Suśruta-saṃhitā 4.24

क्रीडायामपि मेधावी हितार्थी परिवर्जयेत् रजस्वलां प्राप्तवतो नरस्यानियतात्मनः

krīḍāyāmapi medhāvī hitārthī parivarjayet rajasvalāṃ prāptavato narasyāniyatātmanaḥ

Sanskrit only: no published translation is held for this verse.

दृष्ट्यायुस्तेजसां हानिरधर्मश्च ततो भवेत् लिङ्गिनीं गुरुपत्नीं च सगोत्रामथ पर्वसु

dṛṣṭyāyustejasāṃ hāniradharmaśca tato bhavet liṅginīṃ gurupatnīṃ ca sagotrāmatha parvasu

Sanskrit only: no published translation is held for this verse.

वृद्धां च सन्ध्ययोश्चापि गच्छतो जीवितक्षयः गर्मिण्या गर्भपीडा स्याद् व्याधितायां बलक्षयः

vṛddhāṃ ca sandhyayoścāpi gacchato jīvitakṣayaḥ garmiṇyā garbhapīḍā syād vyādhitāyāṃ balakṣayaḥ

Sanskrit only: no published translation is held for this verse.

हीनाङ्गीं मलिनां द्वेष्यां कामं वन्ध्यामसंवृते देशेऽशुद्धे च शुक्रस्य मनसश्च क्षयो भवेत्

hīnāṅgīṃ malināṃ dveṣyāṃ kāmaṃ vandhyāmasaṃvṛte deśe'śuddhe ca śukrasya manasaśca kṣayo bhavet

Sanskrit only: no published translation is held for this verse.

क्षुधितः क्षुब्धचित्तश्च मध्याह्ने तृषितोऽबलः स्थितश्च हानिं शुक्रस्य वायोः कोपं च विन्दति

kṣudhitaḥ kṣubdhacittaśca madhyāhne tṛṣito'balaḥ sthitaśca hāniṃ śukrasya vāyoḥ kopaṃ ca vindati

Sanskrit only: no published translation is held for this verse.

अतिप्रसङ्गाद्भवति शोषः शुक्रक्षयावहः व्याधितस्य रुजा प्लीह्नि मृत्युर्मूर्च्छा च जायते

atiprasaṅgādbhavati śoṣaḥ śukrakṣayāvahaḥ vyādhitasya rujā plīhni mṛtyurmūrcchā ca jāyate

Sanskrit only: no published translation is held for this verse.

प्रत्यूषस्यर्धरात्रे च वातपित्ते प्रकुप्यतः तिर्यग्योनावयोनौ च दुष्टयोनौ तथैव च

pratyūṣasyardharātre ca vātapitte prakupyataḥ tiryagyonāvayonau ca duṣṭayonau tathaiva ca

Sanskrit only: no published translation is held for this verse.

उपदंशस्तथा वायोः कोपः शुक्रस्य च क्षयः उच्चारिते मूत्रिते च रेतसश्च विधारणे

upadaṃśastathā vāyoḥ kopaḥ śukrasya ca kṣayaḥ uccārite mūtrite ca retasaśca vidhāraṇe

Sanskrit only: no published translation is held for this verse.

उत्ताने च भवेच्छीध्रं शुक्राश्मर्यास्तु संभवः सर्वं परिहरेत्तस्मादेतल्लोकद्वयेऽहितम्

uttāne ca bhavecchīdhraṃ śukrāśmaryāstu saṃbhavaḥ sarvaṃ pariharettasmādetallokadvaye'hitam

Sanskrit only: no published translation is held for this verse.

शुक्रं चोपस्थितं मोहान्न सन्धार्यं कथंचन वयोरूपगुणोपेतां तुल्यशीलां कुलान्विताम्

śukraṃ copasthitaṃ mohānna sandhāryaṃ kathaṃcana vayorūpaguṇopetāṃ tulyaśīlāṃ kulānvitām

Sanskrit only: no published translation is held for this verse.

अभिकामोऽभिकामां तु हृष्टो हृष्टामलङ्कृताम् सेवेत प्रमदां युक्त्या वाजीकरणबृंहितः

abhikāmo'bhikāmāṃ tu hṛṣṭo hṛṣṭāmalaṅkṛtām seveta pramadāṃ yuktyā vājīkaraṇabṛṃhitaḥ

Sanskrit only: no published translation is held for this verse.

भक्ष्याः सशर्कराः क्षीरं ससितं रस एव च स्नानं सव्यजनं स्वप्नो व्यवायान्ते हितानि तु

bhakṣyāḥ saśarkarāḥ kṣīraṃ sasitaṃ rasa eva ca snānaṃ savyajanaṃ svapno vyavāyānte hitāni tu

Sanskrit only: no published translation is held for this verse.

मुखमात्रं समासेन सद्वृत्तस्यैतदीरितम् आरोग्यमायुरर्थो वा नासद्भिः प्राप्यते नृभिः

mukhamātraṃ samāsena sadvṛttasyaitadīritam ārogyamāyurartho vā nāsadbhiḥ prāpyate nṛbhiḥ

Sanskrit only: no published translation is held for this verse.