Somadeva: Kathasaritsagara 3.1

देवी च स्थाप्यते नीत्वा युक्त्या पद्मावतीगृहे । छन्नस्थिताया येनास्याः सैव स्याच्छीलसाक्षिणी

devī ca sthāpyate nītvā yuktyā padmāvatīgṛhe / channasthitāyā yenāsyāḥ saiva syācchīlasākṣiṇī

Sanskrit only: no published translation is held for this verse.

एवं रात्रौ मिथः कृत्वा मन्त्रं सर्वे ऽपरे ऽहनि । यौगन्धरायणाद्यास्ते प्राविशन्राजमन्दिरम्

evaṃ rātrau mithaḥ kṛtvā mantraṃ sarve 'pare 'hani / yaugandharāyaṇādyāste prāviśanrājamandiram

Sanskrit only: no published translation is held for this verse.

तत्रैवमथ विज्ञप्तो वत्सराजो रुमण्वता । देव लावाणके ऽस्माकं गतानां वर्तते शिवम्

tatraivamatha vijñapto vatsarājo rumaṇvatā / deva lāvāṇake 'smākaṃ gatānāṃ vartate śivam

Sanskrit only: no published translation is held for this verse.

स चातिरम्यो विषयस्तत्र चाखेटभूमयः । शोभनाः सन्ति ते राजन्नडघासाश्च सुग्रहाः

sa cātiramyo viṣayastatra cākheṭabhūmayaḥ / śobhanāḥ santi te rājannaḍaghāsāśca sugrahāḥ

Sanskrit only: no published translation is held for this verse.

बाधते तं च नैकट्यात् सर्वं स मगधेश्वरः । तत् तत्र रक्षाहेतोश् च विनोदाय च गम्यताम्

bādhate taṃ ca naikaṭyāt sarvaṃ sa magadheśvaraḥ / tat tatra rakṣāhetoś ca vinodāya ca gamyatām

Sanskrit only: no published translation is held for this verse.

एतच्छ्रुत्वा च वत्सेशः समं वासवदत्तया । क्रीडैकलालसश्चक्रे गन्तुं लावाणके मतिम्

etacchrutvā ca vatseśaḥ samaṃ vāsavadattayā / krīḍaikalālasaścakre gantuṃ lāvāṇake matim

Sanskrit only: no published translation is held for this verse.

निश्चिते गमने ऽन्येद्युर्लग्ने च परिकल्पिते । अकस्मान्नारदमुनिः कान्तिद्योतितदिङ्मुखः

niścite gamane 'nyedyurlagne ca parikalpite / akasmānnāradamuniḥ kāntidyotitadiṅmukhaḥ

Sanskrit only: no published translation is held for this verse.

अवतीर्य नभोमध्यात्प्रदत्तनयनोत्सवः । शशीव स्वकुलप्रीत्या तं वत्सेश्वरमभ्यगात्

avatīrya nabhomadhyātpradattanayanotsavaḥ / śaśīva svakulaprītyā taṃ vatseśvaramabhyagāt

Sanskrit only: no published translation is held for this verse.

गृहीतातिथ्यसत्कारः पारिजातमयीं स्रजम् । प्रीतः स च मुनिस्तस्मै ददौ प्रह्वाय भूभृते

gṛhītātithyasatkāraḥ pārijātamayīṃ srajam / prītaḥ sa ca munistasmai dadau prahvāya bhūbhṛte

Sanskrit only: no published translation is held for this verse.

विद्याधराधिपं पुत्रं कामदेवांशमाप्स्यसि । इति वासवदत्तां च सो ऽभ्यनन्दत्कृतादरः

vidyādharādhipaṃ putraṃ kāmadevāṃśamāpsyasi / iti vāsavadattāṃ ca so 'bhyanandatkṛtādaraḥ

Sanskrit only: no published translation is held for this verse.

ततश्चोवाच वत्सेशं स्थिते यौगन्धरायणे । राजन्वासवदत्तां ते दृष्ट्वा हन्त स्मृतं मया

tataścovāca vatseśaṃ sthite yaugandharāyaṇe / rājanvāsavadattāṃ te dṛṣṭvā hanta smṛtaṃ mayā

Sanskrit only: no published translation is held for this verse.

युधिष्ठिरादयो ऽभूवन् पुरा ते प्रपितामहाः । पञ्चानां द्रौपदी तेषाम् एका पत्नी बभूव च

yudhiṣṭhirādayo 'bhūvan purā te prapitāmahāḥ / pañcānāṃ draupadī teṣām ekā patnī babhūva ca

Sanskrit only: no published translation is held for this verse.

सा च वासवदत्तेव रूपेणाप्रतिमाभवत् । ततस्तद्दोषमाशङ्क्य तानेवमहमभ्यधाम्

sā ca vāsavadatteva rūpeṇāpratimābhavat / tatastaddoṣamāśaṅkya tānevamahamabhyadhām

Sanskrit only: no published translation is held for this verse.

स्त्रीवैरं रक्षणीयं वस्तद्धि बीजमिहापदाम् । तथाहि शृणुतैतां च कथां वः कथयाम्यहम्

strīvairaṃ rakṣaṇīyaṃ vastaddhi bījamihāpadām / tathāhi śṛṇutaitāṃ ca kathāṃ vaḥ kathayāmyaham

Sanskrit only: no published translation is held for this verse.

सुन्दोपसुन्दनामानौ भ्रातरौ द्वौ बभूवतुः । असुरौ विक्रमाक्रान्तलोकत्रितयदुर्जयौ

sundopasundanāmānau bhrātarau dvau babhūvatuḥ / asurau vikramākrāntalokatritayadurjayau

Sanskrit only: no published translation is held for this verse.

