Sardhatrisatikalottaragama 9

दीक्षाप्रकरणम् अष्टमम् अभिषेकं प्रवक्ष्यामि संक्षेपान्न तु विस्तरात् । हिताय साधकेन्द्राणां परमेशेन भाषितम्

dīkṣāprakaraṇam aṣṭamam abhiṣekaṃ pravakṣyāmi saṃkṣepānna tu vistarāt / hitāya sādhakendrāṇāṃ parameśena bhāṣitam

Sanskrit only: no published translation is held for this verse.

मृण्मयं कलशं ह्येकं चन्दनेन विलेपितम् । ब्रह्मपत्रपुटं वाथ पद्मपत्रमथापि वा

mṛṇmayaṃ kalaśaṃ hyekaṃ candanena vilepitam / brahmapatrapuṭaṃ vātha padmapatramathāpi vā

Sanskrit only: no published translation is held for this verse.

सर्वौषधियुतं कृत्वा सर्वगन्धोपशोभितम् । शतमष्टोत्तरं जप्त्वा प्रासादं सर्वतोमुखम्

sarvauṣadhiyutaṃ kṛtvā sarvagandhopaśobhitam / śatamaṣṭottaraṃ japtvā prāsādaṃ sarvatomukham

Sanskrit only: no published translation is held for this verse.

यागं कृत्वा तु पूर्वोक्तम् अभिषेकं तु कारयेत् । शुभनक्षत्रदिवसे मुहूर्ते करणान्विते

yāgaṃ kṛtvā tu pūrvoktam abhiṣekaṃ tu kārayet / śubhanakṣatradivase muhūrte karaṇānvite

Sanskrit only: no published translation is held for this verse.

बहुमङ्गलनिर्घोषैः शङ्खवादित्रनिःस्वनैः । ब्रह्मघोषैश्च विविधैर् नृत्तगीतसमन्वितैः । अनुज्ञातो ऽभिषिक्तश्च आचार्यः पाशहा भवेत्

bahumaṅgalanirghoṣaiḥ śaṅkhavāditraniḥsvanaiḥ / brahmaghoṣaiśca vividhair nṛttagītasamanvitaiḥ / anujñāto 'bhiṣiktaśca ācāryaḥ pāśahā bhavet

Sanskrit only: no published translation is held for this verse.