Suśruta-saṃhitā 6.5

अथातः कृष्णगतरोगविज्ञानीयमध्यायं व्याख्यास्यामः

athātaḥ kṛṣṇagatarogavijñānīyamadhyāyaṃ vyākhyāsyāmaḥ

Sanskrit only: no published translation is held for this verse.

यथोवाच भगवान् धन्वन्तरिः

yathovāca bhagavān dhanvantariḥ

Sanskrit only: no published translation is held for this verse.

यत् सव्रणं शुक्रक्लिमिथाव्रणं वा पाकात्ययश्चाप्यजका तथैव चत्वार एतेऽभिहिता विकाराः कृष्णाश्रयाः संग्रहतः पुरस्तात्

yat savraṇaṃ śukraklimithāvraṇaṃ vā pākātyayaścāpyajakā tathaiva catvāra ete'bhihitā vikārāḥ kṛṣṇāśrayāḥ saṃgrahataḥ purastāt

Sanskrit only: no published translation is held for this verse.

निमग्नरूपं हि भवेत्तु कृष्णे सूच्येव विद्धं प्रतिभाति यद्वै स्रावं स्रवेदुष्णमतीव रुक् च तत् सव्रणं शुक्रक्लिमिउ!दाहरन्ति

nimagnarūpaṃ hi bhavettu kṛṣṇe sūcyeva viddhaṃ pratibhāti yadvai srāvaṃ sraveduṣṇamatīva ruk ca tat savraṇaṃ śukraklimiu!dāharanti

Sanskrit only: no published translation is held for this verse.

दृष्टेः समीपे न भवेत्तु यच्च न चावगाढं न च संस्रवेद्धि अवेदनावन्न च युग्मशुक्रं तत्सिद्धिमाप्नोति कदाचिदेव

dṛṣṭeḥ samīpe na bhavettu yacca na cāvagāḍhaṃ na ca saṃsraveddhi avedanāvanna ca yugmaśukraṃ tatsiddhimāpnoti kadācideva

Sanskrit only: no published translation is held for this verse.

विच्छिन्नमध्यं पिशितावृतं वा चलं सिरासक्तमदृष्टिकृच्च द्वित्वग्गतं लोहितमन्ततश्च चिरोत्थितं चापि विवर्जनीयम्

vicchinnamadhyaṃ piśitāvṛtaṃ vā calaṃ sirāsaktamadṛṣṭikṛcca dvitvaggataṃ lohitamantataśca cirotthitaṃ cāpi vivarjanīyam

Sanskrit only: no published translation is held for this verse.

उष्णाश्रुपातः पिडका च कृष्णे यस्मिन् भवेन्मुद्गनिभं च शुक्रम् तदप्यसाध्यं प्रवदन्ति केचिदन्यच्च यत्तित्तिरिपक्षतुल्यम्

uṣṇāśrupātaḥ piḍakā ca kṛṣṇe yasmin bhavenmudganibhaṃ ca śukram tadapyasādhyaṃ pravadanti kecidanyacca yattittiripakṣatulyam

Sanskrit only: no published translation is held for this verse.

सितं यदा भात्यसितप्रदेशे स्यन्दात्मकं नातिरुगश्रुयुक्तम् विहायसीवाच्छघनानुकारि तदव्रणं साध्यतमं वदन्ति

sitaṃ yadā bhātyasitapradeśe syandātmakaṃ nātirugaśruyuktam vihāyasīvācchaghanānukāri tadavraṇaṃ sādhyatamaṃ vadanti

Sanskrit only: no published translation is held for this verse.

गम्भीरजातं बहलं च शुक्रं चिरोत्थितं चापि वदन्ति कृच्छ्रम् संच्छाद्यते श्वेतनिभेन सर्वं दोषेण यस्यासितमण्डलं तु

gambhīrajātaṃ bahalaṃ ca śukraṃ cirotthitaṃ cāpi vadanti kṛcchram saṃcchādyate śvetanibhena sarvaṃ doṣeṇa yasyāsitamaṇḍalaṃ tu

Sanskrit only: no published translation is held for this verse.

तमक्षिपाकात्ययमक्षिकोपसमुत्थितं तीव्ररुजं वदन्ति अजापुरीषप्रतिमो रुजावान् सलोहितो लोहितपिच्छिलाश्रुः विदार्य कृष्णं प्रचयोऽभ्युपैति तं चाजकाजातमिति व्यवस्येत्

tamakṣipākātyayamakṣikopasamutthitaṃ tīvrarujaṃ vadanti ajāpurīṣapratimo rujāvān salohito lohitapicchilāśruḥ vidārya kṛṣṇaṃ pracayo'bhyupaiti taṃ cājakājātamiti vyavasyet

Sanskrit only: no published translation is held for this verse.