तयोर्विनाशकामश्च दत्त्वाज्ञां विश्वकर्मणा । ब्रह्मा निर्मापयामास दिव्यनारीं तिलोत्तमाम्

tayorvināśakāmaśca dattvājñāṃ viśvakarmaṇā / brahmā nirmāpayāmāsa divyanārīṃ tilottamām

Sanskrit only: no published translation is held for this verse.

रूपमालोकितुं यस्याश्चतुर्दिक्कं चतुर्मुखः । बभूव किल शर्वो ऽपि कुर्वाणायः प्रदक्षिणम्

rūpamālokituṃ yasyāścaturdikkaṃ caturmukhaḥ / babhūva kila śarvo 'pi kurvāṇāyaḥ pradakṣiṇam

Sanskrit only: no published translation is held for this verse.

सा पद्मयोनेर् आदेशात् पार्श्वं सुन्दोपसुन्दयोः । प्रलोभनाय प्रययौ कैलासोद्यानवर्तिनोः

sā padmayoner ādeśāt pārśvaṃ sundopasundayoḥ / pralobhanāya prayayau kailāsodyānavartinoḥ

Sanskrit only: no published translation is held for this verse.

तौ चासुरौ जगृहतुस्तां दृष्ट्वैवान्तिकागताम् । उभावप्युभयोर्बाह्वोः सुन्दरीं काममोहितौ

tau cāsurau jagṛhatustāṃ dṛṣṭvaivāntikāgatām / ubhāvapyubhayorbāhvoḥ sundarīṃ kāmamohitau

Sanskrit only: no published translation is held for this verse.

परस्परविरोधेन हरन्तौ तां च तत्क्षणम् । प्रवृत्तसंप्रहारत्वाद्द्वावपि क्षयमीयतुः

parasparavirodhena harantau tāṃ ca tatkṣaṇam / pravṛttasaṃprahāratvāddvāvapi kṣayamīyatuḥ

Sanskrit only: no published translation is held for this verse.

एवं स्त्रीनाम विषयो निदानं कस्य नापदाम् । युष्माकं द्रौपदी चैका बहूनामिह वल्लभा

evaṃ strīnāma viṣayo nidānaṃ kasya nāpadām / yuṣmākaṃ draupadī caikā bahūnāmiha vallabhā

Sanskrit only: no published translation is held for this verse.

तत्तन्निमित्तः संघर्षः संरक्ष्यो भवतां किल । मद्वाक्यादयमेतस्याः समयश्चास्तु वः सदा

tattannimittaḥ saṃgharṣaḥ saṃrakṣyo bhavatāṃ kila / madvākyādayametasyāḥ samayaścāstu vaḥ sadā

Sanskrit only: no published translation is held for this verse.

ज्येष्ठान्तिकगता माता मन्तव्येयं कनीयसा । ज्येष्ठेन च स्नुषा ज्ञेया कनिष्ठान्तिकवर्तिनी

jyeṣṭhāntikagatā mātā mantavyeyaṃ kanīyasā / jyeṣṭhena ca snuṣā jñeyā kaniṣṭhāntikavartinī

Sanskrit only: no published translation is held for this verse.

इत्येतन्मद्वचो राजंस्तव ते प्रपितामहाः । तथेति प्रत्यपद्यन्त कल्याणकृतबुद्धयः

ityetanmadvaco rājaṃstava te prapitāmahāḥ / tatheti pratyapadyanta kalyāṇakṛtabuddhayaḥ

Sanskrit only: no published translation is held for this verse.

ते च मे सुहृदो ऽभूवंस्तत्प्रीत्या चाहमागतः । त्वां द्रष्टुमिह वत्सेश तदिदं शृणु वच्मि ते

te ca me suhṛdo 'bhūvaṃstatprītyā cāhamāgataḥ / tvāṃ draṣṭumiha vatseśa tadidaṃ śṛṇu vacmi te

Sanskrit only: no published translation is held for this verse.

यथैतन्मे कृतं वाक्यं कुर्यास्त्वं मन्त्रिणां तथा । अचिरेण च कालेन महतीमृद्धिमाप्स्यसि

yathaitanme kṛtaṃ vākyaṃ kuryāstvaṃ mantriṇāṃ tathā / acireṇa ca kālena mahatīmṛddhimāpsyasi

Sanskrit only: no published translation is held for this verse.

कंचित्कालं च दुःखं ते भविष्यति न च त्वया । तत्रातिमोहः कर्तव्यः सुखान्तं भविता हि तत्

kaṃcitkālaṃ ca duḥkhaṃ te bhaviṣyati na ca tvayā / tatrātimohaḥ kartavyaḥ sukhāntaṃ bhavitā hi tat

Sanskrit only: no published translation is held for this verse.

सम्यगेवमभिधाय तत्क्षणं वत्सराजमुदयस्य भाविनः । भङ्गिसूचनविधौ विशारदो नारदो मुनिरदर्शनं ययौ

samyagevamabhidhāya tatkṣaṇaṃ vatsarājamudayasya bhāvinaḥ / bhaṅgisūcanavidhau viśārado nārado muniradarśanaṃ yayau

Sanskrit only: no published translation is held for this verse.

सर्वे च तस्य वचसा मुनिपुंगवस्य यौगन्धरायणमुखाः सचिवास्ततस्ते । संभाव्य सिद्ध्युदयमात्मचिकीर्षितस्य संपादनाय सुतरां जगृहुः प्रयत्नम्

sarve ca tasya vacasā munipuṃgavasya yaugandharāyaṇamukhāḥ sacivāstataste / saṃbhāvya siddhyudayamātmacikīrṣitasya saṃpādanāya sutarāṃ jagṛhuḥ prayatnam

Sanskrit only: no published translation is held for this verse.