Suśruta-saṃhitā 6.36

अथातो नैगमेषप्रतिषेधं व्याख्यास्यामः

athāto naigameṣapratiṣedhaṃ vyākhyāsyāmaḥ

Sanskrit only: no published translation is held for this verse.

यथोवाच भगवान् धन्वन्तरिः

yathovāca bhagavān dhanvantariḥ

Sanskrit only: no published translation is held for this verse.

बिल्वाग्निमन्थपूतीकाः कार्याः स्युः परिषेचने सुरा सबीजं धान्याम्लं परिषेके च शस्यते

bilvāgnimanthapūtīkāḥ kāryāḥ syuḥ pariṣecane surā sabījaṃ dhānyāmlaṃ pariṣeke ca śasyate

Sanskrit only: no published translation is held for this verse.

प्रियङ्गुसरलानन्ताशतपुष्पाकुटन्नटैः पचेत्तैलं सगोमूत्रैर्दधिमस्त्वम्लकाञ्जिकैः

priyaṅgusaralānantāśatapuṣpākuṭannaṭaiḥ pacettailaṃ sagomūtrairdadhimastvamlakāñjikaiḥ

Sanskrit only: no published translation is held for this verse.

पञ्चमूलद्वयक्वाथे क्षीरे मधुरकेषु च पचेद्घृतं च मेधावी खर्जूरीमस्तकेऽपि वा

pañcamūladvayakvāthe kṣīre madhurakeṣu ca pacedghṛtaṃ ca medhāvī kharjūrīmastake'pi vā

Sanskrit only: no published translation is held for this verse.

वचां वयःस्थां गोलोमीं जटिलां चापि धारयेत् उत्सादनं हितं चात्र स्कन्दापस्मारनाशनम्

vacāṃ vayaḥsthāṃ golomīṃ jaṭilāṃ cāpi dhārayet utsādanaṃ hitaṃ cātra skandāpasmāranāśanam

Sanskrit only: no published translation is held for this verse.

सिद्धार्थकवचाहिङ्गुकुष्ठं चैवाक्षतैः सह भल्लातकाजमोदाश्च हितमुद्धूपनं शिशोः

siddhārthakavacāhiṅgukuṣṭhaṃ caivākṣataiḥ saha bhallātakājamodāśca hitamuddhūpanaṃ śiśoḥ

Sanskrit only: no published translation is held for this verse.

मर्कटोलूकगृध्राणां पुरीषाणि नवग्रहे धूपः सुप्ते जने कार्यो बालस्य हितमिच्छता

markaṭolūkagṛdhrāṇāṃ purīṣāṇi navagrahe dhūpaḥ supte jane kāryo bālasya hitamicchatā

Sanskrit only: no published translation is held for this verse.

तिलतण्डुलकं माल्यं भक्ष्यांश्च विविधानपि कुमारपितृमेषाय वृक्षमूले निवेदयेत्

tilataṇḍulakaṃ mālyaṃ bhakṣyāṃśca vividhānapi kumārapitṛmeṣāya vṛkṣamūle nivedayet

Sanskrit only: no published translation is held for this verse.

अधस्ताद्वटवृक्षस्य स्नपनं चोपदिश्यते बलि न्यग्रोधवृक्षेषु तिथौ षष्ठ्यां निवेदयेत्

adhastādvaṭavṛkṣasya snapanaṃ copadiśyate bali nyagrodhavṛkṣeṣu tithau ṣaṣṭhyāṃ nivedayet

Sanskrit only: no published translation is held for this verse.

अजाननश्चलाक्षिभ्रूः कामरूपी महायशाः बालं बालपिता देवो नैगमेषोऽभिरक्षतु

ajānanaścalākṣibhrūḥ kāmarūpī mahāyaśāḥ bālaṃ bālapitā devo naigameṣo'bhirakṣatu

Sanskrit only: no published translation is held for this verse.

इति सुश्रुतसंहितायामुत्तरतन्त्रान्तर्गते कुमारतन्त्रे नैगमेषप्रतिषेधो नाम दशमोऽध्यायः आदितः षट्त्रिंशोऽध्यायः

iti suśrutasaṃhitāyāmuttaratantrāntargate kumāratantre naigameṣapratiṣedho nāma daśamo'dhyāyaḥ āditaḥ ṣaṭtriṃśo'dhyāyaḥ

Sanskrit only: no published translation is held for this verse.