Suśruta-saṃhitā 1.4

अथातः प्रभाषणीयमध्यायं व्याख्यास्यामः

athātaḥ prabhāṣaṇīyamadhyāyaṃ vyākhyāsyāmaḥ

Sanskrit only: no published translation is held for this verse.

यथोवाच भगवान् धन्वन्तरिः

yathovāca bhagavān dhanvantariḥ

Sanskrit only: no published translation is held for this verse.

अधिगतमप्यध्ययनमप्रभाषितमर्थतः खरस्य चन्दनभार इव केवलं परिश्रमकरं भवति

adhigatamapyadhyayanamaprabhāṣitamarthataḥ kharasya candanabhāra iva kevalaṃ pariśramakaraṃ bhavati

Sanskrit only: no published translation is held for this verse.

भवति चात्र यथा खरश्चन्दनभारवाही भारस्य वेत्ता न तु चन्दनस्य एवं हि शास्त्राणि बहून्यधीत्य चार्थेषु मूढाः खरवद्वहन्ति

bhavati cātra yathā kharaścandanabhāravāhī bhārasya vettā na tu candanasya evaṃ hi śāstrāṇi bahūnyadhītya cārtheṣu mūḍhāḥ kharavadvahanti

Sanskrit only: no published translation is held for this verse.

तस्मात् सविंशमध्यायशतमनुपदपादश्लोकमनुवर्णयितव्यमनुश्रोतव्यं चक-स्मात् सूक्ष्मा हि द्र व्यरसगुणवीर्यविपाकदोषधातु मलाशयमर्मसिरास्नायु-सन्ध्यस्थिगर्भसंभवद्र व्यसमूहविभागास्तथा प्रनष्ट शल्योद्धरण व्रणविनिश्च-यभर्नगविकल्पाः साध्ययाप्यप्रत्याख्येयता च विकाराणामेवमादयश्चान्ये विशेषाः सहस्रशो ये विचिन्त्यमाना विमलविपुलबुद्धेरपि बुद्धिमाकुली-कुर्युः किंपुनरल्पबुद्धेः तस्मादवश्यमनुपदपादश्लोकमनुवर्णयितव्यमनुश्रोतव्यं च

tasmāt saviṃśamadhyāyaśatamanupadapādaślokamanuvarṇayitavyamanuśrotavyaṃ caka-smāt sūkṣmā hi dra vyarasaguṇavīryavipākadoṣadhātu malāśayamarmasirāsnāyu-sandhyasthigarbhasaṃbhavadra vyasamūhavibhāgāstathā pranaṣṭa śalyoddharaṇa vraṇaviniśca-yabharnagavikalpāḥ sādhyayāpyapratyākhyeyatā ca vikārāṇāmevamādayaścānye viśeṣāḥ sahasraśo ye vicintyamānā vimalavipulabuddherapi buddhimākulī-kuryuḥ kiṃpunaralpabuddheḥ tasmādavaśyamanupadapādaślokamanuvarṇayitavyamanuśrotavyaṃ ca

Sanskrit only: no published translation is held for this verse.

अन्यशास्त्रोपपन्नानांचार्थानामिहोपनीतानामर्थवशात्तेषांतद्विद्येभ्य एव व्या-ख्यानमनुश्रोतव्यं कस्मात् न ह्येकस्मिनशास्त्रे शक्यः सर्वशास्त्राणामवरोधः कर्तुम्

anyaśāstropapannānāṃcārthānāmihopanītānāmarthavaśātteṣāṃtadvidyebhya eva vyā-khyānamanuśrotavyaṃ kasmāt na hyekasminaśāstre śakyaḥ sarvaśāstrāṇāmavarodhaḥ kartum

Sanskrit only: no published translation is held for this verse.

भवन्ति चात्र एकं शास्त्रमधीयानो न विद्याच्छास्त्रनिश्चयम् तस्माद्बहुश्रुतः शास्त्रं विजानीयाच्चिकित्सकः

bhavanti cātra ekaṃ śāstramadhīyāno na vidyācchāstraniścayam tasmādbahuśrutaḥ śāstraṃ vijānīyāccikitsakaḥ

Sanskrit only: no published translation is held for this verse.

शास्त्रं गुरुमुखोद्गीर्णमादायोपास्य चासकृत् यः कर्म कुरुते वैद्यः स वैद्योऽन्ये तु तस्कराः

śāstraṃ gurumukhodgīrṇamādāyopāsya cāsakṛt yaḥ karma kurute vaidyaḥ sa vaidyo'nye tu taskarāḥ

Sanskrit only: no published translation is held for this verse.

औपधेनवमौरभ्रं सौश्रुतं पौष्कलावतम् शेषाणां शल्यतन्त्राणां मूलान्येतानि निर्दिशेत्

aupadhenavamaurabhraṃ sauśrutaṃ pauṣkalāvatam śeṣāṇāṃ śalyatantrāṇāṃ mūlānyetāni nirdiśet

Sanskrit only: no published translation is held for this verse.