Sardhatrisatikalottaragama 13

इति द्वादशः पटलः अथातः सम्प्रवक्ष्यामि सृष्टिं मन्त्रलिपेः क्रमात् । यथा तु सकलो देवो निष्कलेन समन्वितः

iti dvādaśaḥ paṭalaḥ athātaḥ sampravakṣyāmi sṛṣṭiṃ mantralipeḥ kramāt / yathā tu sakalo devo niṣkalena samanvitaḥ

Sanskrit only: no published translation is held for this verse.

कलामुत्पादयामास सर्वमन्त्रप्रवर्तिकाम् । ॐकारमूर्ध्नि मध्यस्थ ॐकारव्यापकस्तथा

kalāmutpādayāmāsa sarvamantrapravartikām / oṃkāramūrdhni madhyastha oṃkāravyāpakastathā

Sanskrit only: no published translation is held for this verse.

ॐकारप्रथमां रेखां सृजति प्रभुः(?) । विद्या नाम कला सा तु वर्णे वर्णे व्यवस्थिता

oṃkāraprathamāṃ rekhāṃ sṛjati prabhuḥ(?) / vidyā nāma kalā sā tu varṇe varṇe vyavasthitā

Sanskrit only: no published translation is held for this verse.

ॐकारस्य उकाराभा रेखा या सम्प्रदृश्यते । प्रतिष्ठा नाम सा ज्ञेया उकाराक्षरसम्भवा

oṃkārasya ukārābhā rekhā yā sampradṛśyate / pratiṣṭhā nāma sā jñeyā ukārākṣarasambhavā

Sanskrit only: no published translation is held for this verse.

मूर्ध्नि तस्य भवेद्यासौ सूक्ष्मरेखा निरञ्जना । मकारो ह्यभवत्तत्र निवृत्तिर्नाम सा कला

mūrdhni tasya bhavedyāsau sūkṣmarekhā nirañjanā / makāro hyabhavattatra nivṛttirnāma sā kalā

Sanskrit only: no published translation is held for this verse.

ॐकारमूर्ध्नि संयुक्ता लय ॐकारमूर्धनि । रेखेयं व्योम्नि निर्वाणा सा कला शान्तिरुच्यते

oṃkāramūrdhni saṃyuktā laya oṃkāramūrdhani / rekheyaṃ vyomni nirvāṇā sā kalā śāntirucyate

Sanskrit only: no published translation is held for this verse.

संयोगात्सम्प्रकाशेत निष्कले सकले स्थिता । मूर्धन्याक्रान ॐकारे शब्दस्तत्र तु जायते

saṃyogātsamprakāśeta niṣkale sakale sthitā / mūrdhanyākrāna oṃkāre śabdastatra tu jāyate

Sanskrit only: no published translation is held for this verse.

सा शक्तिः परमा सूक्ष्मा बिन्दुना सहिता मता । दीपादिव महत्तेजो विस्फुलिङ्गशिखान्वितम्

sā śaktiḥ paramā sūkṣmā bindunā sahitā matā / dīpādiva mahattejo visphuliṅgaśikhānvitam

Sanskrit only: no published translation is held for this verse.

निपतन्ती त्रिधा याति शिवविद्यात्मकैर्यथा । शान्तिर्विद्या प्रतिष्ठा च निवृत्तिश्चेति ताः कलाः

nipatantī tridhā yāti śivavidyātmakairyathā / śāntirvidyā pratiṣṭhā ca nivṛttiśceti tāḥ kalāḥ

Sanskrit only: no published translation is held for this verse.

या कला रेखिनी तत्र पतिता बिन्दुना सह । सविद्येशः शिवः प्रोक्तो देवदेवः सदाशिवः

yā kalā rekhinī tatra patitā bindunā saha / savidyeśaḥ śivaḥ prokto devadevaḥ sadāśivaḥ

Sanskrit only: no published translation is held for this verse.

प्रथमं तस्य तद्बीजं नादबिन्दुरितीरितम् । न जहाति परं स्थानं शाश्वतं ध्रुवमव्ययम्

prathamaṃ tasya tadbījaṃ nādabinduritīritam / na jahāti paraṃ sthānaṃ śāśvataṃ dhruvamavyayam

Sanskrit only: no published translation is held for this verse.

