Suśruta-saṃhitā 6.14

अथातो भेद्यरोगप्रतिषेधं व्याख्यास्यामः

athāto bhedyarogapratiṣedhaṃ vyākhyāsyāmaḥ

Sanskrit only: no published translation is held for this verse.

यथोवाच भगवान् धन्वन्तरिः

yathovāca bhagavān dhanvantariḥ

Sanskrit only: no published translation is held for this verse.

स्वेदयित्वा बिसग्रन्थिं छिद्रा ण्यस्य निराशयम् पक्वं भित्त्वा तु शस्त्रेण सैन्धवेनावचूर्णयेत्

svedayitvā bisagranthiṃ chidrā ṇyasya nirāśayam pakvaṃ bhittvā tu śastreṇa saindhavenāvacūrṇayet

Sanskrit only: no published translation is held for this verse.

कासीसमागधीपुष्पनेपाल्येलायुतेन तु ततः क्षौद्र घृतं दत्त्वा सम्यग्बन्धमथाचरेत्

kāsīsamāgadhīpuṣpanepālyelāyutena tu tataḥ kṣaudra ghṛtaṃ dattvā samyagbandhamathācaret

Sanskrit only: no published translation is held for this verse.

रोचनाक्षारतुत्थानि पिप्पल्यः क्षौद्र मेव च प्रतिसारणमेकैकं भिन्ने लगण इष्यते

rocanākṣāratutthāni pippalyaḥ kṣaudra meva ca pratisāraṇamekaikaṃ bhinne lagaṇa iṣyate

Sanskrit only: no published translation is held for this verse.

महत्यपि च युञ्जीत क्षाराग्नी विधिकोविदः स्विन्नांभिन्नां विनिष्पीड्य भिषगञ्जननामिकाम्

mahatyapi ca yuñjīta kṣārāgnī vidhikovidaḥ svinnāṃbhinnāṃ viniṣpīḍya bhiṣagañjananāmikām

Sanskrit only: no published translation is held for this verse.

शिलैलानतसिन्धूत्थैः सक्षौद्रै ः! प्रतिसारयेत् रसाञ्जनमधुभ्यां तु भित्त्वा वा शस्त्रकर्मवित्

śilailānatasindhūtthaiḥ sakṣaudrai ḥ! pratisārayet rasāñjanamadhubhyāṃ tu bhittvā vā śastrakarmavit

Sanskrit only: no published translation is held for this verse.

प्रतिसार्य्याञ्जनैर्युञ्ज्यादुष्णैर्दीपशिखोद्भवैः सम्यक् स्विन्ने कृमिग्रन्थौ भिन्ने स्यात् प्रतिसारणम्

pratisāryyāñjanairyuñjyāduṣṇairdīpaśikhodbhavaiḥ samyak svinne kṛmigranthau bhinne syāt pratisāraṇam

Sanskrit only: no published translation is held for this verse.

त्रिफलातुत्थकासीससैन्धवैश्च रसक्रिया भित्त्वोपनाहं कफजं पिप्पलीमधुसैन्धवैः

triphalātutthakāsīsasaindhavaiśca rasakriyā bhittvopanāhaṃ kaphajaṃ pippalīmadhusaindhavaiḥ

Sanskrit only: no published translation is held for this verse.

लेखयेन्मण्डलाग्रेण समन्तात् प्रच्छयेदपि संस्नेह्य पत्रभङ्गैश्च स्वेदयित्वा यथासुखम्

lekhayenmaṇḍalāgreṇa samantāt pracchayedapi saṃsnehya patrabhaṅgaiśca svedayitvā yathāsukham

Sanskrit only: no published translation is held for this verse.

आपाकाद्विधिनोक्तेन पञ्चभेद्यानुपाचरेत् सर्वेष्वेतेषु विहितं विधानं स्नेहपूर्वकम् संपक्वे प्रयतो भूत्वा कुर्वीत व्रणरोपणम्

āpākādvidhinoktena pañcabhedyānupācaret sarveṣveteṣu vihitaṃ vidhānaṃ snehapūrvakam saṃpakve prayato bhūtvā kurvīta vraṇaropaṇam

Sanskrit only: no published translation is held for this verse.

इति सुश्रुतसंहितायामुत्तरतन्त्रान्तर्गते शालाक्यतन्त्रे भेद्यरोगप्रतिषेधो नाम चतुर्दशोऽध्यायः

iti suśrutasaṃhitāyāmuttaratantrāntargate śālākyatantre bhedyarogapratiṣedho nāma caturdaśo'dhyāyaḥ

Sanskrit only: no published translation is held for this verse.