vaṇijasteṣāṃ caturṇāṃ dāsyamuktaye / dadustasyai dhanaṃ bhūri sādhvyai daṇḍaṃ ca bhūpateḥ

Sanskrit only: no published translation is held for this verse.

आदाय तद्धनमवाप्य पतिं च तं स्वं देवस्मिता सकलसज्जनपूजिता सा । प्रत्याययौ निजपुरीमथ ताम्रलिप्तीं नास्या बभूव च पुनः प्रियविप्रयोगः

ādāya taddhanamavāpya patiṃ ca taṃ svaṃ devasmitā sakalasajjanapūjitā sā / pratyāyayau nijapurīmatha tāmraliptīṃ nāsyā babhūva ca punaḥ priyaviprayogaḥ

Sanskrit only: no published translation is held for this verse.

इति स्त्रियो देवि महाकुलोद्गता विशुद्धधीरैश्चरितैरुपासते । सदैव भर्तारमनन्यमानसाः पतिः सतीनां परमं हि दैवतम्

iti striyo devi mahākulodgatā viśuddhadhīraiścaritairupāsate / sadaiva bhartāramananyamānasāḥ patiḥ satīnāṃ paramaṃ hi daivatam

Sanskrit only: no published translation is held for this verse.

इत्याकर्ण्य वसन्तकस्य वदनादेतामुदारां कथां मार्गे वासवदत्तया नवपरित्यक्ते पितुर्वेश्मनि । तल्लज्जासदनं विधाय विदधे वत्सेश्वरे भर्तरि प्राक्प्रौढप्रणयावबद्धमपि तद्भक्त्येकतानं मनः

ityākarṇya vasantakasya vadanādetāmudārāṃ kathāṃ mārge vāsavadattayā navaparityakte piturveśmani / tallajjāsadanaṃ vidhāya vidadhe vatseśvare bhartari prākprauḍhapraṇayāvabaddhamapi tadbhaktyekatānaṃ manaḥ

Sanskrit only: no published translation is held for this verse.