Sardhatrisatikalottaragama 19

कालचक्रप्रकरणम् इति अष्टादशः पटलः पूर्वमेवं प्रतिज्ञातं शिवभेदो ऽष्टधा स्थितः । कथं भिद्येत देवेश तत्त्वतः कथय प्रभो

kālacakraprakaraṇam iti aṣṭādaśaḥ paṭalaḥ pūrvamevaṃ pratijñātaṃ śivabhedo 'ṣṭadhā sthitaḥ / kathaṃ bhidyeta deveśa tattvataḥ kathaya prabho

Sanskrit only: no published translation is held for this verse.

सकलं निष्कलं शून्यं कलाढ्यं खमलङ्कृतम् । क्षपणं च तथान्तस्थं कण्ठोष्ठ्यं चाष्टमं विदुः

sakalaṃ niṣkalaṃ śūnyaṃ kalāḍhyaṃ khamalaṅkṛtam / kṣapaṇaṃ ca tathāntasthaṃ kaṇṭhoṣṭhyaṃ cāṣṭamaṃ viduḥ

Sanskrit only: no published translation is held for this verse.

सकलं सर्वभूतस्थं शिवतत्त्वं प्रकीर्तितम्

sakalaṃ sarvabhūtasthaṃ śivatattvaṃ prakīrtitam

Sanskrit only: no published translation is held for this verse.

निष्क्रामति स्वयं देवो देहं त्यक्त्वा समारुतः । निष्कलं तं विजानीयात् षड्वर्णरहितं शिवम्

niṣkrāmati svayaṃ devo dehaṃ tyaktvā samārutaḥ / niṣkalaṃ taṃ vijānīyāt ṣaḍvarṇarahitaṃ śivam

Sanskrit only: no published translation is held for this verse.

निश्वासोच्छ्वसने हित्वा स्थितो देहे तु काष्ठवत् । शून्यं तं तु विजानीयाद् धृदयेन तु भावयेत्

niśvāsocchvasane hitvā sthito dehe tu kāṣṭhavat / śūnyaṃ taṃ tu vijānīyād dhṛdayena tu bhāvayet

Sanskrit only: no published translation is held for this verse.

चुम्बाकारेण वक्त्रेण यत्तत्त्वं परिकीर्तितम् । कलाढ्यं तं विजानीयाद् आकाशस्थमथ शृणु

cumbākāreṇa vaktreṇa yattattvaṃ parikīrtitam / kalāḍhyaṃ taṃ vijānīyād ākāśasthamatha śṛṇu

Sanskrit only: no published translation is held for this verse.

ऊर्ध्वनादस्य क्षीणस्य यदन्तं परिकीर्तितम् । तत्रस्थं तं विजानीयाद् आकाशेन त्वलङ्कृतम्

ūrdhvanādasya kṣīṇasya yadantaṃ parikīrtitam / tatrasthaṃ taṃ vijānīyād ākāśena tvalaṅkṛtam

Sanskrit only: no published translation is held for this verse.

व्यावृतेनैव वक्त्रेण ब्रूयदेवं जगद्गुरुम् । दुःखक्षपणमित्युक्तं तत्क्षयात्क्षपणं स्मृतम्

vyāvṛtenaiva vaktreṇa brūyadevaṃ jagadgurum / duḥkhakṣapaṇamityuktaṃ tatkṣayātkṣapaṇaṃ smṛtam

Sanskrit only: no published translation is held for this verse.

अधोनादस्य क्षीणस्य यदन्तं परिकीर्तितम् । अन्तस्थं तं विजानीयाद् अनुच्चार्यं प्रकीर्तितम्

adhonādasya kṣīṇasya yadantaṃ parikīrtitam / antasthaṃ taṃ vijānīyād anuccāryaṃ prakīrtitam

Sanskrit only: no published translation is held for this verse.

सप्तवर्गाष्टमं कोटिः सप्तमस्य द्वितीयकम् । वर्गातीतं षडन्तं च सप्तमात्त्रिचतुर्थकम्

saptavargāṣṭamaṃ koṭiḥ saptamasya dvitīyakam / vargātītaṃ ṣaḍantaṃ ca saptamāttricaturthakam

Sanskrit only: no published translation is held for this verse.

आदिमं तु पुनर्योज्यं षष्ठं वै प्रथमस्य तु । खशेखरसमायुक्तं कण्ठोष्ठ्यं चाष्टमं स्मृतम्

ādimaṃ tu punaryojyaṃ ṣaṣṭhaṃ vai prathamasya tu / khaśekharasamāyuktaṃ kaṇṭhoṣṭhyaṃ cāṣṭamaṃ smṛtam

Sanskrit only: no published translation is held for this verse.

एते भेदाः समाख्याता अणिमादिप्रसाधने । अनुच्चार्यमसन्दिग्धं मोक्ष इत्यभिधीयते

ete bhedāḥ samākhyātā aṇimādiprasādhane / anuccāryamasandigdhaṃ mokṣa ityabhidhīyate

Sanskrit only: no published translation is held for this verse.