द्वितीयो निःष्यन्दः तदाक्रम्य बलम् मन्त्राः सर्वज्ञाबलशालिनः । प्रवर्तन्ते ऽधिकाराय करणानीव देहिनाम्
dvitīyo niḥṣyandaḥ tadākramya balam mantrāḥ sarvajñābalaśālinaḥ | pravartante 'dhikārāya karaṇānīva dehinām
Sanskrit only: no published translation is held for this verse.
तत्रैव सम्प्रलीयन्ते शान्तरूपा निरञ्जनाः । सहाराधकचित्तेन तेनैते शिवधर्मिणः
tatraiva sampralīyante śāntarūpā nirañjanāḥ | sahārādhakacittena tenaite śivadharmiṇaḥ
Sanskrit only: no published translation is held for this verse.
यस्मात् सर्वमयो जीवः सर्वभावसमुद्भवात् । तत्संवेदनरूपेण तादात्म्यप्रतिपत्तितः
yasmāt sarvamayo jīvaḥ sarvabhāvasamudbhavāt | tatsaṃvedanarūpeṇa tādātmyapratipattitaḥ
Sanskrit only: no published translation is held for this verse.
तस्माच् छब्दार्थचिन्तासु न सावस्था न या शिवः । भोक्तैव भोग्यभावेन सदा सर्वत्र संस्थितः
tasmāc chabdārthacintāsu na sāvasthā na yā śivaḥ | bhoktaiva bhogyabhāvena sadā sarvatra saṃsthitaḥ
Sanskrit only: no published translation is held for this verse.
इति वा यस्य संवित्तिः क्रीडात्वेनाखिलं जगत् । स पश्यन् सततं युक्तो जीवन्मुक्तो न संशयः
iti vā yasya saṃvittiḥ krīḍātvenākhilaṃ jagat | sa paśyan satataṃ yukto jīvanmukto na saṃśayaḥ
Sanskrit only: no published translation is held for this verse.
अयम् एवोदयस् तस्य ध्येयस्य ध्यायिचेतसि । तदात्मतासमापत्तिर् इच्छतः साधकस्य या
ayam evodayas tasya dhyeyasya dhyāyicetasi | tadātmatāsamāpattir icchataḥ sādhakasya yā
Sanskrit only: no published translation is held for this verse.
इयम् एवामृतप्राप्तिर् अयम् एवात्मनो ग्रहः । इयं निर्वाण-दीक्षा च शिवसद्भावदायिनि
iyam evāmṛtaprāptir ayam evātmano grahaḥ | iyaṃ nirvāṇa-dīkṣā ca śivasadbhāvadāyini
Sanskrit only: no published translation is held for this verse.