Sardhatrisatikalottaragama 10

अभिषेकप्रकरणं नवमम् नाडीचक्रं परं सूक्ष्मं प्रवक्ष्याम्यनुपूर्वशः । नाभेरधस्ताद्यत्कन्दम् अङ्कुरास्तत्र निर्गताः

abhiṣekaprakaraṇaṃ navamam nāḍīcakraṃ paraṃ sūkṣmaṃ pravakṣyāmyanupūrvaśaḥ / nābheradhastādyatkandam aṅkurāstatra nirgatāḥ

Sanskrit only: no published translation is held for this verse.

द्वासप्ततिसहस्राणि नाभिमध्ये व्यवस्थिताः । तिर्यगूर्ध्वमधश्चैव व्याप्तं नाभेः समन्ततः

dvāsaptatisahasrāṇi nābhimadhye vyavasthitāḥ / tiryagūrdhvamadhaścaiva vyāptaṃ nābheḥ samantataḥ

Sanskrit only: no published translation is held for this verse.

चक्रवत्संस्थिता नाड्यः प्रधाना दश तासु याः । इडा च पिङ्गला चैव सुषुम्ना च तृतीयका

cakravatsaṃsthitā nāḍyaḥ pradhānā daśa tāsu yāḥ / iḍā ca piṅgalā caiva suṣumnā ca tṛtīyakā

Sanskrit only: no published translation is held for this verse.

गान्धारी हस्तिजिह्वा च पूषा चैव यशास्तथा । अलम्बुषा कुहूश्चैव शङ्खिनी दशमी स्मृता

gāndhārī hastijihvā ca pūṣā caiva yaśāstathā / alambuṣā kuhūścaiva śaṅkhinī daśamī smṛtā

Sanskrit only: no published translation is held for this verse.

दश प्राणवहा ह्येता नाडयः परिकीर्तिताः । प्राणो ऽपानः समानश्च उदानो व्यान एव च

daśa prāṇavahā hyetā nāḍayaḥ parikīrtitāḥ / prāṇo 'pānaḥ samānaśca udāno vyāna eva ca

Sanskrit only: no published translation is held for this verse.

नागः कूर्मो ऽथ कृकरो देवदत्तो धनंजयः । प्राणस्तु प्रथमो वायुर् नवानामपि स प्रभुः

nāgaḥ kūrmo 'tha kṛkaro devadatto dhanaṃjayaḥ / prāṇastu prathamo vāyur navānāmapi sa prabhuḥ

Sanskrit only: no published translation is held for this verse.

प्राणः प्राणमयः प्राणो विसर्गः पूरणं प्रति । नित्यमापूरयत्येष प्राणिनामुरसि स्थितः

prāṇaḥ prāṇamayaḥ prāṇo visargaḥ pūraṇaṃ prati / nityamāpūrayatyeṣa prāṇināmurasi sthitaḥ

Sanskrit only: no published translation is held for this verse.

निश्वासोच्छ्वासकासैस्तु प्राणो जीवसमाश्रितः । प्रयाणं कुरुते यस्मात् तस्मात्प्राणः प्रकीर्तितः

niśvāsocchvāsakāsaistu prāṇo jīvasamāśritaḥ / prayāṇaṃ kurute yasmāt tasmātprāṇaḥ prakīrtitaḥ

Sanskrit only: no published translation is held for this verse.

अपानयत्यपानस्तु आहारं च नृणामधः । मूत्रशुक्लमलान्वायुर् अपानस्तेन कीर्तितः

apānayatyapānastu āhāraṃ ca nṛṇāmadhaḥ / mūtraśuklamalānvāyur apānastena kīrtitaḥ

Sanskrit only: no published translation is held for this verse.

