Sardhatrisatikalottaragama 5

भस्मस्नानप्रकरणम् इति चतुर्थः पटलः यजनं संप्रवक्ष्यामि यथाविध्यनुपूर्वशः । बीजाङ्कुरं पुरा शक्त्या पश्चादानन्तमासनम्

bhasmasnānaprakaraṇam iti caturthaḥ paṭalaḥ yajanaṃ saṃpravakṣyāmi yathāvidhyanupūrvaśaḥ / bījāṅkuraṃ purā śaktyā paścādānantamāsanam

Sanskrit only: no published translation is held for this verse.

अनन्तं चान्तगं कुर्यात् क्रमेणैव षडानन । हृदयं कर्णिका पद्मं धर्मं ज्ञानादिमेव च

anantaṃ cāntagaṃ kuryāt krameṇaiva ṣaḍānana / hṛdayaṃ karṇikā padmaṃ dharmaṃ jñānādimeva ca

Sanskrit only: no published translation is held for this verse.

वैराग्यं च तथैश्वर्यम् ईशान्तं वह्नितो न्यसेत् । शक्तिभिः केसरव्यूहं हृदयेन च कल्पयेत्

vairāgyaṃ ca tathaiśvaryam īśāntaṃ vahnito nyaset / śaktibhiḥ kesaravyūhaṃ hṛdayena ca kalpayet

Sanskrit only: no published translation is held for this verse.

आवाहयेत्ततो देवं हृदयेन तु षण्मुख । स्थापनं पाद्यमर्घ्यं च तथाचमनमेव च

āvāhayettato devaṃ hṛdayena tu ṣaṇmukha / sthāpanaṃ pādyamarghyaṃ ca tathācamanameva ca

Sanskrit only: no published translation is held for this verse.

स्नपनं पूजनं चैव हृदयेन तु कारयेत् । उक्तानुक्तं च यत्किञ्चित् तत्सर्वं हृदयेन तु

snapanaṃ pūjanaṃ caiva hṛdayena tu kārayet / uktānuktaṃ ca yatkiñcit tatsarvaṃ hṛdayena tu

Sanskrit only: no published translation is held for this verse.

एकावरणमेतत्तु सर्वकामार्थसाधनम् । सर्वतन्त्रेषु सामान्यं सर्वज्ञानेषु चोत्तमम्

ekāvaraṇametattu sarvakāmārthasādhanam / sarvatantreṣu sāmānyaṃ sarvajñāneṣu cottamam

Sanskrit only: no published translation is held for this verse.