Somadeva: Kathasaritsagara 6.4

तद् रक्ष मां गृहाणेमं किंचिन् मे हेम हस्तगम् । एतच् छ्रुत्वा सगर्वं स हरिशर्मा जगाद ताम्

tad rakṣa māṃ gṛhāṇemaṃ kiṃcin me hema hastagam / etac chrutvā sagarvaṃ sa hariśarmā jagāda tām

Sanskrit only: no published translation is held for this verse.

गच्छ जानाम्य् अहं सर्वं भूतं भव्यं भवत् तथा । त्वां तु नोद्घाटयिष्यामि कृपणां शरणागताम्

gaccha jānāmy ahaṃ sarvaṃ bhūtaṃ bhavyaṃ bhavat tathā / tvāṃ tu nodghāṭayiṣyāmi kṛpaṇāṃ śaraṇāgatām

Sanskrit only: no published translation is held for this verse.

यच् च हस्तगतं ते ऽस्ति तद् दास्यसि पुनर् मम । इत्य् उक्ता तेन सा चेटी तथेत्य् आशु ततो ययौ

yac ca hastagataṃ te 'sti tad dāsyasi punar mama / ity uktā tena sā ceṭī tathety āśu tato yayau

Sanskrit only: no published translation is held for this verse.

हरिशर्मा च स ततो विस्मयाद् इत्य् अचिन्तयत् । असाध्यं साधयत्य् अर्थं हेलयाभिमुखो विधिः

hariśarmā ca sa tato vismayād ity acintayat / asādhyaṃ sādhayaty arthaṃ helayābhimukho vidhiḥ

Sanskrit only: no published translation is held for this verse.

यद् इहोपस्थिते ऽनर्थे सिद्धो ऽर्थो ऽशङ्कितं मम । स्वजिह्वां निन्दतो जिह्वा चौरी मे पतिता पुरः

yad ihopasthite 'narthe siddho 'rtho 'śaṅkitaṃ mama / svajihvāṃ nindato jihvā caurī me patitā puraḥ

Sanskrit only: no published translation is held for this verse.

शङ्कयैव प्रकाशन् ते बत प्रच्छन्नपातकाः । इत्य् आद्य् आकलयन् सो ऽत्र हृष्टो रात्रिं निनाय ताम्

śaṅkayaiva prakāśan te bata pracchannapātakāḥ / ity ādy ākalayan so 'tra hṛṣṭo rātriṃ nināya tām

Sanskrit only: no published translation is held for this verse.

प्रायश् चालीकविज्ञानयुक्त्या नीत्वा स तं नृपम् । तत्रोद्याने निखातस्थं प्रापयाम् आस तद् धनम्

prāyaś cālīkavijñānayuktyā nītvā sa taṃ nṛpam / tatrodyāne nikhātasthaṃ prāpayām āsa tad dhanam

Sanskrit only: no published translation is held for this verse.

चौरं चाप्य् अपनीतांशं शशंस प्रपलायितम् । ततस् तुष्टो नृपस् तस्मै ग्रामान् दातुं प्रचक्रमे

cauraṃ cāpy apanītāṃśaṃ śaśaṃsa prapalāyitam / tatas tuṣṭo nṛpas tasmai grāmān dātuṃ pracakrame

Sanskrit only: no published translation is held for this verse.

कहं स्यान् मानुषागम्यं ज्ञानं शास्त्रं विनेदृशम् । तन् नूनं चौरसंकेतकृतेयं धूर्तजीविका

kahaṃ syān mānuṣāgamyaṃ jñānaṃ śāstraṃ vinedṛśam / tan nūnaṃ caurasaṃketakṛteyaṃ dhūrtajīvikā

Sanskrit only: no published translation is held for this verse.

तस्माद् एषो ऽन्यया युक्त्या वारम् एकं परीक्ष्यताम् । देव ज्ञानीति कर्णे तं मन्त्री राजानम् अभ्यधात्

tasmād eṣo 'nyayā yuktyā vāram ekaṃ parīkṣyatām / deva jñānīti karṇe taṃ mantrī rājānam abhyadhāt

Sanskrit only: no published translation is held for this verse.

ततो ऽन्तः क्षिप्तमण्डूकं सपिधानं नवं घटम् । स्वैरम् आनाय्य राजा तं हरिशर्माणम् अब्रवीत्

tato 'ntaḥ kṣiptamaṇḍūkaṃ sapidhānaṃ navaṃ ghaṭam / svairam ānāyya rājā taṃ hariśarmāṇam abravīt

Sanskrit only: no published translation is held for this verse.

ब्रह्मन् यद् अस्मिन् घटके स्थितं जानासि तद् यदि । तद् अद्य ते करिष्यामि पूजां सुमहतीम् अहम्

brahman yad asmin ghaṭake sthitaṃ jānāsi tad yadi / tad adya te kariṣyāmi pūjāṃ sumahatīm aham

Sanskrit only: no published translation is held for this verse.