पीतं भक्षितमाघ्रातं रक्तपित्तकफादिकम् । रेअद् रक्तपित्तकफानिलम् wइथ् थे नेपलेसे म्स्स् अन्द् उन्पुब्लिस्हेद् नेपलेसे म्स्स् ओफ़् सप्तशतिक अन्द् द्विशतिक रेचेन्सिओन्स्, अच्चोर्दिन्ग् तो सन्देर्सोन् (लेच्तुरे नोतेस् ओन् तन्त्रसार) समं नयति गात्रेषु समानो नाम मारुतः

pītaṃ bhakṣitamāghrātaṃ raktapittakaphādikam / read raktapittakaphānilam with the Nepalese MSS and unpublished Nepalese MSS of Saptaśatika and Dviśatika recensions, according to Sanderson (lecture notes on Tantrasāra) samaṃ nayati gātreṣu samāno nāma mārutaḥ

Sanskrit only: no published translation is held for this verse.

स्पन्दत्यधरं वक्त्रं नेत्रगात्रप्रकोपनः । उद्वेजयति मर्माणि उदानो नाम मारुतः

spandatyadharaṃ vaktraṃ netragātraprakopanaḥ / udvejayati marmāṇi udāno nāma mārutaḥ

Sanskrit only: no published translation is held for this verse.

व्यानो विनामयत्यङ्गं व्यानो व्याधिप्रकोपनः । प्रीतेर्विनाशकरणो व्यापनाद्व्यान उच्यते

vyāno vināmayatyaṅgaṃ vyāno vyādhiprakopanaḥ / prītervināśakaraṇo vyāpanādvyāna ucyate

Sanskrit only: no published translation is held for this verse.

उद्गारे नाग इत्युक्तः कूर्म उन्मीलने स्मृतः । कृकरस्तु क्षुते चैव देवदत्तो विजृम्भणे । धनंजयः स्थितो घोषे मृतस्यापि न मुञ्चति

udgāre nāga ityuktaḥ kūrma unmīlane smṛtaḥ / kṛkarastu kṣute caiva devadatto vijṛmbhaṇe / dhanaṃjayaḥ sthito ghoṣe mṛtasyāpi na muñcati

Sanskrit only: no published translation is held for this verse.

इत्येतद्वायुवृन्दं हृदि च विनिहितं नाभिचक्रप्रतिष्ठितम् निश्वासोच्छ्वासकैः श्वसनपुरमधः कम्पिताघूर्णितैश्च । नित्यं नित्याल्पजन्मा व्यसनयति पशुं यौवने बालभावे आक्रान्तो वायुरेकः स जननमरणैः क्रीडति भ्रान्तसत्त्वैः

ityetadvāyuvṛndaṃ hṛdi ca vinihitaṃ nābhicakrapratiṣṭhitam niśvāsocchvāsakaiḥ śvasanapuramadhaḥ kampitāghūrṇitaiśca / nityaṃ nityālpajanmā vyasanayati paśuṃ yauvane bālabhāve ākrānto vāyurekaḥ sa jananamaraṇaiḥ krīḍati bhrāntasattvaiḥ

Sanskrit only: no published translation is held for this verse.

नाडीचक्रं यथावस्थं प्रवक्ष्याम्यनुपूर्वशः । दशारं चक्रमेत्तत्तु विभागो जायते यथा

nāḍīcakraṃ yathāvasthaṃ pravakṣyāmyanupūrvaśaḥ / daśāraṃ cakramettattu vibhāgo jāyate yathā

Sanskrit only: no published translation is held for this verse.

चक्रे भ्रमत्यसौ जीवो दशस्थानेष्वनुक्रमात् । स जीवो जीवलोकस्य बुध्यन्ते नैव मोहिताः

cakre bhramatyasau jīvo daśasthāneṣvanukramāt / sa jīvo jīvalokasya budhyante naiva mohitāḥ

Sanskrit only: no published translation is held for this verse.

जीवः प्रयाति दशधा तेन चक्रं प्रकीर्तितम् । नाडीचक्रमिति प्रोक्तं येन संक्रामति ह्यसौ

jīvaḥ prayāti daśadhā tena cakraṃ prakīrtitam / nāḍīcakramiti proktaṃ yena saṃkrāmati hyasau

Sanskrit only: no published translation is held for this verse.