अथातोऽन्धपूतनाप्रतिषेधं व्याख्यास्यामः
athāto'ndhapūtanāpratiṣedhaṃ vyākhyāsyāmaḥ
Sanskrit only: no published translation is held for this verse.
Library·Suśruta-saṃhitā·6·6.33
Suśruta-saṃhitā 6.33
यथोवाच भगवान् धन्वन्तरिः
yathovāca bhagavān dhanvantariḥ
Sanskrit only: no published translation is held for this verse.
तिक्तकद्रुमपत्राणां कार्यः क्वाथोऽवसेचने सुरा सौवीरकं कुष्ठं हरितालं मनःशिलाः
tiktakadrumapatrāṇāṃ kāryaḥ kvātho'vasecane surā sauvīrakaṃ kuṣṭhaṃ haritālaṃ manaḥśilāḥ
Sanskrit only: no published translation is held for this verse.
तथा सर्जरसश्चैव तैलार्थमुपदिश्यते पिप्पल्यः पिप्पलीमूलं वर्गो मधुरको मधु
tathā sarjarasaścaiva tailārthamupadiśyate pippalyaḥ pippalīmūlaṃ vargo madhurako madhu
Sanskrit only: no published translation is held for this verse.
शालपर्णी बृहत्यौ च घृतार्थमुपदिश्यते सर्वगन्धैः प्रदेहश्च गात्रेष्वक्ष्णोश्च शीतलैः
śālaparṇī bṛhatyau ca ghṛtārthamupadiśyate sarvagandhaiḥ pradehaśca gātreṣvakṣṇośca śītalaiḥ
Sanskrit only: no published translation is held for this verse.
पुरीषं कौक्कुटं केशांश्चर्म सर्पत्वचं तथा जीर्णां च भिक्षुसंघाटीं धूमनायोपकल्पयेत्
purīṣaṃ kaukkuṭaṃ keśāṃścarma sarpatvacaṃ tathā jīrṇāṃ ca bhikṣusaṃghāṭīṃ dhūmanāyopakalpayet
Sanskrit only: no published translation is held for this verse.
कुक्कुटीं मर्कटीं शिम्बीमनन्तां चापि धारयेत् मांसमामं तथा पक्वं शोणितं च चतुष्पथे
kukkuṭīṃ markaṭīṃ śimbīmanantāṃ cāpi dhārayet māṃsamāmaṃ tathā pakvaṃ śoṇitaṃ ca catuṣpathe
Sanskrit only: no published translation is held for this verse.
निवेद्यमन्तश्च गृहे शिशो रक्षानिमित्ततः शिशोश्च स्नपनं कुर्यात् सर्वगन्धोदकैः शुभैः
nivedyamantaśca gṛhe śiśo rakṣānimittataḥ śiśośca snapanaṃ kuryāt sarvagandhodakaiḥ śubhaiḥ
Sanskrit only: no published translation is held for this verse.
कराला पिङ्गला मुण्डा कषायाम्बरवासिनी देवी बालमिमं प्रीता संरक्षत्वन्धपूतना
karālā piṅgalā muṇḍā kaṣāyāmbaravāsinī devī bālamimaṃ prītā saṃrakṣatvandhapūtanā
Sanskrit only: no published translation is held for this verse.
इति सुश्रुतसंहितायामुत्तरतन्त्रान्तर्गते कुमारतन्त्रेऽन्धपूतनाप्रतिषेधो नाम सप्तमोऽध्यायः आदितः त्रयस्त्रिंशोऽध्यायः
iti suśrutasaṃhitāyāmuttaratantrāntargate kumāratantre'ndhapūtanāpratiṣedho nāma saptamo'dhyāyaḥ āditaḥ trayastriṃśo'dhyāyaḥ
Sanskrit only: no published translation is held for this verse.