Suśruta-saṃhitā 6.32

अथातः पूतनाप्रतिषेधं व्याख्यास्यामः

athātaḥ pūtanāpratiṣedhaṃ vyākhyāsyāmaḥ

Sanskrit only: no published translation is held for this verse.

यथोवाच भगवान् धन्वन्तरिः

yathovāca bhagavān dhanvantariḥ

Sanskrit only: no published translation is held for this verse.

कपोतवङ्काऽरलुको वरुणः पारिभद्र कः आस्फोता चैव योज्याः स्युर्बालानां परिषेचने

kapotavaṅkā'raluko varuṇaḥ pāribhadra kaḥ āsphotā caiva yojyāḥ syurbālānāṃ pariṣecane

Sanskrit only: no published translation is held for this verse.

वचा वयःस्था गोलोमी हरितालं मनःशिला कुष्ठं सर्जरसश्चैव तैलार्थे वर्ग इष्यते

vacā vayaḥsthā golomī haritālaṃ manaḥśilā kuṣṭhaṃ sarjarasaścaiva tailārthe varga iṣyate

Sanskrit only: no published translation is held for this verse.

हितं घृतं तुगाक्षीर्यां सिद्धं मधुरकेषु च कुष्ठतालीशखदिरचन्दनस्यन्दने तथा

hitaṃ ghṛtaṃ tugākṣīryāṃ siddhaṃ madhurakeṣu ca kuṣṭhatālīśakhadiracandanasyandane tathā

Sanskrit only: no published translation is held for this verse.

देवदारुवचाहिङ्गुकुष्ठं गिरिकदम्बकः एला हरेणवश्चापि योज्या उद्धूपने सदा

devadāruvacāhiṅgukuṣṭhaṃ girikadambakaḥ elā hareṇavaścāpi yojyā uddhūpane sadā

Sanskrit only: no published translation is held for this verse.

गन्धनाकुलिकुम्भीके मज्जानो बदरस्य च कर्कटास्थि घृतं चापि धूपनं सर्षपैः सह

gandhanākulikumbhīke majjāno badarasya ca karkaṭāsthi ghṛtaṃ cāpi dhūpanaṃ sarṣapaiḥ saha

Sanskrit only: no published translation is held for this verse.

काकादनीं चित्रफलां बिम्बीं गुञ्जां च धारयेत् मत्स्यौदनं च कुर्वीत कृशरां पललं यथा शरावसंपुटे कृत्वा बलि शून्यगृहे हरेत्

kākādanīṃ citraphalāṃ bimbīṃ guñjāṃ ca dhārayet matsyaudanaṃ ca kurvīta kṛśarāṃ palalaṃ yathā śarāvasaṃpuṭe kṛtvā bali śūnyagṛhe haret

Sanskrit only: no published translation is held for this verse.

उच्छिष्टेनाभिषेकेण शिशोः स्नपनमिष्यते पूज्या च पूतना देवी बलिभिः सोपहारकैः

ucchiṣṭenābhiṣekeṇa śiśoḥ snapanamiṣyate pūjyā ca pūtanā devī balibhiḥ sopahārakaiḥ

Sanskrit only: no published translation is held for this verse.

मलिनाम्बरसंवीता मलिना रूक्षमूर्धजा शून्यागाराश्रिता देवी दारकं पातु पूतना

malināmbarasaṃvītā malinā rūkṣamūrdhajā śūnyāgārāśritā devī dārakaṃ pātu pūtanā

Sanskrit only: no published translation is held for this verse.

दुर्दर्शना सुदुर्गन्धा कराला मेघकालिका भिन्नगाराश्रया देवी दारकं पातु पूतना

durdarśanā sudurgandhā karālā meghakālikā bhinnagārāśrayā devī dārakaṃ pātu pūtanā

Sanskrit only: no published translation is held for this verse.

इति सुश्रुतसंहितायामुत्तरतन्त्रान्तर्गते कुमारतन्त्रे षिष्ठोऽध्यायः आदितः द्वात्रिंशोऽध्यायः

iti suśrutasaṃhitāyāmuttaratantrāntargate kumāratantre ṣiṣṭho'dhyāyaḥ āditaḥ dvātriṃśo'dhyāyaḥ

Sanskrit only: no published translation is held for this verse.