Sardhatrisatikalottaragama 2

प्रथमः पटलः अन्तःकरणविन्यासो भूतशुद्धिस्तथैव च । भूतशुद्धिं पुरा कृत्वा ततो ऽन्तःकरणं कुरु

prathamaḥ paṭalaḥ antaḥkaraṇavinyāso bhūtaśuddhistathaiva ca / bhūtaśuddhiṃ purā kṛtvā tato 'ntaḥkaraṇaṃ kuru

Sanskrit only: no published translation is held for this verse.

हृद्बीजं पार्थिवे युक्तं पार्थिवीं धारयेत्क्रमात् । शिरो ऽप्सु तेजसि शिखां कवचं वायुना सह

hṛdbījaṃ pārthive yuktaṃ pārthivīṃ dhārayetkramāt / śiro 'psu tejasi śikhāṃ kavacaṃ vāyunā saha

Sanskrit only: no published translation is held for this verse.

अस्त्रं च शिवसंयुक्तम् आकाशं धारयेत्सदा । हुंफडन्तेन पटलं भित्त्वा चोर्ध्वं विशेषतः

astraṃ ca śivasaṃyuktam ākāśaṃ dhārayetsadā / huṃphaḍantena paṭalaṃ bhittvā cordhvaṃ viśeṣataḥ

Sanskrit only: no published translation is held for this verse.

पञ्चोद्घाताश्च चत्वारस् त्रयो द्वावेक एव च । द्वादशान्ते निरालम्बं विज्ञानं केवलं स्थितम्

pañcodghātāśca catvāras trayo dvāveka eva ca / dvādaśānte nirālambaṃ vijñānaṃ kevalaṃ sthitam

Sanskrit only: no published translation is held for this verse.

दीक्षायां तु यथा वत्स तत्प्रयोगं समाचरेत् । प्रक्रियान्तस्थममृतं स्रवन्तं चिन्तयेत्ततः

dīkṣāyāṃ tu yathā vatsa tatprayogaṃ samācaret / prakriyāntasthamamṛtaṃ sravantaṃ cintayettataḥ

Sanskrit only: no published translation is held for this verse.

ओमित्यनेन कमलं योगपीठं तदा भवेत् । सूर्यमण्डलसंकाशम् अकारं ह्यात्मसम्भवम्

omityanena kamalaṃ yogapīṭhaṃ tadā bhavet / sūryamaṇḍalasaṃkāśam akāraṃ hyātmasambhavam

Sanskrit only: no published translation is held for this verse.

विद्यातत्त्वमुकारं तु शिवतत्त्वं मकारजम् । पुर्यष्टकं च तन्मात्रं तुर्यातीतं सदाशिवम्

vidyātattvamukāraṃ tu śivatattvaṃ makārajam / puryaṣṭakaṃ ca tanmātraṃ turyātītaṃ sadāśivam

Sanskrit only: no published translation is held for this verse.

चिन्तयेत्परमं धाम सुषुम्नाभिन्नमस्तकम् । तेनाप्लावितमात्मानं परिपूर्णं विचिन्तयेत्

cintayetparamaṃ dhāma suṣumnābhinnamastakam / tenāplāvitamātmānaṃ paripūrṇaṃ vicintayet

Sanskrit only: no published translation is held for this verse.

यो ऽभसेदीदृशं मर्त्यः समाधिं मृत्युनाशनम् । न तस्य जायते मृत्युर् इति शास्त्रस्य निश्चयः

yo 'bhasedīdṛśaṃ martyaḥ samādhiṃ mṛtyunāśanam / na tasya jāyate mṛtyur iti śāstrasya niścayaḥ

Sanskrit only: no published translation is held for this verse.

पश्चाद्गुरोः साधकानां मूर्तेस्तु ग्रहणं भवेत् । ईशानाद्यास्तु सद्यान्तं मूर्ध्न आरभ्य विन्यसेत्

paścādguroḥ sādhakānāṃ mūrtestu grahaṇaṃ bhavet / īśānādyāstu sadyāntaṃ mūrdhna ārabhya vinyaset

Sanskrit only: no published translation is held for this verse.

नेत्रं दत्त्वा तदावाह्यो देवदेवः सदाशिवः । सर्वज्ञं च तदात्मानं चिन्तयेत्तु विचक्षणः

netraṃ dattvā tadāvāhyo devadevaḥ sadāśivaḥ / sarvajñaṃ ca tadātmānaṃ cintayettu vicakṣaṇaḥ

Sanskrit only: no published translation is held for this verse.

हृदयं च शिरश्चैव शिखां कवचमेव च । न्यसेदस्त्रं च मन्त्रज्ञो यथास्थानेष्वनुक्रमात्

hṛdayaṃ ca śiraścaiva śikhāṃ kavacameva ca / nyasedastraṃ ca mantrajño yathāsthāneṣvanukramāt

Sanskrit only: no published translation is held for this verse.

हृदये ऽर्चाविधानं तु नाभौ होमं प्रकल्पयेत् । ललाटे त्वीश्वरं ध्यायेद् वरदं सर्वतोमुखम्

hṛdaye 'rcāvidhānaṃ tu nābhau homaṃ prakalpayet / lalāṭe tvīśvaraṃ dhyāyed varadaṃ sarvatomukham

Sanskrit only: no published translation is held for this verse.

यथार्चने तथाग्नौ च ध्याने स्नाने तथैव च । यथा देवे तथा देहे चिन्तयेत्तु विचक्षणः

yathārcane tathāgnau ca dhyāne snāne tathaiva ca / yathā deve tathā dehe cintayettu vicakṣaṇaḥ

Sanskrit only: no published translation is held for this verse.

कृत्वान्तःकरणं ह्येवं पश्चाद्बाह्यं तु षण्मुख । सबाह्यन्तरं कृत्वा पश्चाद्यजनमारभेत्

kṛtvāntaḥkaraṇaṃ hyevaṃ paścādbāhyaṃ tu ṣaṇmukha / sabāhyantaraṃ kṛtvā paścādyajanamārabhet

Sanskrit only: no published translation is held for this verse.