बिन्दुं तदुदरे क्षिप्त्वा मातृवत्परिरक्षति । तस्योर्ध्वं वामपार्श्वे ऽथ विष्णुबीजं प्रतिष्ठितम्

binduṃ tadudare kṣiptvā mātṛvatparirakṣati / tasyordhvaṃ vāmapārśve 'tha viṣṇubījaṃ pratiṣṭhitam

Sanskrit only: no published translation is held for this verse.

दक्षिणं ब्रह्मयोनिस्थम् एकमेव त्रिधा स्थितम् । पार्श्वबिन्दुद्वयोपेता सा रेखा मध्यतः स्थिता

dakṣiṇaṃ brahmayonistham ekameva tridhā sthitam / pārśvabindudvayopetā sā rekhā madhyataḥ sthitā

Sanskrit only: no published translation is held for this verse.

तत्र देवः शिवः सूक्ष्मो गूढस्तिष्ठति शंकरः । तद्बीजं परमं देवं शक्तिगर्भो महेश्वरः

tatra devaḥ śivaḥ sūkṣmo gūḍhastiṣṭhati śaṃkaraḥ / tadbījaṃ paramaṃ devaṃ śaktigarbho maheśvaraḥ

Sanskrit only: no published translation is held for this verse.

यतः प्रवर्तते सर्वं मन्त्रतन्त्रं चराचरम् । अव्यक्तं परमं सूक्ष्मं शक्तिदेहं निरञ्जनम्

yataḥ pravartate sarvaṃ mantratantraṃ carācaram / avyaktaṃ paramaṃ sūkṣmaṃ śaktidehaṃ nirañjanam

Sanskrit only: no published translation is held for this verse.

शिवं त्वनादिनिधनं यं बुद्ध्वा नाभिजायते । दक्षिणस्थं हि यद्बीजं ज्ञानशक्तिः परा हि सा

śivaṃ tvanādinidhanaṃ yaṃ buddhvā nābhijāyate / dakṣiṇasthaṃ hi yadbījaṃ jñānaśaktiḥ parā hi sā

Sanskrit only: no published translation is held for this verse.

तद्बीजमपरं ब्रह्मा यत्र गूढः स तिष्ठति । वामगो ऽथ परो बिन्दुः क्रियाशक्तिः परा हि सा

tadbījamaparaṃ brahmā yatra gūḍhaḥ sa tiṣṭhati / vāmago 'tha paro binduḥ kriyāśaktiḥ parā hi sā

Sanskrit only: no published translation is held for this verse.

तत्र विष्णुः स्वयं बीजे गूढः सूक्ष्मो निरञ्जनः । एष देवो ऽपि सर्गस्थो विसृष्टो यः स शम्भुना

tatra viṣṇuḥ svayaṃ bīje gūḍhaḥ sūkṣmo nirañjanaḥ / eṣa devo 'pi sargastho visṛṣṭo yaḥ sa śambhunā

Sanskrit only: no published translation is held for this verse.

निगूढत्वान्न पश्यन्ति येन सृष्टं चराचरम् । विसर्गाज्जायते सृष्टिर् ईश्वरः प्रभुरेव सः

nigūḍhatvānna paśyanti yena sṛṣṭaṃ carācaram / visargājjāyate sṛṣṭir īśvaraḥ prabhureva saḥ

Sanskrit only: no published translation is held for this verse.

विसृष्टं येन तद्बीजं विसर्गस्तेन चोच्यते । तेन चापूरितमिदं जगत्सर्वं च तन्मयम्

visṛṣṭaṃ yena tadbījaṃ visargastena cocyate / tena cāpūritamidaṃ jagatsarvaṃ ca tanmayam

Sanskrit only: no published translation is held for this verse.

शक्तिरश्मिसमूहेन शतशो ऽथ सहस्रशः । सृजति ग्रसति ह्येष संयोजकवियोजकः

śaktiraśmisamūhena śataśo 'tha sahasraśaḥ / sṛjati grasati hyeṣa saṃyojakaviyojakaḥ

Sanskrit only: no published translation is held for this verse.

ज्ञानशक्त्या च भगवान् अनुगृह्णाति वै शिवः । विसर्गाच्च भवेत्सृष्टिः संहारो बिन्दुना सह । निर्वाणं तत्त्वविज्ञानं तन्त्रविस्तारगोचरः

jñānaśaktyā ca bhagavān anugṛhṇāti vai śivaḥ / visargācca bhavetsṛṣṭiḥ saṃhāro bindunā saha / nirvāṇaṃ tattvavijñānaṃ tantravistāragocaraḥ

Sanskrit only: no published translation is held for this verse.