Suśruta-saṃhitā 6.31

अथातो रेवतीप्रतिषेधं व्याख्यास्यामः

athāto revatīpratiṣedhaṃ vyākhyāsyāmaḥ

Sanskrit only: no published translation is held for this verse.

यथोवाच भगवान् धन्वन्तरिः

yathovāca bhagavān dhanvantariḥ

Sanskrit only: no published translation is held for this verse.

अश्वगन्धा च शृङ्गी च सारिवा सपुनर्नवा सहे तथा विदारी च कषायाः सेचने हिताः

aśvagandhā ca śṛṅgī ca sārivā sapunarnavā sahe tathā vidārī ca kaṣāyāḥ secane hitāḥ

Sanskrit only: no published translation is held for this verse.

तैलमभ्यञ्जने कार्यं कुष्ठे सर्जरसेऽपि च पलङ्कषायां नलदे तथा गिरिकदम्बके

tailamabhyañjane kāryaṃ kuṣṭhe sarjarase'pi ca palaṅkaṣāyāṃ nalade tathā girikadambake

Sanskrit only: no published translation is held for this verse.

धवाश्वकर्णककुभधातकीतिन्दुकीषु च काकोल्यादिगणे चैव पानीयं सर्पिरिष्यते

dhavāśvakarṇakakubhadhātakītindukīṣu ca kākolyādigaṇe caiva pānīyaṃ sarpiriṣyate

Sanskrit only: no published translation is held for this verse.

कुलत्थाः शङ्खचूर्णं च प्रदेहः सार्वगन्धिकः गृध्रोलूकपुरीषाणि यवा यवफलो घृतम्

kulatthāḥ śaṅkhacūrṇaṃ ca pradehaḥ sārvagandhikaḥ gṛdhrolūkapurīṣāṇi yavā yavaphalo ghṛtam

Sanskrit only: no published translation is held for this verse.

सन्ध्ययोरुभयोः कार्यमेतदुद्धूपनं शिशोः वरुणारिष्टकमयं रुचकं सैन्दुकं तथा

sandhyayorubhayoḥ kāryametaduddhūpanaṃ śiśoḥ varuṇāriṣṭakamayaṃ rucakaṃ saindukaṃ tathā

Sanskrit only: no published translation is held for this verse.

सततं धारयेच्चापि कृतं वा पौत्रजीविकम् शुक्लाः सुमनसो लाजाः पयः शाल्योदनं तथा

satataṃ dhārayeccāpi kṛtaṃ vā pautrajīvikam śuklāḥ sumanaso lājāḥ payaḥ śālyodanaṃ tathā

Sanskrit only: no published translation is held for this verse.

बलिर्निवेद्यो गोतीर्थे रेवत्यै प्रयतात्मना सङ्गमे च भिषक् स्नानं कुर्याद्धात्रीकुमारयोः

balirnivedyo gotīrthe revatyai prayatātmanā saṅgame ca bhiṣak snānaṃ kuryāddhātrīkumārayoḥ

Sanskrit only: no published translation is held for this verse.

नानावस्त्रधरा देवी चित्रमाल्यानुलेपना चलत्कुण्डलिनी श्यामा रेवती ते प्रसीदतु

nānāvastradharā devī citramālyānulepanā calatkuṇḍalinī śyāmā revatī te prasīdatu

Sanskrit only: no published translation is held for this verse.

उपासते यां सततं देव्यो विविधभूषणाः लम्बा कराला विनता तथैव बहुपुत्रिका रेवती शुष्कनामा या सा ते देवी प्रसीदतु

upāsate yāṃ satataṃ devyo vividhabhūṣaṇāḥ lambā karālā vinatā tathaiva bahuputrikā revatī śuṣkanāmā yā sā te devī prasīdatu

Sanskrit only: no published translation is held for this verse.

इति सुश्रुतसंहितायामुत्तरतन्त्रान्तर्गते कुमारतन्त्रे रेवतीप्रतिषेधो नाम पिञ्चमोऽध्यायः आदितःइ! एकत्रिंशोऽध्यायः

iti suśrutasaṃhitāyāmuttaratantrāntargate kumāratantre revatīpratiṣedho nāma piñcamo'dhyāyaḥ āditaḥi! ekatriṃśo'dhyāyaḥ

Sanskrit only: no published translation is held for this verse.