Somadeva: Kathasaritsagara 7.2

ततः स मां समशपद्येनाहं भवताहतः । तादृक्श्वेतो गजो भूमौ भवान् उत्पद्यताम् इति

tataḥ sa māṃ samaśapadyenāhaṃ bhavatāhataḥ / tādṛkśveto gajo bhūmau bhavān utpadyatām iti

Sanskrit only: no published translation is held for this verse.

अथानुनीतो मद्भ्रात्रा तेन देवप्रभेण सः । सिद्धः कृपालुः शापान्तम् एवम् अस्माकम् अब्रवीत्

athānunīto madbhrātrā tena devaprabheṇa saḥ / siddhaḥ kṛpāluḥ śāpāntam evam asmākam abravīt

Sanskrit only: no published translation is held for this verse.

हरेः प्रसादान् मर्त्यो ऽपि भूत्वा द्वीपेश्वरो भवान् । गजीभूतमिमं प्राप्स्यस्यनुजं दिव्यवाहनम्

hareḥ prasādān martyo 'pi bhūtvā dvīpeśvaro bhavān / gajībhūtamimaṃ prāpsyasyanujaṃ divyavāhanam

Sanskrit only: no published translation is held for this verse.

अन्तःपुरसहस्राणि त्वम् अशीतिम् अवाप्स्यसि । तेषां वेत्स्यसि दौःशील्यं सर्वेषां जनसंनिधौ

antaḥpurasahasrāṇi tvam aśītim avāpsyasi / teṣāṃ vetsyasi dauḥśīlyaṃ sarveṣāṃ janasaṃnidhau

Sanskrit only: no published translation is held for this verse.

अथैतां मानुषीभूतां स्वभार्यां परिणेष्यसि । प्रत्यक्षमेनाम् अपि च द्रक्ष्यस्यन्येन संगताम्

athaitāṃ mānuṣībhūtāṃ svabhāryāṃ pariṇeṣyasi / pratyakṣamenām api ca drakṣyasyanyena saṃgatām

Sanskrit only: no published translation is held for this verse.

ततो विरक्तहृदयो दत्त्वा राज्यं द्विजन्मने । देवप्रभ यदा शान्तो वनं गन्तुं प्रवत्स्यसि

tato viraktahṛdayo dattvā rājyaṃ dvijanmane / devaprabha yadā śānto vanaṃ gantuṃ pravatsyasi

Sanskrit only: no published translation is held for this verse.

तदा प्रथममुक्ते ऽस्मिन् गजत्वादनुजे तव । अनया भार्यया साकं शपात्त्वम् अपि मोक्ष्यसे

tadā prathamamukte 'smin gajatvādanuje tava / anayā bhāryayā sākaṃ śapāttvam api mokṣyase

Sanskrit only: no published translation is held for this verse.

इति सिद्धोक्तशापान्ता वयं प्राक्कर्मभेदतः । एवं जाताः पृथग्योगाच्छापान्तः सैष चाद्य नः

iti siddhoktaśāpāntā vayaṃ prākkarmabhedataḥ / evaṃ jātāḥ pṛthagyogācchāpāntaḥ saiṣa cādya naḥ

Sanskrit only: no published translation is held for this verse.

एवं सोमप्रभेणोक्ते स रत्नाधिपतिर्नृपः । जातिं स्मृत्वाब्रवीद्धन्त सैष देवप्रभो ह्य् अहम्

evaṃ somaprabheṇokte sa ratnādhipatirnṛpaḥ / jātiṃ smṛtvābravīddhanta saiṣa devaprabho hy aham

Sanskrit only: no published translation is held for this verse.

एषापि राजदत्ता सा पत्नी राजवती मम । इत्य् उक्त्वा स तया साकं भार्यया तां तनुं जहौ

eṣāpi rājadattā sā patnī rājavatī mama / ity uktvā sa tayā sākaṃ bhāryayā tāṃ tanuṃ jahau

Sanskrit only: no published translation is held for this verse.

क्षणात्सर्वे ऽपि गन्धर्वा भुत्वा लोकस्य पश्यतः । खमुत्पत्य निजं धाम ययुस्ते मलयाचलम्

kṣaṇātsarve 'pi gandharvā bhutvā lokasya paśyataḥ / khamutpatya nijaṃ dhāma yayuste malayācalam

Sanskrit only: no published translation is held for this verse.

शीलवत्यपि शीलस्य माहात्म्यात्प्राप्य संपदम् । ताम्रलिप्तीं पुरीं गत्वा तस्थौ धर्मोपसेविनी

śīlavatyapi śīlasya māhātmyātprāpya saṃpadam / tāmraliptīṃ purīṃ gatvā tasthau dharmopasevinī

Sanskrit only: no published translation is held for this verse.

इति जगति नरक्षितुं समर्थः क्वचिदपि कश्चिद् अपि प्रसह्य नारीम् । अवति तु सततं विशुद्ध एकः कुलयुवतीं निजसत्त्वपाशबन्धः

iti jagati narakṣituṃ samarthaḥ kvacidapi kaścid api prasahya nārīm / avati tu satataṃ viśuddha ekaḥ kulayuvatīṃ nijasattvapāśabandhaḥ

Sanskrit only: no published translation is held for this verse.

एवं चेर्ष्या नाम दुःखैकहेतुर् दोषः पुंसां द्वेषदायी परेषाम् । यो ऽयं मा भूद् रक्षणायाङ्गनानाम् अत्यौत्सुक्यं प्रत्युतासां करोति

evaṃ cerṣyā nāma duḥkhaikahetur doṣaḥ puṃsāṃ dveṣadāyī pareṣām / yo 'yaṃ mā bhūd rakṣaṇāyāṅganānām atyautsukyaṃ pratyutāsāṃ karoti

Sanskrit only: no published translation is held for this verse.

इति नरवाहनदत्तो रत्नप्रभया स्वभार्यया कथिताम् । स निशम्य कथामर्थ्यां सचिवैः सार्धं परं मुमुदे

iti naravāhanadatto ratnaprabhayā svabhāryayā kathitām / sa niśamya kathāmarthyāṃ sacivaiḥ sārdhaṃ paraṃ mumude

Sanskrit only: no published translation is held for this verse.