Sardhatrisatikalottaragama 21

व्याप्तिप्रकरणम् इति विंशः पटलः अतः परं प्रवक्ष्यामि अष्टधा प्रत्ययो यथा । अनग्निज्वलनं चैव वृक्षस्यालभनं तथा

vyāptiprakaraṇam iti viṃśaḥ paṭalaḥ ataḥ paraṃ pravakṣyāmi aṣṭadhā pratyayo yathā / anagnijvalanaṃ caiva vṛkṣasyālabhanaṃ tathā

Sanskrit only: no published translation is held for this verse.

पाशानां स्तोभनं चैव महापातकनाशनम् । विषसंहरणं चैव निर्बीजकरणं तथा

pāśānāṃ stobhanaṃ caiva mahāpātakanāśanam / viṣasaṃharaṇaṃ caiva nirbījakaraṇaṃ tathā

Sanskrit only: no published translation is held for this verse.

ग्रहज्वरविनाशश्च प्रत्ययो ऽष्टविधः स्मृतः । एवं ज्ञात्वा तु विधिवत् ख्यातिः सर्वत्र जायते

grahajvaravināśaśca pratyayo 'ṣṭavidhaḥ smṛtaḥ / evaṃ jñātvā tu vidhivat khyātiḥ sarvatra jāyate

Sanskrit only: no published translation is held for this verse.

प्रणवेनाग्निमध्यस्थो हकारो ह्रीं तथैव च । आदिर्ॐ च नमश्चान्ते अनग्निज्वलने हितम्

praṇavenāgnimadhyastho hakāro hrīṃ tathaiva ca / ādiroṃ ca namaścānte anagnijvalane hitam

Sanskrit only: no published translation is held for this verse.

अग्निं स्रोतसि संयोज्य सहस्रोद्घातसंयुतम् । पञ्चाक्षरप्रयोगेण ज्वलत्येव न संशयः

agniṃ srotasi saṃyojya sahasrodghātasaṃyutam / pañcākṣaraprayogeṇa jvalatyeva na saṃśayaḥ

Sanskrit only: no published translation is held for this verse.

ॐकारः सर्वतो ऽधस्ताद् रेफस्तस्योर्ध्वतः स्थितः । पूर्ववत्सम्प्रयुक्तो ऽयं प्रयोगो भुवि दुर्लभः

oṃkāraḥ sarvato 'dhastād rephastasyordhvataḥ sthitaḥ / pūrvavatsamprayukto 'yaṃ prayogo bhuvi durlabhaḥ

Sanskrit only: no published translation is held for this verse.

शतैः सप्तभिरुद्घातैर् आलब्धो म्रियते द्रुमः । भूयस्श्चाप्यायनं तस्य वारुणे स्रोतसि स्थितम्

śataiḥ saptabhirudghātair ālabdho mriyate drumaḥ / bhūyasścāpyāyanaṃ tasya vāruṇe srotasi sthitam

Sanskrit only: no published translation is held for this verse.

स जीवति पुनर्वृक्षो यथापूर्वं तथैव सः । तादृगेव पुनश्चासौ किं तु रेफविवर्जितः

sa jīvati punarvṛkṣo yathāpūrvaṃ tathaiva saḥ / tādṛgeva punaścāsau kiṃ tu rephavivarjitaḥ

Sanskrit only: no published translation is held for this verse.

आप्यायनविधौ ह्येष पञ्चधा बिन्दुदीपितः । औकारमध्यसंयुक्तः प्रणवेनान्तदीपितः

āpyāyanavidhau hyeṣa pañcadhā bindudīpitaḥ / aukāramadhyasaṃyuktaḥ praṇavenāntadīpitaḥ

Sanskrit only: no published translation is held for this verse.

ईकारादिः स हौ मध्ये वह्निमध्यं ततः परम् । प्रयोगो विषुवत्काले पाशानां स्तोभकारकः

īkārādiḥ sa hau madhye vahnimadhyaṃ tataḥ param / prayogo viṣuvatkāle pāśānāṃ stobhakārakaḥ

Sanskrit only: no published translation is held for this verse.

शतैः पञ्चभिरुद्घातैः पतत्येव न संशयः । पुनश्चोत्थापनं तस्य यथा भवति तच्छृणु

śataiḥ pañcabhirudghātaiḥ patatyeva na saṃśayaḥ / punaścotthāpanaṃ tasya yathā bhavati tacchṛṇu

Sanskrit only: no published translation is held for this verse.

