Sardhatrisatikalottaragama 15

गतिभ्रंशप्रकरणम् प्रासादं नादमुत्थाप्य जपेद्यः सततं नरः । षण्मासात्प्राप्नुयात्सिद्धिं योगयुक्तो न संशयः

gatibhraṃśaprakaraṇam prāsādaṃ nādamutthāpya japedyaḥ satataṃ naraḥ / ṣaṇmāsātprāpnuyātsiddhiṃ yogayukto na saṃśayaḥ

Sanskrit only: no published translation is held for this verse.

गमागमस्य जपतः सर्वपापक्षयो भवेत् । अणिमादिगुणैश्वर्यं षण्मासैस्तु न संशयः

gamāgamasya japataḥ sarvapāpakṣayo bhavet / aṇimādiguṇaiśvaryaṃ ṣaṇmāsaistu na saṃśayaḥ

Sanskrit only: no published translation is held for this verse.

गमागमं विदित्वा तु मुच्यते नात्र संशयः । तन्मयस्तल्लयो भूत्वा षण्मासात्सिद्धिमाप्नुयात्

gamāgamaṃ viditvā tu mucyate nātra saṃśayaḥ / tanmayastallayo bhūtvā ṣaṇmāsātsiddhimāpnuyāt

Sanskrit only: no published translation is held for this verse.

स्थूलः सूक्ष्मः परश्चैव प्रासादः कथितो मया । प्रासादं ये न बुध्यन्ति ते न बुध्यन्ति शङ्करम्

sthūlaḥ sūkṣmaḥ paraścaiva prāsādaḥ kathito mayā / prāsādaṃ ye na budhyanti te na budhyanti śaṅkaram

Sanskrit only: no published translation is held for this verse.