Sardhatrisatikalottaragama 12

इत्येकादशः पटलः चन्द्राग्निरिव संयुक्ता आद्या कुण्डलिनी तु या । हृत्प्रदेशे तु सा ज्ञेया अङ्कुराकारवत्स्थिता

ityekādaśaḥ paṭalaḥ candrāgniriva saṃyuktā ādyā kuṇḍalinī tu yā / hṛtpradeśe tu sā jñeyā aṅkurākāravatsthitā

Sanskrit only: no published translation is held for this verse.

सृष्टिन्यासं न्यसेत्तत्र द्विरभ्यासपदेरितम् । स्रवन्तं चिन्तयेत्तस्मिन्न् अमृतं साधकोत्तमः

sṛṣṭinyāsaṃ nyasettatra dvirabhyāsapaderitam / sravantaṃ cintayettasminn amṛtaṃ sādhakottamaḥ

Sanskrit only: no published translation is held for this verse.

अग्नीषोमात्मकं सर्वं जगत्स्थावरजङ्गमम् । चिन्तयेद्विपरीतं तु सिद्धिकामः समाहितः

agnīṣomātmakaṃ sarvaṃ jagatsthāvarajaṅgamam / cintayedviparītaṃ tu siddhikāmaḥ samāhitaḥ

Sanskrit only: no published translation is held for this verse.

स्वदेहं चिन्तयेद्विद्वान् दिव्यरूपमनौपमम् । यस्य यत्कर्म चोद्दिष्टं तत्कर्म परिचिन्तयेत्

svadehaṃ cintayedvidvān divyarūpamanaupamam / yasya yatkarma coddiṣṭaṃ tatkarma paricintayet

Sanskrit only: no published translation is held for this verse.

इदं च यो ऽभ्यसेदेवम् अमृतं सर्वतोमुखम् । अचिरेणैव कालेन स सिद्धिफलभाग्भवेत्

idaṃ ca yo 'bhyasedevam amṛtaṃ sarvatomukham / acireṇaiva kālena sa siddhiphalabhāgbhavet

Sanskrit only: no published translation is held for this verse.

सृष्टिन्यासमविज्ञाय कथं युञ्जीत साधकः । हन्यान्मुष्टिभिराकाशं तुषान्कुट्टयतीव सः

sṛṣṭinyāsamavijñāya kathaṃ yuñjīta sādhakaḥ / hanyānmuṣṭibhirākāśaṃ tuṣānkuṭṭayatīva saḥ

Sanskrit only: no published translation is held for this verse.