Sardhatrisatikalottaragama 20

शिवभेदाष्टकप्रतिपादनप्रकरणम् इत्येकोनविंशः पटलः कथं व्यापी अधश्चोर्ध्वं तिर्यक् चैव कथं भवेत् । एतन्मे ब्रूहि तत्त्वेन कारुण्यात्त्वं महेश्वर

śivabhedāṣṭakapratipādanaprakaraṇam ityekonaviṃśaḥ paṭalaḥ kathaṃ vyāpī adhaścordhvaṃ tiryak caiva kathaṃ bhavet / etanme brūhi tattvena kāruṇyāttvaṃ maheśvara

Sanskrit only: no published translation is held for this verse.

यावद्देहे स्थितो जन्तोर् अधस्तावद्व्यवस्थितः । निर्गतो व्यापयेत्तिर्यग्- अन्तस्थः सर्वतः स्थितः

yāvaddehe sthito jantor adhastāvadvyavasthitaḥ / nirgato vyāpayettiryag- antasthaḥ sarvataḥ sthitaḥ

Sanskrit only: no published translation is held for this verse.

त्रिमार्गावस्थितो देवः सर्वदेहेषु वर्तते । अविदित्वा न मुच्येत यद्यप्येतल्लयो भवेत्

trimārgāvasthito devaḥ sarvadeheṣu vartate / aviditvā na mucyeta yadyapyetallayo bhavet

Sanskrit only: no published translation is held for this verse.

तत्त्रिमार्गं त्र्यधिष्ठानं सर्वदेहेषु वर्तते । यो वेत्त्येवमिमां व्याप्तिं सर्वव्यापी न संशयः

tattrimārgaṃ tryadhiṣṭhānaṃ sarvadeheṣu vartate / yo vettyevamimāṃ vyāptiṃ sarvavyāpī na saṃśayaḥ

Sanskrit only: no published translation is held for this verse.

न तस्य गर्भसम्भूतिर् यथा देवः प्रभाषते । तावद्भ्रमति संसारे यावद्व्याप्तिं न विन्दति

na tasya garbhasambhūtir yathā devaḥ prabhāṣate / tāvadbhramati saṃsāre yāvadvyāptiṃ na vindati

Sanskrit only: no published translation is held for this verse.

विदित्वा व्यापिनं जीवं मुच्यते नात्र संशयः । यथा तृणजलूका नु तृणाग्रं यावदागता

viditvā vyāpinaṃ jīvaṃ mucyate nātra saṃśayaḥ / yathā tṛṇajalūkā nu tṛṇāgraṃ yāvadāgatā

Sanskrit only: no published translation is held for this verse.

उपरिष्टान्निरालम्बा तद्वज्जीवो ऽत्र संस्थितः । ऊर्ध्वशून्यमधः शून्यं शून्यं देहान्तरस्थितम्

upariṣṭānnirālambā tadvajjīvo 'tra saṃsthitaḥ / ūrdhvaśūnyamadhaḥ śūnyaṃ śūnyaṃ dehāntarasthitam

Sanskrit only: no published translation is held for this verse.

त्रिशून्यं यो विजानाति मुच्यते स ध्रुवं गुह । व्याप्तिश्चास्य मया प्रोक्ता संक्षेपान्न तु विस्तरात् । अतः परतरं नास्ति व्यापकं व्यापकस्य तु

triśūnyaṃ yo vijānāti mucyate sa dhruvaṃ guha / vyāptiścāsya mayā proktā saṃkṣepānna tu vistarāt / ataḥ parataraṃ nāsti vyāpakaṃ vyāpakasya tu

Sanskrit only: no published translation is held for this verse.