Sardhatrisatikalottaragama 3

अन्तःकरणविन्यासपटलः इति द्वितीयः पटलः अतः परं प्रवक्ष्यामि स्नानं पापहरं शुभम् । सकृज्जप्तेन संगृह्य मृदा अस्त्रेण मन्त्रवित्

antaḥkaraṇavinyāsapaṭalaḥ iti dvitīyaḥ paṭalaḥ ataḥ paraṃ pravakṣyāmi snānaṃ pāpaharaṃ śubham / sakṛjjaptena saṃgṛhya mṛdā astreṇa mantravit

Sanskrit only: no published translation is held for this verse.

मलस्नानं पुरा कृत्वा सकृज्जप्त्वा तु संहिताम् । तामेव मृत्तिकां पश्चाद् अभिमन्त्र्य सकृत्सकृत्

malasnānaṃ purā kṛtvā sakṛjjaptvā tu saṃhitām / tāmeva mṛttikāṃ paścād abhimantrya sakṛtsakṛt

Sanskrit only: no published translation is held for this verse.

भागत्रयं ततः कृत्वा एकमस्त्रेण मन्त्रयेत् । द्वितीयं ब्रह्मभिर्वत्स शिवजप्तं तृतीयकम्

bhāgatrayaṃ tataḥ kṛtvā ekamastreṇa mantrayet / dvitīyaṃ brahmabhirvatsa śivajaptaṃ tṛtīyakam

Sanskrit only: no published translation is held for this verse.

अस्त्रजप्तेन भागेन दिशां बन्धं तु कारयेत् । शिवजप्तेन तीर्थं तु ब्रह्मजप्तेन विग्रहम्

astrajaptena bhāgena diśāṃ bandhaṃ tu kārayet / śivajaptena tīrthaṃ tu brahmajaptena vigraham

Sanskrit only: no published translation is held for this verse.

कुण्ठयित्वा ततः स्नायाच् छिवतीर्थस्य मध्यतः । चक्रवत्युपचारेण सुगन्धामलकादिभिः

kuṇṭhayitvā tataḥ snāyāc chivatīrthasya madhyataḥ / cakravatyupacāreṇa sugandhāmalakādibhiḥ

Sanskrit only: no published translation is held for this verse.

उपस्पृश्य विधानेन संध्यां वन्देत साधकः । मन्त्रैः सर्वैः सकृद्वत्स उपस्थानं तु कारयेत्

upaspṛśya vidhānena saṃdhyāṃ vandeta sādhakaḥ / mantraiḥ sarvaiḥ sakṛdvatsa upasthānaṃ tu kārayet

Sanskrit only: no published translation is held for this verse.

अभिषेकं पुरा कृत्वा ततः संध्यां समाचरेत् । अस्त्रं न योजयेद्देहे क्षिपेत्तद्बहिरेव च

abhiṣekaṃ purā kṛtvā tataḥ saṃdhyāṃ samācaret / astraṃ na yojayeddehe kṣipettadbahireva ca

Sanskrit only: no published translation is held for this verse.

शरीरं शोषयेद्वत्स तेनात्मनि न योजयेत् । विघ्नेषु पाशजालेषु सदा योज्यं विचक्षणैः

śarīraṃ śoṣayedvatsa tenātmani na yojayet / vighneṣu pāśajāleṣu sadā yojyaṃ vicakṣaṇaiḥ

Sanskrit only: no published translation is held for this verse.

हृदयेन ततो विद्वान् पितृदेवांश्च तर्पयेत् । संहारं तस्य तीर्थस्य प्रासादेनैव कारयेत्

hṛdayena tato vidvān pitṛdevāṃśca tarpayet / saṃhāraṃ tasya tīrthasya prāsādenaiva kārayet

Sanskrit only: no published translation is held for this verse.