Suśruta-saṃhitā 1.9

अथातो योग्यासूत्रीयमध्यायं व्याख्यास्यामः

athāto yogyāsūtrīyamadhyāyaṃ vyākhyāsyāmaḥ

Sanskrit only: no published translation is held for this verse.

यथोवाच भगवान् धन्वन्तरिः

yathovāca bhagavān dhanvantariḥ

Sanskrit only: no published translation is held for this verse.

अधिगतसर्वशास्त्रार्थमपि शिष्यं योग्यां कारयेत् स्नेहादिषु छेद्यादिषु च कर्मपथमुपदिशेत् सुबहुश्रुतोऽप्यकृतयोग्यः कर्मस्वयोग्यो भवति

adhigatasarvaśāstrārthamapi śiṣyaṃ yogyāṃ kārayet snehādiṣu chedyādiṣu ca karmapathamupadiśet subahuśruto'pyakṛtayogyaḥ karmasvayogyo bhavati

Sanskrit only: no published translation is held for this verse.

तत्र पुष्पफलालाबूकालिन्दकत्रपुसैर्वारुकर्कारुकप्रभृतिषु छेद्यविशेषान् दर्शयेत् उत्कर्तनापकर्तनानि चोपदिशेत् दृतिबस्ति प्रसेवकप्रभृतिषूदकपङ्कपूर्णेषु भेद्ययोग्यां सरोम्णि चर्मण्यातते लेख्यस्य मृतपशुसिरासूत्पलनालेषु च वेध्यस्य घुणोपहत काष्ठवेणुनलनालीशुष्कालाबूमुखेष्वेष्यस्य पनसबिम्बी-बिल्व फलमज्जमृतपशुदन्तेष्वाहार्यस्य मधूच्छिष्टोपलिप्ते शाल्मलीफलके विस्राव्यस्य सूक्ष्मघनवस्त्रान्तयोर्मृदुचर्मान्तयोश्च सीव्यस्य पुस्तमयपुरुषाङ्ग-प्रत्यङ्गविशेषेषु बन्धनयोग्यां मृदुषु मांसखण्डेष्वग्नि क्षारयोग्यां मृदुचर्म-मांसपेशीषूत्पलनालेषु च कर्णसन्धिबन्धयोग्याम् उदकपूर्णघटपार्श्वस्रोतस्यलाबूमुखादिषु च नेत्रप्रणिधानवस्तिव्रणबस्तिपीडनयोग्यामिति

tatra puṣpaphalālābūkālindakatrapusairvārukarkārukaprabhṛtiṣu chedyaviśeṣān darśayet utkartanāpakartanāni copadiśet dṛtibasti prasevakaprabhṛtiṣūdakapaṅkapūrṇeṣu bhedyayogyāṃ saromṇi carmaṇyātate lekhyasya mṛtapaśusirāsūtpalanāleṣu ca vedhyasya ghuṇopahata kāṣṭhaveṇunalanālīśuṣkālābūmukheṣveṣyasya panasabimbī-bilva phalamajjamṛtapaśudanteṣvāhāryasya madhūcchiṣṭopalipte śālmalīphalake visrāvyasya sūkṣmaghanavastrāntayormṛducarmāntayośca sīvyasya pustamayapuruṣāṅga-pratyaṅgaviśeṣeṣu bandhanayogyāṃ mṛduṣu māṃsakhaṇḍeṣvagni kṣārayogyāṃ mṛducarma-māṃsapeśīṣūtpalanāleṣu ca karṇasandhibandhayogyām udakapūrṇaghaṭapārśvasrotasyalābūmukhādiṣu ca netrapraṇidhānavastivraṇabastipīḍanayogyāmiti

Sanskrit only: no published translation is held for this verse.

भवतश्चात्र एवमादिषु मेधावी योग्यार्हेषु यथाविधि द्र व्येषु योग्यां कुर्वाणो न प्रमुह्यति कर्मसु

bhavataścātra evamādiṣu medhāvī yogyārheṣu yathāvidhi dra vyeṣu yogyāṃ kurvāṇo na pramuhyati karmasu

Sanskrit only: no published translation is held for this verse.

तस्मात् कौशलमन्विच्छन् शस्त्रक्षाराग्निकर्मसु यस्य यत्रेह साधर्म्यं तत्र योग्यां समाचरेत्

tasmāt kauśalamanvicchan śastrakṣārāgnikarmasu yasya yatreha sādharmyaṃ tatra yogyāṃ samācaret

Sanskrit only: no published translation is held for this verse.

इति सुश्रुतसंहितायां सूत्रस्थाने योग्यासूत्रीयो नाम नवमोऽध्यायः

iti suśrutasaṃhitāyāṃ sūtrasthāne yogyāsūtrīyo nāma navamo'dhyāyaḥ

Sanskrit only: no published translation is held for this verse.