तच् छ्रुत्वा नाशकालं तं मत्वा स्मृत्वा ततो निजम् । पित्रा क्रीडाकृतं बाल्ये मण्डूक इति नाम सः

tac chrutvā nāśakālaṃ taṃ matvā smṛtvā tato nijam / pitrā krīḍākṛtaṃ bālye maṇḍūka iti nāma saḥ

Sanskrit only: no published translation is held for this verse.

विधातृप्रेरितः कुर्वंस् तेनात्र परिदेवनम् । ब्राह्मणो हरिशर्मात्र सहसैवैवम् अब्रवीत्

vidhātṛpreritaḥ kurvaṃs tenātra paridevanam / brāhmaṇo hariśarmātra sahasaivaivam abravīt

Sanskrit only: no published translation is held for this verse.

साधोर् एव तु मण्डूक तवाकाण्डे घटो ऽधुना । अवशस्य विनाशाय संजातो ऽयं हठाद् इह

sādhor eva tu maṇḍūka tavākāṇḍe ghaṭo 'dhunā / avaśasya vināśāya saṃjāto 'yaṃ haṭhād iha

Sanskrit only: no published translation is held for this verse.

तच् छ्रुत्वाहो महाज्ञानी भेको ऽपि विदितो ऽमुना । इति जल्पन् ननान्दात्र प्रस्तुतार्थान्वयाज् जनः

tac chrutvāho mahājñānī bheko 'pi vidito 'munā / iti jalpan nanāndātra prastutārthānvayāj janaḥ

Sanskrit only: no published translation is held for this verse.

ततस् तत्प्रातिभज्ञानं मन्वानो हरिशर्मणे । तुष्टो राजा ददौ ग्रामान् सहेमच्छत्रवाहनान्

tatas tatprātibhajñānaṃ manvāno hariśarmaṇe / tuṣṭo rājā dadau grāmān sahemacchatravāhanān

Sanskrit only: no published translation is held for this verse.

क्षणाच् च हरिशर्मा स जज्ञे सामन्तसंनिभः । इत्थं दैवेन साध्यन्ते सदर्थाः शुभकर्मणाम्

kṣaṇāc ca hariśarmā sa jajñe sāmantasaṃnibhaḥ / itthaṃ daivena sādhyante sadarthāḥ śubhakarmaṇām

Sanskrit only: no published translation is held for this verse.

तत् सोमदत्तं सदृशं दैवेनैवाभिसारिता । निवार्यासदृशं राजंस् तव तेजस्वती सुता

tat somadattaṃ sadṛśaṃ daivenaivābhisāritā / nivāryāsadṛśaṃ rājaṃs tava tejasvatī sutā

Sanskrit only: no published translation is held for this verse.

इति मन्त्रिमुखाच् छ्रुत्वा तस्मै राजसुताय ताम् । राजा विक्रमसेनो ऽथ ददौ लक्ष्मीम् इवात्मजाम्

iti mantrimukhāc chrutvā tasmai rājasutāya tām / rājā vikramaseno 'tha dadau lakṣmīm ivātmajām

Sanskrit only: no published translation is held for this verse.

ततः श्वशुरसैन्येन गत्वा जित्वा रिपूंश् च सः । सोमदत्तः स्वराज्यस्थस् तस्थौ भार्यासखः सुखम्

tataḥ śvaśurasainyena gatvā jitvā ripūṃś ca saḥ / somadattaḥ svarājyasthas tasthau bhāryāsakhaḥ sukham

Sanskrit only: no published translation is held for this verse.

एवं विधेर् भवति सर्वम् इदं विशेषात् त्वाम् ईदृशीं घटयितुं क इह क्षमेत । वत्सेश्वरेण सदृशेन विनैव दैवं कुर्याम् अहं सखि किम् अत्र कलिङ्गसेने

evaṃ vidher bhavati sarvam idaṃ viśeṣāt tvām īdṛśīṃ ghaṭayituṃ ka iha kṣameta / vatseśvareṇa sadṛśena vinaiva daivaṃ kuryām ahaṃ sakhi kim atra kaliṅgasene

Sanskrit only: no published translation is held for this verse.

इत्थं कथां रहसि राजसुता निशम्य सोमप्रभावदनतो ऽत्र कलिङ्गसेना । तत्प्रार्थिनी शिथिलबन्धुभयत्रपा सा वत्सेशसंगमसमुत्कमना बभूव

itthaṃ kathāṃ rahasi rājasutā niśamya somaprabhāvadanato 'tra kaliṅgasenā / tatprārthinī śithilabandhubhayatrapā sā vatseśasaṃgamasamutkamanā babhūva

Sanskrit only: no published translation is held for this verse.

अथास्तम् उपयास्यति त्रिभुवनैकदीपे रवौ प्रभातसमयागमावधि कथंचिद् आमन्त्र्य ताम् । सखीम् अबिमतोद्यमस्थितमतिं खमार्गेण सा मयासुरसुता ययौ निजगृहाय सोमप्रभा

athāstam upayāsyati tribhuvanaikadīpe ravau prabhātasamayāgamāvadhi kathaṃcid āmantrya tām / sakhīm abimatodyamasthitamatiṃ khamārgeṇa sā mayāsurasutā yayau nijagṛhāya somaprabhā

Sanskrit only: no published translation is held for this verse.