ईकाराद्यन्तसंयुक्तं हौ च मध्ये नियोजितम् । प्राणानुस्वारसन्दीप्तं नमो ऽन्तं प्रणवं पुनः

īkārādyantasaṃyuktaṃ hau ca madhye niyojitam / prāṇānusvārasandīptaṃ namo 'ntaṃ praṇavaṃ punaḥ

Sanskrit only: no published translation is held for this verse.

उत्थापने प्रयुञ्जीत सर्वभूतेषु तत्त्ववित् । तावद्भिरेव चोद्घातैर् योजनीयः प्रयत्नतः

utthāpane prayuñjīta sarvabhūteṣu tattvavit / tāvadbhireva codghātair yojanīyaḥ prayatnataḥ

Sanskrit only: no published translation is held for this verse.

लबीजं जीवसंविष्टं हकाराद्यन्तसंस्थितम् । पूर्ववन्मध्यसंस्थं च वायुबिन्दुसमन्वितम्

labījaṃ jīvasaṃviṣṭaṃ hakārādyantasaṃsthitam / pūrvavanmadhyasaṃsthaṃ ca vāyubindusamanvitam

Sanskrit only: no published translation is held for this verse.

यदस्यारोहणे प्रोक्तं गुरुत्वं जायते यथा । भूय एव प्रवक्ष्यामि लघुत्वं जायते यथा

yadasyārohaṇe proktaṃ gurutvaṃ jāyate yathā / bhūya eva pravakṣyāmi laghutvaṃ jāyate yathā

Sanskrit only: no published translation is held for this verse.

ॐकारो हं यकारेण ह्यौकारो हं नमस्तथा । तुलापुरुषयोगो ऽयम् उद्घातैरयुतेन तु

oṃkāro haṃ yakāreṇa hyaukāro haṃ namastathā / tulāpuruṣayogo 'yam udghātairayutena tu

Sanskrit only: no published translation is held for this verse.

स हकारो वकारेण यकारेण च दीपितः । ह्यौ मध्ये ह्लीं नमश्चान्ते वारुणेन तु बुद्धिमत्

sa hakāro vakāreṇa yakāreṇa ca dīpitaḥ / hyau madhye hlīṃ namaścānte vāruṇena tu buddhimat

Sanskrit only: no published translation is held for this verse.

उद्घाताष्टशतेनैव विषं संहरति ध्रुवम् । यथाग्निज्वलने दृष्टो निर्बीजकरणे तथा

udghātāṣṭaśatenaiva viṣaṃ saṃharati dhruvam / yathāgnijvalane dṛṣṭo nirbījakaraṇe tathā

Sanskrit only: no published translation is held for this verse.

शतैः पञ्चभिरुद्घातैर् विशेषो ऽत्र विधीयते । ॐकारमादितः कृत्वा ह्रूंकारं तदनन्तरम्

śataiḥ pañcabhirudghātair viśeṣo 'tra vidhīyate / oṃkāramāditaḥ kṛtvā hrūṃkāraṃ tadanantaram

Sanskrit only: no published translation is held for this verse.

ह्रौं ह्रूं च फण्णमश्चान्ते ग्रहाणां नाशने मतः । प्रयोगे वारुणे मार्गे उद्घाताष्टशतेन तु

hrauṃ hrūṃ ca phaṇṇamaścānte grahāṇāṃ nāśane mataḥ / prayoge vāruṇe mārge udghātāṣṭaśatena tu

Sanskrit only: no published translation is held for this verse.

प्रणवादि ततो हुं फट् हुं फट् हुं फट् तथैव च । फट् फट् फट् फट् फडेवं स्याद् वारुणेन तु बुद्धिमान् । उद्घाताष्टशतेनैव क्षिप्रं नाशयति ज्वरम्

praṇavādi tato huṃ phaṭ huṃ phaṭ huṃ phaṭ tathaiva ca / phaṭ phaṭ phaṭ phaṭ phaḍevaṃ syād vāruṇena tu buddhimān / udghātāṣṭaśatenaiva kṣipraṃ nāśayati jvaram

Sanskrit only: no published translation is held for this verse.